大仔大女媽媽會 今日: 0 | 主題: 177860

積分: 1378

1^#

發表於 06-11-5 17:40 |只看該作者

忽然唔肯用奶樽飲奶, 急!

小B(14個月大)尋日開始忽然唔肯用奶樽飲奶, 每次只飲1安奶,試過用學習杯和飲管, 但佢只係好奇飲了兩啖又唔肯飲, 最後要用spoon 逐啖餵, 但仍然飲少了很多, 想請教各位有同年齡BB的媽媽, 點算好? :-(

私人傳訊

積分: 848

2^#

發表於 06-11-6 10:43 |只看該作者

Re: 忽然唔肯用奶樽飲奶, 急!

首先你不要擔心, bb的口味常常都好飄忽既!
好似我個仔由細到大都好憎飲奶。到6個月開始我地就開始比佢食粥仔, 佢好鍾意食, 每餐可以食1碗半~2碗添，不過飲奶仍然唔多。但到上個月開始, 佢一見到粥/飯仔就驚, 一啖到唔肯食, 但我地沒有迫佢, 等佢慢慢鍾意番。到依家佢又食番粥了!但奇怪係佢忽然又鍾意飲奶，佢會自己飲, 而且每餐都全支飲完。我地都覺得好奇怪。

我既經驗來講, bb唔飲唔需要擔心, 亦都唔需要迫佢, 唔需要他想辦法, 佢肚餓就自然就會飲 / 食, 好似眼訓就訓覺, 好自然。最緊要唔好嚇怕佢。尤其是我地既bb到依家都唔係飲奶為主餐, 你更加唔需要擔心啦!

私人傳訊

xiaoyuma

積分: 1378

3^#

發表於 06-11-6 21:00 |只看該作者

Re: 忽然唔肯用奶樽飲奶, 急!

thanks gogOBABY. now i will try to give him more solid food like bread, cheese, etc. hopefully they can make up the nutritions that he misses after quitting milk :cry:

私人傳訊

積分: 4797

4^#

發表於 06-11-7 11:04 |只看該作者

Re: 忽然唔肯用奶樽飲奶, 急!

gogOBABY,
我想問你話你囝囝有排一啖粥都唔食, 咁你點呀? 用奶代粥? 我囡囡依家正正有你講e個問題, 佢成日含住啖粥唔肯吞, 食成半個鐘先食得半碗仔咋. 我依家好頭痛, 都唔知應該停佢一排食粥仔, 暫時以奶代粥先, 定係照比佢食粥, 食到佢真係唔肯食就補奶比佢. 我依家係用後面個方法. 開頭我以為佢食粥食到悶, 咁上星期六我就煲通粉比佢食, 點知結果都係一樣. :cry:

私人傳訊

積分: 848

5^#

發表於 06-11-7 14:40 |只看該作者

Re: 忽然唔肯用奶樽飲奶, 急!

我當時都好煩, 佢乜都無興趣食, 比玩具佢玩，開vcd佢睇都無用, 我好嬲, 試過打佢手仔, 把枱上所有食乜都推落地下!!!

我無以奶代粥, 始終bb都咁大個, 佢都需要食固體食物既!

其實小朋友開始長大, 佢會開始無耐性, 佢會識分好味同唔好味, 所以呢個時候就要開始教佢, 如果唔係佢習慣左就會變成"追飯餵"!!!!

你試下開始轉口味比佢, 唔好單一吃粥, 今日煮子母通粉，明天煮下豬骨(用少少salt)+干搖柱煲飯仔(我個仔無為口時佢多數肯食)。如果種種辦法都試過, 你就要"狠心"餓佢!!

當佢唔食你就立即抱佢離枱, 想食就要乖乖坐係到, 一日唔得第二日.....試多幾日, 佢慢慢就知道唔食就無得食, 佢就會好乖乖坐係到食架啦

唔好因為擔心不吃正餐, 又比零食佢食!始此日復一日, 吃正餐就會變成大問題。

其實以上既方法我係睇書學番黎架!本書名係《愛的雕琢》如何作成功的父母。呢本書教懂我很多育兒既方法!!好值得推薦!

私人傳訊

積分: 848

6^#

發表於 06-11-7 14:46 |只看該作者

Re: 忽然唔肯用奶樽飲奶, 急!

xiaoyuma 寫道:
thanks gogOBABY. now i will try to give him more solid food like bread, cheese, etc. hopefully they can make up the nutritions that he misses after quitting milk :cry:

唔好比太多包包佢食呀!bb唔係太消化到咁多架!

私人傳訊

積分: 4797

7^#

發表於 06-11-7 15:44 |只看該作者

Re: 忽然唔肯用奶樽飲奶, 急!

gogOBABY,
好多謝你既意見, 要餓佢, 我唔係好肯心呀. 因為我囡囡依家已經好廋好細粒, 14個月人仔, 依家都唔知有無18/19磅呀. 因為我覺得佢本身就唔係d鍾意食野既人, 佢從來都唔會追食, 我比咩新野佢食, 佢大多未試真就即吐出黎. 真係好頭痛. 所以我驚唔比佢食佢真係會唔食呀. 好矛盾呀.

私人傳訊

積分: 848

8^#

發表於 06-11-7 16:23 |只看該作者

Re: 忽然唔肯用奶樽飲奶, 急!

米奇,

我個仔都唔算係肥仔, 最緊要係健康麻!

囝囝無胃口既時候, 係公園有個婆婆教我煲豬骨 + 干搖柱稀飯, 佢又真係好鍾意食喎, 你試下煲

你去街市買一條豬"筒"骨(要有些肉既), 唔好洗用少少salt醃過夜, 干搖柱都要用水發過夜。首先小心洗豬骨(因為有好多骨仔), 跟住落水加干搖柱去煲1-2個鍾, 之後加米。
煲起d肉好"林"好好味架!你試下啦!睇下佢鍾唔鍾意食?~

呀仲有呀!我最近比囝囝食日本果隻魚肝油丸, 佢又好似開胃左喎!你都可以試下!

私人傳訊

積分: 4797

9^#

發表於 06-11-7 16:43 |只看該作者

Re: 忽然唔肯用奶樽飲奶, 急!

gogOBABY,
直頭同豬肉檔講買豬"筒"骨呀? 買幾多錢呀? 干搖柱用幾多粒呀? 加米之後又要煮幾耐呀? 整完出黎係唔係好似湯飯咁呀?

仲有呀, 我想問咁嗰餐仲使唔使另外"十"d菜比bb食呀?

日本果隻魚肝油丸?? 即係咩牌子? 一粒粒架? 佢地點食呀?

唔好意思一次問你咁多問題添.

私人傳訊

積分: 4797

10^#

發表於 06-11-7 16:46 |只看該作者

Re: 忽然唔肯用奶樽飲奶, 急!

gogOBABY,
仲有, 如果真係比bb食肝油丸, 應該咩時候比佢食??

私人傳訊

積分: 848

11^#

發表於 06-11-7 18:42 |只看該作者

Re: 忽然唔肯用奶樽飲奶, 急!

係呀, 你同豬肉檔講話要豬"筒"骨, 記得要有少少肉架!大約15-20蚊, 你叫佢分開2件, 不要太多, 以免太多碎骨。2件你就可以分開兩日煲。
煲出來d飯係"杰"粥, 好似"爛"飯唔係湯飯(記得煲既時候豬骨同干搖柱一齊落)

干搖柱其實隨意, 我就落2-3粒。我會加切碎既波菜或者節瓜

日本肝油丸kawai, 好似糖咁, 佢地一定鍾意食。最好係飯後食

私人傳訊

積分: 4797

12^#

發表於 06-11-8 10:49 |只看該作者

Re: 忽然唔肯用奶樽飲奶, 急!

你意思係豬骨+干搖柱+飯3樣野同一時間落?

擒晚返屋企我同我媽媽講, 佢問我干搖柱會唔會好難消化喎? 我都想知煲左個幾兩個鐘, d干搖柱唔會好"un"既咩? 定係跟本唔食, 只要味咋?

我知你講邊隻喇. 我早排都比我囡囡試過, 但佢到依家都仲係對一粒粒既野有恐懼感, 唔肯食. :cry:

私人傳訊

積分: 848

13^#

發表於 06-11-8 12:00 |只看該作者

Re: 忽然唔肯用奶樽飲奶, 急!

干搖柱我會首先用水浸過夜待發透先用, 煲出來干搖柱會溶哂落d粥到!唔見左, 咁又點會唔消化喎~我個仔食左好多餐都無問題喎!佢每日都有1-2次ng ng, 腸胃應該幾好架

豬骨+干搖柱一齊用中火煲2個鍾, 之後先落米。

果隻好似糖仔都驚呀?

私人傳訊

積分: 4797

14^#

發表於 06-11-8 12:37 |只看該作者

Re: 忽然唔肯用奶樽飲奶, 急!

干搖柱浸過夜發透後煲, 原來係會溶哂架. 我真係唔知呀. 等我又試下先.

咁落米之後又要煲幾耐呀?

係呀.

自從佢7個幾月試過一個月內比一粒粒既生果"芹"親喉嚨令到佢嘔左幾次之後, 依家佢每逢見到一粒粒既野佢都好抗拒. 就算我比D好熟好淋既香蕉粒佢佢都唔食, 要我整蓉佢先食咋. 但佢無比香蕉攪到佢嘔架喎. 所以佢依家食野真係攪到我地好煩呀. :cry:

我問你咁多野你都咁好答我, 真係唔該哂你呀~~

私人傳訊

積分: 848

15^#

發表於 06-11-8 21:59 |只看該作者

Re: 忽然唔肯用奶樽飲奶, 急!

你想d米快d熟, 你就用小小熱水浸住d米先, 咁d米就好快開。你小心睇住火喎, 因為用明火煲"杰"飯好易煲燶。

你呢個case我同bb落公園玩既時候都聽過。佢地話買d饅頭仔比bb食(森永南瓜饅頭仔

, 入口即溶, 包唔會"芹"親 ), 等佢慢慢試下食番一粒粒既野

唔駛客氣, 大家互相幫助呢!

私人傳訊

Able

積分: 921

16^#

發表於 06-11-8 23:35 |只看該作者

Re: 忽然唔肯用奶樽飲奶, 急!

我個囡呢排食奶都少咗好多，以前飲7,8oz, 依家最多4,5oz就死都唔肯再飲。佢前排都係唔肯吃粥/爛飯，直頭一啖都唔張開口，又煮粉都唔吃。(可能出牙唔肯吃嘢)

但我老公就鍾意俾D大人飯餸佢吃下，佢又肯吃兩啖。
咁我呢兩餐就將D餸分開煮，用大人碗、大人筷子餵佢BB食物，佢又肯吃半碗仔爛飯。情況好咗。你試下得唔得。

可能佢哋好想學晒大人做的事。

[/url]

[/url] [url=http://www.baby-gaga.com/]

私人傳訊

積分: 4797

17^#

發表於 06-11-9 10:46 |只看該作者

Re: 忽然唔肯用奶樽飲奶, 急!

gogOBABY,
我囡囡有食e隻餅餅架, 係唯一一樣粒狀物佢唔驚咋. 我諗都無其他辨法, 唯有慢慢比佢試, 希望佢有d會唔驚啦.

私人傳訊

積分: 4797

18^#

發表於 06-11-9 10:48 |只看該作者

Re: 忽然唔肯用奶樽飲奶, 急!

Able,
咁即係分開食定一齊食呀?
我想問爛飯仔其實係唔係加多d水煮就得架喇?

私人傳訊

xiaoyuma