我叫C6照返工， 有咩事再打比佢。10點起身，feel到我一用力， 下面就有野流出來， 不過好少，望張衛生巾又好似睇唔到有野， 但就濕濕地。我打比C6, 叫佢返黎打算入院見醫生，我一邊食住中午飯等佢，一邊睇電視加砌砌圖，到咗12點幾， C6幫我執完物品過來，見到我玩緊砌圖，一齊同我阿媽笑我係咪“揸流灘”，我當時都唔敢肯定
不過算啦， C6一場返到黎，叫佢食埋飯先啦，跟住我阿媽就返工， 下午2點， C6陪我坐巴士去醫院。我地去到C+門診登記，本來諗住見咗醫生先算， 唔入院住， 我同姑娘講自己疑似穿水，不過份量好少，唔知係唔係陰道分泌，想見醫生先，不過門診姑娘就好大反應， 叫我即刻入院， 仲用輪椅推我上病房
mouth:我都feel到唔好意思， 明明行得走得。上到病房登記完， 有個護士長幫我做陰道檢查，佢成隻手塞晒入去， 真係好痛
檢查完， 佢見我衛生巾好似冇濕， 子宮頸又好厚， 就話應該唔似穿水，我就返病房休息，我果陣真係好後悔入咗院， 早知唔理d分泌就算，又唔想催生。下午5點， 醫生巡房， 用了支測羊水既棒放入我子宮頸，竟然完全轉晒色，佢好肯定同我講我真係穿咗羊水， 不過bb個頭又未落， 又冇痛， 應該聽日先生得， 聽完真係好開心。
發表於 
我宜家冇咁痛啦， 不過比姑娘檢查完， 下面有血絲
好驚呀
其待你的報喜^^
救命呀，仲恐怖過剪會陰
返回列表
