國家地區媽媽會 今日: 0 | 主題: 20263

積分: 2243

1^#

發表於 13-12-30 02:17 |只看該作者 |倒序瀏覽 |打印

而家我隻馬騮，19日人仔，
主要食奶粉，每餐食2-3安，大約3個鐘左右一餐，每餐之後，佢都係用條脷頂個奶樽出嚟，但係佢係仲想食嘅，只係唔要奶樽，要人奶，其實係唔係壞習慣呢？

0 0 0

私人傳訊

積分: 4575

2^#

發表於 13-12-30 03:24 |只看該作者

回覆：奶粉+人奶

唔明，即係你主要係人奶定奶粉？

私人傳訊

積分: 2243

3^#

發表於 13-12-30 04:40 |只看該作者

回覆：lottieclee 的帖子

主要食奶粉，每餐食2-3安，咁佢食完奶粉，就會頂出嚟，等你比人奶佢。。。。。。

私人傳訊

積分: 4575

4^#

發表於 13-12-30 06:21 |只看該作者

回覆：奶粉+人奶

唔係咁餵，係要餵完人奶至食奶粉。你咁樣第一唔會上奶，第二bb只當你係奶咀。

私人傳訊

mizcaren

積分: 1802

5^#

發表於 13-12-30 07:44 |只看該作者

最好唔好咁樣餵，情願一餐奶粉一餐人奶，餐餐咁溝唔係幾好

私人傳訊

積分: 2243

6^#

發表於 13-12-30 10:15 |只看該作者

回覆：lottieclee 的帖子

其實我覺得佢已經當咗我係奶咀

因為佢食完奶粉，等到我比人奶佢，佢食食下就會訓，唔比佢，一係喊，一係鬼打都無咁精神

特別係臨訓前果餐，如果食完奶粉唔比人奶，我果晚唔洗訓

私人傳訊

積分: 2243

7^#

發表於 13-12-30 10:18 |只看該作者

回覆：mizcaren 的帖子

我試過一餐奶粉，一餐人奶，
人奶果餐，食足個幾兩個鐘:pppp:
我真係暈暈地。。。

私人傳訊

rose-mag

王國長老

積分: 174187

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

8^#

發表於 13-12-30 16:59 |只看該作者

ellie79 發表於 13-12-29 18:18
我試過一餐奶粉，一餐人奶，
人奶果餐，食足個幾兩個鐘
我真係暈暈地。。。

係咁架，食人奶BB要用好多力，所以食食吓好自然攰就瞓，我女果陣全人奶係每隔兩個鐘多D就食，個仔果陣係一半一半，我係一定餵人奶先，食完再餵奶粉，每餐隔三個幾鐘，兩者比較係湊個仔果陣舒服D，但我仔係半人奶B，因為果陣唔識，根本上得一半奶，於是惡性循環，越來越少奶，最後係3/7比例，我仲要中間晚晚每隔4個鐘個仔唔食都起身泵，個女就最初eat by demand，到我返工至要泵。你唔駛返工，試下做全人奶媽啦，得時你帶BB出街會覺得好方便，去到邊食到邊，唔駛等開奶，奶粉又唔平，人奶食幾多出幾多，去街只要帶尿片，實在係開心到死，唯一唔方便係我要同個女做連體嬰，我去邊都要帶住佢，同埋最初湊係冇覺好瞓，唔知點解可以捱過，反正就係一日一日咁過，我餵夜奶去到18個月，個女2歲前個多星期就戒奶。

花旗太太生活在花旗國，留意時差，你問我未必即時答到。

私人傳訊

積分: 4575

9^#

發表於 13-12-31 01:54 |只看該作者

回覆：奶粉+人奶

你不如返Kaiser約Lactation specialist。同時泵奶出來。始終吃人奶對bb同媽媽對有益。

私人傳訊

積分: 2243

10^#

發表於 14-1-1 09:28 |只看該作者

回覆：rose-mag 的帖子

我都明人奶對BB好，但我真係無呢個耐性：S

私人傳訊

積分: 2243

11^#

發表於 14-1-1 09:32 |只看該作者

回覆：lottieclee 的帖子

我生完果日，有人嚟教點餵人奶，我覺得好煩，因為我好怕佢地，不停咁講人奶點點點好。。。食奶粉呢就比人奶差。。。其實。。。我都係食奶粉大，我有問題咩？！

私人傳訊

積分: 4575

12^#

發表於 14-1-1 09:37 |只看該作者

引用：我生完果日，有人嚟教點餵人奶，我覺得好煩

原帖由 ellie79 於 14-01-01 發表
我生完果日，有人嚟教點餵人奶，我覺得好煩，因為我好怕佢地，不停咁講人奶點點點好。。。食奶粉呢就比人奶 ...

咁你就直頭唔好俾個女當奶咀啦！

人奶對我好過對我兩個仔，因辛苦，瘦身勁快！

不過人奶係要好有恆心餵。奶粉冇問題，不過始終係artificial嘢咁law。

私人傳訊

rose-mag

王國長老

積分: 174187

13^#

發表於 14-1-1 13:25 |只看該作者

ellie79 發表於 13-12-31 17:28
我都明人奶對BB好，但我真係無呢個耐性：S

初初一個月係最辛苦，無得瞓個人一定會好忟，我果陣俾我月搞到我幾乎有抑鬱，佢專係等我放咗佢落床再去做晒嘢準備上床眠下果陣佢就喊，即係又要餵，我真係發過好多次脾氣，試過上床瞓由得佢喊，但最後都係死死地氣起身又餵過，成日一路餵一路中眼瞓，好彩我精，永遠坐喺床上面或大沙發上，墊高對腳抱住個女餵，唔係真係會跌咗佢落地無數次。唯一覺得對唔住老公，因為個女食人奶，佢永遠被冷落，個女又唔痴佢，一歲前基本係有我在場就唔睬我老公，6299想抱就抓實我，再望多兩眼就喊，搞到6299好鬼怕佢。

湊BB其實已經係唔辛苦架啦，你第時諗番轉頭就明架啦，只要食飽瞓飽唔濕片，BB係由得你點舞都得，大D要看牛仔，再大D要教果D至真係嘢。你決定人奶又好奶粉又好，只要自己舒服就可以，呢度美國醫護係大力提倡母乳，我係十二分支持，不過我覺得呢個係個人選擇，冇話啱唔啱，我對仔女有濕疹，餵人奶的確對佢地好D，有得再嚟過，我一定第一胎就堅持全人奶，只係果陣唔識，醫院個班LS又C，係去到第二胎得個老護士教我，我至真係明白咩叫D＆S，當然仲有呢度一班BK JM幫忙。

你得一對手係辛苦D，試下夜晚餵全奶粉，大人BB都有得瞓耐D，老公又可以幫下手，順便等佢都享受下親子樂，日頭就餵人奶先，唔得至補奶粉啦。

花旗太太生活在花旗國，留意時差，你問我未必即時答到。

私人傳訊

bee_happy