母乳餵哺

跳至

首頁
12

尾頁
   0


洋房

積分: 113


1#
發表於 06-11-9 18:59 |只看該作者

我想放棄,請幫幫忙

我做bf mama已一個月,有以下問題令我想放棄:
1)bb需索很密,有時半個鐘一次,有時個半鐘一次,夜晚好d,兩次,由於太密我好累,又擔心bb是否吃不飽,
2)常哭喊,因為每次要吃都喊,bb又睡得不夠deep,因為好快又醒要吃,我怕bb辛苦,亦怕令bb變得暴躁
3)不能安排任何活動,由於吃得密,什麼也做不了,也不能去街,有坐牢的感覺
4)pump唔到奶,因太猛力乳頭會痛,大輕力又pump唔出奶

但這段奶媽日子,bb的確增重良好,由18日內由2.48kg變成3.03kg
我是否應該放棄 ?-( ?-( ?-( ?-( :-( :-( :-(


男爵府

積分: 6628


2#
發表於 06-11-9 21:14 |只看該作者

Re: 我想放棄,請幫幫忙

gundam_z123,

頭一個月係辛苦


大宅

積分: 2641


3#
發表於 06-11-9 22:23 |只看該作者

Re: 我想放棄,請幫幫忙

第一個月係最辛苦,之後就會好好多啦!你已經過


複式洋房

積分: 213


4#
發表於 06-11-9 23:00 |只看該作者

Re: 我想放棄,請幫幫忙

第一個月是最辛苦,因為身體還未復原,過了一個月,身體漸漸回復會好d。另外,bb哭不一定是吃不飽。
有時是bb很難自己入睡,要抱他睡。
bb很容易醒,我的b都會。我嘗試用毛中包著她,
好似在醫院那樣的讓她睡,這樣比較好一點。
說真句,坐牢的感覺,我都有,我覺得非常辛苦,因為我喜歡四圍去的人。不過坐月後,漸漸都可以出街,我已經出了好幾次。起初也會覺得有點煩,要餵奶,不過在原來香港有很多商場也有育嬰室可以餵bb。

餵人奶的滿足,在於看見bb可以吃自己的奶而漸成長,內心的滿足難以表達。你的付出是有回報,有果效。你 的bb已經肥了! :lol: :lol: :lol: :lol:
餵人奶只是很短暫的時間,不是好多年,只是幾個月、
一年、最多兩年,不要放棄!六個月後bb就可以吃固體食物,很快時間就過去。

加油!
這個討論區有很多資料可以支持和幫助你繼續努力!







男爵府

積分: 6143


5#
發表於 06-11-10 00:04 |只看該作者

Re: 我想放棄,請幫幫忙

其實遲d阿b戒左夜奶, 你便無咁辛苦. 有時bb喊未必係想食奶, 可能係扭瞓, 扭抱, 如bb的尿片濕得ok, 你唔駛擔心佢食唔飽.

至於不能安排任何活動, 其實當bb大d, 3至4個鍾先食一次, 你便無咁忙, 可以近近地行下街既

泵奶時, 你有無試下開細d力度, 而自己用手幫手jit呢? 你用邊隻牌子既泵呀?


男爵府

積分: 8493


6#
發表於 06-11-10 00:53 |只看該作者

Re: 我想放棄,請幫幫忙

最辛苦的日子你已經捱過咗,前面的路會越行越暢順,越行越開心,越行越唔拾得唔行。
1) 如果bb重得好,即係食得飽,吸收好,不用擔心bb唔飽,反而佢喊要食奶可能只係想要吸啜的安全感,我到阿仔兩歲前,都未試過一覺可以瞓天光,晚晚都要醒三、四次,我仲要返工,我都捱過咗了,你都得o既;
2) 正如前所說,bb喊食唔一定係唔飽,你可以試吓俾安無奶咀佢,睇吓好唔好d;
3) 餵母乳的其中一樣好處,就係出街唔需要準備好多野,只要你帶埋阿b出去,用條sling或者餵奶圍巾/披肩,可以行到邊,餵到邊,驚尷尬可以係育嬰室或者借試身室餵奶,你一樣可以周圍去,不過就最好搵個伴一齊去,可以幫吓手,照應吓;
4) 你試吓泵奶之前用熱毛巾敷吓,然後用手打圈按摩吓先至泵,泵時心情放鬆,聽住音樂或者望住bb都有幫助,你用邊隻泵,我覺得Avent手泵非常好用,可以試試。

餵奶係母親的天職,如果你捱過呢一關,慢慢你就會體會到你可以俾bb飲到母乳係幾咁幸福,嗰種溫馨甜蜜係無法用言語來形容的,只可以親身體會才可以領略。加油,這裡好多人支持你!


男爵府

積分: 7339


7#
發表於 06-11-10 00:57 |只看該作者

Re: 我想放棄,請幫幫忙

重得ok咪得囉!
辛苦就唔多唔小咖喇!
生bb都辛苦啦!你都可以好叻咁生!係咪?
都一個月啦!有奶又仲乜唔餵姐!
記住,呢樣野過左就無咖喇!
所以唔好咁重易放棄!知嗎?


[size=medium]別放棄!加油吧!


男爵府

積分: 6628


8#
發表於 06-11-10 01:08 |只看該作者

Re: 我想放棄,請幫幫忙

記得人奶姑娘講過, 一生人冇幾多個機會餵人奶, 最多比你生四五個(都唔會啦), 當中成功餵到又可能得一兩個, 所以餵到係你同bb的緣份, 放棄咗就冇得返轉頭, 真係要諗清楚囉.


大宅

積分: 3728


9#
發表於 06-11-10 09:32 |只看該作者

Re: 我想放棄,請幫幫忙

Hellocandy 寫道:
記得人奶姑娘講過, 一生人冇幾多個機會餵人奶, 最多比你生四五個(都唔會啦), 當中成功餵到又可能得一兩個, 所以餵到係你同bb的緣份, 放棄咗就冇得返轉頭, 真係要諗清楚囉.



加油呀,真係過左就無啦


男爵府

積分: 9395


10#
發表於 06-11-10 09:37 |只看該作者

Re: 我想放棄,請幫幫忙

其實你已經涯過最辛苦的日子,現在才放棄有點可惜,如果你覺得bb不定時食,使你很辛苦,bb6週大可以訓練佢定時食.另外初初用泵,乳頭的確會痛,但多用一兩次,或等到6週大開始用,應該可以,不會痛,用avent手泵是不錯的選擇.有問題上來再傾傾,你現在的經歷和心情,我們都經歷過,因為我們都是這樣行過的,你並不lonely呢,我們一路都會支持你的.


複式洋房

積分: 225


11#
發表於 06-11-10 09:59 |只看該作者

Re: 我想放棄,請幫幫忙

Don't give up ar....

The now born bb has not adapt to this world, they are lack of safety. Mama milk give them sense of peace, so they might not cry for hungry.

If your BB is already one mth old, you may use 安撫奶咀, they love it.

I go thru your situation as well during first 2mths, ie. maxi 12 meals/daily, each meal take 1hrs. BB eating schedule will be less and more stable very soon....


別墅

積分: 996


12#
發表於 06-11-10 10:01 |只看該作者

Re: 我想放棄,請幫幫忙

Hi gundam,
我相信好多奶媽都有你以上的經驗, 我便是其一, 記得我最辛苦就係頭個半月, 同你現在的情況差不多, 唔可以全人奶, 要補奶粉, 但唔緊要的, 最重要係媽媽的身體和心情, 要放鬆d, 我由初初一日補三次, 跟住兩次, 一次, 最後成功全人奶, 期間都想過放棄, 好幸運遇到一位好支持人奶的醫生同bk的一班奶媽, 你的1-3問題會隨時間好快解決, 而4, 我最初用錯pump, 所以好怕pump奶, 後來租左medela 電pump, 初時因為奶量未穩定, bb日間食奶又密, 所以選擇在晚上兩點左右pump, 因為夜晚好奶d, ok左, 可以pump到bb一餐的份量, 之後bb到e+都是全人奶(六個月後當然有固體食物啦), 個過程有甜有苦, 但往往人都會把甜美的記憶留下, 其他好快忘記, 我每次見到bb食奶個樣都由個心到甜出來, 你別輕易放棄, 有問題或唔開心都可以上黎bk母乳家庭, 我們會支持你的, 加油呀!


男爵府

積分: 8470


13#
發表於 06-11-10 10:04 |只看該作者

Re: 我想放棄,請幫幫忙

其實你所提出既問題, 係所有奶媽都面對過既, 係好正常. 我記得頭一個月我都係要一日餵十幾次架, 但係過咗一個月就好好多架嘞. 你都過咗最辛苦果個月, 而家先放棄咪好嘥囉. bb 喊係正常架, 唔會變得脾氣暴燥, 佢唔喊你咪仲驚. 至於你話出唔到街, bb 咁細你都唔想帶佢週圍去啦, 而且你又啱啱先坐完月, 應該多啲休息. 接近兩個月左右 bb 已經會食得好好多, 到時可以就到時間去街架嘞. 我到而家都好少自己去街, 有時間都想留返黎陪個仔啦.
關於泵奶問題, 首先要睇下你用咩泵, 一個唔好既泵係會令你好唔舒服同泵得好少, 我都試過. avent 手泵真係相當唔錯, 手泵力度你可以自己調較, 可以一試.
加油呀, bb 重得好已經係好既回報啦, 有問題可以上 bk 問, 好多人會幫你架, 大家都係同路中人嘛.


別墅

積分: 804


14#
發表於 06-11-10 10:41 |只看該作者

Re: 我想放棄,請幫幫忙

有好多媽媽好想餵都餵吾到,
你既然捱過左最辛苦的第一個月, 吾好放棄啦.

餵到人奶係一種福氣,
就算辛苦都不過是幾個月/幾年,
就可以為寶寶以後健康打好基礎, 吾係好值得咩?

有坐牢的感覺, 或者好多奶媽都試過.包括我.
我寶寶現在13月大還是全人奶, 但因為也食固體食物,
已經”分薄”了我餵奶的時間了
我好懷念一日餵他10餐那”坐牢的日子”
:-( :-( :-( :-(


加油, 吾好放棄啦.
只要有心, 一定可以撐落去

:-P


大宅

積分: 3986


15#
發表於 06-11-10 11:02 |只看該作者

Re: 我想放棄,請幫幫忙

您讓我勾起坐月既回憶, 您既情況與我當時一模一樣, 我還要料理自己3餐, 做家務...但呢刻辛苦既日子已經唔記得晒, 腦海裡留下的只有一天餵12餐奶既美好回憶...

記住呢個只係一個過度期, 留在家中納悶便多多上來呢度, 網絡無邊際係談天解悶既勝地


大宅

積分: 1591


16#
發表於 06-11-10 11:24 |只看該作者

Re: 我想放棄,請幫幫忙

我初初開始餵人奶時同你一樣, 覺得好辛苦, 好想放棄. 最慘就係身邊無一個人支持我去繼續, 因為佢地唔想我咁辛苦, 連基本既休息時間都唔夠.

但 Hellocandy 講得好岩呀, 一生人真係無幾多個機會可以餵人奶, 雖然之前個段時間真係挨得好辛苦, 但過左頭一個月就會好好多, 而家睇番轉頭就覺得當初既辛苦係值得既, 仲引以為豪潻!


大宅

積分: 2466


17#
發表於 06-11-10 12:22 |只看該作者

Re: 我想放棄,請幫幫忙

你唔好放棄呀! 呢度個個奶媽都好支持你架, 你睇下幾多人回應你.

你已經挨過最辛苦的日子, BB 滿月後喊, 未必係肚仔餓, 可能係扭訓扭抱.

我現在返工, 都唔知幾恨可以"坐牢"餵奶.


大宅

積分: 2526


18#
發表於 06-11-10 16:35 |只看該作者

Re: 我想放棄,請幫幫忙

加油 加油 加油

我相信每個奶媽都經歷過不同的難處.
我都試過一日要餵12至13餐.
猛長期個B仲邊食邊喊,"敏爭"時仲含住扯個乳頭,
好似唔夠飽咁.自己又累,睇佢又喊又"敏爭",
食極都好似唔夠飽咁,都覺得好辛苦.
但為左佢身體好D,我好堅持餵佢食人奶.
已經餵左7個半月la,會繼續餵,直到佢自己唔食為止.
依家睇返轉頭都覺得值得,BB出世到e+無病無痛.

而且食奶時間得你同個B,你可以攬實個B,
個B又好安心咁係你懷抱食飽飽睡飽飽,
就最幸福la,當你見到個B睡著了都笑就是回報la.
記住無人可以代替到你...奶媽個地位...o架

停左就無得返轉頭o架啦,
所以唔好咁易放棄呀,第日會後悔o架


大宅

積分: 4177


19#
發表於 06-11-10 16:47 |只看該作者

Re: 我想放棄,請幫幫忙

我試過�路餵–路喊,到左宜家唸反而覺得自己傻。
好好珍惜有得餵既日好。
我識D人想餵都餵唔到
don't give up
you will do your best!!!


大宅

積分: 2273


20#
發表於 06-11-10 17:12 |只看該作者

Re: 我想放棄,請幫幫忙

從數字來看, bb的增塝幅度係18日內有22%......
你做得好好, 何必放棄......加油啦.

首頁
12

尾頁

跳至
你需要登錄後才可以回帖 登入 | 註冊