夫婦情感 今日: 0 | 主題: 42737

積分: 5

1^#

發表於 06-11-19 23:11 |只看該作者

老公收入比老婆少一半

我月入近二萬,但我老公月入差唔多一萬.
其實對於一個一家三口家庭都算好好啦,不過我老公好大使,有時d開支我都幫佢出埋.佢連幾千蚊都save唔到.
我成日唔明佢d錢去晒邊,問佢,佢就話我搵錢多過佢,管住佢.有時因為咁吵架,佢就話我貪錢,叫我搵過個有錢老改嫁,真係比佢激死,如果為錢,當初點肯同佢結婚生仔喎!

唉...我只係擔心,佢一d理財能力都冇,若果我份工有乜閃失,我地個家會好難搞.

你地話,應該點同佢溝通好? 佢太自卑啦.

私人傳訊

purple_lily

積分: 3546

2^#

發表於 06-11-19 23:26 |只看該作者

Re: 老公收入比老婆少一半

$係個幾敏感的問題, 尤其你搵得多過佢, 所以要小心處理~
試下溫和d同佢講, 千萬唔好以教訓口吻, 否則佢一誤會你睇佢唔起, 或者覺得你吃住佢就大件事喇.

私人傳訊

積分: 5

3^#

發表於 06-11-20 19:17 |只看該作者

Re: 老公收入比老婆少一半

佢而家就係咁覺得,我先覺得好煩,點算好呢?

私人傳訊

purple_lily

積分: 3546

4^#

發表於 06-11-20 19:50 |只看該作者

Re: 老公收入比老婆少一半

溫柔d, 慢慢同佢講囉, 記得表明自己的立場, 同埋想法呀~

私人傳訊

kkchiu

積分: 2675

5^#

發表於 06-11-20 20:08 |只看該作者

Re: 老公收入比老婆少一半

一定要有好好的溝通，唔係就好難搞。

咪.......咪.......咪.......

私人傳訊

natashali

洋房

積分: 71

6^#

發表於 06-11-20 21:00 |只看該作者

Re: 老公收入比老婆少一半

你好!
男人好要面的!我覺得如果你已講過了,而他不聽的話,就不用再說了,一來你越講得多,他會越覺得你煩,二來根本如果他根本不聽你勸說的話,再說也是無用的!不如自己為自己打算下啦,自己儲下錢好過!
說說我的例子給你聽聽吧!我比你的情況更差,我老公由結婚到依家,未俾過家用,莫說他無工作,有都沒有給過的,他有錢就會買自己喜歡的東西,有時都會買些玩具給孩子們,但我覺得好浪費,又唔肯儲錢,激死我!我講得多,也覺得自己煩,所以已冇再講了.如佢冇工作時,仲倒轉頭問我攞錢添! 所以時時俾面口佢睇囉,大家存在的問題越積越大,上年仲因為他和一位女性朋友有曖昧關係,雖他一直不承認,不過這是個導火線來的,一發不可收拾,現在正在搞離婚!但個死佬仲夠擔死,係離婚期間,仲問我攞錢使!!!真係激死我呀! :-(

私人傳訊

臨臨

別墅

積分: 546

7^#

發表於 06-11-20 22:11 |只看該作者

Re: 老公收入比老婆少一半

近日看到一則研究報道，指出香港男士收入愈低則健康愈差，但同一研究指出，不同收入群組的女性參加者基本上健康相若，與男性組別收入與健康成強烈正比非常不同。當中的差別？我想，會不會是社會文化給予兩性精神層面上的壓力呢？

男人收入與健康成正比
在我所處理的個案中，何只失業、收入低，就連從事低下工作的男人都彷彿被標籤化，被社會大眾認為是「無出息、無鬼用」。似乎男人的成敗、或好或壞，是取決於他的賺錢能力，賺不到錢的就不是男人了。

賺不到錢不是男人？
如此就解釋到為何男人的收入與健康成正比，女人卻沒有相同情

私人傳訊

臨臨

別墅

積分: 546

8^#

發表於 06-11-20 22:15 |只看該作者

Re: 老公收入比老婆少一半

聰明女人幸福婚姻

女人欲締造幸福美滿的家庭，首先要了解男人的苦處。男人要面子，例如開車走在高速公路上，明顯是迷路了，他仍堅持靠自己硬闖，不肯低頭向人家問路，很多夫妻因此而吵架﹔聰明的妻子會氣定神閒在旁協助，不抱怨麻煩，並且非到必要關頭也不會自己去問路。

嫁了個處事能力比自己低的男人怎辦﹖若你要和諧幸福的家庭，最好就是裝「低能」，但不可太笨拙，因為他會嫌棄你的。總之在人面前就是一副「老公，你真了不起」的模樣，面子十足，適當時巧妙地暗示一些對策，讓他還以為是自己的意見，自尊和自信高漲。

私人傳訊

joyjoymm

複式洋房

積分: 339

9^#

發表於 06-11-20 23:31 |只看該作者

Re: 老公收入比老婆少一半

首先他已覺得家內裡的開支已有你分擔
擔子自然輕,他亦沒有壓力

1. 你想他分擔多些家庭開支?
2. 還是想他儲多點錢$?

如果是1,大家就要再商量一下,

如果是2,你可建議他從小數目作儲蓄
你可以用另一個角度去跟他解釋
儲錢的好處
就算他將來儲了一筆錢,然後用在他自己身上
我們做老婆的,最好不要過問,他亦有他的私己錢
他便會覺得你不是"目及"住佢點洗$

私人傳訊

小bon

積分: 3650

10^#

發表於 06-11-21 14:53 |只看該作者

Re: 老公收入比老婆少一半

我老公嘅人工都係比我少, 不過未至於少一半. 其實我都怕佢自卑, 所以我成日同佢講, (又試過當住佢面同我哋啲朋友講) - 我哋決定結婚後, 已經冇分你同我, 都冇再講你搵幾多我搵幾多, 而係計"家庭收入".

而且我俾老公揸數, 俾佢知道屋企要用幾多$$.

我覺得呢個方法都唔錯.

Our anniversary[br]

私人傳訊

積分: 5

11^#

發表於 06-11-21 23:37 |只看該作者

Re: 老公收入比老婆少一半

小bon, 婚前一切都很容易"說"出口,但婚後便不再是那麼一回事了!
我老公一向負責家中開支,不過佢自己使d錢就會超支.

joyjoymm, 家中大部分開支都是由老公負擔的,不過他每月都不夠錢使,我還是會主動為他找數,只希望他能理財方面好d,今天我平靜地跟他談過了,他說明年開始會儲多點$,希望他能做到

臨臨,你講的東西很有道理,我其實都明白固中意義,只是知易行難,有時一吵架,我就在計算自己付出比他多,一直都金錢支持他,但他跟我吵,他全是不對...我會學習多向他的優點處想!

natashali, 我會努力學出少句聲...99昨天和我傾了一會,她說的很有道理,我同老公都深愛對方,他又沒有第三者,不應經常抱怨他,儲錢方面慢慢再跟他說,但一定要比多d責任心他,不好再幫他出錢買無謂野...

私人傳訊

喧嘩

男爵府

積分: 9234

12^#

發表於 06-11-22 02:31 |只看該作者

Re: 老公收入比老婆少一半

我覺得老公搵錢少過老婆唔緊要,最緊要佢有努力過,我同老公拍拖到結婚差唔多十年,由當初佢多我好多變到而家我多過佢,仲一路超前,屋企夠洗咪得囉,唔好比較啦,個男人會好自卑gar,其實反而係我老公介意,覺得自己冇用,我就唔太介意,我最介意佢上唔上進,我識佢到而家,大家從來冇計較過金錢,d錢一齊用,其實香港好多女仔搵錢叻過男人,應該覺得自己唔洗靠男人而感到自豪
希望我老公會繼續努力啦

私人傳訊

stephanieching

積分: 4060

13^#

發表於 06-11-22 09:14 |只看該作者

Re: 老公收入比老婆少一半

Bear 太太,

你老公都OK啦, 家中開支大部份負責哂, 我的人工亦比老公多一倍以上(只是我好彩找到個好老板), 我老公每月只給我不夠一萬元家用, 其餘供樓,養囡, 工人及所有雜費都要我給, 就算出街食飯旅行裝修都是我負責, 明符其實全包宴, 佢仲時常以為我有好多錢剩大把錢在銀行, 但其實我每月全份糧差不多全部要拎哂先夠開支, 年尾筆花紅用來還樓按和交大筆稅(層樓佢都有份), 所以表面上我好似搵得不少(連花紅每月有4萬左右), 但我連買幾百元嘢都要左思右想 , 因我哋每人還要負責供養自己父母, 所以佢扣取給我和佢父母的家用和返工雜費外, 佢亦不是大多錢剩 (佢無錢儲都要我幫他交稅), 當時大家都有為錢唔開心, 我唔開心是我將所以有錢全部貢獻出來, 而佢又好似老馮買嘢要我給錢 (即是例如佢想去旅行去看電影但要我出埋錢), 後來我將每月的開支列表給他看知道一頭家要用多少錢, 就是年尾的花紅都是用在層樓上, 現在佢好少少啦, 起碼好多錢肯自己給番, 不過老實講佢知道我人工高, 佢做嘢真是好似無壓力咁, 起碼是懶懶嫻和同老板作對個種囉 , 所以話現在香港男人大細佬, 我真是好同意 !!

私人傳訊

jaja

男爵府

積分: 5303

14^#

發表於 06-11-22 12:03 |只看該作者

Re: 老公收入比老婆少一半

依家普遍女人掙錢能力都強過男人, 最重要我覺得女人負任心比佢地重, 而佢地知道老婆掙到錢, 佢地壓力反而減輕左, 無禁博命掙錢, 仲好安逸添

私人傳訊

YanYan0116

珍珠宮

積分: 36488

好媽媽勳章

15^#

發表於 06-11-22 12:41 |只看該作者

Re: 老公收入比老婆少一半

jaja 寫道:
依家普遍女人掙錢能力都強過男人, 最重要我覺得女人負任心比佢地重, 而佢地知道老婆掙到錢, 佢地壓力反而減輕左, 無禁博命掙錢, 仲好安逸添

同意. 我個老公以前都係, e+話得多先有少少改菩,

你地覺唔覺女人的際遇往往好似都好過d男人, 同埋上司對女人又唔會有咁高要求.

私人傳訊

stephanieching

積分: 4060

16^#

發表於 06-11-22 13:48 |只看該作者

Re: 老公收入比老婆少一半

jaja 寫道:
依家普遍女人掙錢能力都強過男人, 最重要我覺得女人負任心比佢地重, 而佢地知道老婆掙到錢, 佢地壓力反而減輕左, 無禁博命掙錢, 仲好安逸添

你完全講出我心中所想, 當我日日8:30返到公司, 回家8:30還要電話On Call 時, 一年都無請過假, 好擔心無咗份工點算, 日日好勤力去做嘢時, 佢就日日盡時放工, 喜歡就放吓假, 咁多年都無進修, 平時就怨份工無前途無人工加, 幾個月加班一次回家話同我呻辛苦, 最激氣時上個月有3日假返咗大陸玩, 返來後佢請咗一日假休息, 而我就返足一日工仲要成晚上十一時先返到屋企, 一入問口坐都未坐低佢竟然同我講佢今日好累, 我話一個放咗成日假的老公同一個返咗成日工的老婆叫累, 佢仲話放假都會累喎, 唉, 香港男人的質素如何 (35歲人)有眼見, 我叫我個囡囡大個都是放眼大陸搵老公, 好過香港個的, 好似多咗個仔咁 :-(

私人傳訊

小bon

積分: 3650

17^#

發表於 06-11-22 16:01 |只看該作者

Re: 老公收入比老婆少一半

都唔係吖! 我哋結咗婚都真係做得到!

可能因為我老公好慳, 又知我大使啦. 如果係咁, 不如調轉由你揸數啦! 會唔會好啲? 不過一定要俾夠$ 佢, 如果唔係好似好衰咁...

bear太太寫道:
小bon, 婚前一切都很容易"說"出口,但婚後便不再是那麼一回事了!
我老公一向負責家中開支,不過佢自己使d錢就會超支.

Our anniversary[br]

私人傳訊

積分: 5

18^#

發表於 06-11-22 19:32 |只看該作者

Re: 老公收入比老婆少一半

小bon,你地一個慳一個大使可以就到咪得囉.我由提議過佢比一千蚊我,我就負責晒所有家庭開支,但條件係:佢要月頭比一大筆錢我,月中我先再比返佢,等佢唔好咁大使...但佢又係唔出聲,我唔想同佢講呢個話題啦.總之我要狠下心腸,唔幫佢出錢,等佢自己慢慢改.

jaja,咁我都同意你講法.

stephanieching,養囡同埋去旅行都係我比架,因為佢真係長期無錢架,其實養囡都貴過佢家中開支的支出啦,我份糧大半都用在開支中架,因為我都有比錢我父母+奶奶,我都係連買幾百元嘢都要左思右想,但老公就成日一千幾千咁用錢,真係好無奈.所以奶奶叫我唔好比錢佢買野囉.都係自己諗法子save 多d錢第日比個女讀書.我老答應左我下年開始會save錢,希望佢真係做到,我亦要決心唔再心軟比錢佢買無謂野,等佢自己問人借.

喧嘩: 我唔係介意佢搵錢少過我,其實由相識到結婚到係我搵錢多過佢,不過差距越來越大,而家先差一倍咁多...只係佢越來越介意,越來越自卑...佢都算上進,會跳槽,有進修,只係太大洗+唔識save錢囉.

私人傳訊

msannieng

積分: 3886

19^#

發表於 06-11-22 22:26 |只看該作者

Re: 老公收入比老婆少一半

如此說來,做人老婆真係好難,人工多,要掏出的自然要多,有事起來要同佢商量,又要扮蠢,等佢話事,讓他做個大男人

[img]
My son Day Day is 4 years old

私人傳訊

小bon