夫婦情感 今日: 2 | 主題: 42750

積分: 11

1^#

發表於 06-11-9 21:42 |只看該作者

但願我能忘記了 "性"

在 "健康談性" 那版, 看到許多版友談到夫妻間親熱次數的問題. 一直我也被這問題困擾著. 這到底不是能和親友間公開討論的話題, 所以一個人在鑽牛角尖, 好辛苦 ....

我結了婚 10 年, 現己届中年, 但性生活次數減少, 己不是一,兩年間之事 ...

我知道, 你們中間, 有許多人第一個反應就是 "同老公好好傾吓啦 ..." 這回答真的好悶, 更加增加了我的傷感.

講既講過, 喊既喊過, 醫生睇過, 身體檢查, 婚姻輔導見過, 比人數落過, 自卑過 ... 但除了這問題不能解決外, 我俩之間亦不是沒愛存在... 偶爾也會爭扎是否應因 "性" 而放棄婚姻.

作為女人, 老實說, "性" 是給于自我價值的一個肯定.
在 "性" 之中能否得到肉體感官上的满足, 其實並不重要.

老公對自己沒要求, 是自尊上的踐踏. 是自己沒吸引力嗎? 自己身材不夠好嗎? 床上表現不夠放嗎? 有時真想從別的男人身上尋找答案 ... 但自己總算是還接受過下教育, 這想法實在沒勇氣去付諸行動.

我的失落, 並非那些"一個星期三次"的BK媽咪可理解 ....

但願我能忘記了 "性", 我便不會受這種心理上的節磿 ...

私人傳訊

mimi362436

積分: 7372

2^#

發表於 06-11-9 22:21 |只看該作者

Re: 但願我能忘記了 "性"

我都曾經出現呢個問題,好辛苦..同樣都問過,你問自己的問題..後來原來發覺係兩個人再無火花..只係為需要而做..無引都極點...分開可能係我唯一選擇既路啦!

私人傳訊

ilovemimiko

複式洋房

積分: 133

3^#

發表於 06-11-9 22:46 |只看該作者

Re: 但願我能忘記了 "性"

我有個好close既朋友只係結左婚2-3-年,佢話我知,佢老公唔係太雖要,好小好小會要求,但佢唔介意,認為每人雖要唔同.
而佢老公對佢好好既,做哂d家務,又鐘意整野俾佢食,所以佢好enjoy小性既婚姻生活.

私人傳訊

KAREN789

積分: 2223

4^#

發表於 06-11-9 22:52 |只看該作者

Re: 但願我能忘記了 "性"

好多男人到左咁0下年紀,或一齊耐左就會無咩興趣~然後女人自己會問自己,係唔係我無吸引力呢?講真~對男人黎講真係無乜,所以自己個男人唔係好想要求~如果換左個靚女或身材野火0既~個男人立即會有興趣啦~

私人傳訊

edea

王國長老

積分: 119074

王國長老

5^#

發表於 06-11-9 23:33 |只看該作者

Re: 但願我能忘記了 "性"

cherish1314:

邊個數落妳?

我唔係經常上BK, 想搵我嘅朋友請email: [email protected]

私人傳訊

君瑤媽

別墅

積分: 858

6^#

發表於 06-11-10 00:22 |只看該作者

Re: 但願我能忘記了 "性"

cherish1314,
我都結了婚剛10個年頭 , 也有你類似的情況(但末到好惡劣) 係呢你有小朋友嗎? 可否將注意力放在仔女身上? 或者有無試過做主動、攪氣氛.....。
有時就算少d性都可以兩人回味吓以前拍拖個時既野.....傾吓計,...就算無性都要保持有溝通才是最緊要。
take it easy, all the best to you and happy everyday.

私人傳訊

weilam

積分: 5149

7^#

發表於 06-11-10 00:32 |只看該作者

Re: 但願我能忘記了 "性"

cherish1314

我想問吓, 你喊, 同佢睇醫生, 做身體檢查等等, 佢有咩反應呢? 交功課態度? 定還是你覺得佢都有心去解決問題? 佢平時對你好嗎? 你肯定佢仍然愛你, 一定冇響出面偷食? 如果你清楚感覺到佢既愛, 我相信問題仍有希望解決, 可能只係用唔啱方法... 唔好放棄呀!

cherish1314 寫道:
.... 講既講過, 喊既喊過, 醫生睇過, 身體檢查, 婚姻輔導見過, 比人數落過, 自卑過 ... 但除了這問題不能解決外, 我俩之間亦不是沒愛存在...

私人傳訊

dearest

積分: 1979

8^#

發表於 06-11-10 02:42 |只看該作者

Re: 但願我能忘記了 "性"

俾我就一定會捉住佢問過明白
始終我相信有愛就有性
兩樣野應該係並全既

私人傳訊

Jackievv

積分: 3665

9^#

發表於 06-11-10 04:31 |只看該作者

Re: 但願我能忘記了 "性"

女人年紀越大性慾會慢慢減少,而男人都70/80都仲有好強既性慾,呢方面好難搞架~~

私人傳訊

monchan

積分: 7751

畀面勳章

10^#

發表於 06-11-10 08:52 |只看該作者

Re: 但願我能忘記了 "性"

dearest 寫道:
俾我就一定會捉住佢問過明白
始終我相信有愛就有性
兩樣野應該係並全既

agree

我就會激進d...如果佢再唔正視個問題...我會飛咗佢...兩公婆雖然話仲有愛啫...個係冇性生活...令一方又有需要wor...長此落去有乜意思ar...有老公=守生寡...不如索性單身食自己好過啦...除非你7老80...又另作別論

私人傳訊

哈哈笑

積分: 3773

11^#

發表於 06-11-10 09:18 |只看該作者

Re: 但願我能忘記了 "性"

cherish1314:
其實"性"係生理需要, 即係肚餓就要搵野食, 唔會忘記喎!! 你有冇問過你老公, 當你有需要既時候, 容唔容許你係出邊搵食呀?? 如果佢答你"唔介意", 我就覺得你地既感情好極有限囉!!

私人傳訊

好想哭

複式洋房

積分: 116

12^#

發表於 06-11-10 12:06 |只看該作者

Re: 但願我能忘記了 "性"

認同 KAREN789

新聞紙都有報導差佬日日去掃黃都拉到嫖客, 年齡介乎30~50 既最多, 中年男人唔係無需要及性能力下降, 只係佢地需要新鮮感, 特別是需要年輕美麗惹火身材好的, 男人覺得個個女人都令佢地有唔同感覺, 老婆點保養都會老, 點及得上日日新鮮供應既野花..........男人係咁短視

如果老公耐佐唔同你愛愛, 做女人是否只可以啞忍呢 ????????????

或接受男女天性差異呢 ???????

KAREN789 寫道:
好多男人到左咁0下年紀,或一齊耐左就會無咩興趣~然後女人自己會問自己,係唔係我無吸引力呢?講真~對男人黎講真係無乜,所以自己個男人唔係好想要求~如果換左個靚女或身材野火0既~個男人立即會有興趣啦~

私人傳訊

小寶貝兒

珍珠宮

積分: 30295

13^#

發表於 06-11-10 12:22 |只看該作者

Re: 但願我能忘記了 "性"

cherish1314,
我未結婚都已經有妳呢個問題啦!!

我同我老公拍拖4年半, 結婚一年, 係呢5年半裡面, 咩咩既次數真係少得可憐架.... 我諗唔夠100次......

最開頭我因為初次知道性呢樣野(冇錯, 我係處, 比左我老公), 覺得好新奇好得意, 一星期有4~5日係想做, 但當時老公已經出左黎做野, 佢成日話累, 要抖, 一星期至多一次...

後尾, 佢工作量越黎越大, 次數亦都由最初既一星期一次, 好快就變成一個月2次, 最差時一個月都冇一次....

當然, 佢仍然好愛我, 除開性呢樣野唔睇, 所有人都覺得我好幸福, 只有我自己知道, 真係好辛苦!!
(我都曾經諗過搵第2個, 但我都係過唔到自己果關)

到而家結左婚, 想有bb, 成年都未有消息, 壓力大+肥令到我cycle變得唔穩定, 以前教科書一樣28日, 仲要自己可以預計到幾多個鐘頭後就會黎m(準得可怕), 但結左婚之後d m亂晒, 又長又短咁, 想計排卵期已經唔係易事, 再加上即使到左排卵期, 佢又累, 我又唔忍心好似交功課一樣吹佢做, 有時即使提早同佢講左, 都冇用, 佢都係一食完飯就訓.....

尋晚, 我同佢講, 想有bb, 不如去做iui, 本來呢個方法係適合一d先生精子有問題, 要洗精既, 而家因為佢根本冇時間做, 倒不如係診所完成......

佢問我係咪係度怨緊佢, 我話唔係, 與其咁樣dum落去, 次次排卵你都冇精神體力去做, 幾時先有咁既機會夾到岩自然懷孕? 倒不如試下人工方法!!

至於我自己既性慾, 好明顯地, 由於佢拒絕既次數太多, 而家就算佢想做, 我都開始拒絕佢, 一黎可能係心理因素, 我想佢試下被人拒絕既滋味, 二黎佢提出既時候通常都係我訓得最林既時候, 鬼得閒采佢啦!!!

我想問妳老公大概幾耐會主動要求一次? 如果唔知既, 索性由而家開始唔好主動要求, 自己搞掂, 等到佢要求時(佢一定會發現妳點解最近都冇要求過), 妳先拒絕幾次(唔好咁直接, 用佢平時會用既理由去拒絕返佢), 等佢明白被人拒絕既滋味, 之後佢就可以易d企係妳立場去諗架啦!!

再唔係搵日得閒既, 搞d新意思, 有冇試過冰火呀, body呀? 試下d新野, 耳目一新, 話唔定好返d呢~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

eyan

積分: 6987

畀面勳章

14^#

發表於 06-11-11 04:44 |只看該作者

Re: 但願我能忘記了 "性"

我都吾見點解次次訓到最林既時候就會攪甦人咩咩,我c6都係,拒絕佢又吾得,自己又鬼0廿眼訓,真係

同上講有愛有性,係真0家,之前我吾0愛我老公,真係掂都吾想比佢掂,而家感情好番晒,有時好累都會比佢咩咩,而家有番性又有番愛既感覺.

私人傳訊

patpat_chiu

複式洋房

積分: 111

15^#

發表於 06-11-11 08:50 |只看該作者

Re: 但願我能忘記了 "性"

cherish1314,

唉.......女人即係女人, 只有大家都係女人先至會明白大家的悲傷.

我既情況同你都好相似, 而我亦覺得你想寫既, 完全係我心入面所想既, 特別係你提到
"作為女人, 老實說, "性" 是給于自我價值的一個肯定. 在 "性" 之中能否得到肉體感官上的满足, 其實並不重要. 老公對自己沒要求, 是自尊上的踐踏." 真係講得好呀!

至於我既情況, 我PM比你睇下啦.

patpatchiu

私人傳訊

iloveuhb

別墅

積分: 572

16^#

發表於 06-11-11 11:03 |只看該作者

Re: 但願我能忘記了 "性"

patpat_chiu 寫道:
cherish1314,

唉.......女人即係女人, 只有大家都係女人先至會明白大家的悲傷.

我既情況同你都好相似, 而我亦覺得你想寫既, 完全係我心入面所想既, 特別係你提到
"作為女人, 老實說, "性" 是給于自我價值的一個肯定. 在 "性" 之中能否得到肉體感官上的满足, 其實並不重要. 老公對自己沒要求, 是自尊上的踐踏." 真係講得好呀!

至於我既情況, 我PM比你睇下啦.

patpatchiu

"作為女人, 老實說, "性" 是給于自我價值的一個肯定. 在 "性" 之中能否得到肉體感官上的满足, 其實並不重要. 老公對自己沒要求, 是自尊上的踐踏." 真係講得好呀!

冇錯, 呢番說話真係道出左我地女人既心聲

大約2年前, 我同老公都係好少ml, (e+都係, 上2次都相隔左一個月)

我當時亦有發佢脾氣, 問佢係咪已經對我冇興趣, 係咪已經唔再愛我?????

因為佢係一個好古板既人, 好少會攬下鍚下我, 所以我都不經意地用 ml 來量度佢對我愛既深淺....

當時我係 office hour 用email同佢講我既feeling rather than face to face, 因為覺得好難開口....

佢回家後真係同我傾, 佢話自己都有咁既想法, 點解好似唔多想ml, 但經過細心思量後, 佢話佢唔係對我冇興趣, 亦唔係唔再愛我, 只係生理上既需要少左, 自己都冇辦法.

咁佢坦白同我解釋清楚之後, 我都接受左佢係咁, 其中有一段時間, 我地真係多左ml, about 1/week, but it doesn't last long.

冇計啦, 唯有話比自己聽, 佢唔同我ml, 並唔係因為佢唔愛我, 因為除此之外, 佢真係對我好好. 為此, 我仲食番避孕丸來控制自己既性慾, 等自己唔洗咁辛苦. :-( :-(

私人傳訊

積分: 11

17^#

發表於 06-11-11 16:43 |只看該作者

Re: 但願我能忘記了 "性"

多謝大家的回應, 抱歉未有作出反應, 因為我不想給老公知我向外發表自己的私事, 上網都要偷偷地 ...

我倆並沒小孩, 唔敢, 責任太大.

我唔敢講我老公在外面唔會唔有第二個, 縱使老公死口說沒有, 叫我忽胡思亂想.

老實講, 世上邊有一個女人敢包自己老公一定忠心. 正如其他網友發言, 女人再靚, 都輸比"新鮮感". 再保養, 都難敵18, 22.

靚如電影紅星, 名流阿太, 老公們一樣會在外偷食. 那我們可以怎樣?

每每我跟他討論這事時, 他只說自己性慾不强, 對他來說, 只要攬下抱下, 己很滿足.

他這樣一說, 我己無話可說. 若我說因我有需要, 而令他給我的話, 即使跟他做了, 我心理上又覺得好像接受他的施捨, 我的感受亦不好.

這就是男和女的分別. 女人大多追求靈慾合一, 希望老公因自己而得到满足. 男人則只要那話兒痛快; 視覺, 手感足, 管他幹的是 Mary 或是 Mi Mi.

雖然做愛次數不能用來衡量愛, 但欠缺性愛的感愛, 則令人總覺感到欠了什麼.

私人傳訊

積分: 11

18^#

發表於 06-11-11 17:36 |只看該作者

Re: 但願我能忘記了 "性"

好想哭寫道:

認同 KAREN789 新聞紙都有報導差佬日日去掃黃都拉到嫖客, 年齡介乎30~50 既最多, 中年男人唔係無需要及性能力下降, 只係佢地需要新鮮感, 特別是需要年輕美麗惹火身材好的, 男人覺得個個女人都令佢地有唔同感覺, 老婆點保養都會老, 點及得上日日新鮮供應既野花..........男人係咁短視

如果老公耐佐唔同你愛愛, 做女人是否只可以啞忍呢 ???????????? 或接受男女天性差異呢 ???????

[quote]
KAREN789 寫道:
好多男人到左咁0下年紀,或一齊耐左就會無咩興趣~然後女人自己會問自己,係唔係我無吸引力呢?講真~對男人黎講真係無乜,所以自己個男人唔係好想要求~如果換左個靚女或身材野火0既~個男人立即會有興趣啦~

[/quote]

那是不是說所有女人都要為自己打算一下? 就算自認為自己幾標青, 總有令老公厭倦的一天.

況且, 真的夠膽話自己好"正"的老婆有幾多?

私人傳訊