OneTwoThree 寫道:
同老公一齊拍拖+結婚=7年, 近呢個月有個唸法, 唔想再同佢一齊生活, 自己都唔知點解, 同佢一齊覺得好攰 、有壓力, 佢一有d咩對我唔滿意or挑剔我就會覺得好反感, 覺得同佢感情好淡, 唔想同佢講有關自己既野, 早兩日返左呀媽度住兩日想relax吓, 琴晚要返自己屋企居然有d唔想返既感覺, 早排有個fd攪緊離婚個fd同個女搬左出嚟住, 我琴日上去探佢, 上到去竟然會有一種羨慕佢既感覺, 覺得好自由, 唸唸吓其實一個人帶住個小朋友都幾好, 自己想點就點, 我唔知係咪一時衝動, 但呢一刻我真係剩係想同個仔一齊, 究竟係咪真係有7年之癢呢
好似我俾佢見到我bor係部電腦上網, 佢以前都會話我剩係一日到黑bor住部pc, 但我覺得無咩問題, 因為我由個仔起居飲食到打理屋企家頭細務同買餸煮飯都做齊, 我想玩吓pc有咩唔o岩, 我又唔係日日打牌shopping用哂佢d$$唔理屋企唔理個仔, 日日做湊仔婆煮飯做家務, 只係俾佢見到我玩pc佢就唔高興, 唔通我除左做湊仔婆就連呢少少既自由空間都唔可以有?? 真係唔明, 我之前曾經講而家我對住部pc好過對你, 我都唔知問題出左係邊, 總之而家我發覺大家有咩問題都唔會同佢講只會收埋係心裡面, 同佢講佢唔理一未逃避, 慢慢我都唔想再同佢講我覺得有問題既野, 唔講仲好唔洗同佢嗌交同激氣, 對住佢真係好攰 
就連下個月結婚6週年我都無咩興趣同佢慶祝, 咪又係唸佢又無$$又要同佢慳嫁啦, 食嚟食去又係個d仲要慳住慳住咁食, 食嚟做乜, 一日到黑都為個$$而做人, 覺得係因為佢我自己所有野都俾佢牽制住咁, 生活無樂趣可言, 很無癮~
lovemyself 寫道:
OneTwoThree,
你的問題,可以咁睇,若我係你,我會諗吓自己可唔可以咁樣生活落去(同你老公),自己又可唔可以對個pc過世(我相信呢樣嘢可以令你分散唔開心的嘢唔諗,relax吓),將問題收埋放在心裏,呢種都係逃避方式. 你倆都唔肯面對大家,咩心情都無la.何況仲話慶祝D 什麼日子. 其實你們好簡單,呢個階段我都試過,經濟因素,溝通問題. 不如試吓好好地傾吓.
發表於 
返回列表
