吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我真係忍夠啦！

婆媳關係今日: 0|主題: 27768

收藏本版

發帖

返回列表

跳至頁

查看: 714 | 回覆: 7

我真係忍夠啦！ [複製鏈接]

陳木頭

別墅

積分: 638

1^#

發表於 13-8-26 19:04 |只看該作者 |倒序瀏覽 |打印

1. 我未同C6結婚已經同佢地一家人住，但個時我99煲左湯，佢只會叫我大伯同佢老婆（個時佢地都未結婚）飲
2. 我大伯因為有左先結婚，但個時佢地冇錢，我99同62又冇錢，所以我99去用信用卡透支比錢佢地攪結婚，點知開始還唔起，就叫我返去問我亞媽借錢比佢（個時我同C6只係拍左拖兩，三個月）
3. 我生完大B係醫院，我99同我亞媽尼探我，我99問我想食咩，佢話佢整比我食。跟住佢又問我亞媽整咩比我食，我亞媽講完之後，我99即刻話咁你煮比佢食啦！我尼幾日要返夜呀！
4. 兩歲後大B係我亞媽湊，我99同大伯成日突然間心血來潮話要湊大B見下，玩完就湊番比我亞媽。大佬呀！你地知自己幾時得閒架麻，唔係即刻要見就即刻要湊比你地架麻，我亞媽唔係隨時on call架。
5. 到我生細B，我99知道我亞媽冇野做，剩係幫我湊大B，又向我亞媽開刀，成日借d意話自己唔得閒煲薑醋，叫我亞媽煲埋，我亞媽係唔洗返工，但佢一個人湊住大b，又要買送煮飯，仲要間唔中照顧下我同幫我煲埋薑醋，真係好辛苦架，我見佢一個人攞佢三十斤薑同大熱天時行街度，同d薑洗泥，我真係好心痛架。
6. 明知我大住個肚唔食得生冷野，我返去食飯，佢地居然食魚生wo，咁你就唔好見我返尼食飯啦！

呻住咁多先，打到手累呀！

0 0 0

私人傳訊

mouse_mou711

別墅

積分: 846

2^#

發表於 13-8-26 19:13 |只看該作者

回覆：我真係忍夠啦！

俾著我吾見好過見！啲錢最後有無還返俾你媽咪？:;pppp:

私人傳訊

lolmum

禁止訪問

積分: 13848

3^#

發表於 13-8-26 19:19 |只看該作者

提示: 作者被禁止或刪除內容自動屏蔽

私人傳訊

做個靚太

水晶宮

積分: 50608

4^#

發表於 13-8-26 19:21 |只看該作者

唉…又係一個唔會體諒人，
淨係要人諗佢嘅自私99～

私人傳訊

陳木頭

別墅

積分: 638

5^#

發表於 13-8-26 19:36 |只看該作者

引用：俾著我吾見好過見！啲錢最後有無還返俾你媽

原帖由 mouse_mou711 於 13-08-26 發表
俾著我吾見好過見！啲錢最後有無還返俾你媽咪？

我冇咁蠢，拍左拖又唔係好耐，而且佢個時仲同我C6講話唔鐘意我，攪到我C6個時話要同我分手呀！我點會借比佢，而且個銀碼又唔細。我冇借比佢呀！

私人傳訊

陳木頭

別墅

積分: 638

6^#

發表於 13-8-26 19:38 |只看該作者

引用：点解你会咁俾面你99？是我早就她。

原帖由 lolmum 於 13-08-26 發表
点解你会咁俾面你99？

是我早就她。

仲有好多細節野未打出尼咋。我真係忍左好耐啦！

私人傳訊

陳木頭

別墅

積分: 638

7^#

發表於 13-8-26 20:53 |只看該作者

回覆：我真係忍夠啦！

坦白講，我咁多年都好尊重佢，連我99 d 朋友都覺得我尼個新抱好好，但佢就成日都恰我。我又唔想C6做夾心人，唯有忍忍忍啦！初初我都會同我媽咪講，99對我好好，因為唔想佢擔心，但連我媽咪都睇到唔對路啦！

私人傳訊

陳木頭

別墅

積分: 638

8^#

發表於 13-8-26 21:24 |只看該作者

回覆：我真係忍夠啦！

7. 因為我陀細b時早產，細b係醫院住左八日先出得院，大約細b出左院七日，咁岩我99個邊有d親戚想尼探bb，我99叫我推細b去佢度比d親戚朋友睇。大佬呀！我又未坐完月，細b又岩岩出院，身體咁弱，仲要特登去你度，你都可以上尼我度姐。我C6同99講話我未坐完月wo,我99居然話佢以前都係咁周圍走啦！驚咩姐。
8. 之前提過佢要我亞媽幫佢煲薑醋，我話我亞媽唔得。佢就死死地氣買卷加自己煲少少比上尼探亞b個b人拎走，點知佢d朋友上親尼我度，都叫我裝定d薑醋比人拎走，攪到我自己d朋友上尼就唔夠。
9. 細b因為比較難湊，所以我亞媽間唔中都會幫我湊走細b比我有得休息下，有日佢見到我亞媽，突然用高八度嘅聲音同我亞媽講，你以後湊晒兩個都得啦！好似話我亞媽爭住湊咁，咁我C6有意無意咁同99講，話你鐘意都可以湊下細b，佢就話放假先啦！又成日抱住細b話得閒嫲嫲湊你過尼訓呀！都佢話得閒要湊細b啦！又話佢成舊飯團咁，驚湊唔掂。咁你唔湊，就唔好好似話我亞媽啦！我亞媽都係驚我辛苦先幫我咋。
10 . 我亞媽不嬲都比個d膠鞋仔，我個大仔著，我99就話又話嫌局又話個次搭電梯差d夾住隻腳，咁我都算啦，每次我大仔過去佢度，我都叫我亞媽換番對波鞋，點知個次我亞媽同99一齊去睇我個大仔表演，佢又扮晒有意無意咁話叫我唔好成日比d膠鞋佢著，又講埋一大堆廢話，講尼講去夊係要比說話我亞媽聽，我開始忍唔住啦！我話尼d鞋係我買比個仔著嘅，而我個仔都好鐘意，佢就冇出聲啦！坦白講，我都已經就左佢啦！佢仲要比說話我亞媽聽，我亞媽湊左大b咁耐，都冇試過著尼對鞋差d夾親，我99一個月先湊佢一日半日，就會遇到尼事，咁係佢冇睇實個孫姐。而且佢湊得尼尼去去都係樓下，洗咩著咁靚呀？佢恰我無所謂，但係唔好恰我亞媽羅。