吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 我懷疑自己有產後情緒問題

懷孕前後今日: 1|主題: 330460

收藏本版

發帖

返回列表

跳至頁

查看: 1121 | 回覆: 7

我懷疑自己有產後情緒問題 [複製鏈接]

J.T.

民房

積分: 2

1^#

發表於 06-12-14 18:58 |只看該作者

我懷疑自己有產後情緒問題

我唔知可能同乜野人傾,請容許我係呢到發洩一下.
我一向都係一個幾negative thinking既人,好多事都會向壞既一面諗.可能係咁我宜家好depress,時時好想喊.雖然我老公對我好好,幫左我好多手湊bb,比左好多support我,但我都好唔開心.
我bb出世差唔多2個月,但因為bb早產,所以心情一直都好差,好擔心佢有事,當知道佢身體各方面都ok,又擔心佢唔夠重磅,因為要到一定磅數先可以出院.日日去醫院睇bb,日日擔心,根本冇好好坐月.加上開刀個傷口一直都冇埋口,醫生話可能我日日冇好休息,壓力又大,所以難埋口.
等左個幾月,bb終於可以出院返屋企.但係我竟然有d怕,我怕我唔識take care佢.bb現在又好扭計,成日扭抱,我冇覺好訓,又唔知用乜方法安撫佢.
之前又因為bb食奶量既問題(加唔加多d奶比bb),問過醫院d姑娘同健康院既姑娘,佢地比我既answer都唔同,都唔知信邊個好.結果,我冇加多比bb食,搞到佢日日都唔飽,喊得好勁,重成個星期都冇重過.我覺得好無所適從.
宜家同bb出街,d人見到我bb就會話"你bb好細粒wor,剛剛出世呀?"我心裡面會好唔開心,好似又remind我bb係早產,所以咁細個.,去到健康院or同bb睇醫生,又要將bb點解早出世,之後有過d乜野treatment reply又reply講比人知.其實我個心好hurt,why me?
我好想喊,但係我老公唔比我喊,因為佢覺得bb已經可以健健康康,唔應該喊.所以我好多時都偷偷係廁所喊,我唔想比佢知,唔想佢再擔心我.因為我老公為左湊bb,又要返工,已經好辛苦.
我老公都好緊張個bb,有時我湊bb時d習慣/做法唔o岩,我老公都會同我講,提醒我,但可能我真係唔識會人亞媽,成日都聽到老公話我呢樣唔岩,那樣不對,搞到我好sad,我唔係嬲佢話我,而係我唔係一個好媽媽.
我仲有一個月就要返工,雖然有工人睇住bb,so far佢都ok,但我都好擔心,成日有好多野驚,跟住就好想喊................
我係咪有病呀,我唔想同自己d朋友,家人傾,因為唔想佢地為我擔心.有冇d社工or團體可以有d hotline比我打去找人傾下.
另外有冇d團體or組織可以解笞到我湊bb時遇到既問題?

私人傳訊

winniepooh75

複式洋房

積分: 252

2^#

發表於 06-12-14 20:47 |只看該作者

Re: 我懷疑自己有產後情緒問題

J.T.,

你放心啦, 我都係過來人, 我仔仔早左一個半月出世, 住左2星期箱仔, 出世只得3.78磅, 我心情都係一樣好擔心, 我擔心唔係比人笑我bb細粒, 我係擔心佢身體有冇事多d, 好彩一切都冇問題。
早產係冇人會知的事, 你老公的態度, 我覺得好好, 只要係自己的bb能健康就夠啦, 難道你要明白只活到9日0個個bb的父母心情會如何?所以, 你唔好成日介意人地點睇你bb, 早產無咩特別丫, 未一樣可以長大, 你已經好好啦, 有工人, 我一路都係自己照顧咋, 你已經好幸褔啦。
放心啦, 體重方面, bb頭3個月會升得好快的, 我仔仔由3磅幾, 都可以去到而家5個月有14磅幾啦, 同正常bb冇分別, 腦筋同學野(反身)同足月bb一様, 有時我覺得佢古惑過龍0忝, 哈哈, anyway, 我好希望你做個開開心心的媽咪, 因我好深信將來你bb一定肥肥白白的。
有時姑娘仲話早產b仲叻, 因佢訓過箱仔, 佢適應力好強, 食奶又快, 而家仔仔5個月啦, 佢真係好好照顧啦, 晚上同大人咁, 一樣由10:00訓到明早8-9:00啦, 所以辛苦只不過係頭幾個月, 之後你覺得bb係你一種樂趣啦。

27/7 (2070g),29/7 (2.12kg),5/8(2.37kg),11/8(2.606kg),12/8(2.640kg),26/8(3.28kg),28/9(4.64kg),24/10(5.46kg),28/10(5.38kg)

私人傳訊

WaiChun

大宅

積分: 2992

3^#

發表於 06-12-14 21:28 |只看該作者

Re: 我懷疑自己有產後情緒問題

jt,我宜家自己揍bb,都好緊張架.因為佢成日喊,所以我成日抱住佢,瞓都要抱住瞓(好似樹熊咁),攪到我無覺好瞓,個人又緊張,好忟憎,成日同hb鬧交,重諗過掉bb落垃圾桶,自己走佬,唔理bb.幸好,我同fd&同事傾,佢地不斷咁開解我.

其實,揍bb真係唔洗咁緊張,佢地扭計喊係正常架,係要自己識得放鬆.

致於加奶問題,如果佢次次都清晒d奶,跟住又扭計,就要加架喇.但如果你加多咗,佢又食唔晒就唔好迫佢食.

我叫暨綿一, 乳名叫一一.綿一blog

私人傳訊

bobbi

男爵府

積分: 7177

4^#

發表於 06-12-14 21:42 |只看該作者

Re: 我懷疑自己有產後情緒問題

J.T.
我生完無幾耐都有幾個星期唔開心，但同有bb嘅朋友傾過後，便無事了，湊bb 真係幾辛苦架，但係妳要堅持呀，遲d
bb同妳笑，妳就會覺得值得架啦，凡事放開一點，不要太緊張

私人傳訊

jazzcnl

男爵府

積分: 6119

5^#

發表於 06-12-14 22:23 |只看該作者

Re: 我懷疑自己有產後情緒問題

其實我覺得唔需要人地介意bb係米早產
早產又點ja 早產米又係bb 無問題呀
早產既bb唔一定健康唔好架
我朋友個女28wk2日出世
出世得900g
1kg都唔夠
仲細過張a4紙
而家都2歲幾不知幾健康同活潑
健康院話bb係細粒少少之外
智商同所有野已經追番正常bb
個時我朋友生完bb即刻要急救
e生仲同我朋友先生講唔使買咁多bb野住
因為bb可能捱唔到
但係而家bb都咁大個
其實你應該放鬆自己
唔好比咁多壓力自己
好好休息照顧bb
你唔take care好自己點take care bb
係米?

日曦 - 2006/11/18 02:29am(2.65kg)
2nd - 2008/05/16
3rd - 2009/06/09
4th - 2012/01/07 14:14pm (3.57kg)
4次懷孕但只有2個出世, 沒能力帶到世上的, 媽咪沒有忘記, 你永遠在我心裡,懷念你們

私人傳訊

milybb

別墅

積分: 664

6^#

發表於 06-12-14 23:23 |只看該作者

Re: 我懷疑自己有產後情緒問題

J.T.,

我諗你最好唔好再收埋自己先, 第一個要同你老公share你既心情同真感受, 雖然佢返工同湊bb都辛苦, 但你要俾d signal佢佢可以點去關心你ma!另外, 你可以搵d生過bb既朋友傾下, 過來人都可以分擔你既心情ma!如果你真係真係唔想同身邊既人講, 你可以返母嬰健康院同姑娘講, 佢地會同你傾計做評估, 如果有需要而你又同意既話佢地會轉介你去睇精神科或者去地區既家庭服務中心見社工ga!!

私人傳訊

J.T.

民房

積分: 2

7^#

發表於 06-12-15 17:20 |只看該作者

Re: 我懷疑自己有產後情緒問題

各位,多謝你地既回應,鼓勵.
可能我d性格太negative啦,明知bb宜家都算健康,但就會諗好多negative既事,或者擔心一d都未發生既事,所以我老公話我自己比壓力自己.唉.....我都唔知點樣可以令自己relax d.
不過睇到你們既留言,有d都係早產bb既媽媽的分享,我個心都放鬆小小,因為原來唔係只係我bb有咁既問題.
我x'mas後會返健康院做評估,希望有用啦.