吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 係咪我o既問題...???

夫婦情感今日: 4|主題: 42761

收藏本版

發帖

返回列表

跳至頁

查看: 2124 | 回覆: 24

係咪我o既問題...??? [複製鏈接]

patpat234

水晶宮

積分: 64078

好媽媽勳章

1^#

發表於 07-4-9 04:40 |只看該作者

係咪我o既問題...???

我係一個全職媽媽,但只有一年工作經驗.
我要湊住一個成日發脾氣同成日喊o既3歲半大仔(每晚都起幾次身去廁所)
同一個全人奶好痴身o既6個月細女(仲未介夜奶).
仲要買送煮飯(煮兩餐),做家務.
每日都忙過不停.唔係辛苦,係好忙....
但洗廁所同洗碗就一向都係由我老公做.

我老公份工要輪班,呢兩個月都返通宵
其實已經打亂晒細女d時間,所以中午細女都唔點訓

呢兩星期,難得大仔放假,我就唔洗咁早起身,一訓就訓到唔知時間.所以朝早老公放工都會幫我開機洗衫,晾衫同洗奶樽.
呢d野唔係我叫佢做,係佢自己走去做,但做完竟然話我好訓得晏,唔識分配時間等等...好多埋怨o既說話...... :cry:

我真係好唔開心,我要湊住兩個小朋友,又要買送,又要煮飯,仲有其他家務,依家細女開始食粥,佢又唔多鍾意食糊仔,一定要我煮....個人有時真係好累.

係咪真係我唔識分配時間??
湊住兩個佢地唔訓又喊,我真係乜都做唔到....
係咪真係做得唔夠?
好唔開心 :-(

「知足者，常樂也；不知足者，富亦憂。」

私人傳訊

ning..

珍珠宮

積分: 33778

2018復活節勳章好媽媽勳章醒目開學勳章畀面勳章 BK Milk勳章親子王國15週年勳章

2^#

發表於 07-4-9 05:17 |只看該作者

Re: 係咪我o既問題...???

你當然無問題啦~~~
係你hb未做過人亞媽 , 唔知做亞媽要幾勞心勞力.....
我湊一個都攪到我....暈

.....妳巳做得好好啦!

hb幫忙做家務後, 妳主動表示好appreciate他的幫忙,欣賞他的體貼( 多些比個 good 佢 , 唔好只係比哂 d good 比小朋友, :mrgreen: )
.....可能他見妳遲遲未有回應他的幫忙, 所以呻兩句.....

私人傳訊

sa2501

禁止訪問

積分: 2729

3^#

發表於 07-4-9 06:29 |只看該作者

Re: 係咪我o既問題...???

提示: 作者被禁止或刪除內容自動屏蔽

私人傳訊

Mrs.Chan

公爵府

積分: 26464

4^#

發表於 07-4-9 09:19 |只看該作者

Re: 係咪我o既問題...???

男人會覺得佢地出去搵錢, 頭家由你去打點, 佢返到屋企你仲覺覺豬, 仲要[size=medium]幫你做家務, 梗係出聲喇, 不過, 佢又未試過全職湊住兩個小朋友, 又要買送煮飯幾辛苦, 真係24小時隨時候命, 你俾佢試一日, 佢覺得你係神奇女俠tim

做家庭主婦睇就簡單, 做起黎真係勞心勞力 :-(

恭賀新禧，迎春接福！

私人傳訊

米米女

別墅

積分: 728

5^#

發表於 07-4-9 12:40 |只看該作者

Re: 係咪我o既問題...???

上一輩1個媽媽帶3-4個小朋友又睇全頭家嘛, 所以你老公就會覺得你做得不足, 不過上一代唔係餵人奶咁花時間又唔得飽, 都係呢幾年嘅事, 所以你老公未必會了解.

係呀, 你老公其實都幾辛苦, 1個養4個, 又返shift, bb又會影響到佢睡眠質數, 其實佢平時會幫手都唔錯架, 記得讚下佢努力養家, 又讚下佢體諒你揍b會洗衫洗碗, 佢額外做野最好讚多2句, 唔係個個老公都會咁做, 佢做係因為佢鍚你體諒你, 你生仔揍仔亦因為係鍚佢愛佢, 唔好慳d言語表達呀

私人傳訊

carrie_1102

伯爵府

積分: 19211

6^#

發表於 07-4-9 14:51 |只看該作者

Re: 係咪我o既問題...???

我都係自己湊小b架...洗衫晾衫洗碗都係我既...不過我老公都知小b係好痴身...所以佢都會幫輕下我囉...我就覺得唔係你既問題囉...可能你老公唔知道其實湊住兩個小朋友係好辛苦囉..我湊一個已經攞我命喇~不過有時諗下我老公返工都會好辛苦...又要受氣...其實大家有咩都開心見誠拎出黎講囉...我諗有時適當既撒嬌都可以o卦~你咪同佢講..我當知你返工辛苦...但有時我湊住對仔女都辛苦架..互相體諒下囉~坦白講...我依家覺得自己仲辛苦過以前返工呀..返工都有得透下...依家小b唔訓..我咪24小時on call囉~

私人傳訊

PCCW2319

水晶宮

積分: 67993

7^#

發表於 07-4-9 14:59 |只看該作者

Re: 係咪我o既問題...???

patpat234 寫道:
我係一個全職媽媽,但只有一年工作經驗.
我要湊住一個成日發脾氣同成日喊o既3歲半大仔(每晚都起幾次身去廁所)
同一個全人奶好痴身o既6個月細女(仲未介夜奶).
仲要買送煮飯(煮兩餐),做家務.
每日都忙過不停.唔係辛苦,係好忙....
但洗廁所同洗碗就一向都係由我老公做.

我老公份工要輪班,呢兩個月都返通宵
其實已經打亂晒細女d時間,所以中午細女都唔點訓

呢兩星期,難得大仔放假,我就唔洗咁早起身,一訓就訓到唔知時間.所以朝早老公放工都會幫我開機洗衫,晾衫同洗奶樽.
呢d野唔係我叫佢做,係佢自己走去做,但做完竟然話我好訓得晏,唔識分配時間等等...好多埋怨o既說話...... :cry:

我真係好唔開心,我要湊住兩個小朋友,又要買送,又要煮飯,仲有其他家務,依家細女開始食粥,佢又唔多鍾意食糊仔,一定要我煮....個人有時真係好累.

係咪真係我唔識分配時間??
湊住兩個佢地唔訓又喊,我真係乜都做唔到....
係咪真係做得唔夠?
好唔開心 :-(

你老公返完通宵，可能唔夠訓至發小小脾氣o者 (雖然呢d野唔係你叫佢做,係佢自己走去做)。佢可能都知你辛苦，想幫下手，但做做下又倦，咪發炆爭law。

大家體諒下啦！唔好咁上心啦！

天空之城, 快樂之地

私人傳訊

心滿意足

男爵府

積分: 8910

好媽媽勳章

8^#

發表於 07-4-9 15:04 |只看該作者

Re: 係咪我o既問題...???

其實無話邊個唔啱既
你要湊兩個,兩個都咁痴身,
仲要買餸煮飯,真係好忙架,
比你老公做,佢可能做唔掂添啦,
不過佢返工,一個人搵4個人洗,
可能返工辛苦,又比bb嘈住訓得唔好,
仲要幫下手做家務,所以有幾句怨言囉,
其實兩公婆都有各自既辛苦,
大家傾下大家既苦處,安慰下,讚下對方,
咁就大家辛苦都辛苦得開心好多啦

私人傳訊

patpat234

水晶宮

積分: 64078

好媽媽勳章

9^#

發表於 07-4-9 23:16 |只看該作者

Re: 係咪我o既問題...???

可能我地都欠缺左一樣野...就係讚美o既說話.
基本上我地係冇時間傾計.....

如果阿仔要返學時,
我要
8:00am起身,梳洗,換衫,叫醒阿仔,開機洗衫,幫阿女換片,著衫...
最遲8:40出門口返學,之後買送.
最快9:20返到屋企,阿女會自己玩一陣然後繼續訓.
我就煲定湯,煮定午餐,如時間許可準備埋晚餐,然後晾衫.
最遲10:30要餵奶同泵奶
如果11:00搞掂晒以上o既野,可以小睡30min.
11:30要番熱午餐準備去接放學.
12:00返到屋企
三崔四請大仔換衫洗手食野.
12:15開始食
1:00-1:30食飽
之後大仔去下廁所,攪lee攪路,約2:00飲多7oz奶就午睡
然後就服侍阿女沖涼,食野.
有時佢唔會再訓,又唔肯自己玩,我就成個下午比晒佢.
5:30開始整晚餐,久唔久又要睇住個女,大仔又呢個時候醒,開始攪攪震.
7:00食飯,又要餵細女食
公公同婆婆都會過來食飯,通常8:30收台
要等爸爸洗碗,直至
9:30我先可以同阿仔沖涼,然後自己沖
10:15我老公就出門口返工
跟住我又要將晾係阿仔房o既衫搬出廳,但阿女呢個時候都唔肯自己玩,所以d野整兩下又要抱下....
11:00有時間再幫阿仔刷牙訓覺.
之後阿女又要食奶,又要幫佢換衫訓.....
通常12:00我先可以靜落黎......

每日都係咁,邊有時間傾...就算出街,佢都會用兩耳筒塞住對耳.

「知足者，常樂也；不知足者，富亦憂。」

私人傳訊

runleiyu

大宅

積分: 2382

10^#

發表於 07-4-9 23:38 |只看該作者

Re: 係咪我o既問題...???

我咁岩路過~你唔好唔開心啦
兩公婆搵時間傾下啦
唔開心同我傾下

齊bu Blog

私人傳訊

eyan

男爵府

積分: 6987

畀面勳章

11^#

發表於 07-4-9 23:52 |只看該作者

Re: 係咪我o既問題...???

我覺得你最好同d仔女較番正d時間,仔仔林訓前吾好比0廿多水/奶佢飲,0廿就會去小d厠所,而女女就梗加要介夜奶,我0廿講吾係話你錯,但係你日以繼夜0廿不停工作,個人真係好累,無得休息,對你同你老公都吾好,就算你老公返夜,你都要keep住兩個小朋友既生理時鐘,比d時間自己去較番正佢,你會無0廿辛苦,真架,我以前都係0廿,之後較番正,吾駛晚晚陪個仔天光,個人夠訓左,真係無0廿辛苦.

私人傳訊

mandyyyyy83

大宅

積分: 4342

12^#

發表於 07-4-10 02:23 |只看該作者

Re: 係咪我o既問題...???

我諗你老公都係做做下攰過頭先會咁架姐...
我岩岩搬左屋...
個女都勁癡我...可能新環境...
所以我只可以利用佢訓覺d時間整屋企野...
夜晚又唔係成日可以訓到覺...
老公見到我咁都會主動幫我晾下3...
湊住個女等我抖下...
不過都同樣有時會有野講,,,
不過我覺得冇問題..此終佢都幫輕左我...
只係佢可能太攰先會咁,,,
所以你都要體諒下你老公

私人傳訊

米米女

別墅

積分: 728

13^#

發表於 07-4-10 02:34 |只看該作者

Re: 係咪我o既問題...???

雖然剩落來見面時間唔多, 不過你可以send sms讚佢呀, 佢會甜係心頭, 又可以睇番, 你嘅欣賞認同就係佢工作嘅動力啦. 話唔定遲d佢都會學會讚番轉頭, 欣賞體貼就會跟住來

特別係你地傾計都無時間, 有時死做爛做都會覺得唔知為咩, 幾時先會有得休息, 所以好易發下皮4, 有愛嘅支持先可以撐落去, 記得唔好慳愛嘅表達啊.

我老公份份工都唔喜歡, 但有份特別鍾意, 佢話個亞head好會讚人, 佢地就好有動力做野, 因為大家都滿足到"自重感", = 別人嘅尊重賞識, 自己勞力嘅價值

私人傳訊

藍藍

伯爵府

積分: 15377

14^#

發表於 07-4-10 07:40 |只看該作者

Re: 係咪我o既問題...???

carrie_1102 寫道:
我都係自己湊小b架...洗衫晾衫洗碗都係我既...不過我老公都知小b係好痴身...所以佢都會幫輕下我囉...我就覺得唔係你既問題囉...可能你老公唔知道其實湊住兩個小朋友係好辛苦囉..我湊一個已經攞我命喇~不過有時諗下我老公返工都會好辛苦...又要受氣...其實大家有咩都開心見誠拎出黎講囉...我諗有時適當既撒嬌都可以o卦~你咪同佢講..我當知你返工辛苦...但有時我湊住對仔女都辛苦架..互相體諒下囉~坦白講...我依家覺得自己仲辛苦過以前返工呀..返工都有得透下...依家小b唔訓..我咪24小時on call囉~

me too~
我都一樣..好在老公明白同幫手,我都認同你要係適當既時候對佢撒嬌,同佢講其實大家都一樣辛苦,我諗遲d佢會明既..我都係咁同老公講架"我依家覺得自己仲辛苦過以前返工呀..返工都有得透下...依家小b唔訓..我咪24小時on call囉!!你都仲可以做下自己野,我連想下都唔得..訓又訓得唔好,你係咪想我死先" 通常死佬聽完都會自動自覺幫我揍吓仔,等我有得做自己野或訓多陣

大b駿逸

細b駿晞

私人傳訊

htidemama

大宅

積分: 1812

15^#

發表於 07-4-10 12:13 |只看該作者

Re: 係咪我o既問題...???

試下俾大仔返全日，咁你就可以多ｄ時間，唔使樣樣都咁趕，可能大仔返耐d學，會聽話d。

如果你爸爸媽媽唔使返工，有時可以叫佢地早d過黎睇住兩個小朋友，或者幫你湊放學，咁你會輕鬆d。

其實你老公肯主動幫你算係咁啦，男人有時做完家務，都想人讚下，你咪講D好聽嘅說話，咁佢就唔會俾佢有機會話你啦！

私人傳訊

patpat234

水晶宮

積分: 64078

好媽媽勳章

16^#

發表於 07-4-10 13:13 |只看該作者

Re: 係咪我o既問題...???

htidemama,

我都想比大仔返全日,但學費又貴d....所以要等上左樓先可以諗...
我爸媽...都要返工,收工返到黎都7,8點....

「知足者，常樂也；不知足者，富亦憂。」

私人傳訊

ho3186

大宅

積分: 2517

17^#

發表於 07-4-10 14:05 |只看該作者

Re: 係咪我o既問題...???

米計啦
一家人除左分享又要分担咖
正所謂有福同享
咁有難就緊系要同當啦
收工返來都自動自覺去幫你做家務
你老公已經好好啦
佢又唔系時時都咁話你
而且比人話下就唔洗做wor
都抵啦 (講笑0者)

捱下啦....過多兩年仔仔女女都大d就會輕鬆d咖啦
家家都系咁咖啦
唔好自己煩自己啦
你地兩個都無問題
正常過正常呀下 :-P

比較同計較都一樣令自己唔開心

私人傳訊