吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 一個極度痛楚既平安夜 - 腸胃炎肚瀉 +乳頭損 +乳線炎 ...

母乳餵哺今日: 0|主題: 85707

收藏本版

回覆發帖

返回列表

跳至頁

查看: 1177 | 回覆: 8

一個極度痛楚既平安夜 - 腸胃炎肚瀉 +乳頭損 +乳線炎 [複製鏈接]

小程程

大宅

積分: 1033

1^#

發表於 06-12-28 16:52 |只看該作者

一個極度痛楚既平安夜 - 腸胃炎肚瀉 +乳頭損 +乳線炎

23號下晝食左太x燒味就開始唔舒服,24號朝瀉左10幾次,臨近聖誕先黎唔舒服已經好唔開心,點知好戲在後頭...

25號凌晨2點開始覺得個肚又想瀉,個人發滾,同一時間覺得個左胸胸底至腋下硬左兼好痛,個乳頭剛係前一餐俾個仔食損左又痛,因為之前都試過一次塞左(輕微的),我知道最有效既方法就係俾個仔食通佢,咁既情況泵都泵唔出架喇,就唯有等個仔要下一餐...

個胸愈來愈痛,真係郁一下都痛到想c,個肚又痛不斷要去廁所瀉,最後拍醒老公,痛到忍唔住喊左出黎,嚇到佢c,因為不嬲o係身體上我都係硬淨型,因為身體唔舒服而喊都可算係第一次.瀉左幾次之後個人開始發冷,原來發冷真係成個人咁震,老公摟住我都覺得好凍...

一直都痛到訓唔著,好唔容易等到個仔5點開始喊,當時已痛到移動身體去餵奶都好勉強,可知宜家先係極刑既開始.硬左果度已經夠唒痛,再加上乳頭損左,個仔一啜落黎,我真係痛到想暈,到可以回到神黎,理智話我知無論點痛都要盡快通左佢,否則手尾仲長,唯有忍痛用手不斷按硬塊...其間轉姿勢,用熱瓶敷,不斷按,好在阿仔都好合作食左半個鐘,硬既地方消減左部分,但仲係幾痛,老公試幫口,行唔通,再用泵,都泵唔係好...騰折到7點幾,算了,下餐等個仔再啜罷...天寒地凍,個人發緊冷都仲要用冰敷個胸,可想當時真係好唔易受...

之後個仔食多一次,情況繼續有好轉,跟住晨早老公就"的"左我去醫院睇醫生.

老公親眼睇見我經過一晚既折磨(尢其係第一次俾個仔啜,佢見我真係痛到想c),佢即時下令叫我唔好再餵人奶了,但當然,佢都知道我係c硬派唔會o采佢!但經此一役,我都好有陰影,我諗我要揾個母乳指導教我正確姿勢,盡量避免再塞或整損,如果再黎一次我真係受唔住喇...!

:-(

私人傳訊回覆引用

nikitac

大宅

積分: 2466

2^#

發表於 06-12-28 17:00 |只看該作者

Re: 一個極度痛楚既平安夜 - 腸胃炎肚瀉 +乳頭損 +乳線炎

你要小心身體呀. 我記得d 母乳指導會同人按摩通乳線.

私人傳訊回覆引用

ricebb

男爵府

積分: 6143

3^#

發表於 06-12-28 17:37 |只看該作者

Re: 一個極度痛楚既平安夜 - 腸胃炎肚瀉 +乳頭損 +乳線炎

好恐怖啊! 我都試過乳線炎, 發燒+頭痛+發冷, 真係連坐都無力 :cry: 你真係好有毅力呀! 乜唔係要用熱敷咩, 點解用冰敷? ?-( ?-(

私人傳訊回覆引用

Glad

版主

積分: 16370

好媽媽勳章醒目開學勳章

4^#

發表於 06-12-28 18:30 |只看該作者

Re: 一個極度痛楚既平安夜 - 腸胃炎肚瀉 +乳頭損 +乳線炎

小程程,

為好硬淨的你鼓掌! 你好叻!

可以想像到你和老公因著這個折騰的心情......你克服過來了......又再接再厲!

對啊! 好欣賞你以積極的方向面對這場挑戰, 又再裝備自己.

願你的母乳路越走越暢順啊!

除了留意姿態正確外, 要注意能讓寶寶有不同方位的吸吮, 盡量做到每個位置的乳腺都被寶寶吸吮, 就更會減低乳腺閉塞的機會.

你有讓寶寶躺在床上, 你俯下身體讓他可以吸到不同的位置嗎? 寶寶吸吮時, 下巴位置是最有力的. 所以一些位置是會易塞或易硬的, 就將他的下巴對準, 就會有幫助吸吮到了.

想舒服些, 可以把寶寶放得靠近床邊(將寶寶放置的位置可以任意由0-180度地安排), 自己就站在床的旁邊俯下身體.

祝你早日康復!

願 【母乳餵哺資料庫】 保守著大家的母乳路 ! 無論順逆 , 願大家都以喜樂和盼望的心迎接喜與憂 ! 加油啊 ! 因為我們在這裡耕耘的路上 , 有的是扶持和關顧啊 ! 願 【母乳餵哺區】 是母乳家庭的加油站 !

私人傳訊回覆引用

celiacat

大宅

積分: 2514

5^#

發表於 06-12-28 18:48 |只看該作者

Re: 一個極度痛楚既平安夜 - 腸胃炎肚瀉 +乳頭損 +乳線炎

小程程,
你好強呀,我都為你鼓掌!
如果你真係成日塞,真係去搵母乳指導啦,我之前塞了幾次,都係立即返健康院,母乳姑娘及醫生都好helpful,會幫到你呀

歡迎參觀奀皮仔朗維

私人傳訊回覆引用

cammylau

大宅

積分: 1461

畀面勳章

6^#

發表於 06-12-28 18:56 |只看該作者

Re: 一個極度痛楚既平安夜 - 腸胃炎肚瀉 +乳頭損 +乳線炎

小程程

加油呀！之前你患過念珠菌，現在乳腺炎，但一一都給你克服過來，所以你不要放棄呀！

祝你早日康復，而且學到正確餵哺姿勢！

私人傳訊回覆引用

小程程

大宅

積分: 1033

7^#

發表於 06-12-28 19:27 |只看該作者

Re: 一個極度痛楚既平安夜 - 腸胃炎肚瀉 +乳頭損 +乳線炎

nikitac,

多謝關心，我就係想請母乳指導黎幫我通下乳線，尤其係胸底果Ｄ，有時按落去都有Ｄ痛．

ricebb,

係餵前熱敷等奶出得好d,餵完用凍敷等果度唔好做奶,因為如果都未通得唒又做咁多奶咪又塞得厲害d囉,我去到睇醫生佢都贊成咁做.好彩之前o係依度d媽咪有教咋,如果唔係拿起手都唔知點算...

Glad,

我老公話我太固執,但我就覺得如果唔係有依份執著就餵唔成人奶,母奶路可算係障礙重重,好彩有依度俾我地舒發下,我都唔敢話俾老爺奶奶其他人聽我個胸有事,淨係話自己腸胃炎,費事佢地又有機會叫我唔好再餵.

我之前都聽過你地咁講,但我唔係好明,例如如果我想清胸底至腋下既位置,應該用乜姿勢呢?

私人傳訊回覆引用

chickenwing2006

瑪瑙宮

積分: 142864

好媽媽勳章

8^#

發表於 06-12-28 21:35 |只看該作者

Re: 一個極度痛楚既平安夜 - 腸胃炎肚瀉 +乳頭損 +乳線炎

小程程 ,

你好, 之前看過你的故事 , 最近好像很久沒有看到你在 bk發表 !!

希望你快一點好番啦 ! 之前我也有 2 次很辛苦之經驗是單邊 180 度硬左成日 ! 本想找母乳指導幫手 , 但最慘在晚上及 $ 450 / 小時 ( 好肉赤 ) 最後只好自己用手不停按及向中間推 ! 攪了成晚總算好 d 但係個 breast 就紅了一大遍及好似下垂左 dd 甘羅 !!

祝你及你的家人新年快樂 !! add oil !! add oil !!

小程程寫道:
23號下晝食左太x燒味就開始唔舒服,24號朝瀉左10幾次,臨近聖誕先黎唔舒服已經好唔開心,點知好戲在後頭...

25號凌晨2點開始覺得個肚又想瀉,個人發滾,同一時間覺得個左胸胸底至腋下硬左兼好痛,個乳頭剛係前一餐俾個仔食損左又痛,因為之前都試過一次塞左(輕微的),我知道最有效既方法就係俾個仔食通佢,咁既情況泵都泵唔出架喇,就唯有等個仔要下一餐...

個胸愈來愈痛,真係郁一下都痛到想c,個肚又痛不斷要去廁所瀉,最後拍醒老公,痛到忍唔住喊左出黎,嚇到佢c,因為不嬲o係身體上我都係硬淨型,因為身體唔舒服而喊都可算係第一次.瀉左幾次之後個人開始發冷,原來發冷真係成個人咁震,老公摟住我都覺得好凍...

一直都痛到訓唔著,好唔容易等到個仔5點開始喊,當時已痛到移動身體去餵奶都好勉強,可知宜家先係極刑既開始.硬左果度已經夠唒痛,再加上乳頭損左,個仔一啜落黎,我真係痛到想暈,到可以回到神黎,理智話我知無論點痛都要盡快通左佢,否則手尾仲長,唯有忍痛用手不斷按硬塊...其間轉姿勢,用熱瓶敷,不斷按,好在阿仔都好合作食左半個鐘,硬既地方消減左部分,但仲係幾痛,老公試幫口,行唔通,再用泵,都泵唔係好...騰折到7點幾,算了,下餐等個仔再啜罷...天寒地凍,個人發緊冷都仲要用冰敷個胸,可想當時真係好唔易受...

之後個仔食多一次,情況繼續有好轉,跟住晨早老公就"的"左我去醫院睇醫生.

老公親眼睇見我經過一晚既折磨(尢其係第一次俾個仔啜,佢見我真係痛到想c),佢即時下令叫我唔好再餵人奶了,但當然,佢都知道我係c硬派唔會o采佢!但經此一役,我都好有陰影,我諗我要揾個母乳指導教我正確姿勢,盡量避免再塞或整損,如果再黎一次我真係受唔住喇...! :-( :-(