男人都係善變既, 你唔好理你老公而家想唔想生, 最緊要你自已想要. 
MissMaMa 寫道:
其實都好難講供樓同養BB邊樣較吃力, 都好個人既.
有d人送bb去 playgroup 可能都花幾千蚊一個月, 呢個數目已經夠供一間天水圍既居屋.
不過, 我個人就認為供樓較吃力. :-P
我覺得你想生bb就應該早d生, 因為有仔真係要趁嫩生, 遲d年紀大, 想生都難. 唔好咁多顧慮, 快d生bb啦.
仲有, 年青既男人未必想有bb, 但年紀大左, 男人就好恨有bb. 我識得對中年夫婦, 後生時男方唔想要bb, 但到左40幾歲時, 男既竟然又想生bb, 但女既就無所出, 結果個衰男人就返大陸搵個女人同佢生.
TimBB 寫道:
唔好意思，八卦問句，咁你以前有冇做到檢查咖?
一個人做定有冇同埋老公做?邊度做同埋 budget 要幾多?
因為我都想 plan 下，麻煩晒唔該晒。
MissMaMa 寫道:
我之前做檢查係o係我婦科醫生度做, 價錢唔係好記得, 好似係千零蚊.
我淨係自己做, 因為我冇地貧, 如果有, 老公都要驗.
你都講得o岩, 生bb真係兩夫婦既事, 唔可以一廂情願.
聽你之前講, 你老公都唔算係好強硬唔要bb既人.其實有好多原本唔鍾意細路既男人, 見到自己既bb出世, 都會唔同晒, 變得好like 小朋友, 我有d friend都係咁呀. 我諗令你老公喜歡小朋友既方法, 就係生個bb出來, 始終血脈相連ma. 聽落好似好冒險, 但真係好多男人見到自己既親生骨肉就好感動, 兼且後悔咁遲先至生bb.
唔知你老公會唔會係咁?
:cry: :-( 
eeb 寫道:
如果生咗出來，邊個湊先？我之前問晒人，bb平均的開支大概二千蚊一個月(由0-3歲就尿片奶粉，3-6歲唔洗尿片奶粉後就幼稚園學費、6-15歲小學/中學唔洗學費就d興趣班，一直基本開支都係~兩千)，o個時老公話奶奶可以幫我地湊，所以我覺得係絕對負擔得起。
但有咗之後老公再同奶奶商量，奶奶唔幫我地湊，叫我地自己請工人，我地唔想請外傭，本地褓姆要$6000一個月，都幾咁，所以計開支時要計埋"湊仔費"，有d人俾媽咪/奶奶湊都要俾$。
TimBB 寫道:
唔該晒eeb!!!
一個檢查要HK$1,200.- 是普通婦科醫生or家計會?
聽落個基本支出都唔係咁大，好似都負擔得黎。
湊 BB 方面呢，奶奶都肯幫我湊嘅，再唔係呢，其實我阿媽都話過幫我湊。不過我信唔過我阿媽嗟~
當然都要生左出黎先知道係唔係真係會湊~
所以都應該諗埋湊仔費嘅~
如果佢地真係肯湊，咁我咪將筆湊仔費俾奶奶或者阿媽當係甜頭，都要識做咖嘛~
咁你而家係咪已經請左本地人湊仔呀? $6000 又好似幾貴喎！
)，如果有人肯湊，其實so far我唔係用咗好多$，我有睇私家，夾夾埋埋成$7000，不過就唔打算去私家生，我係之前心大心細所以私家/政府兩面睇，如果一開始打算去政府，最好都預d錢去私家，例如由四個月開始一個月去一次，咁都係預$3000左右，因為私家check真係好好多，次次同妳照，安心好多(政府一次都無同我照過 
) 
發表於 
返回列表
