sleepyBB 寫道:
其實都唔止一次，我屋企有個工人，佢黎左唔係好耐，自從佢個次煮野食俾自己食時，浪費左d食物，老公就開始唔鍾意佢，又唔滿意佢清潔，又唔滿意佢唔問佢食唔食野，ok，我教工人，至少佢從來冇黑面對我，對我女女好好，教佢好多野，當然真係有做得唔啱既地方。不過每次我老公見到佢唔好，就同我講，不過d語氣係鬧我冇分別，就好似頭先，我工人冇掛佢套西裝，佢就大聲問我，「佢仲咩0掛西裝，唔駛做ar!你同我鬧佢ar!」我嚇到成個人跳起，個心跳得好快，跟住我話「會唔會佢以為你今晚返工ar!等我聽日同佢講。」因為套西裝放左係書房到，同埋我老公成晚係書房做野，我工人唔敢入去，唉~~唔通我咁同番佢講咩。已經唔止一次嚇到我咁。好似自己做錯野。
跟住佢話「拎對襪俾我。」，咁我去拎，佢又話「我都話拎d襪頭緊個d」，我話佢冇講，不過我都搵過俾佢，咁我放係sofa度，點知跌左，佢話「做咩對襪係地下。」不過佢唔會去執，咁我咪去執。
亦試過佢成日番到屋企好似我係佢工人咁，我而家返part-time，一放工去買餸，仲買野俾佢食，番到屋企我都好累，佢即見到我叫我去沖野飲，我話好累，遲d先(平時我會幫佢)，之後佢即刻發脾氣，話少少野都唔做，咁我抖左一陣，都沖俾佢飲，佢一句唔該到冇，係我叫佢講，佢先講。
由於我唔想大家感情有因為呢d野有問題，我會聽佢講照做。
當我叫番佢做野，我係會講唔該前，唔該後，有時佢會講:「妳自己唔識做ar」
其實佢一直話我唔做家務，咩都唔識做理由，叫我做多d野，不過佢叫我做個d，係咪=一個工人呢。
無ar!因為佢頭先咁樣，令我有d難過。
sleepyBB 寫道:
呢個係由我結婚之後出現既問題，同佢講過，佢覺得冇問題，問題係我度，係我唔做野!
ok，我係唔識做家務，不過個時我又返全日，又返夜校，返到屋企又做，成日唔夠訓，佢都覺得係我太專注工作。
我認，所以我都為左大家好，我改，而家我相信唔會唔做野，不過我只係覺得有時我好似一個工人多過佢老婆，佢都有手有腳，連拎牙簽都係「老婆，去廁所拎支牙簽黎」，我話睇梗電視，一陣先，佢就話我都睇梗。
只係想問下而家係咪我好有問題呢?
我為左維持關係我會去做，不過唔知頂得幾耐。但當佢對我唔好，我會諗下佢對我好既野，個心又會好好多。
sleepyBB 寫道:
我都覺得好「縱」佢咁，不過我唔想好似之前咁成日同佢有爭執，而佢除左呢d之外，都對我好好，所以咁先無奈。同埋佢成日話自己係欲以前「縱」我，所以而家唔會咁wor!
至於佢工作，係好大壓力，不過我覺得每個人都有自己壓力，但都要理會對方感受，係咪。
發表於 
同埋我覺得你仲慘過你個工人囉,因為大家既身份唔同,你老公連隻襪都唔識自己去執番,要牙簽又只識得擘大個口講,你唔問下佢,叫佢咁樣服侍你得唔得, 
返回列表
