Re: 原來蔥可以自己o係屋企種
suilangmui 寫道:
[quote]
vista 寫道:
請問用紅蔥頭種得唔得呢?
你可以試o下擺到佢發芽先種落泥. 我而家試緊種蒜頭. 都係見舊蒜頭發o左芽就放落泥度種. 又ok喎.
而家我屋企有白菜仔, 蔥, 士多啤利, 番茄, 小麥草... 如果種得成就大把o野食lor. 
[/quote]
嘩~~ 士多啤梨點樣種架?? 係咪係街買一pack果d, 返黎就咁放落d泥度就得架啦??
我而家都種左好多野係露台呢~~
蔥除左用泥種, 水種都得架~ 搵個杯裝水放蔥(一樣切左綠色, 留蔥白, 不過最好唔好切咁盡, 留返多d會快d生返出黎), 每日換水(唔換水會好臭架!!), d蔥出得好快, 快過用泥種!! 基本上3~4日就可以剪返d用架啦~~
記得記得真係要日日換水!! d水要浸過2寸左右~
另外仲有好多野可以種架~~ 我而家種緊生菜, 個零月就食得架啦~~ 非常翠綠~~ 好靚架~~ 我係由種子開始種起, 係d菜種店果度買~
仲有我種緊甜豆, 好易種, 而家出左幾條, 又有幾朵花開緊~
仲有rosemary, 九層塔就係花店買返黎既, 生命力非常強又易種~
仲有蕃茄仔, 龍眼(由種子開始種起架, 不過而家仲好細, 要幾年先會有返咁上下高或收成), 蘆薈(係由日本城果d 10蚊盆果d種起, 而家已經多到放唔落(1盆大, 3盆細)), 炮仗花(係街邊剪2塊葉, 插落泥度種, 又work喎, 唔知今年會唔會開花? 已經爬到好高lu~)
種花種菜真係好好玩, 好有滿足感~~
我同老公都決定左, 第時搬屋, 一定會揀有露台或花園既屋, 我地係唔會放棄d花既!! 
♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！
發表於 
<br>
返回列表
