但係我推住BB車, 一定好"輪盡" 咁我唔小心將BB車"Hi"親個女人. 但我即時say sorry. 其實我係想等我再固定車仔後再問她有冇事. 但係我都未講完個sorry, 個女人已經大大聲咁鬧我 "你撞親我呀!!. 你知唔知呀?" 我真係俾佢嚇親. 最慘係B女, 一聽佢出聲就喊啦. 我即時火都嚟. 
咁我話"我都講對唔住啦! 你使唔使咁大聲呀,嚇親BB啦,"之後佢仲講. "咁你撞親我, 係唔係應該鬧你." 之後我就講. "我"Hi"親你. 你又冇受傷. 最多係BB車Hi親你隻鞋.同時我又say sorry啦. 你仲想點呀?" 係呢個時候, 應該係佢老公的人物出現. 仲大聲個女人. 個男人就話"咩事呀你? 你撞親我老婆仲大聲鬧佢!" 都唔知邊個大聲鬧. 真係俾佢把聲嚇到呆一呆. 之後B女仲喊得大聲啲.(係嚇親個啲喊聲) 我即時抱起B女仲掩住B女耳仔, 但係都唔得. 個時真係好委屈同好驚. :cry: 一個女人同BB係商場俾個男人鬧. 好彩有位太太出口幫我. 但係都係於事冇補. 係好驚的時候, 老公同兩個叔仔加朋友都返嚟. 我一見我老公就即時 喊. 因為真係好委屈, 未試過俾人係街度鬧我. :-( 老公問我咩事, 我一五一十講俾佢聽. 細叔仔聽完好嬲. 就走去個男人面前, 想質問佢, 點知個男人衰到揾佢老婆出嚟. (即時最初我Hi親嗰個女人)三叔仔知道後加上佢個b女收唔到聲. 仲嬲所以就係咁鬧個男人"係唔係男人, 係個商場度蝦一個女人同bb. 個男人就唔知點解唔出聲. (可能我兩個叔仔好高大) 
變咗佢老婆出聲. 都係得個句"佢(我)用bb車撞親我"但係叔仔即時講. 我大嫂(我)都同你講咗對唔住啦. 你仲想點呀. 使唔使"針"茶俾你呀?"點知佢仲講"佢(我)推bb車就唔好嚟呢度" :evil: 咁叔仔個老婆就好嬲咁話. "係唔係依家推BB車係犯法. 唔俾人出街, 一出街就要俾人鬧?" 之後身邊啲人就係咁講佢哋兩公婆. 我哋就入咗去食飯. 
發表於 
謝謝你, 小香香.. 
返回列表
