夫婦情感 今日: 9|主題: 42719

Circlelok 寫道:
如果係我老公，我都一定會叫佢轉工。

fatfatyan 寫道:
樓主, 你說想他轉工, 因為搵得唔多錢同埋遲返屋企, 你心裡一定怕有日會出亂子吧! 但你有否想過你先生可轉什麼工呢? 如果他轉工, 會否更低人工?

這樣的心情跟他講電話, 等如推個c6走. 司機其實是一份很辛苦的工, 信他吧, 可能只是想減下壓, 不要醉駕便好了. 我相信你先生想返到屋企見一個開心的太太吧!

fatfatyan 寫道:
我也很明白你擔心什麼, 但男人好似天生唔鍾意人管咁. 如果你擔心的同佢媽咪一樣, 佢可能會唔鍾意架! 更何況好多男人覺得自己有頭家要理, 又怎會有多d錢唔搵呢?

有無諗過忍一下先, 睇下有咩工佢岩轉又想轉? 巴士司機都好似有萬零蚊架!或者儲返d錢睇下有無機會比佢轉行?

fatfatyan 寫道:
要沖涼訓了, 你要返工嗎? 會否等佢門? 記得對住佢要寬容d啊!

fatfatyan 寫道:
唔好諗咁多, 訓返覺好既!

NICNICMAN 寫道:
candybbnow:
轉唔轉工幾時到我哋d老婆話事,再忍多四個月啦!我都忍咗好耐 :-(

414928 寫道:
樓主我覺得你應該改變一下自己的想法:
1)老公現在又沒有行差踏錯,只是同朋友飲下野,你就想出 麼多負面事情,是否自己嚇自己呢

其實係因為,佢有次零晨2 點幾鐘唔小心打左番黎屋企,而佢自己唔知,我O係電話入面聽到佢同另一個女仔一路行一路傾計,又話唔食飯 咪去飲野囉...之後我收左線,再打番俾佢,我問佢現家O係邊,又問佢係咪得自己一個,佢話開緊工,自己一個...之後我就話"我以後都唔會再信你"就收佢線,過左一陣佢番到黎屋企,就問我咩事,我唔出聲,佢就發番我脾氣轉頭,之後佢仲訓埋覺,我等到佢訓左,我拎左佢手提搵到其中一個名打住(XX老細),XX係佢公司名,但佢3個老細都係大6人,冇咩可能會有香港電話,之後我就用133打去,點知係個女仔聽,個女仔同我講,叫我唔好擔心,佢係我老公個朋友既女朋友...之後仲同我講,有時我老公都係同佢地出野飲下野,BBQ,打下邊爐,食下飯既者,冇咩野,那當然我當時係勁嬲...因為我係完全一件事都唔知,之後我老公醒左,我趕佢走,好老實,我真係好唔鐘意佢講大話,因為佢番呢份工咁耐,我一直都好相信佢,相信到我只會怪自己咩都幫唔到手,要老公捱得咁辛苦,但結果係佢講大話...我以前就係事事都信哂到,先俾佢呃完一次又一次,到左現家,佢都仲係講大話...

2)現在搵野做唔易,轉工不是你話轉就轉,家裡有儲蓄嗎?能夠支付6個月左右的開支嗎?如果無就不要想太多了,男人背起頭家有壓力啊。

我有儲開錢,足夠應付以後佢冇野做既半年時間...


3)兩公婆信任好重要,好多問題都是由不信任開始,一個男人希望番到家,會見到一個細心體貼的老婆,而不是問長問短的太太。

就係信佢太多,佢又負過我太多...之以前既事,我都唔想講,亦唔想提,但每次我重新俾信心佢,佢就令到我對佢由100分 變成負分...

4)你現在是想解決問題定想分手 ?如果想解決問題,就要給予合理的空間,但你可以要求佢盡量抽多點時間回家,因為女女好想念他,我也想煲些湯水佢飲,跟住就等佢安排了,你嘗試把心思放係女女身上,就會減低你對老公的要求了。

我巳經係隔2日就煲一次湯,就算佢話番唔到屋企,我都用暖水壺入住佢,叫佢順路就拎番公司飲...

5)在香港好多男人為了要搵食,都不能時時陪伴家人,你只是其中一個吧了,不要把問題放大吧,夫妻傷了感情真是很難修補的。