自由講場

收藏本版
發帖
返回列表
跳至頁

首頁
12

尾頁
   0
大肚婆小姐


洋房

積分: 466


1#
發表於 07-2-8 17:47 |只看該作者

無良醫生坐地起價，本地孕婦權益何在？

PART 1

如果你、你家人、朋友有生兒育女的打算，那麼下一位受害人可能就是你。

此文並非轉貼（歡迎轉貼），是本人的親生經歷，並已於今天致電到蘋果日報服務版求助。希望他們會盡力協助本地孕婦。

事情經過：

本人第一次懷孕，預產期是 2007年4月。2006年11月從同事口中得知有位姓「鄧」的（男）婦產科私家醫生，收費相宜。於是致電到鄧醫生醫務所向診所護士查詢各項服務收費。得到的回覆是：

（1）照立體超聲波 / 傳統超聲波收費相同：港幣 400元正
（2）順產，連住院（浸會醫院）費全包套餐：港幣 25,000 元正
（3） 剖腹生產，連住院（浸會醫院）費全包套餐：港幣 28,000 元正

(因為很長, 會分開幾 PART)
私人傳訊

大肚婆小姐


洋房

積分: 466


2#
發表於 07-2-8 17:48 |只看該作者

Re: 下一位受害人，可能就是你！

PART 2

2006年12月2日，本人首次到鄧醫生診所進行產前檢查，親自向鄧醫生本人查詢各項服務收費。得到的回覆，與之前在電話中，從助護口中得到的回答是一模一樣。此外，當時本人亦向鄧醫生本人問了幾條新問題：

（1） 關於剖腹生產，如要選擇時辰開刀，要否另加收費？如需要，另加費用是多少？
（2） 關於剖腹生產，假設胎兒早產，本人比預期早了入院，要否另加收費？如需要，另加費用是多少？

得到的回覆（鄧醫生口述）是：

（1） 不需要另加收費。本來選擇時辰開刀，浸會醫院會向產婦多收取約港幣$10,000 的費用。不過鄧醫生可跟病人預先協議手術（開刀）時間，而不通知醫院。這樣產婦便可以省回金錢。鄧醫生還提醒本人，入院時切記不要通知院方有關選擇時辰剖腹生產的事。

（2） 假如入院時間超過晚上九時，院方會向本人收取約港幣千多元的附加費用。至於手術費和手術室費用，請本人不要擔心。因為他素有經驗，會靈活遷就手術室時間。而鄧醫生本人就不會因胎兒早產調高收費。

此外鄧醫生還提醒本人，由於床位短缺，請盡早決定剖腹生產的日期和時間，好讓他們能夠替本人與浸會醫院聯絡，預約床位。預約按金是港幣 3,000元正。

後來本人向另外一位婦產科醫生查詢預約手續，同樣是到浸會醫院剖腹生產。醫生說只需要入院時向醫院繳付約港幣 10,000 按金即可。本人就此事再致電到鄧醫生醫務所查明，姑娘的回答是：「那是鄧醫生向產婦收取的按金，跟醫院收取的不同。出院時按金會在賬單自動扣回。」
私人傳訊

大肚婆小姐


洋房

積分: 466


3#
發表於 07-2-8 17:48 |只看該作者

Re: 下一位受害人，可能就是你！

PART 3

2006年12月30日，本人第二次到鄧醫生醫務所進行產前檢查，並繳交了港幣 3,000 元按金，預約 2007年3月28日下午5-7時進行剖腹生產手術。在姑娘填寫的按金收據上，只寫上手術日期，沒有時間，也沒有手術費的總數。

本人惟恐姑娘預約時會出錯，便請她在按金收據上寫上剖腹時間，以免日後出現爭拗。但不獲接納，姑娘的解釋是：「咁樣做唔啱規矩。」並再次提醒本人入院時切記不要通知院方有關選擇時辰剖腹生產的事，和請本人不要擔心。然後請本人在按金收據背面簽署，同意按金不獲退回的條款。本人不虞有詐，便照做了。
私人傳訊

大肚婆小姐


洋房

積分: 466


4#
發表於 07-2-8 17:49 |只看該作者

Re: 下一位受害人，可能就是你！

PART 4

2007年2月5日，本人第三次到鄧醫生醫務所進行產前檢查。進行檢查前，鄧醫生忽然向本人說，有關剖腹生產的手術費，需要向本人收取附加費。本人當面向他查明原因，對話大概是：

醫 = 鄧醫生 本 = 本人

醫：手術費果度宜家要加返多少啵。
本：請問點解要加錢？
醫：因為醫院要加收選擇時開刀的費用，咁我就要收返你多少手續費啦。
本：但我地之前明明講好左，你話可以私底下遷就時間，咁我上次先交按金乍啵。
醫：拿，醫院加左錢，咁我都係收返你多少當手續費姐。
本：下？！上次都唔係咁講嫁？！

本人滿面問號，鄧醫生便從枱頭隨手拿出一張寫著「聖德肋撒醫院，從2007年2月起有關內地孕婦收費」的 Fax 文件。鄧醫生邊指出文件上的收費數字，邊向本人說：「拿，醫院唔會呃你嫁嘛，係咪？」

本：醫生，我又唔係內地孕婦，又唔係法國醫院生，咁呢張野關我咩事？
醫：醫院嘅野，間間都一樣嫁喇。醫院唔會呃你嘅！
本：咁宜家你想加幾多丫？
醫：三幾千呢就梗嫁喇。
本：咁實際上即係幾多？我驚出院時無啦啦要比多三幾萬啵。

本人多次要求鄧醫生說出到底臨時多收的金額是多少，鄧醫生都沒有正面回答。到最後，居然向本人說：「你比唔起錢嘅，咪讓個時間出黎比其他比得起錢 D 人囉！」

本：有無搞錯呀？我比晒按金嫁！你咁都得？咁我唔搵你開刀喇，你退返 D 按金比我啦！
醫（笑著說）：哈哈，按金呢 D 野就梗係無得退嫁喇！
本：咁你咪即係行騙？
醫：哈哈，咁一係我同醫院講你選擇時辰開刀，你比多萬幾蚊醫院囉！哈哈！醫院就唔會呃你嘅！你自己諗下啦！

私人傳訊

大肚婆小姐


洋房

積分: 466


5#
發表於 07-2-8 17:51 |只看該作者

Re: 下一位受害人，可能就是你！

PART 5

然後鄧醫生提醒本人考慮清楚，並且要在一星期內打電話到其醫務所，與姑娘覆實是否願意讓他多收「附加費」。假如不願意，本人原本跟鄧醫生協定的那個時間，便要讓給「比得起錢」的人了。

事發之後，本人認為這是行騙手法，欲向警方求助。與丈夫商量後，又感沒有證據（莫非連看醫生都要預先錄音？），最後決定向蘋果日報求助。

本人預產期是4月，現在已經是2月了，即使立即請其他婦產科醫生幫忙，醫院亦沒有多餘的床位可提供了。即使有，金額亦比預期高出很多。而由於本人已打算到浸會醫生剖腹生產，為免增加醫護人員工作（大家也知道政府醫院的前線人員，均被內地孕婦搞得頭昏腦脹了），本人亦已放棄到政府醫院作產前檢查。

另外本人選擇剖腹生產，大部份原因是腰傷未癒，選擇順產是怕痛之餘，亦害怕會加重腰患。如今即使本人選擇到政府醫院順產（鄧醫生的醫德與手法已經使本人不敢找他動手術，更何況附加費仍是個問號），醫院亦未必有床位給我（身為納稅人，當然不希望眼巴巴看著滿口連自己都聽不明白的語言的人，大搖大擺賴在病床挖鼻屎，而自己側委屈於走廊的帆布床上餵人奶！），即使有，腰間的傷患又怎麼辦呢？

「生仔」是人生大事！尤其對女性來說！無良醫生利用我們這種心態，加上香港這個時勢（大量孕婦湧入，政府懶理，不愁沒生意，於是價高者得），便趁機要脅（還是行騙？）。

本人不清楚鄧醫生這麼做是否已觸犯法例（刑事），如果是，本人一定會義不容辭到警署報案並指證他。假如這樣的手法也被視為「正當」，相信不久將來會有更多醫生效法！本人在此衷心希望不會再有下一位受害者！

本人在此聲明會保留所有追討權利。
私人傳訊

jc_綠寶石


複式洋房

積分: 438


6#
發表於 07-2-8 18:06 |只看該作者

Re: 下一位受害人，可能就是你！

你覺得有問題，點解你唔轉醫生 又或者嘗試問朋友ｄ意見 我直覺覺得佢操守有問題 亦唔會係一個好醫生，你可向醫務委員會投訴
私人傳訊

大肚婆小姐


洋房

積分: 466


7#
發表於 07-2-8 18:14 |只看該作者

Re: 下一位受害人，可能就是你！

jc_綠寶石 寫道:
你覺得有問題，點解你唔轉醫生 又或者嘗試問朋友ｄ意見 我直覺覺得佢操守有問題 亦唔會係一個好醫生，你可向醫務委員會投訴

你是指現在轉醫生嗎? 已問了另一位在浸會掛牌的醫生, 他要收 4 萬幾, 跟我原本的預算相差很遠

我只係個普通打工仔, 如可以我想留返多 D 錢買野比 BB 同自己補下身, 當初亦係因為覺醒鄧醫生收得幾平所以先找佢~

醫務委員會....謝謝你, 如果生果日報唔跟進, 我會嘗試打去問下投訴辦法.. 但講到尾官官相護, 我會信傳媒多 D!
私人傳訊

jc_綠寶石


複式洋房

積分: 438


8#
發表於 07-2-8 18:36 |只看該作者

Re: 下一位受害人，可能就是你！

一係妥協 ，佢要收幾多，你就俾幾多 :-( 二係問多幾個有口碑嘅醫生（當然係經朋友諮詢） ｏｋ嘅就撇佢 如果現在你同佢有爭拗，又要佢同你接生，受害ｏ個都係你自己 :-( :-( :-(
私人傳訊

大肚婆小姐


洋房

積分: 466


9#
發表於 07-2-8 18:42 |只看該作者

Re: 無良醫生坐地起價，本地孕婦權益何在？

jc_綠寶石 寫道:
一係妥協 ，佢要收幾多，你就俾幾多 :-( 二係問多幾個有口碑嘅醫生（當然係經朋友諮詢） ｏｋ嘅就撇佢 如果現在你同佢有爭拗，又要佢同你接生，受害ｏ個都係你自己 :-( :-( :-(
公開得呢件事，我就唔會找佢開刀了...何況佢死都唔肯講要加幾錢，一陣我下次檢查佢又話要加咁我點算？我又不是開金礦 :-(
就算有錢都覺得自己好似水魚呀，任人生劏活剝！！
私人傳訊

DoReMi媽媽


象牙宮

積分: 230679

母親節2025勳章 2025勳章 2025勳章蛇年勳章 2018復活節勳章 醒目開學勳章 15週年勳章 親子王國15週年勳章 親子王國15週年勳章


10#
發表於 07-2-8 18:49 |只看該作者

Re: 下一位受害人，可能就是你！

但係你將件事俾咗報紙跟進, 咁佢哋去揾個醫生, 醫生都會估到係邊個投訴, 但你仲俾佢同你接生, 放心嗎?
私人傳訊

大肚婆小姐


洋房

積分: 466


11#
發表於 07-2-8 18:54 |只看該作者

Re: 下一位受害人，可能就是你！

DoReMi媽媽 寫道:
但係你將件事俾咗報紙跟進, 咁佢哋去揾個醫生, 醫生都會估到係邊個投訴, 但你仲俾佢同你接生, 放心嗎?
呢個醫生的醫德好有問題，而且當面多次追問佢究竟要臨時加多幾錢，佢死都唔肯講！我已決定不會（而且都唔敢，我怕下次佢食過翻尋味又話要加）找他開刀，產前檢查會另找高明∼
私人傳訊

DoReMi媽媽


象牙宮

積分: 230679

母親節2025勳章 2025勳章 2025勳章蛇年勳章 2018復活節勳章 醒目開學勳章 15週年勳章 親子王國15週年勳章 親子王國15週年勳章


12#
發表於 07-2-8 18:59 |只看該作者

Re: 下一位受害人，可能就是你！

大肚婆小姐 寫道:
呢個醫生的醫德好有問題，而且當面多次追問佢究竟要臨時加多幾錢，佢死都唔肯講！我已決定不會（而且都唔敢，我怕下次佢食過翻尋味又話要加）找他開刀，產前檢查會另找高明∼

咁就好啲, 始終生bb都係一個手術, 無謂將自己交俾一個信唔過o既人手上. 你唔好咁激氣嘞, 而家陀住bb, 要保持心境平和, 其他o既嘢, 既然你已交俾報紙跟進, 就等佢哋去搞啦!
私人傳訊

wendykaka


翡翠宮

積分: 91216

好媽媽勳章 畀面勳章


13#
發表於 07-2-8 19:10 |只看該作者

Re: 下一位受害人，可能就是你！

還是先找有口碑既醫生檢查身體, 一切準備好才處理"鄧醫生"的事, 妳要 keep 好先前佢收妳按金的收據, 又可以考慮向"小額錢債"投訴. 若妳已經向"生果日報"求助, 佢地會幫妳向律師資詢的, 咁當然係一些簡單的資詢啦.

Take Care.
私人傳訊

最愛小朋友


子爵府

積分: 11633


14#
發表於 07-2-8 19:11 |只看該作者

Re: 下一位受害人，可能就是你！

你講既鄧醫生係咪係佐敦架??
如果係既話，我都睇過佢，
而且仲有d好唔開心既經歷，最後個bb都冇埋。
所以我好唔信任呢個醫生
而且呢個醫生d態度都好囂張........真係好乞人憎
私人傳訊

yvonne


別墅

積分: 989


15#
發表於 07-2-8 19:16 |只看該作者

Re: 下一位受害人，可能就是你！

是否在旺角呀?

最愛小朋友 寫道:
你講既鄧醫生係咪係佐敦架??
如果係既話，我都睇過佢，
而且仲有d好唔開心既經歷，最後個bb都冇埋。
所以我好唔信任呢個醫生
而且呢個醫生d態度都好囂張........真係好乞人憎
現在我彷似在等待，等，等那一天來；莫道你心痛不可耐，我心更哀。若問我想找的所在，找，找我的將來。為著我心中的希望，生命已擲門外。看著這如病染的祖國，誰亦要奮起叫嚷！放下眼前原屬我的一切，五月的陽光在照耀. 8964
私人傳訊

大肚婆小姐


洋房

積分: 466


16#
發表於 07-2-8 19:17 |只看該作者

Re: 下一位受害人，可能就是你！

wendykaka 寫道:
還是先找有口碑既醫生檢查身體, 一切準備好才處理"鄧醫生"的事, 妳要 keep 好先前佢收妳按金的收據, 又可以考慮向"小額錢債"投訴. 若妳已經向"生果日報"求助, 佢地會幫妳向律師資詢的, 咁當然係一些簡單的資詢啦.

Take Care.
多謝..其實我唔係想要返三千蚊, 佢肯退當然好啦, 我最想係公開呢件事, 投訴佢, 比多 d 人知有醫生用咁既手法呃人
大肚已經好辛苦, 壓力好大!! 我真係唔想再有其他媽媽好似我咁被無良醫生欺騙...
私人傳訊

mylulu007


伯爵府

積分: 15536


17#
發表於 07-2-8 19:19 |只看該作者

Re: 下一位受害人，可能就是你！

聽到我都 呀, 個醫生擺明知妳唔經佢接生就無乜選擇, 所以坐地起價, 而家擺明 "簡"客黎做, 佢知私院無位, 就炒位?!!! 咩野叫"俾d俾得起錢既人?" 分明就係見錢開眼啦, 佢好無醫德, 仲要累得陀住7,8個月的孕婦無位生仔 !!!!!

咁妳而家打算搵邊個接生? 真係唔好意思, 我幫妳唔到 (因為我o係政府開刀生), 妳post去2006年尾媽咪會/產前產後, 睇下有無媽咪可以幫幫手ar.

唔好咁勞氣, 生仔要緊.
私人傳訊

大肚婆小姐


洋房

積分: 466


18#
發表於 07-2-8 19:19 |只看該作者

Re: 下一位受害人，可能就是你！

最愛小朋友 寫道:
你講既鄧醫生係咪係佐敦架??
如果係既話，我都睇過佢，
而且仲有d好唔開心既經歷，最後個bb都冇埋。
所以我好唔信任呢個醫生
而且呢個醫生d態度都好囂張........真係好乞人憎
係呀..油麻地近佐敦果頭
嘩..你仲慘過我連 bb 都無埋...
希望你唔好唔開心了
私人傳訊

大肚婆小姐


洋房

積分: 466


19#
發表於 07-2-8 19:21 |只看該作者

Re: 下一位受害人，可能就是你！

yvonne:

是佐敦
私人傳訊

大肚婆小姐


洋房

積分: 466


20#
發表於 07-2-8 19:24 |只看該作者

Re: 下一位受害人，可能就是你！

mylulu007 寫道:
聽到我都 呀, 個醫生擺明知妳唔經佢接生就無乜選擇, 所以坐地起價, 而家擺明 "簡"客黎做, 佢知私院無位, 就炒位?!!! 咩野叫"俾d俾得起錢既人?" 分明就係見錢開眼啦, 佢好無醫德, 仲要累得陀住7,8個月的孕婦無位生仔 !!!!!

咁妳而家打算搵邊個接生? 真係唔好意思, 我幫妳唔到 (因為我o係政府開刀生), 妳post去2006年尾媽咪會/產前產後, 睇下有無媽咪可以幫幫手ar.

唔好咁勞氣, 生仔要緊.
宜家都唔知點算, 問左另一位浸會掛牌醫生收好貴, 而且唔知有無位生, 或者再打去政府醫院問下...

最壞打算係學大陸人咁 call 白車入急症室...但我唔想呀
覺得會好危險
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見