Baby Kingdom - 親子王國 香港 討論區 › 首頁 › 懷孕前後› 有無似我咁早就咁論盡??

懷孕前後

收藏本版
發帖
返回列表
跳至頁

首頁
1

尾頁
   0
納奧美


大宅

積分: 1167


1#
發表於 07-2-10 22:50 |只看該作者

有無似我咁早就咁論盡??

已經32周了，由30周起覺得恥骨隱隱痛，兩腳開始重 (我沒有腫，肚也不算大，我想主要因為荷爾蒙影响盆骨恥骨關節/韌帶鬆弛)。
這兩天肚子往下降了(之前在肚臍位附近圓圓尖尖的，這兩天最突出的地方變了在肚臍和毛毛之間)，恥骨位(脾罅)赤赤痛，但最困擾是發唔到力，可說是舉步唯艱。今天跟家人到外面走走，竟然行少少路(一分鐘)都不能，要坐下休息，而且是 "吞下吞下" 的行 :-( :-(
只係32周咋，已經咁論盡，點算呢？(東西還未買齊啊！前四後六都無咁早放產假啦--好在我不用上班) 會唔會代表BB會早出世？ 有沒有人是懷孕後期這麼長時間 "論盡" 到須產日子才生呢？當時你們日子怎麼過呢？ :-(
私人傳訊

Sophia_Baby


複式洋房

積分: 151


2#
發表於 07-2-10 23:25 |只看該作者

Re: 有無似我咁早就咁論盡??

Hello 納奧美,

我駝住我bb時36週都係恥骨大脾位痛，痛到轉唔到身、起唔身、每次轉身起身都要2分鐘。行路又痛。我都好驚捱唔到40週。好彩只係痛左約一星期左右又無事了喎
所以唔使咁擔心架
私人傳訊

kerkermui


伯爵府

積分: 18610

醒目開學勳章 BK Milk勳章


3#
發表於 07-2-11 07:55 |只看該作者

Re: 有無似我咁早就咁論盡??

我都有近似情況!
31wk起恥骨隱隱痛,但唔嚴重;但對腳就開始腫
:-(
個人好懶唔想郁! 試過兩次上落樓梯失平衡差d跌!
e家好小心呀!老公下令:lift>>電梯>>樓梯
我又唔太擔心,只係承認自己"論盡" (因一路應為自己馱得好輕盈)
私人傳訊

納奧美


大宅

積分: 1167


4#
發表於 07-2-11 23:23 |只看該作者

Re: 有無似我咁早就咁論盡??


我都係，一路人人都話我陀得好輕 "形"，但而家起身要搵野就力或要人扶，行路 "雅" 下 "雅" 下兼且 "吞吞下"。黎緊仲要去買埋未買的BB/媽咪/產婦用品，雖然老公會陪我去買，但我行動咁辛苦，佢已經話要推奶奶部輪椅返來 (因我奶奶年紀大，有時去遠地方或長途旅行坐輪椅會方便些)用住先，特別如果我想去行公司或行荷花等，看來佢一定要我坐在輪椅上推我行

私人傳訊

阿藍2006


侯爵府

積分: 21473

好媽媽勳章 畀面勳章


5#
發表於 07-2-11 23:25 |只看該作者

Re: 有無似我咁早就咁論盡??

我陀到30週就開始都好似你咁
我起身轉身都要搵老公先得...
如果唔係想行都幾難
我bb早左預產期1個月,不過都算足月
所以唔洗驚
私人傳訊

robin.g


別墅

積分: 655


6#
發表於 07-2-11 23:40 |只看該作者

Re: 有無似我咁早就咁論盡??

弊啦! :cry: 我現在23週巳好似 納奧美咁了,只是個肚末下降!怎辨 :-(
私人傳訊

阿藍2006


侯爵府

積分: 21473

好媽媽勳章 畀面勳章


7#
發表於 07-2-12 00:06 |只看該作者

Re: 有無似我咁早就咁論盡??

應該唔會有事ga....
唔好咁驚張...但我個時陀得都算低,加上我自己都有預感bb會早出世,點知真係....
但我個時問姑娘都話正常,因為陀到咁上下bb越黎越大,係正常,唔好緊張
私人傳訊

ellawyc


公爵府

積分: 26643

好媽媽勳章


8#
發表於 07-2-12 00:40 |只看該作者

Re: 有無似我咁早就咁論盡??

我希望bb可以早d出世
而家35w幾, 真係好辛苦
之前一路都陀得好好, 又唔會嘔, 亦好輕鬆
但到呢一兩個禮拜就真係好多野都不由自主
行分零鐘路都痛
上落樓梯, 冇老公扶住簡直唔使諗!
之前仲以為呢個禮拜開始放假, 可以去辦吓年貨
而家....我自己一個都唔係好敢行去街市
實在論盡到自己都唔放心自己!
(我可以想像老公返工時有幾擔心我!)
私人傳訊

BB811


大宅

積分: 2115


9#
發表於 07-2-12 02:43 |只看該作者

Re: 有無似我咁早就咁論盡??

我約23wk時開始恥骨痛,e生話係咁ga,遲d重會肚2邊痛,跟住頂住個胃痛wor! :-(
私人傳訊

kawai928


子爵府

積分: 14359

好媽媽勳章 醒目開學勳章


10#
發表於 07-2-12 12:08 |只看該作者

Re: 有無似我咁早就咁論盡??

我果時30週度都有痛~不過冇你地咁犀利...但個肚就陀得好低,而且好大...所以行路都幾辛苦...所以成日都要行多d樓梯~同埋個肚真係好重!!又大又重...阿仔對腳仔又長期唔轉位成日頂住我...我係約30wks開始差唔多日日都摸到bb腳仔o係我右邊肋骨果度頂住我...超辛苦...又痛又唔舒服~個衰b又成日都唔多郁...懶到屎...我果時重成日諗...點解會咁懶架!!
我個仔38wks 1days足月出世...原來7磅幾唔怪得我果時咁辛苦...

可能咁岩bb壓住你咪d位所以咁~有時真係比佢"坐"住某d位痛呀痺呀咁...真係想死..
私人傳訊

納奧美


大宅

積分: 1167


11#
發表於 07-2-13 22:27 |只看該作者

Re: 有無似我咁早就咁論盡??

我昨日去健康院把情況告訴姑娘，佢話如果我們 "大肚婆" 不注意姿勢，可以好長手尾，有些人陀時沒事，但生完後要坐輪椅去覆診！由於昨日人少少，佢同我傾好耐，又教我點坐、點行、點瞓、點起身...等，叫我坐比佢睇行比佢睇，即時糾正我。這裏也提醒一 下各位：

恥骨聯合痛
因荷爾蒙變化，孕婦全身韌帶關節都變鬆軟(預備盆骨打開給胎兒生長和出生)。平時我們孕婦由於肚子越來越大，所以行路及坐下時往往會因為遷就大肚子(因胎兒往下壓)， 把兩隻大腿 "雅" 開，即走路時 "雅下雅下"，坐下時兩腿义開。殊不知這些姿勢雖然令我們行動好像 "無咁" 吃力，但卻苦了恥骨及盆骨那些 "少動關節"，兩腿 "雅" 開的姿勢無形令恥骨/.盆骨軟骨/韌帶/關節好像被 "撬" 著那樣，久而久之不斷受到磨損。
改善方法/注意之處
平時坐著時，留意兩大腿要合併或至少兩膝要靠近，這樣雖然有點吃力，但卻讓恥骨處於鬆弛狀態，得到保護(但千萬不可 "橋" 腳)。走路時，寧願慢些吃力些，兩腳不要成八字pair開，要走直線，但也不要像模特兒那樣兩腳打交义行。
睡覺或起身時，也要時刻留意兩大腿是合併還是任意Pair開(要避免)。

還有可以做運動
平坐椅(不是沙發)上，兩膝之問夾著一卷厠紙(打橫)，稍用力向內夾(壓)，維持五秒，放鬆，再夾。重覆，以不感太吃力為可。(如果己有很痛的情況，也可以做，但開始只做三個循環，有改善後慢慢加)

聽了後我一於跟著做，今日恥骨痛的情況真的改善了，不過真係要好刻意留心，同埋會較為吃力的。希望幫到大家。
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy