香港18區媽媽會

收藏本版
發帖
返回列表
跳至頁

首頁
1

尾頁
   0
homebaby18


民房

積分: 84


1#
發表於 07-2-1 23:20 |只看該作者

請咁多位教我點做好?

我有一個fd佢個人好不容易去形容佢個為人，佢做人好奇怪，佢自己及佢親人的小朋友&bb做的事永遠是:可愛;轉數快;叻。而我的二個兒子做的事永遠都是看不順眼，我大的兒子(已經有十多歲)有一次用一些比較輕佻的態度叫她(我明白我個仔唔應該咁做，但佢已經是一個中學生，好難要佢好似個幾歲大的小朋友般的行為)，她不大高興足足駡了他起碼十多分鐘(要記得當時在街上)，令我自大仔覺得好瘀，所以我大仔好hate佢。

有時我個死佬&大仔有什麼問題，佢就話我唔可咁樣種佢哋，我都只不過好多事都是講到口臭唔想再嘈，其實我對我個46的態度是忍到就忍，忍唔到就拉倒。唔通我咁做真的是錯?

而我個細仔得歲幾，我個細仔有濕疹的佢成日話個仔是`細菌兄弟'。當然這些只是冰山一角;還有佷多不能盡錄。請你哋教吓我應該點做。請你們給我寶貴意見~~~~~
私人傳訊

wing1206


伯爵府

積分: 16942


2#
發表於 07-2-2 00:29 |只看該作者

Re: 請咁多位教我點做好?

homebaby
你首先放鬆自己先,唔好覺得樣樣嘢都係自己唔啱,我個細仔都有濕疹的,佢成身都係,其實佢比我地更辛苦,所以我地更加要保護佢,我地做老婆的講的說話真係會諗過度過,會顧及埋人地的感受,但好多時男人講嘢,真係話講就講,所以你見係街通常都係男人係街初係口角,之後就動武,男人就係好多時都好衝動(包括講嘢),所以都唔洗太計較,不如你同你老公傾吓想個仔係點行,因為有好多時d大人,一個話得,一個話唔得,搞到個小朋友真係唔知點算,所以你地要好好地傾吓先,之後就去同個大仔傾,一次半次的過失都唔洗太計較的,有好多時我d小朋友唔叫人,我都會返屋企問吓佢,同佢傾吓計,教番佢地,你仔仔噤大個,佢唔會好似以前細個噤,叫佢行就行,叫佢叫人就叫人,你地要用行為去感染佢,至於嗰個奇怪的fd就更加唔洗理佢啦,唔洗同人比的,山外有山,佢今時今日叻啫,唔代表你嗰2個第日唔叻過佢,就算你2個比佢差又如何,佢2個永遠都係你的仔,無人可比.
http://hk.myblog.yahoo.com/handmadeson
私人傳訊

homebaby18


民房

積分: 84


3#
發表於 07-2-2 14:39 |只看該作者

Re: 請咁多位教我點做好?

Wing1206:

我多謝妳給我的意見。

我想問吓妳怎樣照顧妳個細仔我指他的濕疹?因為我個細仔佢已經全身都有，好擔心呀~~~~ :-( :-( :-(

私人傳訊

Carlsson


大宅

積分: 4011


4#
發表於 07-2-2 15:10 |只看該作者

Re: 請咁多位教我點做好?

妳有冇帶妳個仔去睇醫生, 如果全身都有, 佢會好易發脾氣嗎?如果常常有人笑佢or話佢, 對佢身心發展好有影響, 不要再拖. :cry:

我係開心CarCar...
我最鍾意係車車
私人傳訊

該用戶已被刪除

5#
發表於 07-2-2 17:41 |只看該作者

Re: 請咁多位教我點做好?

提示: 作者被禁止或刪除 內容自動屏蔽
私人傳訊

homebaby18


民房

積分: 84


6#
發表於 07-2-2 19:15 |只看該作者

Re: 請咁多位教我點做好?

Carlsson

我經常帶他去睇醫生，政府&私家醫生都有睇。但是都會出濕疹，其實我常常在想是否我的照顧方法有問題?所以我想聽&汲取多些意見，再付諸實行!
私人傳訊

wing1206


伯爵府

積分: 16942


7#
發表於 07-2-3 13:54 |只看該作者

Re: 請咁多位教我點做好?

homebaby
我個B得20個月大,都係睇咗好多個醫生,每次D醫生都係比藥膏佢搽,同埋叫我注意飲食,後來有一個人的小朋友都係有濕疹的,佢介紹咗我去睇,佢話我個仔唔嚴重(但係我個仔已經係流曬血嗰隻),係人見到都有D驚,但佢比咗好多佢醫過的小朋友的電腦相我睇,嘩........ 嗰D重勁呀,流曬濃的,爛面的都有,睇到我都有D驚呀,之後個醫生比咗藥我個仔食,係嗰2個星期真係好番好多呀,起碼無流血,又比咗D慮固醇的藥膏佢搽,但係食緊藥同埋搽緊的時候就會好好,當無食藥同埋無搽的時候又出番曬來,當然再出的時候就無咁勁,同埋呢個醫生都幾貴,後來我叫醫生寫咗張醫生紙比我,我連埋個仔的濕疹照片同埋醫生介紹信拎去威記排濕疹專科到睇,嗰到唔洗錢,同埋係見教授的,睇完重會約番我覆疹,但就等好耐,就算去睇都等好耐,等咗半日先到我睇,現在個仔無食藥,用醫生開的油來沖涼,可保持佢D皮膚無咁乾,都有比支止癢的藥水,但醫生話無必要就唔好食,還有AQ膏,要成日搽的,重有一支有慮固醇的藥膏,醫生話若果一開始生就即刻搽,就會搽少D同埋唔洗越生越大,濕疹都有好多種的,我嗰仔嗰隻叫"圓蛋"濕疹,生的時2係圖型的,呢隻比較麻煩D,所以係要時間去醫的,有好多醫生話,小朋友有濕疹,係因為父母有敏感的病,所以另到個小朋友都有皮膚敏感,爸爸就係有鼻敏感,其實我中間嗰個仔係1歲的時候都有濕疹的,只係就咁搽嘢,到咗2歲就好番啦,但係佢的濕疹同呢個細仔唔同的,細仔由3個月大開始已經有啦,到咗現在都已經年幾有多啦,我地對住D濕疹係要耐心同時間的,醫生話有D大人都會係成年的時候先至出濕疹,所以我地要比D耐性,最緊要你同個小朋友都保持心境開朗,因為佢會好癢,會好影響情緒的.
http://hk.myblog.yahoo.com/handmadeson
私人傳訊

homebaby18


民房

積分: 84


8#
發表於 07-2-3 15:42 |只看該作者

Re: 請咁多位教我點做好?

Wing1206

多謝你的意見，我可唔可以試吓去政府門診叫佢寫醫生信給我去威記睇濕專科? ?-(
私人傳訊

gracetyn


大宅

積分: 1327


9#
發表於 07-2-13 13:47 |只看該作者

Re: 請咁多位教我點做好?

我個仔都有濕疹, 佢現在已4歲半啦, 我現在同佢睇緊長沙灣皮膚專科, 不過都係無好過, 相信係一個長期的抗戰.....唉...大家努力吧!
私人傳訊

HoneyTracy


大宅

積分: 1270


10#
發表於 07-2-15 15:00 |只看該作者

Re: 請咁多位教我點做好?

我個細仔都係有濕疹，初起嘅時候係由腳胶開始，最初我都不以為意，後來手同面都有，最嚴重都係個面連眼都有，好似鍾無艷咁，而且都係好似你哋咁講爛到出晒血同水，人哋睇見都覺得佢好可憐。我都有帶佢去睇醫生，每次醫生都係比一啲有類固醇嘅葯膏同潤膚膏，搽嘅時候就收水，一唔搽就嚟喇。後來無意响葯房見到新出咗一支佢話係非類固醇嘅葯膏，於是我就攞咗張單張去問醫生是否合用，咁醫生當然係話比我知無葯性嘅葯膏都係可以搽不過會比較慢啲好，而且好多人都話含有類固醇嘅葯膏對小朋友係唔好，於是我就試吓買咗一隻比個仔搽，結果响第二日就收晒水，仲慢慢咁好番。有時見到佢開始出嘅時候就會同佢搽少少。但係見到佢啲皮膚比較乾燥嘅時候就要同佢搽多啲保濕同潤嘅 cream就得喇。我都曾經介紹過比我啲朋友用，佢哋都話 ok，不過我覺得有時啲嘢係會因人而以，又未必係每一個人都合用。但係你哋都要注意一下小朋友如果沒有了濕疹，佢哋敏感可能會轉咗去第二度，好似我個仔咁雖然係無咗濕疹但就變咗氣管敏感囉 :-( :-( 無論係邊一個位置敏感都好都要小心照顧啲小朋友。
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見