自由講場

收藏本版
發帖
返回列表
跳至頁

首頁
1

尾頁
   0
panmung


大宅

積分: 2569


1#
發表於 07-3-10 21:45 |只看該作者

我好想伸o下呀~~有無聽我講??

我老公個爸爸,即係我老爺...新年前番左...會o係我地屋企住到3月尾...
話說我個人就好怕污糟同埋無手尾...我老公已經成日俾我話,但都無改善...於是我忍無可忍,唯有罰佢$,佢先有改善~~
而家有左之後(已經34週),就比以前更加怕污糟~~
但係我老爺就...
佢平時著住出街既3會著埋訓覺...仲著幾日都唔換~~出左成日街,番到又屋企唔沖涼~~佢間房一陣味~佢d 3 仲好臭...真係好臭好臭好臭佢先攞去洗~~尋日我聞到之後仲要食飯,真係好想嘔~~
據我統計...佢番黎咁耐...有一星期無嚮我地度訓...有時又會由朝出到晚...我所見佢嚮我地度沖涼無超過3次...我希望佢有嚮出面沖啦~
呢d我都無同我老公講...佢會話我潔癖~
仲有一樣...大家都知道大肚婆係會經常性去洗手間ga啦~~每次我老爺去完...佢都一定會整到周圍都係~~我都明白男人去洗手間同我地唔同~~但佢都可以抹一抹個地下ga ma~~
我真係忍左好耐...可能我慣左兩個人既生活...突然殺左個老爺出黎...所以唔習慣~~
大家覺得我會唔會過份挑剔左??定係大家既老爺奶奶比我既更甚??
私人傳訊

evawong1210


大宅

積分: 1722


2#
發表於 07-3-10 22:26 |只看該作者

Re: 我好想伸o下呀~~有無聽我講??

我都唔明點解有啲上年紀嘅人係咁架, 我知道妳一定忍得好辛苦, 因為我曾經試過同老公去旅行, 嗰時未有孖b, 只得工人係度, 我老公就叫99得閒嚟睇下或者住下, 我當時已經極度唔鍾意, 不過無出聲, 心諗我去咗旅行, 無眼睇, 點知當我旅行完返屋企, 一入屋, 我即刻走番出門口, 我老公問我咩事, 我話你入去聞下, 好臭(我個係狗仔鼻, 特別靈敏), 老公入去之後都話點解有陣味, 我再問印印佢聞唔聞到, 佢話係呀, 但係地方好乾淨, 於是我忍受住去搵來源, 卒之發現d味係張單座位梳化背傳出, 我已經諗到點解, 跟住再上樓上大房睇睇, 又一陣勁作嘔味, 即刻走番落嚟, 老公問做乜事, 我叫佢上去聞下, 佢聞完又問我點解, 我話因為妳阿媽幾日無沖涼兼成個月無洗頭(係夏天嚟), 所以訓到間房一陣味, 我問印印99係咪成日坐係張單座位梳化, 佢話係, 我再望向老公, 佢無嘢講, 我即刻叫印印用清潔劑洗梳化同抺房, 將所有床單枕袋換哂, 我話99唔會再番嚟訓, 我老公都唔敢出聲, 點知食完晚飯番嚟, 陣味重係度, 印印第日要用勁香嘅清潔劑再用滴露洗多幾次先至好dd.
第二次係我坐月期間, 99係我出院嗰日嚟咗我度竟然唔走, 重住咗4日(係冬天嚟), 比我發現佢無沖過涼同洗頭, 呢4日我除咗第一日有係廳度食飯, 之後我同老公講我開刀傷口痛, 唔落樓下廳食飯, 可以避咗佢盡量係房, 好彩佢無掂到大孖(細孖未出院), 但最後我都頂唔順同老公講佢阿媽好臭, 好難頂, 老公就即刻叫佢番屋企訓, 話佢係度成日講嘢好嘈, 老公想放工後靜靜地休息下, 咁因為個原因係阻住老公休息, 所以佢第二日就走咗啦, 阿門!
而家妳重要大住肚, 我可以想像到妳會辛苦成點, 妳可唔可以用個bb做借口, 叫你老公同妳62講聲呀, 我大肚個陣都係用個肚做擋箭牌, 萬試萬靈
私人傳訊

panmung


大宅

積分: 2569


3#
發表於 07-3-10 23:01 |只看該作者

Re: 我好想伸o下呀~~有無聽我講??

evawong1210
我12月10日生日...你個1210係唔係12月10日生日呀??
其實我老公都知佢污wear~~不過佢要番工...唔知咁多~~
+上有左之後個鼻特別靈~~所以可能我聞到佢聞唔到啦~~
我只係同佢講過洗手間同著出街3訓既問題~~其他既都無講~~其實我好驚會早左生...佢老爸又未走...我無可能話佢唔洗手就唔可以抱bb...(如果係我老公,我一定做得出,試過佢飲醉酒唔沖涼...我要佢訓地下~~)
不過你奶奶都唔弱...其實屋企咩都有...要沖涼係唔係真係咁辛苦??
私人傳訊

evawong1210


大宅

積分: 1722


4#
發表於 07-3-11 12:40 |只看該作者

Re: 我好想伸o下呀~~有無聽我講??

咁啱嘅, 我都係12月10日生日架
我99其實重有好多經典嘢, 佢有5個仔4個女, 我老公排第6, 佢極度重男輕女架, 又好怪喎, 鬧得佢最多係我老公, 但佢又最聽我老公話(好彩), 我講到明一定唔可以同99住, 有佢無我, 不過我老公都頂唔順佢把口, 我試過同99一齊搭車返大陸3小時, 竟然可以無停到口不停講嘢, 我幾驚會俾人抦呀
妳62幾時走呀?咁妳就千祈唔好再勞氣, 萬一早產就無得避啦.
個時有任何親戚嚟我屋企探bb, 唔理係咪長輩, 老公都會好大聲咁吩咐"洗咗手先准抱bb, 唔准掂面珠架", 99都要, 所以我好放心, 其實我係醫院時已經向我老公洗腦, 話孖b輕磅, 6個月前都唔可以病, 唔係就會手尾長, 日後身體會好弱架

私人傳訊

catcatb


民房

積分: 71


5#
發表於 07-3-11 12:46 |只看該作者

Re: 我好想伸o下呀~~有無聽我講??

又真係幾難頂既,又唔可以直接話佢,如果我係你,我會同老公講,等佢話佢,又唔係你開口,你老公未同你結婚時,應該都知佢係咁架,都頂得順既
私人傳訊

jilljojo


大宅

積分: 3832


6#
發表於 07-3-11 14:12 |只看該作者

Re: 我好想伸o下呀~~有無聽我講??

唉~我爸爸又係(佢唔係好老,只得56歲),污糟到c,話佢又唔聽,成日含完對筷子先夾野食...有公筷又唔用...
最近佢隻腳指公唔知做咩,成隻腫左,佢話好痛,而且佢話見到隻腳指公貼地果邊有2個洞仔,我叫佢去see doctor同o係屋企著番對拖鞋佢又唔肯,都唔知有無血水出,又唔知有無菌...我隻大牛o係屋企又唔肯著鞋or sock...(我隻大牛跟我mami住的)
佢又成日唔沖涼、唔刷牙、唔換衫,d衫可以最少著1week,出街同瞓覺都係同一套衫,成廿幾度都仲著住件大褸(瞓覺都著住),我mami一早頂佢唔住,同佢分房瞓...佢真係好好好好臭...口又臭,身又臭...而佢難得沖涼,就一次用成半支1L裝沐浴露,d香味又係濃到臭....
仲有我爸爸好like夾硬禁住我隻大牛係咁kiss,但係佢又唔刷牙,成日一陣臭味,罵佢又當我耳邊風...
真係好激氣呀~
我的家有~
囉囉唆唆 嘅 煩人BaBa
傻下傻下 嘅 咕碌媽媽
少年宅男 嘅 雞仔謙哥哥
奀皮多手 嘅 豬仔浠弟弟
醜怪黏身 嘅 惡馬妹芊妍
私人傳訊

noodles9112002


公爵府

積分: 26701

畀面勳章


7#
發表於 07-3-11 14:53 |只看該作者

Re: 我好想伸o下呀~~有無聽我講??

男人污糟都仲話有老婆管下, 女人污糟到咁真係無得救
evawong1210 寫道:
幾日無沖涼兼成個月無洗頭(係夏天嚟), 所以訓到間房一陣味
私人傳訊

panmung


大宅

積分: 2569


8#
發表於 07-3-11 19:03 |只看該作者

Re: 我好想伸o下呀~~有無聽我講??

其實佢爸爸唔係好老...五十幾...
尋晚我地三個人出街食完野番屋企,我同我老公就輪住沖涼...(當然我老爺又係咁就訓啦)然後我聽到佢同我老公講."阿森呀...我聽日走左之後(佢今日要番大陸)你同我洗左d床單啦~~可能回南天...有陣回南味..."我老公佢已經苦笑...我都知呢幾日好潮濕...可能真係會有回南味...
我沖涼前將洗手間由頭到尾洗一次...
我老公話"你會唔會過份潔癖"
我話"點解你要話我過份潔癖,而唔係話你地污糟呢?"
然後我再同佢講"頭先你daddy話有回南味,點解你唔同佢講可能係你無沖涼就訓先有咁大陣味...係唔講佢唔會覺得自己有問題,佢同佢講可能佢會"叮"一聲諗通呢"
佢個死人頭居然叫我同佢老豆講......激死我!!
我話"梗係你講好過我講啦~~你係佢個仔,我係佢新抱"
今日老爺番左大陸...但唔知幾時突然間番黎...不過有幾日清靜o下都好~~
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見