大仔大女媽媽會 今日: 0 | 主題: 177860

積分: 894

1^#

發表於 07-2-28 11:45 |只看該作者

女女扁桃線發炎

亞女扁桃線發炎,上個星期開始佢已經唔肯食粥,淨係食奶,肯食奶都由佢,點知昨日開始連奶都唔肯食,我真係好擔心呀,對住佢真係好想喊,因為本身佢已經係好瘦架喇,依幾日仲瘦左好多,真係冇晒辦法,咁大個又迫唔到佢食野,比野佢食佢又吐番出嚟,見到支奶又合埋個咀(仲要係合到好實果隻),救命呀~~~ :-( :-( :-(

私人傳訊

AKLAMY

男爵府

積分: 5671

2^#

發表於 07-2-28 13:37 |只看該作者

Re: 女女扁桃線發炎

Ecdc,
唔好 :-( :-( :-( , 小朋友有時係會有病痛的, 當然佢有事時作父母的一定很忙和心痛, 但我們要振作喔! 你比多d水佢飲, 最緊要係睇下佢有冇發燒, 若果有一定要快d睇醫生 (兒科)因為怕有pus , 因為可能會引至ear infection (會耳痛), 果時就要食antibiotics, 我大仔細個時都有好多次扁桃線發炎 (差唔多一個月一次), 最後係佢2歲時割左, 之後就咩事都冇! 若果唔係常常有扁桃線發炎, 通常醫生唔見意割的!
希望你女女快d好番...d 奶唔好開咁熱比佢飲, 因為就算有時暖奶都會令到喉痛...

Get well soon... 努力啊 Ecdc and 楹楹!

私人傳訊

mimi1102

男爵府

積分: 5416

3^#

發表於 07-2-28 19:09 |只看該作者

Re: 女女扁桃線發炎

Eva,

你唔好唔開心啦, 不過我都知好難, 因為上次我個女發消, 我都擔心到想喊...

我好明白你果種心痛, 因為我個女又係成日唔肯食奶, 小朋友一兩日唔食奶就會瘦晒, 不過唔緊要啦, 好番之後再食番肥佢lor, ... 咁你個女精神好唔好呀 ? 比多d 水佢飲啦 ...

希望大楹楹快d 好番啦 ...

私人傳訊

janjet

大宅

積分: 4268

4^#

發表於 07-3-1 03:36 |只看該作者

Re: 女女扁桃線發炎

Ecdc..

dont cry..dont worry..try some juice..
try yogurt,,,cold milk..

but dont give her cheese cause its not good when she's sick

takecare

janjet

我只講事實

私人傳訊

Ecdc

積分: 894

5^#

發表於 07-3-1 10:33 |只看該作者

Re: 女女扁桃線發炎

janjet,mimi,AKLAMY

多謝你哋嘅支持,我依家都盡量控制自己d情緒,見到亞女咁樣唔食野真係又頭痛又心痛,佢呢幾日每日平均都係飲到12-15安奶咋,我都好希望佢好番之後會食番好d啦!!!起碼唔使一出街,個個見到佢都問我點解個女咁瘦架,(我地住係離島,一出街就會見到熟人),其實我都唔想架,佢唔肯食我都冇辦法,

但係d人就將個責任推晒係我身上,真的好無耐,做人亞媽真係唔容易呀!

私人傳訊

積分: 16151

6^#

發表於 07-3-1 13:45 |只看該作者

Re: 女女扁桃線發炎

Ecdc

大家都明白妳既唔開心, 因為我地曾經都係過來人.

昨日想覆妳, 不過太疲倦啦

學 Aklamy 媽咁講, 首先攪好扁桃線發炎先
處理得唔好. 真係好容易中耳炎
BB 咁細係唔識同我地講
迫於無奈, 可能醫生都會開一D 抗生素比 BB
咁會快好 D

等 BB 喉嚨無咁痛先慢慢比番 D 有營養既野佢食啦

生果 : 楊桃對喉嚨發炎有正面既幫助
.........妳可以批皮去衣打蓉 JUICY 咁用匙更餵.
.........細佬好鐘意咁食

粥 : 可能妳要忍一忍, 比少少淡日本豉油佢.
......咁會易一D入口. 起碼佢會食多少少 +
......我地大人病都驚食淡口野啦. 更何況 BB

......如果喉嚨發炎好番, 以前有 D 媽咪會加 D Bovril
......保衛爾濃縮牛肉汁落粥度比 BB 食.
......可以補身 & 食肥 BB.

奶...妳唔怕煩, 可以用粥水開奶.
......1. 會飽肚 D ....
......2. 真係會食肥少少

我記得有次我大仔又係喉嚨發炎好勁
個西醫叫我比雪糕佢食比百氏可樂/寶礦力/佳得樂佢飲
個醫生話比呢 D 佢食總好過無野佢肯食, 水份先最緊要喎

其實, 我大仔細個時都好容易喉嚨發炎. 成日發燒又瘦
我用儘好多方法都無計
佢一肥就會大病一排
咁多年, 我不知被佢打沈過幾多次

後來, D 相學家話佢命格火太多....多到太誇張
所以, 係好難肥
之後, 我都接受現實

雖然咁講, 我都無放棄. 後來, 我覺得中藥可以幫到我大仔.
因為, 我大仔太容易喉嚨發炎 & 發燒
所以, 每 2星期我都會同佢睇中醫清一清入面個底
我發現真係病少左好多好多

湊 BB 既過程係好長遠.
我個大仔都就黎 10歲啦.....要照顧佢不會少心機過 D .BB

總之, 大家都要努力啦

希望以上有 D 資料係幫到妳啦

加油呀 !!!

Mandy :wink:

私人傳訊

CT2Baby

侯爵府

積分: 23959

7^#

發表於 07-3-1 17:00 |只看該作者

Re: 女女扁桃線發炎

ecdc,

我無mandy咁叻咁多經驗&心得,anyway唯有精神上支持你,bb一病真係好易會瘦架,不過當佢地recover後,又會自然食返多d野&肥返架喇,仲有係唔係好理d路人甲乙丙la~add oil!!!! hope楹楹get well & get fat very very soon

私人傳訊

mimi1102

男爵府

積分: 5416

8^#

發表於 07-3-2 11:00 |只看該作者

Re: 女女扁桃線發炎

ecdc,

我個女都成日比人話瘦架, 通常我個反應都會話, bb 肥係得意d, 不過最緊要健康, 健康咪得lor, 而且佢又係女仔, 第時大個唔洗晒錢減肥添呀 ... :lol:

Ecdc 寫道:
janjet,mimi,AKLAMY

多謝你哋嘅支持,我依家都盡量控制自己d情緒,見到亞女咁樣唔食野真係又頭痛又心痛,佢呢幾日每日平均都係飲到12-15安奶咋,我都好希望佢好番之後會食番好d啦!!!起碼唔使一出街,個個見到佢都問我點解個女咁瘦架,(我地住係離島,一出街就會見到熟人),其實我都唔想架,佢唔肯食我都冇辦法, 但係d人就將個責任推晒係我身上,真的好無耐,做人亞媽真係唔容易呀!

私人傳訊

Ecdc

積分: 894

9^#

發表於 07-3-7 10:07 |只看該作者

Re: 女女扁桃線發炎

Mandy & CT2Baby,

多謝你哋既支持!

Mandy,

你d資料好詳細,我個女都鍾意食楊桃,等我比多d佢食先得!

前日又同佢睇醫生,醫生話佢個扁桃線發炎比其他bb大,所以會好容易發易,聽到之後,簡直覺得係惡夢既開始,呢場仗有排打喇!!!

私人傳訊

積分: 16151

10^#

發表於 07-3-7 20:19 |只看該作者

Re: 女女扁桃線發炎

Ecdc

唔洗灰心喎

咁多年....任何醫生都係咁話我個大仔啦
不知幾多個叫我同佢做手法添啦

雖然我知道, 做完手術之後係無咁易發燒 & 喉嚨痛
但我姨丈割完之後米一樣再生番

所以, manson 細細個我就比中藥同佢調理
之後, 喉嚨痛 & 發燒真係少左好多

我覺得係唔洗怕
不過要有心理準備去照顧多 D
& 留意多D 佢幾時開始唔舒服

係唔太嚴重既時候, 都好容易攪掂

我都係過來人.....
放心啦 :wink:

細佬都係勁 LIKE 食楊桃, 佢可以一餐好快咁食曬一大個

mandy

私人傳訊

Ecdc

積分: 894

11^#

發表於 07-3-8 10:33 |只看該作者

Re: 女女扁桃線發炎

Mandy,

Manson都好,肯食中藥,我之前都比過中藥亞女食,佢都係唔肯食,仲慘過餵西藥!

依家唯有係食物方面小心d啦,但我問醫生,醫生又話唔使介口,應該咩野都比佢試吓,等佢習慣不同既食物,但我亞媽就話我細個都係咁,食太涷又唔得,太熱又唔得,都唔知點!

想問吓係manson到幾多歲先好d呀,因為個醫生話到5、6歲個扁桃線就會自己收番細,唔一定要做手術咁話.

私人傳訊

積分: 16151

12^#

發表於 07-3-8 19:03 |只看該作者

Re: 女女扁桃線發炎

Ecdc

其實, 中藥同一藥性都有分苦 / 無咁苦
如果, 小朋友太細一定要叫個中藥開 d 無咁苦既中藥
仲有, 唔可以一次過餵曬
每次一/二湯匙就要停一停比佢 relax 一下
唔係...分分鐘同妳嘔番曬出黎都似

有時, 有 d 中醫 D 藥真係唔知點解都幾苦
咁維有...加小小糖東瓜落去一齊煲

食物方面, 最緊要唔好比熱氣野佢食.
就算食好少....都唔知點解特別易...口唇紅 & 發炎

如果, 妳唔怕麻煩.
其實, 定期同佢地清下個底子係好好
妳會發覺食完中藥清左個底之後, 佢地個胃口會好 D

比心機啦....
湊小朋友, 真係少 D 心機都唔得

細佬近日 D 屎屎唔係太好.
我都比中藥佢食....我係用西醫用[幼細]既針筒去灌佢
通常 3-4野就放佢走...跟手比 1/3 羊奶糖佢止喊

如是者....半碗應該半個鐘可以攪掂 :wink:

mandy

私人傳訊

Ecdc

積分: 894

13^#

發表於 07-3-14 11:11 |只看該作者

Re: 女女扁桃線發炎

Mandy,

你解釋得好詳細呀,你真係好叻呀,同好有心機,唔該晒你教我咁多野!

前幾日同女女睇醫生(因為佢d燒一路都唔退),佢扁桃線又發炎呀,唔夠一個月已經發第2次喇,上次就食一個星期消炎葯,今次醫生話見佢發得咁密,所以今次就要食10日消炎葯,呢排佢都冇嘜食d古怪野,我都唔知點解又會發,真係攞命!

私人傳訊

積分: 16151

14^#

發表於 07-3-15 16:48 |只看該作者

Re: 女女扁桃線發炎

Ecdc

我唔係叻...
我係經歷過妳地未曾經歷過既頭痛事姐

妳個女有無可能食手既問題呢....我估可能都係原因之一

妳要知道....扁桃腺係第一道門去 Test 有無菌入人既身體
會唔會妳個女鐘意食手 / 食 d 玩具
if yes....妳都要同佢勤 D 洗手 & 比多 D 水佢去飲.

細佬玩既時候, 我會用個奶咀塞住佢個咀
咁唔洗成日睇住佢有無食 D 玩具
我發覺細佬比起 Manson 細個時係少 D 肚痾 & 喉嚨痛既病
我估計可能佢一路食一路分泌 D 口水既關係
所以, 我會比細佬遲少少先介奶咀就係咁

妳都留意下妳個女既口腔清潔問題, 可能係原因之一

Mandy :wink:

私人傳訊

Ecdc

積分: 894

15^#

發表於 07-3-16 11:22 |只看該作者

Re: 女女扁桃線發炎

Mandy,

係呀,佢真係好鍾意食手指同埋嘜都放入口架(除左食得既野),但係亞女冇食過奶咀,所以都冇野可以塞住佢個口,唯有勤d同佢洗d玩具啦,但係有時出街好難樣樣都抹架嘛,我都唔明佢點解嘜都放入口食,唔知要到幾大先唔會亂放野入口食