大仔大女媽媽會今日: 0|主題: 177860

收藏本版

發帖

返回列表

跳至頁

查看: 1224 | 回覆: 6

[2007年] 喺pwh生豬女既過程• [複製鏈接]

dongdong112

洋房

積分: 200

1^#

發表於 07-3-16 12:27 |只看該作者

喺pwh生豬女既過程•

　　
09-03-2007至12-03-2007
我喺(9號個日下午5點)入院，過程都可以叫做唔係咁順利，我入去既時候係未穿水同見紅，點知一比佢地檢查，佢地就攪到我流好多血，咁就要即刻推我落產房，落產房既時候係(9號夜晚6:30pm)，跟住又有個醫生再嚟同我檢查，佢話順便幫我穿水，咁我左手要抽5支血，抽到我勁痛，右手就要吊支針，下身就要插尿喉，咁穿完水到左(9號夜晚11:00pm)就開左1度，佢話繼續開就唔係用催生，到左(10號零晨1:30am)都係開得1度，咁佢就要同我打第一支催生針，因為我之前有血壓偏高既問題，所以佢地建議我打無痛，開頭我都唔肯打，因為我聽人講打完之後，以後條腰都會間唔中痛，但係佢地話唔打就好大機會要開刀，咁我更加唔想開刀，因為我要靠自己生豬女出嚟，咁咪唯有打無痛囉，但係佢地打完第一支催生針到左(10號零晨4:00am)，都係1度，咁就打第2支，然後到左(10號上午6:15am)，佢地同我睇既時候就話開左5度啦，個刻好開心，因為我知道好快就可以見到豬女啦，再到(10號上午9:05am)就已經開到10度啦，但係因為有無痛既關係，佢地要拆左支無痛，再過多一個鐘先比我生，喺(10號上午9:35am)既時候我已經痛得好緊要，想佢地快d比我生，但係姑娘話要等一個鐘，咁終於喺(10號上午10:05am)佢地比我試生，呢段時間就非常之順利，我谷左3下豬女個頭仔已經出左啦，再谷多幾下，佢成個出晒嚟，喺(10號上午10:27am)跟住就聽到豬女既第一次喊聲，再feel到佢喺我下身踢下踼下，個刻我又開心又感動，我隻眼d眼淚忍唔住啦，呢段時間我等左咁耐，終於到啦，但係生完豬女佢地見我d小便同血都好似有d問題，豬女就喺(10號下午2:30pm)上左去病房，而我就要等到(10號下午5:15pm)先比我上病房，個刻我已經唔想同豬女分開啦，而且個段時間岩岩係探病時候，有好多人嚟睇我，足足有8個人，咁個刻我點痛都可以忍住啦•病房d姑娘個個都好好人，可能知道我之前辛苦左咁多個鐘，到左(11號上午)都唔使我自己揍豬女，(因為有好多媽咪生完上左病房就會喺10個鐘之後推bb出嚟比佢地照顧，)喺(11號下午2:00pm)佢地終於推出嚟比我啦，我要自己一手一腳咁抱佢啦，抱左一陣佢地就教我餵奶，(我豬女係食奶粉)個種感覺係好奇妙，但係到左夜晚豬女開始識扭計啦，咁d姑娘見佢喊得咁勁，咪推返佢入bb房，比我訓下囉，到左(12號中午12點)我終於可以出院啦，可以同豬女一齊返屋企啦，嚟梗仲有一段好長既辛苦日子，希望豬女會聽聽話話啦•
而我honey個日就係要返工，當我要落產房既時候，就第一時間打電話話比佢聽，佢就即刻趕嚟，但係我已經入左產房啦，所以佢都見唔到我，咁我就叫佢返阿媽度等我電話，到左(9號晚上11點幾)姑娘諗住可以比佢入嚟陪我半個鐘，但係我一早已經叫左佢唔好喺度等啦，話晒佢都係收左工冇耐，應該會好攰，到左(10號零晨點幾兩點)，又有姑娘話比我聽佢嚟左，但係就已經唔入得嚟啦，咁我咪用產房個電話打比佢，話比佢聽我冇咁快，又叫左佢返屋企訓，等我生左先打比你啦，咁佢都好緊張咁問我喺入面既情形，咁我講晒比佢聽，等佢可以快d返屋企休息，到左豬女出左世之後既一個鐘，我先可以打到比佢，因為生完姑娘仲有好多野要攪，我打比佢話豬女出左嚟啦，佢第一句就話(老婆辛苦晒啦)，我聽到佢把聲好似有d想喊咁，而我自己已經忍唔住喊啦，所以我都好快咁收左佢線，而佢就差唔多成日都係產房門口等我出去，而我一上到病房就係探病時間，所以我好快就可以見到佢，佢一見到我就鍚左我一啖，真係好甜，d眼淚又忍唔住啦，之前咁多個鐘辛苦都係值得•