嬰兒醫護

收藏本版
發帖
返回列表
跳至頁

首頁
1

尾頁
   0
puibpuib


男爵府

積分: 7906


1#
發表於 07-3-15 09:53 |只看該作者

囝囝住在七日醫院﹐出左院後變成甘....

阿囝早排發高燒﹐氣管發炎﹐仲要又嘔又柯。入在醫院吊鹽水。出左院都十幾日啦﹐但係佢....
1) 好痴身﹕一日九成時間要抱住﹐一想放低佢落梳化或者網床玩就喊﹐見唔到又喊....由朝到晚都好似樹熊甘攬到實
2) 訓得好差好差: 晚晚訓得唔林﹐醒幾十次﹐要抱住訓﹐一放上床就醒.
3)唔鐘意食奶﹐以前一餐飲七至八安奶﹐每日三餐奶加二餐粥﹐依家D奶飲得二至四安,成日飲幾啖就唔飲。好彩佢仲肯食粥

點算好﹖佢係咪缺乏安全感﹖有無媽咪比D意見﹖P.s.佢剛滿一歲。
私人傳訊

bbrma


男爵府

積分: 5632


2#
發表於 07-3-15 10:56 |只看該作者

Re: 囝囝住在七日醫院﹐出左院後變成甘....

對小朋友來講吊鹽水(/插喉)都係非常不愉快的經歷. 缺乏安全感, 痴身, 醒訓, 食量少係好正常的反應. 我試過係BB出院後(住左4日院), 連續3晚抱住佢坐係梳化訓, 仲要不時唱歌仔+行來行去. 日頭我返工就公公婆婆抱, 一個星期先恢復正常.
唔使擔心, 希望你囝囝好快好返.
P.S. 佢痴你代表佢覺得你最安全.
私人傳訊

mandala


複式洋房

積分: 216


3#
發表於 07-3-15 21:20 |只看該作者

Re: 囝囝住在七日醫院﹐出左院後變成甘....

我個女又係發高燒﹐氣管發炎, 入完住左1週, 而家出左完已經2週喇, 但係d習慣完全變晒, 好似你囝囝咁, 我問過醫生, 佢話係bb唔習慣轉左還璄, 同埋冇安全感, 所以會好痴身, 只要佢唔係反到屋企仲係吽吽豆豆, 同埋肯食野就ok喇, 其他習慣要慢慢train返.

我女都係呢兩日叫做冇咁痴身同食反多d野, 但面色仲係好差, 廋左好多呀, 都唔知點補得返 :cry:

私人傳訊

SEricsson


男爵府

積分: 6171

大廚勳章


4#
發表於 07-3-15 23:25 |只看該作者

Re: 囝囝住在七日醫院﹐出左院後變成甘....

我個仔之前7個月大時又係人過醫院, 係咁抽血 (心都痛埋), 佢一見唔到我就大叫大喊, 佢之前係唔會咁, 但一出左院就係咁痴住我, 行開一步都唔得, 我諗都係係醫院既經歷唔好, 加上我第一晚又冇陪佢(諗返都好後悔), 所以我都搵左我阿媽黎幫手湊住, 等佢多d安全感, 陪佢多d, 過一排好會唔記得, 會好好多.

係會食少左架啦, 大人病都食少d啦, 咪等佢想食幾多咪食幾多囉... 惟有就下佢, 想點就點...

私人傳訊

wcwccy


複式洋房

積分: 431


5#
發表於 07-3-17 16:28 |只看該作者

Re: 囝囝住在七日醫院﹐出左院後變成甘....

我個仔又係發高燒﹐氣管發炎, 新年時入完住左５日, 之後返屋企食少咗嘢. 但昨日又嚟啦!剛開始食番多少少嘢,又喺學校嘢到,好煩呀!
每次出院,就算好番,個眼圈都好黑,唔知點補呀?
私人傳訊

moonychan


珍珠宮

積分: 42559

叻叻勳章 wyeth冷知識勳章 2011至尊種植勳章 畀面勳章 環保接龍勳章 大廚勳章 親子達人勳章


6#
發表於 07-3-17 23:52 |只看該作者

Re: 囝囝住在七日醫院﹐出左院後變成甘....

hi puipuib

你囝囝入邊間醫院呀? 我囝囝前日出院, 住浸會, 因為高燒後出疹, 佢住了4日, 頭3日, 囝囝落地行不超過 10 步, 又係成隻樹熊咁 "夾" 實我, 我果幾日簡直係惡夢, 因為佢連我坐低都唔比, 要行來行去o愛佢, 佢又好想走, 見有門就指住叫, 見有lift 都係叫, 好想離開, 真係心都實, 佢都要吊鹽水, 又怕佢典來典去時整到針口, 所以佢要點都就佢, 唉, 出院後雖然冇咁痴身, 但都好易喊, 一唔順意就扭.

好在佢既食量都回復正常, 奶已ok食到8安一餐, 但飯就食得1碗bb碗, 可能懶左 & 冇胃口, 因為在院其間不停食藥 & 打打生素.

佢仲變得很倦, 訓晏覺訓得很長, 平時訓2.5個鐘已經好多, 呢2日都訓 over 3.5個鐘, 今日訓了4個鐘.......中醫話打完抗生素會比較易倦, 要慢慢 recover.

你囝囝停左西藥未呀? 會唔會試下喂保嬰丹 or 珍珠未比佢定下藥等佢訓返好點??
私人傳訊

moonychan


珍珠宮

積分: 42559

叻叻勳章 wyeth冷知識勳章 2011至尊種植勳章 畀面勳章 環保接龍勳章 大廚勳章 親子達人勳章


7#
發表於 07-3-17 23:58 |只看該作者

Re: 囝囝住在七日醫院﹐出左院後變成甘....

講起補, 我囝囝今日退了疹, 我開始煲點湯水比佢, 飲得幾多得幾多~

99 問了中醫, 佢叫我買牛秋魚煲淮山茨實湯比bb飲, 幾有營養 & 健卑開胃的. 今日煲了, ok 好飲啦, 一條牛秋都幾大條, 我叫魚檔幫我割好切 2 截, 分2日煲, 煲時記得用薑煎左先煲湯.

另外, 因為 bb食了很多藥　＆　發過燒，　我連續３日煲竹蔗茅根馬蹄紅羅白水比佢飲　ｏｒ　用來開奶，等佢清下熱毒，利下尿．
私人傳訊

puibpuib


男爵府

積分: 7906


8#
發表於 07-3-19 15:27 |只看該作者

Re: 囝囝住在七日醫院﹐出左院後變成甘....

多謝甘多位媽咪的分享。
我個囝呢幾日食野食得好左﹐而且都好肯玩。不過總係覺得佢仍然好倦﹐但係佢就訓得好差好差﹐一定要抱住訓。出左院都成兩個幾禮拜﹐仲係甘。仍然係好痴身﹐唔知點好.....我好心軟﹐佢一喊我就抱佢﹐佢之前甘唔舒服﹐我唔想佢喊甘多﹐想佢開心D﹐依家真係好就佢﹐希望唔好令佢變成習慣。

我無比西藥佢食啦﹐之前燉左川貝﹐依家無咩咳啦。我都想幫佢調理下。一歲人仔係咪已經可以睇中醫﹖
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見