Baby Kingdom - 親子王國 香港 討論區 › 首頁 › 論盡家傭› 我家的新bunbun

論盡家傭

收藏本版
發帖
返回列表
跳至頁
我家的新bunbun [複製鏈接]

首頁
12

尾頁
   0
mrs.so


公爵府

積分: 29600

畀面勳章 環保接龍勳章 hashtag影視迷勳章


1#
發表於 07-3-17 05:35 |只看該作者

我家的新bunbun

最初揀呢個工人係諗住個樣幾有媽咪feel同睇相既笑容都好nice，佢係有教育文憑，教過幾年書，佢亦肯放weekday，我兩個仔一個6歲及3歲，應該好有愛心教小朋友，。

工人係2月3日到埗，已經比份工作守則及時間表，由於我地要返工，我兩個仔係讀全日幼兒中心，所以weekday佢只會在家中做家務。

頭兩個星期我都諗住佢剛到埗有未出國打工經驗係蠢、慢(唔主動)、見到好似好唔開心(就比佢打idd返屋企報平安)，翌日佢既情緒就更加低落，咁就call agent講返佢既情況，agent話佢思鄉比d時間佢適應，剛好接近新年我放假可以慢慢教，踏入第二個星期我就叫佢放假出去搵下姊妹傾計(第一次放假係weekday)，進入第三個星期遇著星期日，我同老公朝早起身時已經係10點幾，佢突然問我可唔可以放假，我話唔可以，我就call agent同工人講你自己應承唔放假星期日，你唔可以要求，agent覆我話佢只係問一問，唔得都唔緊要。

第三星期，我講比佢聽幾時放假，咁又問我可唔可以放Sunday，我問佢點解你要Sunday 放假，佢話上返教堂，但我記得星期日係工人遊行，所以我話唔得。

工人係四個星期後，我開始對佢有要求，例如：
1. 我會檢查工人有無按照schedule內要求及清潔狀況。點知廚房有個調味膠架都完全無洗過，我即時同佢講。【佢回應agent話見大仔既濕疹好嚴重，日日都要去洗傷口，用好多時間，掌握唔到太太既timetable，agent話咁點解你唔同太太講，係度喊，話做得好辛苦。當時嚇到大仔用mobile打比我問auntie咩事，係咪我鬧佢，我只好係公司一邊安慰大仔一邊用固網電話打比agent問佢係咪同我工人傾緊電話。】

2. 工人比我發現佢將用過而洗乾淨既奶樽，與已經係個煲完成消毒既奶機一併擺放，我立即同佢講，話我教過你將所有用過既奶樽洗乾淨後，一次過放落個煲到消毒囉，問工人你點分乾淨同未消毒架?佢答我早上已經消毒過，睇樽蓋顏色同水珠，我話你將無消毒既一併放入去，水喉水滴落下而已消毒(占)污，咁同無消毒既有咩分別，佢無出聲，我要佢立即將所有奶樽重新洗過。

3. 近日天氣潮濕我自己開乾衣機攪乾衫，及後幾日我返工到家發現無掛衫點解衫褲可以咁快乾，之後我就係乾衣機發現佢居然自己開乾衣機，我立即同佢講唔可以自行用乾衣機【佢回應agent話見太太用乾衣機，佢亦諗住用可以，agent話佢屋企係太太，太太叫你用先可以用。】

4. 我要求佢每日6點3起身，準備水比我老公出門口返工，點知佢以為我唔知咁，遲過我老公起身，有一朝我拍佢門問佢你幾點先起身呀?

5. 由於我細仔好唔跟工(我係家既時候情況)，唔比工人掂佢全程都係我照顧細仔，我曾經問過我大仔auntie平時湊你地既時候有無打你地呀，大仔話有呀係我唔聽話既時候，佢(搣)我耳仔呀，咁我話auntie有無打細佬呀，細佬好快答打我打petpet囉，之後每日我都會問下兩個仔auntie今日有無打你地呀?

6. 工人除左開頭一星期我叫佢去街市買過送煮過飯之外，幾星期以黎我都係自己放工去街市買送回家煮飯，因為工人煮飯唔好食，兼且等佢煮餐飯有排都無得食，所以我自己煮返，每日返到屋企都見佢有工作做緊，每日煮飯我都要叫佢先會同我準備開檯食飯，我真係激到死死下。

7. 每日放工我地兩公婆都會自己照顧返小朋友，開頭大仔都係同工人一間房瞓，之後我幾次我留意到無同我個仔(came)被，同埋我大仔手腳由過年開始嚴重濕疹到要入院，所以跟返我地瞓，變左我同老公瞓地下，兩個仔就瞓床。我好嚴肅同佢講細仔有尿液炎每晚瞓前要食藥，每晚都要我叫先會(鋪)被係地下比我同老公瞓，又無記性，比我捉過幾次7點幾佢記得時就比藥我個仔食，我好擔心我以為佢唔記得，再係臨瞓前我又比多次藥個細仔食，佢唔出聲講，怕我鬧佢。

8. 有一次我公司做野到半夜3點幾先返到屋企，沖埋涼都成4點上床瞓覺，我朝早8點半(扎)醒左到，我嬲到即場鬧工人點解你唔叩門call我叫細佬起身返學及帶哥哥去洗傷口呀?我話我請你返黎係照顧小朋友及做家務，如果以你咁既工作態度，咩都係我做，我絕對可以唔駛請你，因為小朋友返wholeday可以由學校照顧小朋友，佢無出聲。

9. 3月10日星期六我招呼好朋友返屋企打邊爐同大仔慶祝生日，我d朋友話我點做太太，又下午做到夜晚都無停過手，反而個工人就行黎行去，我話菲律賓無打邊爐，唔知佢識唔識洗乾淨d食物，叫得佢做我已經做好哂，等工人執手尾，去到夜晚8點半人齊開始食既時候，我就將d生既食物夾起比工人，提醒佢食物係生架，你要自己煮麵食，工人當時比我既反應係好怪，我心諗唔通你要我廿幾個朋友唔食住，齊齊拾起一煲夾埋比你食呀!

10. 當晚我朋友攞左好多大大小小樽裝及紙盒裝既果汁先生及汽水比啤酒比大家一齊飲，由於果汁數量好多既關係，我雪櫃擺唔入，我朋友每人分別攞幾支走後，我都仲有幾支係度，咁我咪叫工人入雪櫃，同佢講明天你dayoff，你可以攞去飲架，講完後我見雪櫃真係好full，我仲親手將大紙盒裝(室)入去其中一格，點知我Sunday瞓醒打開雪櫃，除左一支我親手(室)入去既大紙盒裝可以有地方放(唔係放係原位)，其餘既膠樽裝全部無哂，當時我好嬲我打佢手提(我比佢用)問佢係咪攞哂出去，佢電話無開。(我老公話等工人返黎問清楚先，可能佢get錯我意思，以為可以任取)

11. 3月15日夜晚我地一家4口係房到玩，我又問大仔aunite有無打你呀?我大仔同我講：今日放學時係商場門口電梯位置我用腳掦細佬，之後我企係auntie前面auntie好大力咁用腳掦我patpat，我話當時你有咩反應呀?大仔話好痛囉。我再問你鍾唔鍾意呢個auntie呀?大仔反問你想炒佢呀?我答咁luz(即舊3工人都係有打過我個仔我亦有報警)，我大仔答兩個都唔鍾意因為打過我，之後我老公聽到叫我同佢講，我就起身坐係sofa到(已經係10點半)等佢係廁所出黎，問工人小朋友係咪好naughty？我話有鄰居講比我聽，見到你過馬路時無拖住小朋友。佢話係好naughty，我話你一定要拖實小朋友過馬路，佢地唔聽話時你可以打比我通知我，不過無論點你都唔可以打佢地，佢聽到我咁講，佢答我知道，佢之後入房iron，我大仔入左佢間房，我經過工人同我講話大仔成日動手動腳打細佬，我就即時鬧大仔你唔可以咁做，工人同我講呢樣野，我覺得有好怪既感覺，不過我都係工人面前同大仔講你要錫auntie，唔準hurt auntie，我大仔話知道。

講返3月11日星期日本身個日我係好想去遊行，諗住佢都係去教堂咁比個工人可以放返一個星期日，我決定自己湊仔，我聽到我兩個仔咁樣講，我就更加嬲，又打比agent講哂我既不滿，仲叫埋準備one month notice，後來我同老公相量過之後，而家大仔又請緊病假，要人照顧，不如睇定d先啦。

到左今日為左大仔比工人掦既事，我問同事問家人點做好，佢地話小朋友既說話唔可以信太多(我大仔係一個好識得睇人面色及有點古惑既小朋友，所以我都唔排除佢有大話成份)，兼且agent話傾過幾次都係咁，不如sat帶佢返去佢地個度，大家問清楚佢想點啦?

今晚我ot叫個工人煮飯比小朋友食，我8點幾收工就同老公出去食，我問老公你信唔信工人打你個仔呀?我老公話信，我問點解?我老公話你唔知工人好大發脾氣咩?我老公講有一次佢收工自己開門入屋，入屋後聽到工人係廁所到大聲鬧兩個仔，之後我老公第一時間扮無野入廁所問咩事呀?工人好驚訝咁既表情。我話我老公點解你唔早d講，如果係咁我昨晚聽完大仔有咁既事，我就報警，我老公話無証據點報警，我話我唔多唔少都信大仔講既事，我相信我大仔唔夠擔係醫生同警察面前講大話，大仔知道個嚴重性。

我而家失眠post咁長篇既文字，我唔知點做好…?今日去到agent度應該直接了當問佢係咪打過小朋友，如果佢唔應，我應點呢?佢應，我又應該要點呢?

私人傳訊

sweetcouple


禁止訪問

積分: 22268

好媽媽勳章


2#
發表於 07-3-17 08:56 |只看該作者

Re: 我家的新bunbun

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

fionlai60


大宅

積分: 2080


3#
發表於 07-3-17 10:03 |只看該作者

Re: 我家的新bunbun

mrs.so :
1.應承唔放假星期日,到左香港要求假星期日.--無誠信
2.用乾衣機+取家中物資出外,見太太用乾衣機，佢亦諗住可以用,見d飲料飲吾晒就帶出去.咁見太太食燕窩,你係吾係自己可以跟住食呀,吾使問下太太呀!!--吾詢求太太同意, 任意自己決定?太自把自為.
3.吾依時起身,吾叫仔仔返學,係吾係仔仔吾做番學呀?--完全達吾到太太的要求
4.打小朋友,吾聽話就打佢,有無攪錯呀!完全吾可以接受

總結:::無誠信,太自把自為.完全達吾到要求,打小朋友,無樣好,如果係我自己,我一定即時炒左佢.
小朋友點吾好都吾可以打佢地,對小朋友無耐性.今日打得petpet,(搣)耳仔.遲d會仔仔再吾聽話,佢會有咩新招對付小朋友呢 呢個人太危險啦.
私人傳訊

mrs.so


公爵府

積分: 29600

畀面勳章 環保接龍勳章 hashtag影視迷勳章


4#
發表於 07-3-17 10:19 |只看該作者

Re: 我家的新bunbun

我正打算炒佢...不過agent話去到佢地個度先算...

私人傳訊

bkmummy


子爵府

積分: 10466


5#
發表於 07-3-17 10:32 |只看該作者

Re: 我家的新bunbun

完全唔可以接受, 你再唔炒佢, 我驚你會比佢攪到你發神經.
私人傳訊

KATRINE


子爵府

積分: 11902


6#
發表於 07-3-17 11:02 |只看該作者

Re: 我家的新bunbun

mrs.so 寫道:
我正打算炒佢...不過agent話去到佢地個度先算...


你唔需要聽AGENT講，　如有打過小朋友，　因見你不只問過一次，　就唔應該留低　！踢小朋友更加唔啱，　小朋友會有３樣學樣，　加上你對佢種種的不滿，　你仍然覺得有可以留低嗎　？
私人傳訊

mrs.so


公爵府

積分: 29600

畀面勳章 環保接龍勳章 hashtag影視迷勳章


7#
發表於 07-3-17 11:19 |只看該作者

Re: 我家的新bunbun

其實我真係心大心細...我都覺得唔可以佢用腳掦我個仔...但係我始終對我大仔講既說話有所保留，不過我同事話其實我個心已經認定左工人係唔好，點都有條刺，咁就請個個工人啦...

我覺得好似計時炸彈咁呀!驚d仔唔知會點...
私人傳訊

professor


珍珠宮

積分: 37750


8#
發表於 07-3-17 11:31 |只看該作者

Re: 我家的新bunbun


淨係打小朋友已經足以令我炒佢
私人傳訊

mrs.so


公爵府

積分: 29600

畀面勳章 環保接龍勳章 hashtag影視迷勳章


9#
發表於 07-3-17 11:52 |只看該作者

Re: 我家的新bunbun

而家就係無真憑實據...全部都係聽亞仔講...變左我進退兩難...

工人工作方面真係有改善過...而家唯獨打我個仔個單...先令我最煩...
私人傳訊

professor


珍珠宮

積分: 37750


10#
發表於 07-3-17 12:04 |只看該作者

Re: 我家的新bunbun


Mrs. So,

我之前 do 有過類似你既問題, 好 15/16, 炒好 5 炒好, 會 5 會 the next maid 一蟹不如一蟹 etc.........

FYI, my first maid is excellent ga
Second maid is rubbish, I terminated her in Nov 2006.
Third maid - 而 + 個 new maid, very good ar

我最終 do 頂 my second maid 5 順, fire 左佢 我 fire 佢既決定真係好 arm, coz once 我憎佢, 佢做任何野我 do 覺得 5 順眼 ga, 既然係咁, 大家無謂再辛苦落去 la Though my son 好肯跟佢, 那又如何 :evil:
私人傳訊

54heima


水晶宮

積分: 55644


11#
發表於 07-3-17 12:05 |只看該作者

Re: 我家的新bunbun

好认真同大仔倾下，aunite平时点样对待巨地一定要如实话比父母知，如果aunite有打巨地妈咪会call警察叔叔拉aunite。。。6岁，因该可以清楚表达，成为供词
少奶奶的身份，丫頭的命...
私人傳訊

mrs.so


公爵府

積分: 29600

畀面勳章 環保接龍勳章 hashtag影視迷勳章


12#
發表於 07-3-17 12:10 |只看該作者

Re: 我家的新bunbun

我已經請到第7個工人嗱!!!

我打算去到agent到三口六面問清楚，因為我大仔已經6歲，識分別嚴重性，所以我已經出定letter。
私人傳訊

LILY媽咪


珍珠宮

積分: 41995


13#
發表於 07-3-17 12:40 |只看該作者

Re: 我家的新bunbun

無論她有無打你2個仔, 如他們唔乖就好惡咁鬧, 都知她唔踢小朋友, 點會跟她同做好榜樣比他們, 成日粗聲粗氣, 再加上佢又好似做野唔多上心, 藥咁重要都唔記載, 或者佢都想唔做.
私人傳訊

winnie_sh


子爵府

積分: 10622

醒目開學勳章


14#
發表於 07-3-17 16:16 |只看該作者

Re: 我家的新bunbun

mrs.so,

有時真係'登'你唔抵，請極都咁衰.

大仔可能係感染你成日炒工人，佢一唔鍾意就講工人打佢，我明白你o既感受，不如叫你先生捉兩個仔出去附近公園打次羽毛球(玩咩都好啦 :mrgreen: )由先生去同兩個仔傾下對工人態度同心態，我諗會有正面作用，始終細路係嗲媽咪，覺得講咩媽咪都信，有時的確會作少少大，但係同爸爸就唔同，講緊一般爸爸都少對小朋友，間中傾一次真情告白，會有化學作用的，不防試試

至於工人講大仔打細仔，實有果喎，佢分明拖你大仔落水，佢係你炳完佢呢個時候講，即係佢條氣唔順，心態唔好。
私人傳訊

cat_house


大宅

積分: 4108


15#
發表於 07-3-17 16:48 |只看該作者

Re: 我家的新bunbun

我覺得你個工人都係古惑型﹐如果你唔鍾意佢亦唔貿須要留佢。你要好鄭重同佢講你對佢既要求﹐如果佢做唔到就要佢返歸。

至於你仔仔方面﹐我覺得你都要同你仔仔溝通下﹐同佢講話這個已經係第7個姐姐﹐如果呢人個姐姐打你地你一定唔會留佢﹐但如果佢都走了你可能唔會再請﹐仔仔都6歲要自己幫手做家務。看看仔仔是否覺得姐姐真係留不得。
私人傳訊

mos2468


男爵府

積分: 6185


16#
發表於 07-3-18 01:26 |只看該作者

Re: 我家的新bunbun

有時小朋友根本唔鍾意工人，始終鍾意媽咪理佢多d，所以真係要睇
私人傳訊

mrs.so


公爵府

積分: 29600

畀面勳章 環保接龍勳章 hashtag影視迷勳章


17#
發表於 07-3-22 10:32 |只看該作者

Re: 我家的新bunbun

話說上星期六，諗住返到agent度比機會佢講清楚代交掦我仔事件，佢同我大仔講既版本一樣，不過佢話只係想用以牙還牙形式比大仔感受下痛既感覺，我大仔又話唔好唔要姐姐啦，係我唔聽話先，兼當時agent都鬧佢任何情況都唔可以打小朋友，佢都話知道，我見佢工作方面有改善，一下子就心軟比次機會佢...

點知昨晚返到屋企，見到窗邊掛住好多衫已經幾日，我無出聲，我日日都走走摸下d衫係咪仲係好濕， 咁我好聲好氣問佢今日做過d咩呀?佢話洗兩個廁所執房抺地，我問佢你用幾多時間及點樣洗廁所呀?佢話用水沖，我話咁點解企(岡)邊及牆身依然有咁多黑色漬，佢話用布抺，同埋先生沖涼整到，我話黑色漬已經唔係一日積水而成，你應該用刷掉黑色漬，我話你只係用水沖用布抺須要幾多時間?工人無出聲，之後入佢房見到有一籃衫褶，佢話淨返呢到未做，我問佢你係咪好忙，唔夠時間做野呀?佢話係，我話小朋友讀全日朝九晚四得你一個人係屋企，你應該可以做到家務，佢無出聲，我入廚房煮完飯，已經唔想食，我顧完兩個仔食飯，佢就收檯，佢一邊洗碗我一邊執廚櫃，怕佢唔小心無手尾將d過期藥比我兩個仔食，我就清理廚櫃，今日櫃裡面既物品原封不動，我越睇越嬲，我問佢你幾時抺櫃呀?佢話上星期，我攞左櫃裡面既三隻碟用手一掃全部都係黑色既漬，我話如果你有清潔過點解你睇唔到有黑色漬，同埋我問過你仲有無透明膠手套，你答我無，點解櫃裡面比我搵到，工人答我只係抺門身同櫃板，無打抺過碟同打開過任何膠袋清理。

我當時真係嬲得好緊要，我問佢你想點，我話我信任你係菲律賓做教書交低家庭及小朋友比你，我信你可以handle到工作，我信你無心打大仔，所以先繼續比你留低工作，我問工人你係咪好唔想留係度?係咪想返菲律賓?係咪想辭職?佢樣樣都話係，我話咁你寫辭職信，你可以即時離開

我就call agent ...agent同佢傾完之後係度扮無野，繼續洗碗，agent回應我話佢係順口開河，佢話無講過辭職，我話咩叫順口開河呀?佢自己話要辭職，我已經唔要佢一個月通知，而家又話佢無講過，我話去度呢個地步，無可能再低多佢一晚，agent話如果而家要佢走，佢會話你炒佢，我話唔通你要我留個計時炸蛋呀?我點知佢今晚會點架?我話無可能因為你地安排唔到人接佢，而要我比佢係度住多晚，agent話咁你唯有call police，但係佢會去勞工處告你，我話咁就上勞工處解決啦，我又唔係未試過，後來又叫我將個電話交比工人，講完工人依然繼續洗碗，我叫佢你唔駛做，你想走而家可以執野走，佢真係想入房執野，我話咁你寫辭職信啦，佢話佢唔識，咁我幫佢print叫佢簽，點知佢又話要去agent度簽，我話唔得你行出左面口我唔會再有責任，因為係你break contract，留低紀錄我要保障自己同你，佢堅持唔肯，我只有call警察到場，睇住佢執野離開，終於10點幾佢走左。兩個警察都話佢已經好好啦，又唔駛煮飯日頭唔駛照顧小朋友夜晚唔駛同小朋友瞓，咁都唔心足，實會玩野去勞工處，年中勞工處都唔知搞幾多，通常用錢就解決哂問題。


而家我準備買機票、出信immg、計糧等 好煩又要再請個新工人。
私人傳訊

甜芋


男爵府

積分: 6994


18#
發表於 07-3-22 10:52 |只看該作者

Re: 我家的新bunbun

mrs.so :咁樣算唔算你炒佢呀?
快樂的甜芋快樂的甜芋
私人傳訊

mrs.so


公爵府

積分: 29600

畀面勳章 環保接龍勳章 hashtag影視迷勳章


19#
發表於 07-3-22 11:54 |只看該作者

Re: 我家的新bunbun

工人一定會話係我炒佢...不過都無所謂我已經準備上勞工處...輸極都係三仟幾元...之前佢既處理不當既地方...部份我都有影相作為紀錄...如果要上庭咁唯有比個官睇...起碼我真係有比機會佢改善
私人傳訊

justjust


大宅

積分: 4412


20#
發表於 07-3-22 12:07 |只看該作者

Re: 我家的新bunbun

mrs.so,

看你既發表我真係身同感受﹐我已經係第8個工人喇。同樣發覺工人多數係同大女較多磨擦﹐同朋友傾都有同感﹐原因係小朋友越大越多要求﹐唔會好似BB咁痴工人﹐亦有自己主見﹐更會吩咐工人做野。近日我話工人有d野做錯時﹐工人就話大女唔聽話﹐打佢(輕力既)﹔我都信大女平時有旭手旭腳﹐工人未至於還手﹐但就態度較差同俾我覺得既然大女打佢﹐佢做錯野(鎖自己同細女係廁所﹐大女拍門多次都唔理大女)都唔係大不了﹐可以互相抵消

我只有話﹐兩方面都唔岩﹐但一單還一單﹐一方面當然要大女道歉﹐答應永不再犯﹐唔可能因為佢自己太頑皮而換工人﹐簡直係笑話

另一方面﹐訓話工人不可鎖門不理大女﹐而如大女再動粗﹐每次都要立即打電話俾我地﹐當場即時問清楚﹐如果唔講積埋積埋﹐棧問題更難解決﹐工人更唔開心﹐覺得自己受委屈

但呢d都係長遠對付工人同仔女方法......當務之急﹐你都係要應付呢隻衰野先。我覺得﹐可能你工人同你講話“係呀﹐辭職唔做後”﹐再同agent傾時俾agent點醒左﹐冇理由咁蠢自己辭職。如是改口風。其實依家我覺得你贏面不大﹐但你點都要個agent出黎同你作證﹐話工人係辭職﹐你已同意。而工人事後改口﹐但你不同意。

如果agent肯作證會好少少﹐否則﹐都係要俾錢多。(不過我親耳聽agent同我講﹐雖然你係客﹐但你知﹐工人都係客﹐俾我地賺既錢仲多........ )但唔怕﹐咪即管睇佢留得幾耐﹐續visa食宿都要錢﹐佢告得入都袋得唔多。
私人傳訊


首頁
12

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見