Re: 有d擔心........膽石?膽炎?
premum2006
親身經歷
前年年中, 無啦啦近胃部附近有d痛, 初時食止痛藥都ok, 但慢慢由1粒加到3粒都止唔到, 要去睇醫生打止痛針先得. 跟住連打針都唔係好得 (打完都要痛好耐先唔再痛), 後尾連去醫生打針都止唔到痛, 咁我只好去睇急症. 試過1次由好痛等到唔痛, 痛左7個鐘. 又試過半夜瞓瞓下都會痛到醒.
其實由開始有d痛至痛到要入急症打止痛針全部係1個月內發生, 我總共入左6次急症. 到最後1次入急症, 我已經痛到想c咁濟, 又撞正個態度超唔好既醫生, 我咪借d意發皮4, 跟住佢連檢查都唔同我做就叫我入院.
住左約個幾星期, 由普通病房住到隔離病房 (佢地初時check到肝酵素超高, 驚我乙型肝炎傳染其他人, 所以要隔離). 住院期間, 胃鏡, x-ray都照唔到有乜問題, 所以到最後出埋院都唔知乜病. 個幾星期後返醫院照超聲波, 最後照到係膽石, 仲要係好多好細粒.
排左個幾月返去覆診, 原本醫生話要排1年先可以做手術, 但我同醫生講想快d, 因為只有去急症打止痛針先止到痛, 而我又唔想阻住d比我更有需要既人, 所以每次都要痛6-7個鐘先輪到我 (佢睇到我之前既記錄), 咁痛法, 好難頂. 後尾佢幫我排左快期, 同年11月尾做左手術. 當時醫生都話, 可以做微創, 但如果膽管/膽囊發炎就要開刀做. 後尾好彩可以做微創 (割晒成個膽), 黃昏做完, 第2朝中午前出院, 3個好細傷口都唔痛.
希望我既經歷可以幫到你.
你依家痛唔痛 
~~ 說安慰話的舌頭是生命船; 奸惡的舌頭使人心碎 ~~
**if you wanna cry, cry on my shoulder;
if you need someone who cares for you;
if you're feeling sad; your heart gets colder;
yes I show you what real love can do.**
發表於 
返回列表
