縮小一千倍那繁忙的一分鐘 注入一公升的用心感受 
spring2007 寫道:
思樂冰:
岩岩生月唔好喊呀, 我果時坐月成日都喊, 而家bb2個月啦, 我覺得我d視力差左好多, 你要食多d薑同埋唔好冷親, 岩岩生完冷親好難好同埋補唔到架。
未生前我買d bb野, c6次次都罵我, 佢已經俾d家用唔多, 而家直情唔俾, 咁果d野bb出世係要用架嘛, 咁必需品買都好正常, 我已經格到最平先買, 佢咁都要罵, 我個衰人99仲賤, 成日叫c6同我講, 話bb野乜都唔好買, 被又話唔好買, 衫又話唔好買, 浴盆又話唔好買, 咁bb出世要用, 冇被咁凍點得, 我又未湊過bb, 冇浴盆我都唔敢同個初生bb沖涼啦, 冇衫點得呀, 大人都要穿啦, 何況bb。
我都唔理佢, 自己買左小小, 到我生前岩岩有個好心既bk mami俾d 袋bb衫我, 我c6知道我要人地d舊衫又罵我, 我話買架2手bb車等第時出街買野可帶埋bb去, 2手已經平d, 以為佢同意啦, 點知c6又話唔俾買, 我而家日日係咁抱出抱入, bb已經6,7kg, 幾辛苦呀!!
唔好理個衰人啦, 當你見到bb開始識笑, 識認你就好開心架啦。
{{_Jessie_}} 寫道:
思樂冰：
我同你都差唔多啦，不過我果個就唔係有第二個女人，而係我地成日鬧交同打交，佢仲有次試過想推我落街，成日都講Ｄ好賤的野來鬧我，雖然我都有還手同鬧返佢，但係成日咁樣對個仔仔都唔好，我個仔都係剛10個月多D，我同佢都分開左幾個月啦，而家我都係同父母住，不過我就有返工，你唔好唔開心呀，我坐月時又係好似你咁成日喊，﹙因為我同我99果邊唔啱的嘈左交﹚，而家個身體真係差過以前呀...
你要加油呀，單親媽媽/爸爸的路都唔易行，我地一定要有堅定的心先可以面對將來不斷會出現的磨練同挑戰，我之前都好似你咁，好擔心將來的路唔知會點，成日都喊同唔開心，但係我有個朋友同我講，人唔應該成日預知未來，個天會幫助一D努力去幫助自己的人，只要自己真係付出過努力！我覺得都好啱，我地又點會知道將來條路會點，我總相信，個天今日好似拿走了你身上一樣野，但係可能係個天話緊俾你知，你應該要行一條更好的路。明白嗎？我同你一樣都正努力渡過緊呢段過渡期，但我相信時間係可以話俾我地知咩係對同錯，我曾經都覺得自己好自私，怕個仔大左會嬲我離開佢爸爸，但我而家覺得，我只可以選擇一條對仔仔傷害無咁大的路來等他成長，你問一下自己，如果你老公唔改，繼續TAKE野同成日滾女人，你地日日家嘈屋閉，個仔成長裡面會得到D咩?
你要加油呀，我地都會支持你，有咩唔開心你可以上來搵我地傾計。
各位單親媽媽/爸爸，有冇MSN呀?不如我地交換啦，大家可以一齊分享同分擔開心同唔開心，仲可以有時間約埋一齊聚聚，互相扶持同等仔仔/女女識多D朋友仔~~~
spring2007 寫道:
而家我諗返起, 好彩自己生個女而睇清楚c6同男家既人既真面目, 我衰人99同你個99都係同一種人, 而家都係一個電話都冇, 佢唔理bb好閒, 直情唔好認佢做阿麻, 想當初我生完會陰要連成30針, 痛到頭十日都落唔到床, bb又去左兒科, 到出院返到屋企日日都要係張床度, bb又成日要食, 好彩我媽媽同我餵奶咋, 媽媽又要照顧我, 佢一個人照顧2個, 日日都冇覺好訓, 加上佢有長期病, 捱得幾淒涼呀!
你c6咁可能想享齊人之福, 好自私, 你唔好理佢住, 我而家個c6都冇俾家用, 又冇黎我mama度睇我同個女, 我由生完到而家都係住係媽媽度, 食媽媽用媽媽既, 我又冇做野, 而家仲要我媽媽倒貼, 唉......我都覺得唔好意思。我都心理準備架啦, 不過我一定要返個女, 同埋一定要佢跟我姓, 因為佢而家係我娘家既成員, 唔係男家既成員, bb由出世到而家都係我媽媽和我一起湊bb既。
我只係惡露都流左50幾日, 到而家線口都未溶, 之前個傷口又爆過, 果時辛苦到我呀......我而家捱過左最辛苦既時間, 有我個女就乜都唔要啦, 話之個c6同99啦, 你都要堅強d呀, 我好明白岩岩生完好想有老公錫, 冇不得止仲咁傷自己心既果種心情, 大家多d交流, 互相支持啦。
發表於 
返回列表
