跳至

首頁
1

尾頁
   0


子爵府

積分: 10535


1#
發表於 07-4-4 15:08 |只看該作者

嬰幼兒營養食譜

嬰幼兒營養食譜 - 蘋果茸 (適合4-8個月嬰兒)
Method 1. 先將蘋洗淨去芯,待用。 2. 把蘋果放入沸水煲至軟身。 3. 用刀起肉。 4. 用木棍(烹飪專用研磨碗和木棍)壓爛至茸狀即可。


嬰幼兒營養食譜 - 紅蘿蔔茸(適合4-8個月嬰兒)
Method 1. 先將紅蘿蔔去皮洗淨,然後切粒。 2. 再將已切粒的紅蘿蔔煲至完全腍身,約廿至三十分鐘。 3. 然後用木棍壓爛即可。食用時放入米糊或粥仔內。


嬰幼兒營養食譜 - 蕃茄茸 (適合4-8個月嬰兒)
Method 1. 先將蕃茄洗淨,再用刀輕切一個「十」字。 2. 用叉插在蕃茄頂部,放在沸水裏直至外皮褪去。約5分鐘即可。 3. 用手把蕃茄皮剝去,然後切開蕃茄,挖出籽。 4. 最後,放入攪拌機攪成茸狀即可,或用木棍將蕃茄壓茸。

嬰幼兒營養食譜 - 粟米茸 (適合4-8個月嬰兒)
Method 1. 先將粟米切成段,放入沸水煮45分鐘左右,直至粟米完全腍身。 2. 取出粟米粒,然後放入攪拌機攪成茸狀,才可令質感細滑。


嬰幼兒營養食譜 - 水蜜桃香蕉奶昔 (適合4-8個月嬰兒)
Ingredient · 嬰兒乳酪1杯 · 香蕉1隻 · 水蜜桃1/2個Method 1. 先將水蜜桃洗淨去皮,然後切半。2. 將香蕉、水蜜桃和乳酪一起放進攪拌機攪成奶昔即成。


嬰幼兒營養食譜 - 香蕉牛油果奶 (適合4-8個月嬰兒)
Ingredient · 中型香蕉1隻 · 牛油果1/2個 · 奶 適量(配方奶粉或母乳) Method 1. 先把所有材料切成粒,備用。 2. 食用時將所有材料放入攪拌機攪成奶昔狀即可。


嬰幼兒營養食譜 - 芝士薯茸 (適合4-8個月嬰兒)
Ingredient · 薯仔1個 · 嬰兒芝士1粒 Method 1. 先將薯仔去皮切粒,待用。 2. 水滾後,將薯仔放入煲至腍。另外,也可以隔水蒸薯仔至腍身。3. 用牙籤可以插入薯仔,即代表夠腍。用匙壓成茸狀,再放上芝士粒,讓薯仔的熱力令芝士溶化,即可食用。

嬰幼兒營養食譜 - 豆腐南瓜茸 (適合4-8個月嬰兒)
Ingredient · 豆腐1/2磚 · 南瓜約4兩(約1 碗份量) Method 1. 先將豆腐隔水蒸五分鐘左右。 2. 將南瓜切粒,然後放進滾水煲水煲腍。 3. 然後把兩種材料放進攪拌機打成茸即成。


嬰幼兒營養食譜 - 木瓜乳酪 (適合4-8個月嬰兒)
Ingredient · 細木瓜1/4個 · 嬰兒乳酪1杯 (大型超級市場有售) Method 1. 方法非常簡單,只需將木瓜去皮、去籽,用木棍壓爛,待用。 2. 食用時把木瓜和乳酪拌勻即可。


嬰幼兒營養食譜 - 牛奶燉蛋 (適合4-8個月嬰兒)
Ingredient · 雞蛋黃2隻 (1歲後才用全蛋) · 奶4湯匙 (配方奶粉或母乳) Method 1. 先將雞蛋黃攪拌,並注入奶再拌勻,倒入小碗內。 2. 水滾後,牛奶蛋放入,以文火蒸。3. 想燉蛋口感滑如布丁,可反轉一隻碟,蓋在碗上,再蓋煲蓋,蒸上15分鐘即可成美味燉蛋。


嬰幼兒營養食譜 - 木瓜雪耳南北杏水 (適合4-8個月嬰兒)
Ingredient · 中型木瓜1個 · 雪耳2兩 · 南北杏若干 · 蜜棗2粒 Method 1. 先將木瓜切件去籽,將雪耳浸透,另把蜜棗、南北杏洗淨待用。2. 注入適量清水(蓋過材料),把材料煲滾,然後轉以文火煲1小時左右,即可飲用。


嬰幼兒營養食譜 - 啤梨蘋果水 (適合4-8個月嬰兒)
Ingredient · 蘋果3個 · 啤梨2個 · 蜜棗2粒 Method 1. 先將啤利、蘋果洗淨去芯(不用去皮),待用。 2. 注入適量清水,放入所有材料,水滾後,轉用文火煲45分鐘左右即可。


嬰幼兒營養食譜 - 粟米馬蹄紅蘿蔔竹蔗水 (適合4-8個月嬰兒)
Ingredient · 粟米1條 · 中型紅蘿蔔1條 · 竹蔗1紮 · 馬蹄6個左右 · 茅根Method · 先將馬蹄、紅蘿蔔去皮切件、粟米切件、然後所有材料洗淨。 · 將所有材料加入適量清水煲滾,約1小時左右即可飲用。 · 茅根及粟米鬚若干


嬰幼兒營養食譜 - 紅蘿蔔粟米水 (適合4-8個月嬰兒)
Ingredient · 中型紅蘿蔔1條 · 粟米1條 · 蜜棗2粒Method · 先將紅蘿蔔去皮切段,粟米切件,連蜜棗一起洗淨。 · 將所有材料加入適量清水煲滾,約1小時左右即可飲用。


嬰幼兒營養食譜 - 南瓜湯 (適合4-8個月嬰兒)
Ingredient · 南瓜1/2斤 · 紅蘿蔔1個 · 薯仔1個· 蕃茄1個 Method · 先將南瓜、紅蘿蔔、薯仔及蕃茄洗淨,去皮並切粗粒。 · 將所有材料,放入清水煮沸後用文火煮廿分鐘,直至材料腍身。 · 然後,用攪拌機將湯料攪爛,再注入1 1/2清水,倒回湯煲中煲滾即可飲用。 · 想口感更幼滑,可加入1/2碗牛奶(配方奶粉或母乳),轉用文火煲約5分鐘即可飲用。


嬰幼兒營養食譜 - 木瓜魚尾湯 (適合4-8個月嬰兒)
Ingredient · 木瓜1斤 · 鯇魚尾1條 · 薑3片 · 蜜棗3粒 Method 1. 木瓜切件去籽,連蜜棗放入湯煲內煲滾。 2. 將鯇魚尾、薑片放入鑊略煎。 3. 再注清水入鑊,把鯇魚尾略滾5至10分鐘,然後將碗水連魚倒入湯煲內。 4. 把所有材料放入煲內後,注入適量清水入,以文火煲2小時即可。


嬰幼兒營養食譜 - 菠菜牛肉湯 (適合4-8個月嬰兒)
Ingredient · 牛肉5兩 · 菠菜1/2斤 · 薑1小片 Method 1. 牛肉洗淨切片、菠菜洗淨切段待用。 2. 先將3湯碗水連牛肉和薑煲滾,水滾後,再將菠菜放入。 3. 再煲1/2小時左右即可。


嬰幼兒營養食譜 - 蕃茄薯仔紅衫魚湯 (適合4-8個月嬰兒)
Ingredient · 蕃茄3個 · 薯仔2個(想湯稠些,可多加1 至2個薯仔) · 紅衫魚1條 Method 1. 先將紅衫魚去鱗,割肚洗淨;燒紅油鑊放入薑片,放入紅衫魚略煎。 2. 注清水入鑊,略滾5至10分鐘,然後將水連魚倒入湯煲內。 3. 蕃茄,薯仔洗淨切好,注入適量清水入湯煲內(水以蓋過材料為原則),再將所有材料一起放入湯煲內,煲滾後,改用慢火煲個半小時左右即可。


嬰幼兒營養食譜 - 蘋果南北杏豬展湯 (適合4-8個月嬰兒)
Ingredient · 蘋果3個 · 南北杏適量 · 豬展12兩 · 陳皮1小塊Method 1. 先將豬展、南北杏洗乾淨,豬展拖水、瀝乾,待用。 2. 蘋果洗乾淨去芯待用。陳皮浸軟去瓤。 3. 先將陳皮跟適量的清水一同煲,待水滾後,把所有材料放入湯煲內,煲10至15分鐘左右,然後改用慢火煲兩小時即成。


嬰幼兒營養食譜 - 百合蜜棗粥 (適合4-8個月嬰兒)
Ingredient · 新鮮百合1個或龍牙百合3兩 · 蜜棗3粒 Method 1. 先將新鮮百合洗淨,切去頭段,掰開一片片,備用(龍牙百合則需於前一晚浸透待用)。 2. 煲粥前半小時,先將兩湯匙米用熱水浸,然後加七至八碗清水及其他材料煲成粥。或以成人吃的飯半碗,注入兩碗滾水煲粥也可。 3. 記住要冷水落米煲粥,同時間一起落百合及蜜棗同煲。


嬰幼兒營養食譜 - 香蕉米糊仔 (適合4-8個月嬰兒)
Ingredient · 香蕉1隻 · 米糊1茶匙 Method 1. 依照不同品牌米糊的介紹,以水或奶開成糊仔,每次以半茶匙餵食。 2. 將香蕉用木棍壓爛成茸,混入米糊中,以增加糊仔的口感和味道。


嬰幼兒營養食譜 - 蛋黃粥 (適合4-8個月嬰兒)
Ingredient · 蛋黃1/2個 · 米2湯匙或爛飯半碗 Method 1. 將雞蛋煲熟,去蛋白部分,只要半個蛋黃用來煲粥。 2. 煲粥前先將兩湯匙米(約半杯米)用熱水浸一小時左右,再注入七至八碗清水入煲內煲粥;或以成人吃的飯半碗,注入兩碗滾水煲粥也可。 3. 煲至粥差不多滾起時,可攪拌幾下,令粥不易黏底。4. 當粥滾至出現一個泡時,再加入蛋黃拌勻。此時可加些水令粥變稀,每次1湯匙直至合適為止


嬰幼兒營養食譜 - 牛奶蕃薯茸 (適合4-8個月嬰兒)
Method 1. 將蕃薯洗淨,連皮一起煲,約20至30分鐘。 2. 可將筷子插入蕃薯,看看是否腍身,然後去皮。 3. 用木棍把蕃薯壓成茸。 4. 最後加入一些奶 (配方奶粉或母乳均可) 拌勻,令蕃薯的口感更幼細。


大宅

積分: 3361


2#
發表於 07-4-4 15:11 |只看該作者

Re: 嬰幼兒營養食譜

水怪,

好好心機呢!!
個doc, 我 print 左出黎之後都好少睇lu....


子爵府

積分: 11166


3#
發表於 07-4-4 15:21 |只看該作者

Re: 嬰幼兒營養食譜

如果煲魚湯,d魚要煎過咁d湯咪有油囉?bb飲唔飲得架?
未經本人許可, 不得轉載


大宅

積分: 2572


4#
發表於 07-4-4 15:21 |只看該作者

Re: 嬰幼兒營養食譜

我其實都好想試比亞b飲蕃茄魚湯, 佢依家5個月, 是否可以? 因為要先將條魚略煎, 會有少少油, 都唔知亞b飲唔飲得? ?-(


大宅

積分: 4010


5#
發表於 07-4-4 22:42 |只看該作者

Re: 嬰幼兒營養食譜

嘩!bb可以有咁多野食。真係唔洗頭痛今晚食mud


大宅

積分: 2358


6#
發表於 07-4-4 23:21 |只看該作者

Re: 嬰幼兒營養食譜

嘩!好多野食呀!
不過我隻b腸胃唔好,仲未敢俾佢試住。 :-(

水怪,你俾栗子頭食咩呀?張大頭好頂癮wor


子爵府

積分: 10535


7#
發表於 07-4-4 23:38 |只看該作者

Re: 嬰幼兒營養食譜

栗子頭唔係幾食奶,又唔食糊仔,試過加蘋果落糊仔到唔食,用奶開糊仔又唔食,蘋果蓉唔食,連蘋果汁都唔肯,我都唔知點算,就快痴線啦,諗住試下整紅蘿蔔茸,蕃茄茸,薯仔茸﹐蕃薯茸逐樣比佢試下,不過佢依家見到個碗都喊,過多個零星期先再試啦﹗

yyyyan 寫道:
嘩!好多野食呀!
不過我隻b腸胃唔好,仲未敢俾佢試住。 :-(

水怪,你俾栗子頭食咩呀?張大頭好頂癮wor


大宅

積分: 2358


8#
發表於 07-4-4 23:45 |只看該作者

Re: 嬰幼兒營養食譜

哎呀!佢唔鐘意唔好咁急俾佢試啦,等多兩個星期先啦!d奶粉咁好營養,佢遲d實會鐘意你整既愛心住家飯既
:mrgreen:


子爵府

積分: 10535


9#
發表於 07-4-5 00:25 |只看該作者

Re: 嬰幼兒營養食譜

唯有係咁啦﹗

yyyyan 寫道:
哎呀!佢唔鐘意唔好咁急俾佢試啦,等多兩個星期先啦!d奶粉咁好營養,佢遲d實會鐘意你整既愛心住家飯既
:mrgreen:


男爵府

積分: 5532


10#
發表於 07-4-5 15:03 |只看該作者

Re: 嬰幼兒營養食譜

水怪
食譜好詳盡,Thanks


大宅

積分: 1009


11#
發表於 07-4-7 10:03 |只看該作者

Re: 嬰幼兒營養食譜

水怪 ,
Thank you 晒! 好齊全呀!


伯爵府

積分: 18067

開心吸收勳章 Xmas吸收勳章 最關心BB問題熱投勳章 認識瑞士牛牛第二回 認識瑞士牛牛第一回 育兒性格勳章 我的育兒心得勳章 DHA勳章 畀面勳章 BK Milk勳章 hashtag影視迷勳章


12#
發表於 07-4-9 17:01 |只看該作者

Re: 嬰幼兒營養食譜

very good!!!!!!!!!!!!!!!


別墅

積分: 985


13#
發表於 07-4-10 12:19 |只看該作者

Re: 嬰幼兒營養食譜

水怪 ,
Thank you

首頁
1

尾頁

跳至
Presslogic Logo
Baby Kingdom Logo