夫婦情感 今日: 1 | 主題: 42728

積分: 5598

1^#

發表於 07-5-2 17:18 |只看該作者

我的心巳經不在了嗎

上星期因為教仔仔問題開始同c6頂左兩句, 跟住把心一橫搬左返呀媽度住, 到今日巳經第五日啦, 個c6一個電話都無打過嚟, 我真係覺得佢咁樣好唔掂, 其實知佢性格係咁, 因為每次鬧交佢都唔會係做氹番我果個嚟既...... 但而家有左仔仔, 理應會緊張d至係, 但都係一樣, 唔打電話俾我...... 對佢心巳經開始淡, 以前試過返呀媽度住第二日巳經想返去同佢一齊, 但今次我無呢種感覺, 仲越住越唔捨得走添, 覺得返左呀媽度住就好似放左出去既雀仔咁, 好自由、無壓力、好開心、好似做番自己咁, 我打算住到今個星期日再作打算, 自大半年前我腦海巳經成日有離婚呢種念頭, 覺得生完仔仔後大家都有所改變, 我覺得佢開始變得唔係咁care我, 就算得我地兩個出街都巳經唔同以前個種感覺啦, 但如果走個心仍然係有少少唔捨得, 我真係好想諗清楚自己前面條路應該點行, 究竟同呢個人仲可唔可以講一生一世, 或者大家都變左, 因為有仔仔既出現雙方既集中力巳經去左仔仔度, 就算我再想挽回惜日既感覺都覺得係一件好難既事, 而佢又好似覺得無乜野咁, 我都唔知自己要諗到幾時先有一個完滿既答案, 而且今年8月仔仔就讀n1了, 留位費都交左, 唉~ 個心真係好亂, 唔知自己想點

私人傳訊

RAA

珍珠宮

積分: 35254

2025勳章 2025勳章蛇年勳章 2018復活節勳章好媽媽勳章醒目開學勳章

2^#

發表於 07-5-2 17:46 |只看該作者

Re: 心仍是冷??

咁就話要離婚, 好似兒戲咗D喎 ! 結婚耐咗, 有咗小朋友, 又或者年紀大咗/環境改變咗….. 等等, 其實心境和關係是會不同的. 點解要挽回惜日既感覺呀? 因為以前開心, 而家唔開心? D男人好多都係咁架啦, 千祈唔好用拍拖/結婚初期嚟比較, 做咗媽媽, 萬事應以孩子為先. 自己對呢件事有咩諗法/意見, 可以的話, 開心見誠同對方講, 有時佢地真係唔知女人諗乜架, 等如你都唔知點解佢係咁啦, 係咪? 仲有唔好郁D就返阿媽度, 呢個做法幾唔成熟下. 試下'將心比己'呢個諗法吖 :-P .

私人傳訊

edea

王國長老

積分: 119074

王國長老

3^#

發表於 07-5-2 17:55 |只看該作者

Re: 心仍是冷??

如果住係媽媽度暫時ok,就住住先,唔好諗太多,平常心啦.
教仔係小事,但老公如果企都咁硬係都唔叫妳返去,佢有幾緊妳我諗唔駛多講....

我最怕男人太顧自己感受/自尊,睇自己重要過老婆.

有幾多夫婦,真係結婚後會好好珍惜對方呢...唔知係咪呢版睇得唔開心既例子多,我都好灰 :cry:

雖然我唔係鼓勵人分家,但係都唔會要人夾硬一齊,有d事順其自然好d.

我唔係經常上BK, 想搵我嘅朋友請email: [email protected]

私人傳訊

roccomami

禁止發言

積分: 14500

好媽媽勳章

4^#

發表於 07-5-2 22:30 |只看該作者

Re: 心仍是冷??

提示: 作者被禁止或刪除內容自動屏蔽

私人傳訊

onon1022

子爵府

積分: 12589

好媽媽勳章

5^#

發表於 07-5-2 23:27 |只看該作者

Re: 心仍是冷??

其實你冷靜諗清楚先...你想離婚係一時衝動...定係諗清諗楚...其實係咪真係要離婚...如果離婚可以解決問題...覺得大家都開心...咁你自己好好諗清楚...

[url=http://lilypie.com][img]

私人傳訊

mywong

積分: 9963

好媽媽勳章

6^#

發表於 07-5-2 23:37 |只看該作者

Re: 心仍是冷??

小小事就要返阿媽到住,你都唔係好成熟.

私人傳訊

somichi

禁止訪問

積分: 323

7^#

發表於 07-5-2 23:48 |只看該作者

Re: 心仍是冷??

提示: 作者被禁止或刪除內容自動屏蔽

私人傳訊

Fendi@gucci

別墅

積分: 792

8^#

發表於 07-5-3 00:35 |只看該作者

Re: 心仍是冷??

[size=medium]比個下馬威佢睇，等佢1個人係屋企悶死刀好呀！[size=medium]系呀媽到咪當度假羅[size=medium]可能佢知衰後[size=medium]大家先知對方既重要[size=medium]不過記得叫佢定時過條生活費比你

http://www.baby-kingdom.com/?uid-122654

私人傳訊

octoct

別墅

積分: 564

9^#

發表於 07-5-3 00:37 |只看該作者

Re: 心仍是冷??

問你一個大吉利是的問題，幻想一吓如果你老公忽然c咗，你會傷心嗎?又或如果他患了重病，你會傷心嗎？如果不會傷心，咁就證明你已對佢死心。但我知你一定會傷心law，幾衰都好，都係同你共渡不少歲月，唔好話離就離，緊謹d好

私人傳訊

CLBT

積分: 226

10^#

發表於 07-5-3 01:33 |只看該作者

Re: 我的心巳經不在了嗎

樓主,想清楚!
唔好將結婚當日既承諾一掃而空,
又或者佢都等緊你打比佢!
佢都唔好受啦我諗,屋企少左2個人,
有仔仔之後,唔可以成日鬥氣,
唔係只會影響到個仔,為左教仔姐!
係咪真係需要番番MAMI度呢?
試下你做主動打比佢,已經可以改變到更多更多。 :wink:

私人傳訊

fitceo

子爵府

積分: 13427

11^#

發表於 07-5-3 12:22 |只看該作者

Re: 心仍是冷??

同意 !

somichi 寫道:
其實係咪離咗婚,問題就解決呢?倆個人相處,有開心時光,亦都會有意見不合嘅時侯,教導小朋友責任大,唔好太主觀,佢唔揾你,會唔會係你一鬧交就返外家,佢都知你安全,咪唔緊張lor,三思呀!

[img align=right]http://i116.photobucket.com/albums/o21/keiyan76/CEO.gif[/img]

私人傳訊

RAA

珍珠宮

積分: 35254

2025勳章 2025勳章蛇年勳章 2018復活節勳章好媽媽勳章醒目開學勳章

12^#

發表於 07-5-3 13:14 |只看該作者

Re: 我的心巳經不在了嗎

除非另有原因你想同佢分開, 否則總要有人行出第一步, 嗰個唔係佢就係你, 主動打電話比佢啦, 唔好為咗面子問題, 而拆散一個家庭, 好唔值得呀. 電影廣告都有講: "贏咗場交, 輸咗頭家, 值得咩?" 這是我見過政府最有建設性嘅廣告.

私人傳訊

lumlum_mum

積分: 369

13^#

發表於 07-5-4 22:27 |只看該作者

Re: 我的心巳經不在了嗎

你當你個仔係咩？佢唔係玩具，係自己骨肉．．．　兩個人都集中係佢度係應該既，佢唔多理你我相信係佢一直以來的性格．．以為生完ｂｂ關係會好ｄ，但原來無你預計的便要離婚，你ｂｂ好慘． :cry:

私人傳訊

積分: 5598

14^#

發表於 07-5-6 00:15 |只看該作者

Re: 我的心巳經不在了嗎

你唔好瞎子摸象啦, 佢未有同大肚個時不嬲都好care我, 生完bb關係好似因為咁而疏離左, 我由bb兩個月大一手一腳自己揍到佢而家就嚟兩歲, 你都做人呀媽, 咁辛苦揍佢會當個仔係玩具咩?? 我相信無人會咁蠢攞苦嚟辛生件玩具出嚟自己揍住當玩掛?! 你不明原因就話我, 咁你又了解我地幾多

lumlum_mum 寫道:
你當你個仔係咩？佢唔係玩具，係自己骨肉．．．　兩個人都集中係佢度係應該既，佢唔多理你我相信係佢一直以來的性格．．以為生完ｂｂ關係會好ｄ，但原來無你預計的便要離婚，你ｂｂ好慘． :cry:

私人傳訊

積分: 5598

15^#

發表於 07-5-6 00:20 |只看該作者

Re: 心仍是冷??

今次同佢頂頸係導火線, 返呀媽度住係我想抖吓氣暫時唔想見佢住, 等自己心情好d同諗清楚究竟同佢發展到咩地步, 唔同一條橡筋不停咁拉到恆而唔去放鬆, 咁係咪由得佢扯斷左就算?? 唔成熟你只係睇左表面啫, 咁係咪要老公去滾、唔理個家先至有充分理由返呀媽度住呢?? 真係唔係好明你諗緊乜 ?-( ?-( ?-(

mywong 寫道:
小小事就要返阿媽到住,你都唔係好成熟.

私人傳訊

lumlum_mum

積分: 369

16^#

發表於 07-5-6 03:10 |只看該作者

Re: 我的心巳經不在了嗎

OneTwoThree 寫道:
個c6一個電話都無打過嚟, 我真係覺得佢咁樣好唔掂, 其實知佢性格係咁, 因為每次鬧交佢都唔會係做氹番我果個嚟既...... 但而家有左仔仔, 理應會緊張d至係, 但都係一樣, 唔打電話俾我...... 對佢心巳經開始淡,

因為有仔仔既出現雙方既集中力巳經去左仔仔度, 就算我再想挽回惜日既感覺都覺得係一件好難既事

sorry, 可能我誤會左, 不過我只係根據你之前的post先咁講, 係你話你老公之前都唔係先氹番你果個嚟既, 但你依家因為佢唔氹番你就覺得佢唔care你, 好心淡, 物唔係佢一直都係咁咩, 所以我覺得你唔明依家先心淡? 因為有個仔之後要緊張你好d? 這都是一廂情願的想法. 我又點知原來佢一直好care你呢

我都覺得生個仔出黎要愛錫的, 但又係你個post話因為有仔仔既出現雙方既集中力巳經去左仔仔度, 就算我再想挽回惜日既感覺都覺得係一件好難既事 , 我覺得更莫名其妙, 始終我覺得有兒有女, 又唔係咁大件事, (只係唔主勳氹番你), 都唔好輕言分開姐, 比我,為個仔好, 我會盡力解決rather than分開

anyway, 你唔岩聽, 當我無講啦

私人傳訊

頂級美人

大宅

積分: 4138

17^#

發表於 07-5-6 05:32 |只看該作者

Re: 我的心巳經不在了嗎

佢又唔係去滚, 你暫時又唔係有個更好的男人, 唔洗咁急離婚, 睇定ｄ先, ........你試下唔好將所有注意力放曬係ｂｂ到, 關心多ｄ佢, 睇下會唔會好ｄ？
佢可能係一個好小氣嘅男人, 但係如果你先找佢(又唔係叫你say sorry), 等佢好落台, 幫ｂｂ留番爸爸, 我認為個啖氣可以忍一忍先.............
最重要係佢有冇脾家用你.......對個家有冇責任感.......

私人傳訊

Kristy555

大宅

積分: 1072

18^#

發表於 07-5-6 10:13 |只看該作者

Re: 我的心巳經不在了嗎

生bb出來, 注意力集中o係bb身上都係好理所當然既事, 其實你老公番工都好辛苦, 講真, 幸福唔係靠表面, 平淡其實係幸福既一大特性, 無事無幹, 行行企企, hair 下 hair 下只要有人倍已經係佢比你既幸福. 當失落既時候想下當初佢點追你, 想下佢令你開心既野就會唔再嬲.

試想下, 佢都係人, 佢都有脾氣, 雖然佢係男人, 你走o左番外家, 佢都好無面, 唔好一時意氣, 唔好為鬥氣而鬥氣, 想一想, 其實o係呢個世上, 為你付出最多既人, 除o左你父母之外, 一定係老公最鍚你, 如果比你老公選, 佢一定選你先選你個仔

湊大個仔幾辛苦我地係知道的, 當然你老公都會好明白你, 講真, 你老公o甘辛苦追你番來, 點會唔緊你o丫. 大事化小, 小事化無, 祝你們早日和好如初.

以我來說, 如果到我老左, 老公仲會拖住我行下公園/百佳, 到時先至係得到佢對我既愛, 現在後生, 緊係要捱嫁啦. 講真, 想同佢睇spider man 3都走唔開, 又點感受倒佢對我既愛丫
:-( :-(

私人傳訊

積分: 5598

19^#

發表於 07-5-6 14:46 |只看該作者

Re: 我的心巳經不在了嗎

只是想你清楚我的想法和用意並不是如你想象的那樣差勁, 而家了解左誤會就沒有了。

lumlum_mum 寫道:
[quote]
OneTwoThree 寫道:
個c6一個電話都無打過嚟, 我真係覺得佢咁樣好唔掂, 其實知佢性格係咁, 因為每次鬧交佢都唔會係做氹番我果個嚟既...... 但而家有左仔仔, 理應會緊張d至係, 但都係一樣, 唔打電話俾我...... 對佢心巳經開始淡,

因為有仔仔既出現雙方既集中力巳經去左仔仔度, 就算我再想挽回惜日既感覺都覺得係一件好難既事

私人傳訊

post-it