siufung 寫道:
如果純粹因為佢大過你咁多年而分手,咁就有0的可惜喇。講真佢又冇呃你,你識佢果陣已經知道佢大你咁多,而你當時亦選擇接受佢。況且男人大過女人十幾年都唔算好誇張。
年齡唔係最重要0既問題,最重要係佢個人性格,對你好唔好, 同埋同你夾唔夾。不過佢兩年幾以來都唔透露佢家人0既事,咁就好似有0的唔妥。
如果佢冇乜大過錯,你又仲好中意佢,為左小事而分手,咁可能會錯失一段美好姻緣。
好好地諗清楚下啦。唔好因為一時唔習慣又叫番人番黎,過一陣又話分手, 最重要係你自己點諗, 係咪真係好中意佢,佢又係咪好值得你中意。
man4good 寫道:
你唔似拍拖,似坐監多d
成40歲既男人都係咁,如果你係我個妹,我唔會贊成你同佢一齊
[quote]
iamgrace25 寫道:
"可惜成日怕我走光, 阻止我打扮, 變左佢只可以我著到好似人地未發育, d衫要大大件, 唔比我同男仔做朋友, 係公司又唔比我同男同事講野"
"如果有男仔打黎, 佢問長問短, 過左好耐之後又再問, 太煩了, 佢工作時又唔聽我電話, 但如果我聽唔到電話佢又鬧餐死, 問我要部電話黎做咩,"
man4good 寫道:
愛係一種感覺,但需要理性去維繫,有好多人(尤其係女性)話,個男仔唔比你點,唔比你做乜,都只係太緊張你,但我覺得呢種唔係緊張,係專制,同男性做朋友都唔可以?同男同事傾計都唔比?唔係下化?難道傾幾句野就有姦情?話時話,我都係男人,今晚同你在網上打幾隻字,算唔算係有野?一個成40歲既男人都咁橫蠻,如果你同佢一齊,你唔好預料你之後幾十年會好開心,今日佢係咁,你亦要有心理準備將來都係咁,唔好以為人會好易改變,既然你都同佢分手,就好好自己生活吧,將來有一個更好的,這是我個人意見
mywong 寫道:
等我又講下我既經驗,當年19歲,同一個35歲既同事拍拖,同居,日對夜對,管接管送,對我勁好,開頭一年半載謹無問題,但後來發覺個世界只係有我同佢,無晒私人空間,無晒朋友，我開始覺得好辛苦.最後都係分手收場.我都覺得好可惜,一個咁好既男人要我放手.
p.s. 現在我已經搵到我既Mr. Right，你唔放手係唔會知道前面原來有個更合適既人,到現在我覺得分手真係無錯
新人類BB 寫道:
我覺得同年紀冇關係啦...我也曾經經歷過一段這樣的愛情, 當年我21歲, 對方36歲, 周圍的人都反對, 但感情是我倆個人的事, 反而係對方驚我玩玩下, 當時他也因為聽了其他人的話, 比人說佢呃靚妹, 佢好mind, 所以我地最後無疾而終, 但幾年後我已經找到另一半, 而佢亦有試過打比我, 說好後悔理其他人的感受而沒有和我並肩下去, 但我已經將感情放了去另一人, 我說我們這生已經沒有辦法再一起, 那時唔懂珍惜, 時間唔會等人的
發表於 
返回列表
