夫婦情感

收藏本版
發帖
返回列表
跳至頁

首頁
1

尾頁
   0
ybyb


洋房

積分: 172


1#
發表於 06-2-1 09:32 |只看該作者

現在的家和那邊一個他....

故事係甘既:
我識左我老公2年之後就結婚,結婚後生大仔,7年後生細B.我一直以為自己系嫁左個好老公,好爸爸,自己系好幸福,老公只對我一個..我對拒都系好一心一意甘為個家,外人見到我地都覺得我地好恩愛,好幸福,個個都睇好我地.但系到我生完細b後無耐,細b就有問題,我帶細b去睇醫生,報告出左,醫生叫左我去一個好寧靜既地方傾談,我當時都無為以系乜野,之後惡夢就黎,細b有性病,系我生產是全左比細b,好彩發現得早,食藥同滴藥水好快就無事,但系問題就系bb自己系唔會有的,甘即系話我有性病,天呀,我點可能會有性病,我都無同第二個男人有性行為,甘即系我老公有.....我當時果刻都唔知可以有乜野反應,我只想到細b希望拒無事就好,醫生同我講完後就叫我老公去見醫生,都系講同一番說話,事後我老公出黎,只系見到我系甘喊,拒就無出過聲,到我心情平伏返少少時,我同拒講,我話現在我唔想知過去系點,我只想細b無事,但系拒一直只系講點解會甘,發生什麼事,拒一直無認過自己有做過.但系問題發生系邊個身上緊本大家都好清楚.我只系同拒講我唔去知,唔想去問,機會只會比一次,如果你再有下次只系你唔珍惜我,我一定會離婚.因為這件事,之後的日子拒都對我好好,無再同朋友出去飲酒,一直系家陪我地,直到細b個幾月大,我d惡露都清晒後,拒想同我咩咩,我好傷心,好痛苦,好憎拒,一路自己都只系系甘喊,我當時都無出聲,拒都只系一直甘攬實我,每當我收起眼淚時,拒就又嘗試再咩咩,但系我無法唔想起拒同第二個女人咩咩,果晚一直都來來回回,我只系識喊,拒就好緊好緊甘攬住我,不過就成日嘗試想同我咩咩,之後拒無啦啦講左一句:"你唔好甘啦,我只系鐘意你一個"甘即系什麼意思呀?同第二個女人就只有性,同我就有愛有性呀,之後我喊得仲厲害,到最後當晚我都有同咩咩,因為我知道我唔比拒,拒成晚都唔會放過我.
今次之後我以為我自己可以原諒拒,比多次機會拒,其實我點解唔走,系因為唔想對仔女無爸爸,怕對仔女系單親家庭長大.但系每當我訓教時望住拒,我就會好憎拒,點解你要甘對我,我全心全意對你同這個家,但系你點解要甘傷害我,我每一晚訓教就好驚會發夢,因為我每次發夢都見到你同第二個女人咩咩,我好辛苦,好辛苦,好辛苦,好似d夢系度話我知事實個真相,每一次起身時,我真系想同你講離婚,但系一見到對仔女就....
我以為你無再出去玩一心一意甘去浪子回頭,但系這幾個月你雖然系無去玩,但系你成日上網打機,無理過我同對仔女,同遊戲裡面d女仔講野仲多過你同我講野,我當時又再低潮,之後我仲知道你同某個女仔仲成日MSN,仲成日甜言蜜語,直到現在日日都有,我個心好難受,我個心一天一天甘去痛苦,好辛苦,慢慢變成對你已經唔再上心,你鐘意點做點,我都唔想去理,我只系想湊好對仔女,等拒地大後跟對仔女一起走,因為我覺得你無因為這次事件反省,我留系度只系辛苦,但你就繼續去風流,我真系好心痛....
直到前一個月我認識了他,他真的對我好好,他都知道我個背景,他願意照顧我同對仔女,我真系好想跟他走,但系我又怕甘做會對個仔唔好,因為這個時間我想個仔系知道發生什麼事,知道爸爸媽媽要分開對拒系好大傷害,我覺得自己好唔岩,好內疚,好唔應該有這段婚外情,但系我真系好傷心,留系這個家我每 日只系唔開心,老公無理我感受甘日日同D女仔打情罵悄,我仲知道我老公話如果拒有時間就會飛去穩拒,我真系唔知點做好????那邊他話會等我,可以等我對仔女大個D至跟他走.....但系這邊就系我留系老公身邊好辛苦,雖然我知拒系好錫我同對仔女,但系就日日放工返黎就同D女仔上網玩,完全唔理我地,我又怕這個時間走,對對仔女好大影響,唔想拒地系無爸爸環境下長大,但系那個他雖然講過一定會等我,不過就緊系想我早走早著,跟他生活.....我現在可以點?等老公浪子回頭?等對仔女大D至算?還是早走早著?
私人傳訊

X_Tine


複式洋房

積分: 487


2#
發表於 06-2-1 09:54 |只看該作者

Re: 現在的家和那邊一個他....

正一賤男人...係我自己有能力...我會離婚...佢根本無悔意...一齊有咩意思...
私人傳訊

GRCCFAMILY


大宅

積分: 2855


3#
發表於 06-2-1 10:14 |只看該作者

Re: 現在的家和那邊一個他....

我係你我會先攪清楚同老公既關係,佢做錯事以為你會原諒佢,但你無佢就好無癮,e+反而覺得係你唔敢,仲成日同d聯絡d女仔,可能係想draw你既attention,但最重要係你要明白要知道你想點.我覺得既然你個心已經死左,就算無果個對你幾好既男人都應該要走,無謂浪費自己既時間,但你一走,我估你老公會即刻氹你,求你留低,所以你決定之前一定要諗清楚自己想點.真係走既話就要狼心d.
至於另外果個男人,可以比d時間睇清楚佢個為人(但當然有時有d野,花幾多時間都睇唔清),唯有盡量令自己唔好後悔,揾水泡既心態只會令自己再墮入另一個深淵.
http://album.babyqstudio.com/main.php
私人傳訊

堯堯豬媽


禁止訪問

積分: 17182


4#
發表於 06-2-1 10:19 |只看該作者

Re: 現在的家和那邊一個他....

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

ringoivy


翡翠宮

積分: 76971


5#
發表於 06-2-1 11:18 |只看該作者

Re: 現在的家和那邊一個他....

既然你都有婚外情囉, 咁咪直頭豁出去你有你玩, 佢有佢玩, 返到屋企照樣比個完整的家d小朋友, 假日照舊有親子活動, 無問題架, 最重要係你兩個大人懂得分配時間同顧及子女感受, 無話兩公婆無感情就一定會傷害到d仔女既 只要你地處理恰當我相信無問題的
私人傳訊

已刪除用戶


已刪除用户

積分: 20771

2018復活節勳章 開心吸收勳章 育兒性格勳章 畀面勳章 15週年勳章 親子王國15週年勳章 親子王國15週年勳章


6#
發表於 06-2-1 11:39 |只看該作者

Re: 現在的家和那邊一個他....

提示: 作者被禁止或刪除 內容自動屏蔽
私人傳訊

bspikyan


複式洋房

積分: 285


7#
發表於 06-2-1 15:47 |只看該作者

Re: 現在的家和那邊一個他....

看完你的故事，我覺得和我很接近，我嫁了一個我以
私人傳訊

ybyb


洋房

積分: 172


8#
發表於 06-2-12 03:00 |只看該作者

Re: 現在的家和那邊一個他....

其實我是無工作的,我的生活費系由老公去穩,如果我真系走了,我就要去穩工做,湊大拒地兩個,我唔緊要,只要我個人開心就得喇,唔好對住拒.....
我老公今日知道左有拒既全在喇,仲要我唔可以再上msn,唔可以再甘夜訓,拒訓我就要訓,仲系甘問我拒既野,叫我解釋,我當時只系講,你當時都系只系答我無做過,唔知點解會甘之類說話,我現在都系答你我無做過,唔好問我,之後拒即刻唔敢出聲,等左陣我老公就話甘你唔講未唔好講羅,之後無再出過聲,自己系甘飲酒,之後就去訓教,我現在可以點做,我可以同拒點好?其實老實講我仲未想放棄依個家,出面個男人我都唔知道我真的跟了拒後會對我點,如果又系好似我現在個老公甘味死,所以我仲有所保留,但系我知個男人真系又好鐘意我,好想我跟拒,我自己都有甘想過,但系又為左d細路又唔想放棄個家...可惜我老公系一個好多情的人,唔可以只得一個女人,但系到最後同拒陪一生拒知道都系只有我,但系我唔可以忍到拒玩完之後識得返屋企果種人,我現在真系唔知點????我知道系要同拒講清楚,不過系去定留好呀????
私人傳訊

小香香


禁止訪問

積分: 12931


9#
發表於 06-2-12 03:10 |只看該作者

Re: 現在的家和那邊一個他....

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

Kristy555


大宅

積分: 1072


10#
發表於 06-2-12 09:20 |只看該作者

Re: 現在的家和那邊一個他....

傻婆......做人有d專嚴得唔得, 女人唔係一定要靠男人至可以找尋另外一個天空. 我係你, 我會即刻找工, 對仔女搵人揍, 做番野之後, 多了自己既圈子時間, 你可以約下另一個"他"行街食飯, 拍下拖先至決定"他"是不是你另一杯茶. 如果你一開始話同佢一齊, 同賣爛橙有咩分別? 總之, 搵野做為首要. 加油.

至於你老公, 以下句子你已經好了解佢係d咩人. 叫佢"食糞呵飯" 一d責任感都無, 同光明正大比錢佢叫雞有咩分別, 而家佢o甘講, 話唔定佢第日識o左隻雞同佢有感情到時彩你都有味. 你醒下啦, 佢自私, 你要比佢自私十倍. 趁佢而家無咩防範, 好好收埋d錢先.

我好想打你老公.

***************
可惜我老公系一個好多情的人,唔可以只得一個女人,但系到最後同拒陪一生拒知道都系只有我
私人傳訊

idaandho


大宅

積分: 4205


11#
發表於 06-2-12 12:06 |只看該作者

Re: 現在的家和那邊一個他....

我和你差唔多，我老公都係個多情種子，不過我就扮晒冇野，現在拿得佢幾多錢得幾多錢，可能你地會話我唔理智，到我有公屋時，等佢整好裝修後我會和他離婚。呢個係之前想，現在我會生完仔仔後，痛痛快快解決我地d問題，我現在都有搵過社工傾，我亦開始找定日後我和仔女生活上有問題的資料，呢個係他意想不到，因每次我和他講離婚佢都當我玩玩下，我相信離開他，我d仔女將來應該唔會怪我的，我會和仔女講點解會離開爸爸。我亦會給他們做決定自己見唔見爸爸的
晴晴藍藍小天地[img align=right]http://lilypie.com/pic/060814/rHZZ.jpg[/img]
私人傳訊

twinky628


男爵府

積分: 6042

醒目開學勳章


12#
發表於 06-2-12 12:46 |只看該作者

Re: 現在的家和那邊一個他....

你老公真係過份,我相信你o的仔女會明白,最緊要係唔好辛苦自己,要對自己好o的
私人傳訊

Ivy124


公爵府

積分: 28065


13#
發表於 06-2-12 13:57 |只看該作者

Re: 現在的家和那邊一個他....

"雖然我知拒系好錫我同對仔女" ?-( ?-( ?-(

咁樣叫好錫你地 我唔認為係喎,佢同第二個女人攪完不特只...重要唔知死,以家重要網上玩女,唉.....
私人傳訊

manicheung


珊瑚宮

積分: 113477

好媽媽勳章


14#
發表於 06-2-12 14:15 |只看該作者

Re: 現在的家和那邊一個他....

不知悔改嘅狗男人
私人傳訊

mylittlebaby


等待驗證會員

積分: 179


15#
發表於 06-2-12 15:04 |只看該作者

Re: 現在的家和那邊一個他....

ybyb,
你同我既情況,真係好似,但我既處理手法....諗起都覺得蠢!
我係應該,留多d錢比自己,等埋間公屋裝修埋先離開!
起碼,唔好拎得多,衰d講句,對仔女就算唔跟你,你都要從新買過d傢私電器,租金....果度都成萬幾二萬蚊!
唔愛佢或者死心一件事,記得留多d錢係身,萬一佢無啦啦要離婚,你第日既居住都唔會成問題!
兩公婆無左感情,就係講錢架喇!

或者咁,你出返黎做野,搵下野讀,等自己生活圈子大d!你地感情應該比依家好!
面對呢d咁既情況,與其日日唔開心,諗住幾時走....不如試下令自己開心d,唔好咁主觀,結婚同做生意一樣-----守業!
如果你諗通左,你應該明我講咩!

而出面果位男士,你地識左幾耐?如果佢真係愛你,佢幾耐都會等,就當係一個考驗!

而我就選擇左離開....
私人傳訊

Mummy


男爵府

積分: 5874


16#
發表於 06-2-12 16:17 |只看該作者

Re: 現在的家和那邊一個他....

照咁講, 錢真係好緊要, 當世上冇人再愛你既時候, 錢係唯一同你共渡患難既 "物體"。 呢個道理我都知左好耐, 但有時又冇乜理由諗住第日幾時同個老公離婚要食自己架喎。

但睇完個case, 我都會同意mylittlebaby既講法, "兩公婆無左感情,就係講錢架喇!" 呢句說話。 唉, 現實仿佛好殘酷, 但當殺到埋身時, 真係唔到你唔現實... 祝各位好運。 :-|
美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE
私人傳訊

BuBuBee*MaMa


禁止訪問

積分: 1852


17#
發表於 06-2-22 15:35 |只看該作者

Re: 現在的家和那邊一個他....

提示: 作者被禁止或刪除 內容自動屏蔽
私人傳訊

豬事丁MAMA


洋房

積分: 75


18#
發表於 07-4-15 20:29 |只看該作者

Re: 現在的家和那邊一個他....

ybyb...
本身我睇妳打第一篇時,我個心係即刻想同妳講~
唔駛唸太多,想做就去做,想走就走,最緊要開心!
但睇埋落去,睇左妳打的第二篇時...
我覺得其實妳內心心處係始終都係"愛"妳老公.
或者咁樣,
如果你老公<而家開始>真係做番一個好爸爸,好老公...
妳會點?
如果所有男人都係一樣咁衰.eg,妳出便等妳呢個男人都係咁.咁你會揀老公定果個男人?
如果我係妳,FIRST,(唔俾老公知)我會KEEP呢段婚外情,大家都好過.當然唔會長久亦對果個男人唔公平.但事實真係好多時係當偷情變成情侶後(加速左段愛情死亡,本身偷情仲好地地),一起生活後就會有好多問題什至會好快因不合而分開.咁當然亦會有很幸福的ENDING既.其實妳呢個男人真係好好,因為佢唔介意你有一對仔女,仔仔仲咁大添.不過妳真係要用一段時間去感受一下呢個男人係咪真係妳既"真愛"呢?
真係同妳好甲?好識CARE妳既情緒?好懂得如何關心妳?照顧妳?
妳老公無錯確實係太過份,仲咁明目張膽同D女仔打情罵悄.真係血都嘔幾啖.既然而家佢都知道左有個男人等緊妳,想同妳一齊.我肯定妳老公一定唔放手.姑勿論佢對妳係唔捨得定愛...男人絕大部份都係好勝既,何況自己一直擁有既野,當然唔會想失去啦.更加唔會接受俾人搶走.所以佢一係就會對妳勁好(呢期)直至令到妳又再對佢死番心塌番地,個男人又俾佢攪店左之後,你老公先再會又攪攪陣(當然以後會極度之小心,換過晒D形式.唔會俾妳發現.),.一係就勁衰,見妳出便有男人哪,自己把鬼火,乘機趁機狂同果D SMS女仔,網上情人出去玩番排先.其實講到底咁多年的感情,無論妳&佢都唔係有心去玩到家變既.
如果妳老公真係想攪到同妳分開既,佢咁串,咁明目張膽同D網女咁樣,其實佢都可以直頭直接同D女仔攪婚外情啦.一起生活左咁多年哪,可能佢都係太悶,(妳都係)所以先會咁既姐.當然可能妳同佢都係因為有對細路所以先去唔到咁盡,始終有保留.原因就是大家都為對仔女.
試下同老公傾下,如果大家都真係悶悶地,咁就叫佢出去溝女啦,各自各精彩.睇下大家做唔做得出.否則冷靜D傾下分居.
好多時係分開左一排/真正失去後先知道大家係咁不想見唔到大家既.而妳好明顯係因為老公冷落&因為有心魔(細B性病單野)咁岩又預到一個好關心妳,成日同妳傾計,好識哄妳又會講D人生道理呀,又樂觀,陪妳消磨時間既開心男人.所以就係咁岩倖果個男人入到位,感動左妳.令妳會唸起幸福,唸到開心呢D事...
Anyway,我覺得妳問下自己係咪真係好"愛"果個男人?
好想同佢一齊?唔能夠再同到妳老公生活下去?唔好理妳老公有幾衰,衰d咩...係咪已經係妳既底線?肯定分開左一定唔會掛住老公?會好憎佢?
我唔可以咁長氣哪~希望妳會開開心心~
揀一個適合自己的生活
sorry,太長篇
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見