咕b 寫道:
62&99都唔係度喇
我而家呢度比起之前唔算貴租喇, 而且啱啱上年7月先搬嚟, 死約都未過, 唔會考慮搬....
佢之前已經成日係咁, 話佢佢就話返我轉頭, 話放假出街佢用咗好多錢, 但其實全部都係用嚟買玩具比佢自己同兩個仔, 我成日話佢, 一出糧有錢係身就好似幾百萬未開頭咁, 月頭就用用用用.....到月中(未夠10號)就冇錢, 我話咁樣唔得, 唔可以個個月都咁過, 好辛苦, 所以我先話, 要佢計好佢自己返工要用幾錢, 出糧就扣起佢返工用嘅, 其他要比哂我, 由我嚟分配成個月屋企開支, 出街所有洗費由我比, 咁我會衝量返仲有幾多可以用, 應唔應買, 可唔可以買....實行咗差唔多半年, 一直都叫做有d成續, 今個月佢就因為部ps2攪到又行返舊路 :-( :-(
catjeffcat 寫道:
如果你老公係咁豪爽的話, 你將條數攞出黎同佢講, 佢比的家用係係剛夠開資, 如果仲係咁唔出聲攞錢就以後唔理屋企 d 開資, 所有費用同租佢負責管, 每日比番 $100 你買餸你咩都唔理, 我唸你咁計完出黎佢都會怕怕. 又或者很似我咁 c6 出糧比晒 d 錢我由我分配番比佢, 留起 d 錢入八達通夠一個月, 每日再比錢佢返工食飯..... 我 c6 又係咁有錢係身就身痕, 同埋 d fd 會問佢借錢, 所以如果佢無錢係身就無得借比人......
咕b 寫道:
唉....以前都試過, 佢出糧就全數拎返嚟比我, 佢只係會先攞$500, 跟住用哂就再問我攞, 但發現第一, 佢$500只可以夠佢洗最多兩日, 第二, 佢之前份工有時會要幫公司買嘢, 跟住再開返單比會計再計返錢比佢, 咁佢嗰時就曾經鬧過我, 話佢好冇面, 比人笑佢, 話佢銀包最多都係得幾百蚊, 有時得返幾十蚊係身, 公司叫佢買少少嘢(可能文具之類咁,一百幾十)佢都冇出比, 要公司比咗錢先可以買得, 佢話佢一個男人出去返工攪到咁幾十蚊好冇面, 佢好唔滿意.....跟住我冇辦法, 唯有就每個月先計好最大嘅屋企開支(水, 電, 同基本買餸錢, 仲話叫我唔夠再問佢,) 剩低嘅就佢管, 出街就比佢做吓大男人, 佢去比錢啦, 但係跟住又發覺唔得, 佢太大洗(但唔知點解又會賴咗落我度), 每個月最多去到10號就話冇錢, 咁我之後先再改而家呢個策略
catjeffcat 寫道:
其實佢有無計過佢自己每日最多可以使幾錢架?? 咁落去唔係辨法, 或者你唔好放咁多錢係屋企, 佢始終會搵到..... 要先至去禁機攞錢, 好過佢成日攞左你 d 錢, 其實如果你老公唔使多錢, 你地每個月會唔會有餘錢, 如果可以有的話, 咁你將買餸錢度加多小小計條數比佢睇, 而計多 d 錢就儲起佢死都唔好比佢知, 唔係到左大件事都唔好攞出黎, 咁可能餘番都唔係好. 呢幾日就日日整淨公仔麵比佢食, 話你攞左 d 錢去無錢買餸, 如果包租公黎收租就話 d 錢係 c6 度, 叫包租公打比佢等佢自己面對包租公.....
yymouse313 寫道:
月頭$一到妳手,妳收埋一d(只有妳知ka地方)到咁上下報數比佢知剩番幾多,等佢唔好以為10問9有,租$妳一早入咗比人先,總之唔好比佢偷到.我覺得佢一個月ka $一次過比哂佢自己keep,好過問來問去.公司叫佢買野d $會比番佢ka嘛,做裝修果d都3日就clam番啦
咕b 寫道:
我諗佢真係冇計過, 我以前一見佢d錢用得快我都會問佢洗咗去邊, 佢實話唔記得, 剩係數得出買煙, 搭車同食飯, 再問佢佢就話我唔信佢....但佢食餐晏都可以要成30幾蚊仲要加錢凍飲, 我都唔捨得咁食, 我最多成日買定d麵係屋企自己煮咋
d錢放銀行又係唔得, 佢知我張卡密碼, 如果改咗密碼佢實話我唔信佢, 一係就直接問我個新密碼....
呢半年佢轉咗工, 人工多咗, 本來係可以有錢剩, 我呢半年都習慣咗去買餸時一有20蚊紙就留起自己儲埋, 諗住萬一有急事或者到月尾又冇錢時都可以拎出嚟用, 之前高峰期試過咁樣儲, 一個月都可以儲到差唔多一千蚊, 但係月尾又比返哂佢....本來都諗, 咁都好, 佢都係用返自己錢, 起碼唔駛問人借丫, 借咗返嚟出糧又要還, 變相份糧又係少咗, 咁我就唯有繼續死慳死低
其實呢個月佢話買ps2我都叫佢自己計清楚條數先好買, 我都話咗我冇錢, 應該緊緊夠用到月尾, 我幫唔到佢頂, 撐得好辛苦....佢話得佢冇問題, 咁我都唔再加意見, 因為我知佢想要好耐, 所以我冇好大力阻止佢, 點知就出事
[quote]
catjeffcat 寫道:
其實佢有無計過佢自己每日最多可以使幾錢架?? 咁落去唔係辨法, 或者你唔好放咁多錢係屋企, 佢始終會搵到..... 要先至去禁機攞錢, 好過佢成日攞左你 d 錢, 其實如果你老公唔使多錢, 你地每個月會唔會有餘錢, 如果可以有的話, 咁你將買餸錢度加多小小計條數比佢睇, 而計多 d 錢就儲起佢死都唔好比佢知, 唔係到左大件事都唔好攞出黎, 咁可能餘番都唔係好. 呢幾日就日日整淨公仔麵比佢食, 話你攞左 d 錢去無錢買餸, 如果包租公黎收租就話 d 錢係 c6 度, 叫包租公打比佢等佢自己面對包租公.....
咕b 寫道:
而家係咁架, 佢一出糧佢就扣起幾千話係佢返工用嘅, 佢話計好哂唔駛問我攞, 只要出街唔駛佢比錢就一定夠佢一個月返工用, 其他嘅家用我都會搵地方收好, 有時咁啱我攞錢時比佢見到, 我都會第一時間再搵過個地方收埋, 租錢其實我一有就會打比業主叫佢嚟收, 只係業主成日話忙或者要上大陸冇嚟收, 呢個月我一號已經打咗比佢, 中間仲催咗佢幾次, 佢都唔嚟我都冇辦法
咕b 寫道:
講真, 一直都真係冇咩錢應急, 如果兩個仔要睇醫生, 我點死都死返嚟比佢哋, 好彩兩個仔都算健康, 只係有氣管敏感, 平時都叫做保養得住, 所以好少要睇醫生, 我隻佬以前又少少嘢都去睇醫生, 其實主要係要張醫生紙攞假懶吓, 我都隻眼開隻眼閉, 我自己就跟佢差唔多8年以嚟都只係睇過一次醫生(唔計生仔), 就係胃抽筋痛咗3日先肯死去睇, 其他傷風感冒, 我連買排藥都唔捨得, 都係等自己慢慢發毛好....
煮餸方面....我每日用唔多過30蚊買餸, 有時我癲起上嚟, 20蚊左右就算, 總之每餐有肉有菜, d細路夠營養就算, 當然如果煲湯會多d, 但好少煲湯, 唔捨得, 最多都係滾湯, 平d, 所以要煮餐比而家再難睇嘅餸都真係幾難.......
發表於 
佢咁既行為同賊有咩分別 
日防夜防真係家賊難防呀 :-( :-( 你叫佢唔夠使出聲咪得囉, 一陣有小朋友時比佢見到佢既惡行幾咁唔好呢 
唔係你兩公婆咪好危 
返回列表
