親子旅遊

跳至

首頁
12

尾頁
   0


珍珠宮

積分: 33180


1#
發表於 13-12-6 10:00 |只看該作者
唉。。。。好唔開心,話說本來今年同C6去日本旅行順便睇紅葉,點知因為佢既工作關係,要推遲,雖然我係唔開心,但都算,點知一推就推到3/4月,當時佢仲話睇唔到紅葉咪睇櫻花,以為自己真係可以睇櫻花,(大家都知櫻花個期比紅葉仲要短)我前幾日問佢:你幾時定到個期,要早訂酒店,機票,加上黃金檔期一定多人訂。點知佢話:真係未知喎。個刻我真係火火地,之後我無出聲,佢仲問我睇櫻花真係咁緊要咩?
頂吖,我心想我咁大個人第一次去日本想睇紅葉/櫻花有咩咁奇?佢成日覺得只要你享受個旅程就一定會開心,我覺得佢只係搵藉口,佢唔想我用時間去逼佢成行。之前我係計劃好晒個行程,雖然依傢有的行程要改,但我已經無心機做,的書我睇都唔想睇,因為我真係好失望。


珊瑚宮

積分: 112192

BK Milk勳章


2#
發表於 13-12-6 12:07 |只看該作者
唔好唔開心, 我都打算2014年年尾或2015年過埋年先去北海道玩, 不過我打算跟團, 今次唔去自遊行

我做sales仲麻煩, 公司講明有幾個月都唔可以放大假, 之前份工就10月至2月旺季唔準放(舊年10月因為一早申請1月已經入紙俾公司拎假期話會結婚擺酒先俾我放15日, 最後因為62過左身都放左10日先去旅行, 12月份就放3日擺酒)

依家呢份新工都係架, 簽約果時又係講到明佢批你先好買機票酒店, 你買左佢唔批就幫你唔到架


珍珠宮

積分: 33180


3#
發表於 13-12-6 12:18 |只看該作者
jessica0768 發表於 13-12-6 12:07
唔好唔開心, 我都打算2014年年尾或2015年過埋年先去北海道玩, 不過我打算跟團, 今次唔去自遊行

我做sales ...
我都明你地既情況,但你都知啦去旅行梗係要早0的訂酒店,機票架啦,就算唔介意個價$貴,你都最起碼俾個期我吖,我依傢就係咁係度等,都唔知佢想點。唉!!


公爵府

積分: 28237


4#
發表於 13-12-6 12:31 |只看該作者
樂晴天 發表於 13-12-6 10:00
唉。。。。好唔開心,話說本來今年同C6去日本旅行順便睇紅葉,點知因為佢既工作關係,要推遲,雖然我係唔開 …
我老公都係咁,好多次已經訂好晒機票同酒店,佢一句去唔到就全部要 cancel/改期,你問佢幾時去得永遠答你唔到,有時又忽然會有幾日空閒,於是我就要 48 小時內 book 酒店同機票,真係人都癲。不過冇辦法,佢工作性質係咁,揾食艱難,當然工作要緊


大宅

積分: 2777


5#
發表於 13-12-6 12:37 |只看該作者

回覆:樂晴天 的帖子

我昨天去康x bk 3月2日出發現JAL已full,要加2K訂國泰。不過佢話前後一日都有位,暫時酒店就未係好full。




珍珠宮

積分: 33180


6#
發表於 13-12-6 12:40 |只看該作者
mugtaitai 發表於 13-12-6 12:31
我老公都係咁,好多次已經訂好晒機票同酒店,佢一句去唔到就全部要 cancel/改期,你問佢幾時去得永遠答你 ...
我明白工作係緊要,但眼見佢0的同事,上司個個都放假去旅行,我個一刻個心真係好火,放幾日假有幾難呀,又唔係叫你放成個月,總知我一提呢類問題,大家都會吵架/冷戰。


珍珠宮

積分: 33180


7#
發表於 13-12-6 12:41 |只看該作者
HappyFishBaby 發表於 13-12-6 12:37
我昨天去康x bk 3月2日出發現JAL已full,要加2K訂國泰。不過佢話前後一日都有位,暫時酒店就未係好full。



...
我連幾時去都未知,點訂吖。


公爵府

積分: 28237


8#
發表於 13-12-6 12:53 |只看該作者
本帖最後由 mugtaitai 於 13-12-6 12:54 編輯
樂晴天 發表於 13-12-6 12:40
我明白工作係緊要,但眼見佢0的同事,上司個個都放假去旅行,我個一刻個心真係好火,放幾日假有幾難呀,又 …

咁佢每年d大假點樣用?我老公唔係放唔到假,但係永遠冇得早d講定,永遠都係即興,我試過只得一個星期通知就要喺暑假 peak season 訂一家四口加奶奶去北海道七日嘅自由行,撲機票酒店撲到癲,只得賣剩蔗唔在講,價錢仲要貴,但冇辦法,一係唔去,一係接受,我都慣


侯爵府

積分: 22634


9#
發表於 13-12-6 13:43 |只看該作者
櫻花3月底到5月中都有得睇, 爭在你去邊度睇. 只要唔係復活節紅日或日本黃金周,機票應該唔會太貴.

住宿無必要住熱門地方, 日本火車快兼時間準, 買張火車證邊度都可以去. 我上兩次去京都睇櫻花都唔係住京都, 兩次都住岡山, 坐子彈火車去京都50分鐘, 第二次睇完櫻花跟住去敦賀, 都係一個鐘火車, 7000yen的4天Kansai wide pass包埋, 抵到爛.

我今年Easter都係早四個星期訂機票, 酒店更加遲訂, 一樣o.k.


珍珠宮

積分: 33180


10#
發表於 13-12-6 13:46 |只看該作者
dillon 發表於 13-12-6 13:43
櫻花3月底到5月中都有得睇, 爭在你去邊度睇. 只要唔係復活節紅日或日本黃金周,機票應該唔會太貴.

住宿無必 ...
因為我第一次去東京,所以睇櫻花既地方都會留係東京,去7日。


珍珠宮

積分: 33180


11#
發表於 13-12-6 13:47 |只看該作者
dillon 發表於 13-12-6 13:43
櫻花3月底到5月中都有得睇, 爭在你去邊度睇. 只要唔係復活節紅日或日本黃金周,機票應該唔會太貴.

住宿無必 ...
請問日本黃金週係由幾時到幾時?


侯爵府

積分: 22634


12#
發表於 13-12-6 13:49 |只看該作者
樂晴天 發表於 13-12-6 13:47
請問日本黃金週係由幾時到幾時?

4月底到5月初.


珍珠宮

積分: 33180


13#
發表於 13-12-6 13:49 |只看該作者
mugtaitai 發表於 13-12-6 12:53
咁佢每年d大假點樣用?我老公唔係放唔到假,但係永遠冇得早d講定,永遠都係即興,我試過只得一個星期通知 ...
佢有好多大假,年年都放唔晒。佢個人好講計劃,不過對於今次日本之旅,我完全睇唔到佢有任何計劃囉。:pppp:


侯爵府

積分: 22634


14#
發表於 13-12-6 13:58 |只看該作者
本帖最後由 dillon 於 13-12-6 13:59 編輯
樂晴天 發表於 13-12-6 13:46
因為我第一次去東京,所以睇櫻花既地方都會留係東京,去7日。

如果一定要去東京睇就無辦法, 東京通常3月底到4月初開, 不過兩小時火車內的長野或東北地區會遲10日8日開, 可以即日來回.

如果你唔驚坐火車經過福島縣的話, 東北的櫻花好靚, 我在日本見過最正的櫻花在弘前, 4月底到5月初開. 福島縣的會津若松都好正, 離開災區100公里.


子爵府

積分: 10684


15#
發表於 13-12-6 14:01 |只看該作者

回覆:遲遲未能成行日本之旅(超唔開心)

我情況同你一樣,我c6做生意,我放假佢超忙永遠答唔到我2日後既事,我上年12月問都唔問就book晒自己一個人4月去京阪,全程佢知但我一聲都冇問佢,最後3月頭問佢一聲,都係答句,我點答你呀我預計唔到,最最後3月中問多一句,就話應可以,我先好彩買多張貴飛。我甚至預左佢上唔到機就算。酒店好在去到先比錢,所以一早book左2個option. 今年,我又唔理佢,一於暑假再一個人去。其實明知現實因素,冇得改變,就諗辦法令自己開心,女人係要靠自己既。其實我都好細膽既人,我都經過好大心理爭扎先硬住頭皮一個人旅程,但我諗清楚,要衝破,要做一個令自己快樂的女人。


珍珠宮

積分: 33180


16#
發表於 13-12-6 14:04 |只看該作者
dillon 發表於 13-12-6 13:58
如果一定要去東京睇就無辦法, 東京通常3月底到4月初開, 不過兩小時火車內的長野或東北地區會遲10日8日開, ...
就係知道唔會有多餘時間去其他地方,所以先要係東京睇,但如果去東京睇就一定要3月尾4月頭去,唉,我都係打定輸數無得睇架喇!


珍珠宮

積分: 33180


17#
發表於 13-12-6 14:08 |只看該作者
姬絲汀汀 發表於 13-12-6 14:01
我情況同你一樣,我c6做生意,我放假佢超忙永遠答唔到我2日後既事,我上年12月問都唔問就book晒自己一個人4 ...
其實我都有你呢個想法,一個人去,不過我的語言唔掂加上嚴重方向白痴,所以先唔敢一個人去,你好勢利呀!!佩服你。


公爵府

積分: 28237


18#
發表於 13-12-6 14:30 |只看該作者
姬絲汀汀 發表於 13-12-6 14:01
我情況同你一樣,我c6做生意,我放假佢超忙永遠答唔到我2日後既事,我上年12月問都唔問就book晒自己一個人4 …
我而家都係呢個策略,約埋朋友,我老公 join 得就 join,唔得就我同朋友去,都開心


珍珠宮

積分: 44538


19#
發表於 13-12-6 15:16 |只看該作者
個問題係咪佢唔多想去 ? 定係公司唔係話去就去 ?


珍珠宮

積分: 33180


20#
發表於 13-12-6 15:32 |只看該作者
youhello507 發表於 13-12-6 15:16
個問題係咪佢唔多想去 ? 定係公司唔係話去就去 ?
純粹係佢自己對工作個份熱誠同責任心問題。

首頁
12

尾頁

跳至
Presslogic Logo
Baby Kingdom Logo