夫婦情感 今日: 4 | 主題: 42715

積分: 29

1^#

發表於 07-4-30 14:53 |只看該作者

有無人既另一半係離左婚?

我現在的男朋友係結過婚, 離左婚, 有一個女. 佢的女兒係同佢前妻一齊住. 一個月佢都會見個女兩次.

其實我同佢一齊只係半年, 我好努力去接受佢既背景, HISTORY, 不過有時知道佢會去見個女, 心總會唔舒服. 唔舒服唔係因為佢要見個女, 我都有叫佢陪下個女, 只是一想到佢會見返佢前妻我個心唔係好舒服. 我可能係小氣, 不過知道佢地會見面心總係會頂住頂住. 由於佢既女仲未知道我既存在, (因為個小朋友好似都仲好抗拒佢父母有另外一半) 所以佢地次次見面我都唔會喺現場. 我越唔喺度, 我個心越唔舒服.

佢前妻屋企有咩事, 例如爆水喉, 天花流水...樣樣都會打俾佢, 叫我男友幫佢搞. 我男友又無可能唔幫佢, 因為個女喺佢度住, 佢又會心痛個女住得唔好. 不過成日有第 2 個女人會搵佢幫呢樣, 幫個樣, 心總覺得好似同人分個男人咁.

我男友屋企都未知我既存在, 佢地成日覺得佢地 2 個仲可以喺返埋一齊. 我好大壓力, 好驚到時佢地會將我同佢前妻比較.

呢排好煩, 咁大個女都未面對過呢 D 問題, 好想知道你對另外一半如果結過婚, 你地會點處理你地對另外一半同佢地前妻既關係? 我對呢段感情認真架, 所以先想知點樣可以解決呢個問題.

可以教下我嗎? THANKS

私人傳訊

masic

複式洋房

積分: 224

2^#

發表於 07-4-30 16:30 |只看該作者

Re: 有無人既另一半係離左婚?

我老公都系離過婚！但無小朋友，同前妻亦無再連絡．．．但有時我都唸起佢既過去，都會唔開心ｇａ．．．如果你依家都覺得介意咁結婚後會點呢？你要了解多ｄ佢地離婚既原因，同令佢既女接受你！如果唔系你以後會更痛苦．．．

私人傳訊

積分: 35573

3^#

發表於 07-4-30 16:35 |只看該作者

Re: 有無人既另一半係離左婚?

你要知道點解佢地會離婚囉....

佢要見個女好正常，你唔可以介意，仲要叫佢多

好好過每一天......

私人傳訊

onon1022

子爵府

積分: 12589

好媽媽勳章

4^#

發表於 07-4-30 16:35 |只看該作者

Re: 有無人既另一半係離左婚?

其實你對你男朋友既過去清唔清楚...佢前妻知唔知道你既存在...當時佢為咩離婚...而家係真正離左婚...定係分居...如果佢地已經離左婚...你試下同佢傾下...講出你既感受...當然你要知道你係介意佢結過婚...定係介意暫時唔可以公開你既身份...

[url=http://lilypie.com][img]

私人傳訊

積分: 29

5^#

發表於 07-4-30 17:15 |只看該作者

Re: 有無人既另一半係離左婚?

MASIC

我喺另一topic 都見到你有講你老公係離過婚, 你俾我簡單 d, 無個小朋友.

其實佢有同我講佢點解離婚, 無第 3 者, 主要係因為錢銀出左問題, 佢地 2 個中間發生左 d 野, 一齊生活唔開心, 於是要求分開. 講真, 了解, 佢講我只好信, 唔通要去查佢咩? 就算要查都查唔到啦. 當然, 認識佢為人, 我相信佢唔會呃我.

佢個女接唔接受我, 我唔知. 我同我男朋友講, 你個女唔鐘意我係正常, 佢唔鐘意既係我昸身份 (daddy 既女朋友) 並唔係唔鐘意我個人囉. 講真, 我都好努力去接受佢有個女, 我真係好想當佢係自己女一樣去錫佢架. 不過唔知道小朋友接唔接受有個 auntie...

jacquesau

我有架, 我有時都叫佢唔駛陪我, 我自己搵節目, 你去帶下個女去食飯啦. (我都知道佢都掛住個女架)

不過見佢個女一定會見到佢前妻, 因為佢個女仲細, 要上佢地屋企接佢架嘛, 有時佢地會 3 人一齊食飯 :-( 我知道都好唔開心, 不過可以點, 我自己唔識處理

初初有少少介意佢結過婚, 不過有時阿 q 同自己講, 自己以前都有男朋友啦, 每個人都有自己過去. 不過佢既 "過去" 係會一直有 contact (因為小朋友既關係) 我有時都會為左咁好煩, 我真係諗唔到有咩方法可以解決呢個 situation. 除左呢樣野, 佢樣樣都對我好好, 鍚到我不得了.

onon1022

佢前妻知道佢有個新女朋友, (不過唔知道係我) 離就離左, 都係佢講, 我問過佢, 佢話已經離左架啦 (又係個句啦, 佢講我只有信, 點查喎)

我想我最介意既係...佢仲會見返佢前妻, 結過婚, 我會當係一個經歷, 我自己都同人拍過拖, 同居. 公開我既身份, 呢個時候仲未係太介意, (可能我地一齊只係半年時間) 因為公開左我唔知道自己面對到嗎? 我到依家仲未敢同我父母講. 佢地比較保守, 我唔知道佢地可以接受到與否

私人傳訊

masic

複式洋房

積分: 224

6^#

發表於 07-4-30 20:45 |只看該作者

Re: 有無人既另一半係離左婚?

jacquesau:
(如果你一直介意佢結過婚的話....你好難會開心的！
人家說：離過婚既男人會更珍惜一段新既關係....最重要係佢對你好、錫你同珍惜你

私人傳訊

Karena1015

男爵府

積分: 9099

7^#

發表於 07-4-30 21:22 |只看該作者

Re: 有無人既另一半係離左婚?

JETJET01,
我個case同你好似，老公離過婚，有個女(跟阿媽住)，我同老公結左婚都3年喇，不過我就一次都未見過佢個女，但老公就對我好好。你都算好喇，同左佢一齊半年就知佢既history，我同左佢一齊年幾兩年先知佢結過婚有個女呀，我都好想見下佢個女，我會對佢好好，因我都好like小朋友，but佢一直都避開呢個問題，我都明要個小朋友接受多左個後母係好難，而家我而家仲有左bb，都好想比佢個女知有個細路就出世，仲有佢都好少見個女(可能有見我都唔知)，所以對我都冇乜影響，既然你只係同左佢一齊半年，咁你咪認真問下自己係咪真係愛佢，你將來嫁既係佢唔係佢既history，唔好覺得佢成日要幫前妻係分薄左，咪當佢幫個屋企人手囉，果個始終係佢個女，點都要見既，試下睇開d啦，你都話佢對你好好啦，咁就要好好珍惜喇，要搵個真正愛你既人唔易架，加上佢離過婚我諗佢唔會再離多次掛，所以佢一定都會好珍惜你，最重要係你點諗囉。

私人傳訊

peggy@_@

男爵府

積分: 5707

8^#

發表於 07-5-1 06:33 |只看該作者

Re: 有無人既另一半係離左婚?

唔知點解由細到大都知道,做人後母&第三者什間難,所以離婚漢子與已婚男子不作考慮!!!sorry............

私人傳訊

積分: 29

9^#

發表於 07-5-1 09:45 |只看該作者

Re: 有無人既另一半係離左婚?

Karena1015

雖然我未見個個小朋友, 不過我真心希望可以同佢好好地相處, 咁我男朋友唔駛夾喺中間咁難做. 不過佢前妻, 我真係做唔到當佢喺佢既屋企人去看待. 你話我小氣, 咩都好, 我覺得分開左, 妳好多野都要自己搞掂, 無可能叫返個前度再幫你. 正如我有事, 我唔會搵返前度男友幫忙, 係都自己搞掂啦.

係, 我男朋友係有責任去照顧個女, 佢係個小朋友既 daddy, 呢個係佢既責任, 不過佢前妻已經分開左, 無理由有咩事去搵返我男朋友架嘛, 我都會小氣...

係呢, 介唔介意話我知, 你屋企人知道係會同個有小朋友既男友結婚, 佢地有無介意呀? 接受到嗎?

私人傳訊

積分: 29

10^#

發表於 07-5-1 09:51 |只看該作者

Re: 有無人既另一半係離左婚?

peggy

如果有得揀, 我都唔想我男朋友結過婚, 咁會簡單得多. 愛情黎既時候, 其實係無得揀. 同佢一齊之前我考慮左好耐, 我預左同佢一齊會有唔開心既時間, 不過如果失去佢我會仲唔開心.

所以同左佢一齊之後, 我依家都諗緊有咩方法可以好好處理呢個 situation.

其實我有樣野都同你一樣, 就係做第 3 者我都唔會考慮架..

私人傳訊

Karena1015

男爵府

積分: 9099

11^#

發表於 07-5-1 11:44 |只看該作者

Re: 有無人既另一半係離左婚?

JETJET01,

我屋企得媽咪同家姊知佢結過婚，daddy唔知，因daddy比較守舊可能會介意，媽咪知左都叫我諗清楚，不過只要我鍾意佢都唔會反對，因同佢結婚既係我唔係我屋企人，媽咪都好開通。
我都明佢成日返ex度你會唔開心，你試下同你男友傾下話佢知你mind囉，谷住谷住係個心度遲早吵大鑊架。

私人傳訊

ling338

洋房

積分: 252

12^#

發表於 07-5-1 12:34 |只看該作者

Re: 有無人既另一半係離左婚?

JETJET01

我個人覺得一齊已經半年,話時間長就唔講得咁一定唔係短,你有責任了解清楚佢同前妻既關係,為何人家會覺得佢兩個在有可能....
為何唔可以公開你地的關係??
佢為何唔可以介紹你比佢女女識??
(佢前妻屋企有咩事都好)
唔好講屋企其實係佢前妻+佢女女有佯事都係會找你男友...(你可否接納到??)
同一個結過婚的人相處唔難,但同一個離左婚而有仔女的人相處,可以講比正常辛苦幾倍,
其實你有壓力好正常,咁你男朋友都好應該為你做返d野!!
責任大家都有,好好講返你的感受比佢知....

一個月見得果兩次到(如果係我的話,我會當佢自己去左街算)
我見有好多人都話,我知佢的過去,佢好清楚講返比我知...
但又有幾多係可以接受人地的過去呢,問心自己接受到定係忍樣到??問問自己???

ling

私人傳訊

積分: 29

13^#

發表於 07-5-2 12:16 |只看該作者

Re: 有無人既另一半係離左婚?

ling338

點解我地依家未公開, 一黎我地一齊只係半年. 佢怕我接受不了公開後的壓力. 他想我們過多幾個月, 感情深厚一點, 面對時也可妁堅定 d. 佢同我講其實好怕我會頂唔住. (因為佢之前既 history), 所以佢一定要小心處理, 佢好怕我會走左去.

點解唔介紹佢女女俾我識, 一黎佢既女好抗拒佢父母會有另一半, 佢怕小朋友接受唔到. 二黎佢怕小朋友接受唔到, 我會好難受, 佢怕我會放棄.

我呢排都有講過下, 我話第日你要見個女, 個女生日, 小朋友緊係想一家人出黎食飯, 咁唔通我可以話唔好嗎? 佢地好似一家共聚天倫咁, 咁我呢? 好似多餘咁. 講完俾佢知, 我見到佢個樣好煩惱, 佢應承我會想到一個令大家舒服既方法. 其實我自己心知, 邊有呢個方法, 我開心時, 佢兩個又會唔開心; 佢地開心未又到我唔開心囉. 根本就係有角色衝突. 見佢咁煩惱, 其實我都唔忍心再去講呢件事...

接受到定係忍到? 我自己都搞唔清, 我只知道佢好愛我, 我好愛佢, 要同佢一齊就要 "接受" 到某 d 野囉

私人傳訊

積分: 35573

14^#

發表於 07-5-3 11:01 |只看該作者

Re: 有無人既另一半係離左婚?

JETJET01

個男人認定要同你一齊，即使得幾日都會公開的！感情穩定

好好過每一天......

私人傳訊

積分: 29

15^#

發表於 07-5-3 11:32 |只看該作者

Re: 有無人既另一半係離左婚?

jacquesau

私人傳訊

積分: 35573

16^#

發表於 07-5-3 11:46 |只看該作者

Re: 有無人既另一半係離左婚?

JETJET01

如果你做不到豁然開朗咁接受，你就真係要放手...

唔好諗住時間會幫到你，因為接受就係接受，唔接受俾幾多時間都無用....

他屋企人都應該想見過孫架！你唔下佢點解見個女時唔帶佢返自己屋企？我想佢前妻應該不會同行的！

還有，你一定要知佢俾多錢前妻，佢仲要幫佢地供樓添....這真的會直接影響你和他的將來，佢到底有無為你和他的未來打算？你要知他的想法！

還有，他還想不想結婚等等....

好好過每一天......

私人傳訊

積分: 29

17^#

發表於 07-5-3 12:03 |只看該作者

Re: 有無人既另一半係離左婚?

jacquesau

有, 佢爸爸媽媽都好鍚個孫架, 有時佢都會帶佢返屋企. 佢前妻當然唔會上去, 不過我男友都要上去佢地屋企, 送個小朋友返去呀, 見面難免啦. 再加上小朋友生日, 畢業禮... 小朋友都想一父母一齊呀, 所以佢地無得唔見. 當我次次知道佢地"一家人" 見面食飯, 我會覺得我好似多餘咁, 好難受.

經濟上我覺得佢負擔 2 邊都可以應付到, 所以我無問佢呢樣野. 佢幫佢地供樓, 係覺得佢要俾一個舒適既生活環境俾個小朋友, 佢講到呢樣, 我可以話唔準咩? 有時都會諗架, 我自己仲要做, 佢養埋個 ex, 佢就可以唔駛做. 不過佢講得岩既, 我俾左錢佢, 佢做唔做野都唔關我事, 呢 d 係佢 (ex) 自己既事.

佢其實好想同我結婚, 如果我肯, 我地今年都可以結. 不過我覺得我地好似仲有好多野仲未搞掂, 我父母仲未知我同佢一齊, 我唔想咁衝動就結.

放手...我真係唔想, 因為我真係好愛佢. 愛到我自己忍左好多野. 我有時諗, 依家社會好多人都離過婚啦, 人地都可以好好解決到問題, 點解我自己唔得? 我今次 post 上黎 bk 就係想知有咩方法可以做到對大家都好 d.

私人傳訊

積分: 35573

18^#

發表於 07-5-3 12:22 |只看該作者

Re: 有無人既另一半係離左婚?

JETJET01

你今年幾歲呀？

如果你問我，我會覺得無問題囉！見得個小朋友當然會見到前妻啦！見面唔係一個問題，佢用咩態度來見先係問題！

而且，你講到你男友在經濟上對前妻咁好，除贍養費外仲幫佢供埋樓(當然可以係佢前妻唔做

好好過每一天......

私人傳訊