想生BB 今日: 5 | 主題: 109581

積分: 3070

2^#

發表於 07-3-29 21:56 |只看該作者

Re: 吉叔o的藥

我睇左佢好多次..好多次都有鹿茸..都係廿拎-三十蚊一包咁上下..但我覺得佢次次開d藥差唔多..所以冇再睇

jacobcatcatcat 寫道:
今次吉叔開o的藥加左鹿茸..因為我未去執藥..想先問下大概幾錢??等我有個預算..thx

私人傳訊

kululato

積分: 769

3^#

發表於 07-3-29 22:46 |只看該作者

Re: 吉叔o的藥

我都係睇咗吉叔一個月, 呢兩次都有鹿茸, 大約$30--$45
我諗睇中醫一定要有耐性, 雖然好心急, 但都急唔嚟!!!姐妹們, 俾心機

私人傳訊

jacobcatcatcat

複式洋房

積分: 370

4^#

發表於 07-3-29 23:06 |只看該作者

Re: 吉叔o的藥

唔該晒..我呢次係第二個週期去睇吉叔..希望呢次bingo啦..不過最緊要係隨心自然..咁就易bingo((不過講就容易))..大家努力呀

私人傳訊

gigilulu

複式洋房

積分: 163

5^#

發表於 07-4-7 17:05 |只看該作者

Re: 吉叔o的藥

吉叔話最少要睇半年以上, 所以不要太有期望, 不過祝你快d bingo, 我都睇了太半年啦．

私人傳訊

積分: 11940

6^#

發表於 07-4-7 17:23 |只看該作者

Re: 吉叔o的藥

gigilulu:

你都好呀,佢話你要睇半年以上--都有個期呀!佢話我個case真係無人知要睇几耐喎!無期徒刑!死未!

私人傳訊

積分: 1555

7^#

發表於 07-4-9 16:35 |只看該作者

Re: 吉叔o的藥

我上一個月是第一個cycle睇吉叔，未食吉叔D藥前，我知自己應該有排卵，因為有高溫期(>37度)，但高溫期只得10日，所以我估計自己黄體不足，因此睇吉叔想調理一下。食完吉叔14日藥後，經期由32-35日變成今次28日，但期間體温一直低於37度，好似無排卵！好驚！

唔知係唔係吉叔D藥唔啱我食？你哋有無遇過這情況？我都唔知應唔應該再睇吉叔，或者我應該去睇西醫？ :-(

私人傳訊

積分: 11940

8^#

發表於 07-4-9 20:07 |只看該作者

Re: 吉叔o的藥

winbun:

睇完吉叔一個cycle,都未有明顯改善,好羨慕你呀,豈碼有d成績.你有無用排卵紙check呀?剩係睇體温未必知喎!

我初初都懷疑自己有黃體不足的問題,具體情況係高温期約10日,排卵後階梯級升温,高温期間中温度下跌,而且最高只有1-2天有36.7度,排卵後11-12日mc.網上既資料話黃體不足容易做成小x,為免自己估估下又擔心,所以排卵後7天我自己去咗化驗所check黃體酮(因為等唔切睇e生時check).結果真係偏低...:-( :-( :-( 4月尾先見e生(好彩我2月已經約定,否則起碼要等到6月先有得睇!)

啱啱開始吉叔d葯第2個cycle.我都有話佢知我黃體不足,我問佢會唔會容易小x,佢話唔會,但bingo咗一定要返去安胎!

不過,我依家都諗住問下西e可唔可以比定d黃體補充既葯/安胎葯我排卵之後用,希望bingo咗都可以陀得穩啦!

我都同你一樣諗緊轉唔轉西e打針/食葯/iui.同埋如果用西葯仲睇唔睇中e/食中葯好.我個case係荷爾蒙有問題,唔係一般人既體弱調理咁簡單.即使中葯醫到,都應該有排e...到時我都高齡la,生育能力都大大下降la!

咁你會唔會中西e一齊睇呀?

anyway,你懷疑黃體不足都係去西e度check下好d.不過,千祈唔好咁擔心呀!

私人傳訊

積分: 1555

9^#

發表於 07-4-9 21:54 |只看該作者

Re: 吉叔o的藥

littlecook,

我有用排卵紙check呀，未試過上深下深，曾經試過幾日下線好似稍為深色，但之後變回很淺色，整個cycle都無明顯體温上升。早幾個月我睇感冒時曾經問過家庭醫生，佢叫我留意體温，如果無明顯上升，多數係無排卵，要食排卵藥。所以我好擔心，怕自己除咗黃體不足，連排卵都有問題，如果真係咪好難有BB？

我都諗緊好唔好轉西e。唔知可唔可以中西藥一齊食？你book咗邊個西e？可唔可以介紹我？如果自己驗黃體酮，我應該幾時去驗？係驗血嗎？去化驗所同佢話驗黃體酮就okay ？我都驚再遲D會變高齡產婦！ :cry:

私人傳訊

積分: 11940

10^#

發表於 07-4-9 23:46 |只看該作者

Re: 吉叔o的藥

winbun:

你有無响'下線稍為深色'果几日驗密d?當我發現下線深色左少少果日就驗2次,第2次就明顯咗.如果我果日無驗2次,我都會以為'從未試過上深下深'(不過我都只係試過下線深色咗少少,但仲未夠上線深及粗)同埋你都可以觀察埋分泌既變化.如果體温+d仔+分泌都無咩動靜,咁就真係驚dd lor.

我自己除咗黃體不足外,仲有其他荷爾蒙不平衡既問題嫁,所以成day30先排卵.我都擔心d egg質素唔好,唔能夠受精,受精咗又分裂得唔好...+上黃體不足就更加危!所以,我都多數要去食排卵葯/打針,等d egg質素好d!不過又驚有side effects喎--第時會唔會容易d生卵巢/子宮/乳癌嫁(聽人地講啫,唔知係咪)?

我希望只係我杞人憂天啦!

我book咗dr tay呀,2月book4月先有得睇!bk d sisters話佢唔錯喎.

你可以排卵後7天去化驗所抽血驗黃體酮(progesterone),如果cycle正常28日,就通常day21驗.如果你唔知邊日排卵,我諗你可以响mc前7日驗

.如果你唔清楚又等得,可以見咗醫生先!但如果有排都book唔到醫生,先自己去驗.有d化驗所會問長問短,問你係咪醫生叫你嚟驗等等,因為佢驚你唔知自己要驗咩.

都係果句,驗就求心安,驗咗知道下一步點做!先祈唔好因為我上面講既野攪到瞓唔著呀!太擔心都無用嫁!我都學緊放鬆心情!一齊努力la! :mrgreen:

(成日寫咁多,覺得自己好囉嗦!

)

私人傳訊

keroro_ct

積分: 730

11^#

發表於 07-4-10 10:53 |只看該作者

Re: 吉叔o的藥

littlecook,
咁你去邊間化驗所驗?
我三月初book董曉芳, 都要等到五月尾先睇,
我cycle一向唔準, 我想驗定先去見佢,
唔使浪費時間等嘛!

私人傳訊

積分: 11940

12^#

發表於 07-4-10 11:36 |只看該作者

Re: 吉叔o的藥

keroro_ct:

我都係自己打去化驗所度格價,同埋我會問d近自己既化驗所.你亦都可以問普通西醫,可能都有得驗,唔駛book成2個月等專科.如果你有睇開婦科,又可以試下打去問個姑娘去邊間,因為如果有e生介紹,可能可以平少少.但我就因為未睇e生先要自己問.不過,價格真係可以爭好遠,一定要格價!我問過最平都要成千(驗4樣),貴到千七都有嫁!不過你都可以諗諗驗唔驗,唔係個個都要驗嫁,除非你懷疑自己唔妥啦!

希望你身體健康,早日bingo!

私人傳訊

積分: 1555

13^#

發表於 07-4-10 23:30 |只看該作者

Re: 吉叔o的藥

littlecook:

因為今日仲係放假，所以決定一早去揾吉叔，試多一個cycle。我話俾吉叔聽體温情況，佢話係排卵有問題，唔關黄體不足事。佢仲話黄體不足只會影響經期，可能佢聽到我個cycle變成28日，所以認為只係排卵有問題。但之前我從好多網上資料得知黄體不足係會令體温不能升高？

所以到依家我都唔知自己咩問題。我同吉叔講好擔心，因為上個月有高温但今個月突然無，但佢又話唔算大問題，繼續食藥，唔好食寒涼野(其實我已經無食成個月！) Anyway, 我諗住試多一個cycle，睇下咩情況。如果無改善可能轉睇西醫。

我無聽過食排卵藥會致癌，不過好似只可以食幾個月，同埋有機會生双胞/多胞胎！

私人傳訊

積分: 11940

14^#

發表於 07-4-11 10:13 |只看該作者

Re: 吉叔o的藥

winbun:

LH值响排卵前會係高峰,所以用d仔(check LH)見上深下深就將近排卵.所以,如果加埋用d仔發現有上深下深但高温期不穩定/不夠長,都傾向相信有排卵,但可能有黃體不足既問題.但如果直情無高温期,d仔又無上深下深,咁就可能無排卵.

不過,呢d都係估計.當然,你可以去e生度照超聲波,可以知到卵泡既發育程況.但我上次睇專科,姑娘話就算e生都未必講到比你聽你有無排卵嫁.

我都諗住睇埋吉叔呢個月,睇下個情況,下個cycle可能轉西e呀!但係就唔知仲可唔可以食中葯補身.我老公就叫我食西葯/打針就唔好再食中葯喎!

點解排卵葯只可以食几個月呀?係咪有咩副作用?定係食得多都無用呢?

你介唔介意講你今年几大呀?如果等得就可以睇耐d中e,唔等得就快d睇西e!要book專科就快d啦,有d要等好耐嫁!

私人傳訊

積分: 1555

15^#

發表於 07-4-11 21:36 |只看該作者

Re: 吉叔o的藥

我仲有兩、三年就到高齡la，所以好心急想快D有。你呢？

我都唔知點解排卵葯只可以食几個月，不過聽好多BK sisters都係咁講。如果下次睇西e時，我會問吓！

私人傳訊

積分: 11940

16^#

發表於 07-4-11 22:18 |只看該作者

Re: 吉叔o的藥

winbun:

今年33la!年紀又大,cycle又長...點算! :-( :-( :-(

點都好啦,我地要'放鬆',唔係'放棄'呀!努力!

私人傳訊

積分: 1555

17^#

發表於 07-4-12 00:05 |只看該作者

Re: 吉叔o的藥

littlecook:

我同你差唔多，都係細你少少啫。我都知要放鬆，不過有時真係好難控制！Anyway, 大家一齊努力，早日bingo，互報喜訊啦！

私人傳訊

kululato

積分: 769

18^#

發表於 07-4-13 17:09 |只看該作者

Re: 吉叔o的藥

平時我睇完吉叔, 都係係佢樓下執藥,有鹿茸都係$30, 不過有次煲藥時掛住睇電視煲燶咗, 唯有去屋企附近執, 初初執都無嘢, 之後佢見到有鹿茸, 就話無可能$30, only鹿茸都要$100!!!!!!!佢話咁平, 好懷疑d鹿茸嘅來源???????

私人傳訊

積分: 11940

19^#

發表於 07-4-13 18:13 |只看該作者

Re: 吉叔o的藥

kululato:

你唔係第1個遇到咁既情況嫁la!上個月有sister話去協成x度執葯有鹿茸$40,去第2度問價就坐底$100,同埋2錢鹿茸响協成x得2,3片,第2度有好多片.於是我又走去第2度問價,遇到既情況差唔多,不過就係$60-$80一劑,視乎我要靚d定無咁靚既鹿茸.同埋d葯房都話2錢有好多片嫁! 究竟係咪協成x唔依足方的分量執葯所以平d

但咁咪同呀吉叔開方既原意唔同咗?效果會唔會差d?

加上我覺得協成x d葯唔係咁靚,咁上次我咪自己去第2度執葯囉!點知,今日我去睇吉叔,就响協成x遇到好激氣既事:

我8:25am打電話去協成x留咗名,但10左右去到協成x佢唔比籌我,話今日好多人响門口排隊,所以我打左電話都無籌喎!咁我上去問吉叔,吉叔先比左後補籌我,吉叔話應該打咗電話就有籌喎!咁我後尾去返協成x度問張葯方既野,但無執葯,個阿叔好唔高興,話今日唔比籌我係因為上次我唔响佢度執葯,佢已經將所有呢d人列左名單,就算打咗電話去,佢都唔會比籌!咁即係今朝耍我話無籌!好彩吉叔比籌我!超激氣

我無理由一定要食佢d葯啫,d葯又唔靚,同埋診金係另計喎,如果免診金就話應該响佢度執啫!

結果我都無執佢d葯!咁點算呢?仲有無得睇呀?究竟係班人揸住雞毛當令箭,定係呢個係吉叔既意思?

私人傳訊

kululato