大仔大女媽媽會

收藏本版
發帖
返回列表
跳至頁

首頁
1

尾頁
   0
Ching070723


別墅

積分: 917


1#
發表於 07-5-7 09:18 |只看該作者

急...痕到爆既孕婦濕疹

兩三個星期前, 個肚開始好痕, 忍唔住r, r下r下兩邊都出左好多紅點, 睇過西醫話係孕婦濕疹, 因苛爾蒙既影響, 無得點理, 只會越黎越差, 直至生為止, 醫生開左d藥膏比我, 不過話有類固醇, 唔好查咁多, 佢咁講, 我就唔敢亂查啦, 怕影響bb嘛. 呢幾晚好慘, 唔只個肚痕, 連大脾都超痕, 痕到訓唔到, r又r到損哂, 宜家連手都開始有d紅疹. 今朝起身返工都有wingwing地既感覺, 真係唔想再無覺好訓, 想請教各位孕婦濕疹係咪真係無得舒緩? 係咪受胎毒影響? 睇中醫有用嗎? 如有, 有好中醫介紹嗎?
私人傳訊

yvonneyy


複式洋房

積分: 179


2#
發表於 07-5-7 09:47 |只看該作者

Re: 急...痕到爆既孕婦濕疹

Hi Ching070723,

我係0608媽咪, 我嗰時都好似你咁, 不過我就大約32-33週先出現, 因為嗰時已經好熱, 我就忍唔住開始飲凍嘢, 之後就有濕疹, 中醫就話係胎毒同我本身個人比較濕, 可能同飲凍嘢有關, 見我唔好飲, 同埋我有搽可以俾孕婦用嘅香薰油, 所以好d, 直至bb出咗世, 我都要睇中醫去濕疹.

不過人人都有唔同, 你可以試吓睇中醫, 睇吓可唔可以幫到你
http://lb1f.lilypie.com/6fctp8.png
http://lb4f.lilypie.com/zcxEp8.png
私人傳訊

Zi


民房

積分: 84


3#
發表於 07-5-7 10:02 |只看該作者

Re: 急...痕到爆既孕婦濕疹

Ching070723 寫道:
兩三個星期前, 個肚開始好痕, 忍唔住r, r下r下兩邊都出左好多紅點, 睇過西醫話係孕婦濕疹, 因苛爾蒙既影響, 無得點理, 只會越黎越差, 直至生為止, 醫生開左d藥膏比我, 不過話有類固醇, 唔好查咁多, 佢咁講, 我就唔敢亂查啦, 怕影響bb嘛. 呢幾晚好慘, 唔只個肚痕, 連大脾都超痕, 痕到訓唔到, r又r到損哂, 宜家連手都開始有d紅疹. 今朝起身返工都有wingwing地既感覺, 真係唔想再無覺好訓, 想請教各位孕婦濕疹係咪真係無得舒緩? 係咪受胎毒影響? 睇中醫有用嗎? 如有, 有好中醫介紹嗎?


我陀到第三個月經已生到一面都係濕疹，訓又訓唔到藥又唔敢食唔敢查......實在明白有幾痛苦... :-(
老實，個個都會叫患濕疹既媽媽忍下，忍到生完就會好，但係痕到想撞牆個個咪又係自己....
我最後忍唔住搵左個中醫睇，向我屋企樓下專醫皮膚的，食左六劑藥就好轉左，家陣雖然仲有翻發(繼續甩皮，紅腫同痕)，我唔諗住佢會在我孕期醫到我好晒，同埋藥食得多都驚驚地，食到佢唔會痕到我訓唔到就停左囉~....
你要佢既資料就比你個貓我啦~
私人傳訊

Ching070723


別墅

積分: 917


4#
發表於 07-5-7 11:09 |只看該作者

Re: 急...痕到爆既孕婦濕疹

謝謝你的回覆. 想再問下呢類濕疹究竟會唔會影響bb呢? bb出世時皮膚會唔會差d? 係受hormone定還是胎毒影響? 駛唔駛飲d咩去胎毒? 我未有bb時未試過出濕疹. 今次係第一胎, 咩都驚青過人.

我自己仲係諗緊駛唔駛睇中醫囉, 又好似你咁, 唔想亂食藥, 但夜晚訓時痕起想黎真係好難頂. 第二朝又要返工, 真係幾

私人傳訊

Zi


民房

積分: 84


5#
發表於 07-5-7 14:09 |只看該作者

Re: 急...痕到爆既孕婦濕疹

你擔心既問題我都問過晒睇過既中西醫生

濕疹究竟會唔會影響bb呢?
西醫﹕唔會，只係你自己痕死，生完會好。
中醫﹕(因為我本身未陀既時候都有) 做乜唔一早睇好佢呀你....

bb出世時皮膚會唔會差d?
西醫﹕同上
中醫﹕um......都有可能ga.... (答完等於無答)

係受hormone定還是胎毒影響?
西醫﹕hormone轉變而患上濕疹都唔奇，唔少媽咪都有。胎毒?! 我們本身沒有毒.....(被串....)
中醫﹕好多原因ga喎~ 訓得唔夠，本身濕熱，情緒唔好等等都會發的.....

駛唔駛飲d咩去胎毒?
西醫﹕你有毒咩.....(再比人串...)
中醫﹕因人而異，你食左d藥睇下點先啦~

唔洗客氣，我當初痕到跳舞個陣真係有苦自己知，邊個唔擔心食藥會影響bb呢~ 只不過我既疹係發向點面同個心口度，利害時更是生到眼蓋都係又腫又甩皮，日頭我都要返工，放左工返去仲要湊仔，我訓唔到就真係好大鑊的，所以忍唔住先去試睇中醫
私人傳訊

bc8006


複式洋房

積分: 171


6#
發表於 07-5-8 17:54 |只看該作者

Re: 急...痕到爆既孕婦濕疹

我唔知你嗰隻係咪濕疹, 但係有種疹係孕婦獨有嘅, 我都係0707媽媽, 生第一胎時有, 好攞命。

特徵如下:
1) 面唔會有
2) 肚, 四肢, breast會有好多小紅點
3) 後背無咩

機會: 1/280, 即係280個孕婦中約有1個

發病時間: 第三孕期, 上胎我差唔多時候出, 多數出現在第一胎

痕到無人信, 其他人唔會明。係好痕, 不過如果抓不單無用, 仲痕出千倍, 百倍。叫你唔抓係無可能, 你抓啦, 不過會仲痕。瞓覺係無可能嘅事, 食Priton抗敏藥幫手瞓都唔得。

我都搵晒所有中, 西, 皮膚醫生, 只有以下方法:
1) 唔好沖熱水涼, 唔用皂, 目的係唔好令皮膚變干
2) 中藥食過不知幾多, 有一方係有d用, 係用"土銀花"煲水。沖完涼, 用剛煮好, 好熱的土銀花水敷在疹上, 可以止下痕。(1兩土銀花+6碗水, 煲boiled, 熄火, 即用, 係好熱架, 唔熱無效! 日日用, 時時用, 仲攞住個水壺返工)
3) 估唔到係最有效, 西藥-類固醇cream
我第一胎時死都唔搽, 唔好累個BB。但係第二胎有一次出咗呢d疹(雖然話常見於第一胎), 我咁啱見個產科。佢開咗隻有類固醇嘅cream比我, 份量唔怕影響BB, 我實在唔可以再忍, 搽咗。奇蹟出現, 一個星期後停止咗。以我上胎經驗, 係點都唔會好, 直至BB出咗世, 離開你身體, 即時唔痕。所以我會recommend搽類固醇cream。醫生會比低份量你架啦。

成因: 醫學未知成因, 不過我個醫生話我知, 係我哋對BB排出的蛋白質排斥, 所以咁。因此BB出咗世就會即好。

我生完醒返, 唔痕不特止, 連紅到好勁(已分不出係一粒粒)嘅痕都退咗好多。我有兩個朋友都有呢隻疹, 兩個都係BB出世後唔痕。呢隻疹係完全對BB無害, 只係自己痕, 但係已係好辛苦。

你有咩問, 請再問啦。我好深深知道你係痕成點...






:-( :-(
私人傳訊

Ching070723


別墅

積分: 917


7#
發表於 07-5-9 09:37 |只看該作者

Re: 急...痕到爆既孕婦濕疹

bc8006,

Thanks for your information la. 我既情況同你講既特徵都好接近, 我淨係肚, 手同腳有紅疹, 面同背就無, 你講都好中: "係好痕, 不過如果抓不單無用, 仲痕出千倍, 百倍。叫你唔抓係無可能, 你抓啦, 不過會仲痕". 宜家我既肚同大脾都俾我ｒ到花lee碌啦．

到呢刻我都仲係係度強忍唔查藥膏, 幸好係聽到你講隻疹唔會影響到bb. 希望生完之後就甩唔再痕.
私人傳訊

bc8006


複式洋房

積分: 171


8#
發表於 07-5-10 09:48 |只看該作者

Re: 急...痕到爆既孕婦濕疹

Ching070723,

係啦, 大家都唔想傷害到個bb, 咁我 highly recommend你用土銀花(唔係金銀花)煲水敷。土銀花具天然嘅消炎去毒功效, 又平(約$3/兩), 又易煲(加入水中煲滾就得), 又有效。

你知啦, 一日24小時不停痕, 敷一陣都可以頂得順幾個鐘唔痕架。起碼半夜痕醒, 敷一次可以瞓返一陣。返工痕到不能集中, 敷一次又頂得順幾個鐘。有好幾個中醫都開方比我煲水敷, 入面一定有此成份, 不過其實唔駛咁麻煩, 只需土銀花一種煲水敷就得喇。我都唔知你宜家痕成點, 不過有心理準備會愈來愈勁...所以真係真係好想你試下。我嗰時問過中醫, 西醫話唔好用熱水, 咁你叫我熱敷, 咪唔好囉。佢又幾open喎, 佢話咪等我試下暖暖地先敷睇下有無用, 真係唔work, 要熱敷。

以下係我喺Yahoo查"孕疹"嘅收獲, 請你睇下參考一下。我希望以過來人身份(好痛苦的經驗)幫到你舒緩一下。我上胎只敷土銀花+忍已係一個極限。我今胎一出現, 搽咗類固醇藥膏一個星期就好, 好唔想你要忍到生, 原來仲有方法。係呀, 我今胎出疹係因為搽咗肚紋膏就起(高蛋白), 之前西醫都叫我停晒所有搽嘅嘢, 之前唔記得提你。我痕到變成個肚好痛時, 就搽凡士林囉, 放心我停咗無搽肚紋膏, 都無肚紋 。你先敷土銀花+忍啦, 再唔得其實有其他方法。我今胎又見紅, 又流啡, 宜家仲有靜脈曲張, 加埋全部再x幾倍, 但如果同痕相比, 都覺得係小兒科... 希望幫到你。仲有呀, 我之前痕到失眠, 晚晚唱詩歌 (諗下自己痕都仲好過d癱咗無感覺嘅人), 好想好樂觀去面對, 但係最後可能一味忍, 壓力大到有甲亢, 體重一路輕落去。當然我痕得太勁, 比我有呢個疹嘅朋友仲嚴重, 希望你雖有此症, 都無我咁勁啦。

土銀花主治: 溫病發熱，熱毒血痢，癰瘍。腫毒，瘰鬁，痔漏
http://www.freewebtown.com/wzxc/mnbc/mnbc30.htm

■孕疹：孕疹發生的原因目前還不明，通常是懷第一胎的產前三個月到產後一個月內發生紅紅的癢癢先從腹部發生，再逐漸蔓延到大腿及全身。孕疹很癢，但是許多孕婦為了怕影響胎兒抓到體無完膚，不能成眠都不願意吃藥或擦藥。其實上止癢的口服藥及外用藥對孕婦及胎兒都是非常安全的，因為癢感引起的煩躁、失眠及情緒變化，都胎兒及孕婦的傷害更大。
http://hospital.kingnet.com.tw/essay/essay.html?category=%AC%FC%C5%E9%C0J%B6%EC&pid=10600

救人喔~肚皮上的紅疹~癢死啦=_=ll (mama's sharing有圖)
http://verywed.com/forum/read.php?f=5&i=500092&t=500092

BabyHome 寶貝家庭親子網 (discussion)
孕疹是懷孕體質變化引起 嚴重程度不同 我算是中上程度的嚴重. 最後乖乖吃藥跟擦藥 還是如照片般美回來啦 ... 跟我一樣哦,醫生說這是孕疹,我之前都抓到破皮流血還癢到睡不著,體重還因此下降了些,要快去看醫生,我那時拖到看醫生時,已是30周了,醫生說已30周了,吃點藥無大礙...
http://www.babyhome.com.tw/mboard.php?op=d&sID=1083060&bid=8&r=3&page=1

大腿手臂出現奇癢的小疹子,怎麽辦? - BBK 童心部落 (discussion)
媽媽有些會長些孕疹~這些孕疹幾乎在生完baby後自然就會消失ㄌ
http://bbs.baby-kids.tw/showthread.php?t=28701





Ching070723 寫道:
bc8006,

Thanks for your information la. 我既情況同你講既特徵都好接近, 我淨係肚, 手同腳有紅疹, 面同背就無, 你講都好中: "係好痕, 不過如果抓不單無用, 仲痕出千倍, 百倍。叫你唔抓係無可能, 你抓啦, 不過會仲痕". 宜家我既肚同大脾都俾我ｒ到花lee碌啦．

到呢刻我都仲係係度強忍唔查藥膏, 幸好係聽到你講隻疹唔會影響到bb. 希望生完之後就甩唔再痕.
私人傳訊

Ching070723


別墅

積分: 917


9#
發表於 07-5-11 12:22 |只看該作者

Re: 急...痕到爆既孕婦濕疹

bc8006, 你既回覆很詳細啦. thanks!

我前晚又是痕到成晚訓唔到, 到朝早成5點零先叫做訓左一陣, 實在無精神返工, 所以尋日同husband去左睇皮膚科醫生, 佢最後都開左d含類固醇既藥膏比我, 仲有d口服既藥, recommend我都係照take呢d藥, 止在痕先, 佢話d藥都係安全, 可以放心, 仲有提d疹唔會影響bb. 與其訓唔到都會影響bb既成長, 我尋晚就乖乖地查d藥膏同食藥, 係好d, 起碼可以訓到幾個鐘, 不過d藥會令人眼訓, 我今朝返到公司仲有睡意. 始終覺得食藥唔係咁好, 我諗我唔會再食, 淨係係臨訓前查d藥膏, 如果咁好唔再痕, 我連藥膏都唔想再查.

我問醫生我個case算唔算嚴重, 佢話都未算, 佢話如果係7,8個月先起既疹會更嚴重. 我大概係6個月時個肚開如有疹的. 呀, 醫生都有話有香味既lotion就唔好查. 著棉質既衫都有幫助. 希望大家都一日比一日好啦, 生個健康活潑寶寶!
私人傳訊


首頁
1

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見