夫婦情感 今日: 0 | 主題: 42723

積分: 13

1^#

發表於 07-5-16 12:50 |只看該作者

做人妻子甚艱難!!!

我覺得自己的位置越來越險峻，我的未婚夫是一個很愛家人，但也很怕家人的人，他已是大仔，在我與他家人意見上有分歧的時候，不論是日上生活小事或朋友家庭事故，他永遠也只會站向家人的一邊. 我是不受保護的，自問已是很"就"佢d屋企人•我的自由被侵蝕，因為我們的婚姻生活很受他們支配，我們的空間，無時無刻也受他家人occupied，我不能言論太自由，因為若我所出之言被未婚夫認為不夠大體的話，或可能影響他的"名譽"的話，他會斥責我•我們會一星期有幾天回他的家食飯，這當然很好，因為我自小已缺乏家庭溫暖，但又覺得連我兩的私人空間也漸漸沒有了...雖然我們快要結婚但是好像不似拍拖似的，只有頭三個月未見他家人時有過幸福sweet的拍拖生活後因他才一星期回家食一次飯•現在我好像变成一個屋企人一樣•

社交生活方面，我未婚夫的朋友又是佢屋企人的朋友，這也不只，連未婚夫的前及前前女友也仍然不時地在我們的生活、家庭及朋友圈子或gathering 出現，佢d屋企人同佢地係朋友，是真的，我都是明白事理的人，明白他們真可成為朋友，經過理解及心理調整現已接受現實，我愛我的未婚夫，愛也要包容，卻成為我現在每天鍛鍊自己的心靈功課，在此多謝閣下閱讀及希望在坐之智慧朋友支持!! 我寫完都舒暢d !!! 如果在坐覺得我作為一個將為人妻子、新抱、嫂嫂做得好的話請互勉之，覺得小妹仲要再進步請提點下!!!

私人傳訊

jojoplanet

積分: 31256

2^#

發表於 07-5-16 13:17 |只看該作者

Re: 做人妻子甚艱難!!!

包容, 容忍係兩個人相處之道, 但係都要有個限度. 如果係你,我會將我的不滿話比佢聽.....我不能接受佢同ex gf再見面.

私人傳訊

yuenyatshan

積分: 100

3^#

發表於 07-5-16 13:38 |只看該作者

Re: 做人妻子甚艱難!!!

Hi,Hi,

請問你的未婚夫係唔係出身大家族or非富則貴一族？有乜理由所有 gathering 或 convocation都禁多人一齊？

你未入門已經怕曬佢地,而你Boy friend睇

私人傳訊

積分: 13

4^#

發表於 07-5-16 14:32 |只看該作者

Re: 做人妻子甚艱難!!!

我在初時已經表態，我未婚夫認為他們已經完結，我不用去擔心，而我們同佢d ex 有機會見面，亦唔係佢作主動，通常係大家仲係同一個圈子內，又或是佢d sisters or daddy mummy 叫佢來，所以佢都控制唔到，我只能夠忍耐因為否則我未婚夫都會很難做，我只覺得他的家人可能不會將心比心•

私人傳訊

jojoplanet

積分: 31256

5^#

發表於 07-5-16 14:35 |只看該作者

Re: 做人妻子甚艱難!!!

咁佢屋企無諗你感受囉....我覺得老公應該同佢屋企人講...到時你地結婚佢地都會請埋佢黎啦...比我我唔可以忍受囉..

私人傳訊

積分: 13

6^#

發表於 07-5-16 14:59 |只看該作者

Re: 做人妻子甚艱難!!!

不是甚麼大家族，但就的確係事實，我唔忍耐同理解我諗連我未婚夫也被家人排斥，說笑罷，最終可能被排斥o個個係我•咁你係我你寧願張就吓定同老公抗衡及不妥協呢，當然係人都只會諗自己，但係太過有性格可能不能大事，我唔係怕曬佢地，我只係想多d企係佢立場睇，我未婚夫不喜歡我對佢d家人有意見，反正佢一定係企埋佢地個邊(已經洗晒腦ga la)，咁你又仲愛你未婚夫，咁可以點?

[quote]
yuenyatshan 寫道:
Hi,Hi,

請問你的未婚夫係唔係出身大家族or非富則貴一族？有乜理由所有 gathering 或 convocation都禁多人一齊？

你未入門已經怕曬佢地,而你Boy friend睇

私人傳訊

積分: 13

7^#

發表於 07-5-16 15:52 |只看該作者

Re: 做人妻子甚艱難!!!

多謝你的體諒，所以我就成日問自己愛係咪等於一切，唔諗你這樣的感受又係咪真的絕不能接受呢，有一樣可以肯定就係我一定會成為一個哲學家。

:-(

私人傳訊

jc_綠寶石

複式洋房

積分: 438

8^#

發表於 07-5-16 15:54 |只看該作者

Re: 做人妻子甚艱難!!!

咁你覺唔覺得佢係咪屬於愚孝？如果係嘅話，趁你哋未結婚就要考慮清楚，免得日後為佢家人而傷你倆感情。因為我６２係屬於愚孝嗰類人，令到９９好痛苦，所以係我老公唔想步佢哋嘅後塵，夫家凡對我有唔合理要求，我老公會幫我據理力爭

我好慶幸我有個錫自己嘅老公

私人傳訊

onon1022

子爵府

積分: 12589

好媽媽勳章

9^#

發表於 07-5-16 16:07 |只看該作者

Re: 做人妻子甚艱難!!!

其實兩個人一齊...就要互相遷就...你愛佢...你願意為佢付出...忍受一齊...但係將來結婚後...你又可唔可以繼續忍耐...家家有本難諗的經...既然你知道你唔可以改變d咩...唯有將你自己融入佢屋企...打好關係...你對佢好時...佢會感受到...

[url=http://lilypie.com][img]

私人傳訊

積分: 13

10^#

發表於 07-5-16 16:19 |只看該作者

Re: 做人妻子甚艱難!!!

其實我未來99話以前要同d姑奶住又成日比d姑奶hag住，所以一定教d女第日唔可以洽亞嫂咁話，但係我覺我唔一致，d 99 同姑仔都係站同一陣線，老公站公站私又企家人陣線，試過一次未來老公就係為咗幫我為家人對我既微言平反，99就打來話唔想個家散，我回應話我又點會容許個家散咁嚴重，但係這次敏感事故後我知道我fiancee 會不開心因為他愚孝或孝順都好，對我或我們都無好處，只能隱藏感受，現在連在佢面前也不會說出不滿•

私人傳訊

RAA

積分: 35058

2025勳章 2025勳章蛇年勳章 2018復活節勳章好媽媽勳章醒目開學勳章

11^#

發表於 07-5-16 16:19 |只看該作者

Re: 做人妻子甚艱難!!!

除非你好順得人, 否則入咗門後都好難做人

. 根據經驗所得, 結婚後情況會更加嚴峻

私人傳訊

mrsegg

大宅

積分: 1967

12^#

發表於 07-5-16 16:22 |只看該作者

Re: 做人妻子甚艱難!!!

我唔會嫁比一個唔將我放no.1既男人做老婆，你當佢第一，佢當屋企人先係第一，即係你地既婚姻唔止兩個人，嫁比佢係想佢保護自己，唔係同家人一起對付自己，本來係因為佢重視你愛你才嫁比佢，但這似乎離開了大前題，咁既婚姻有什麼意思？

乜事都企係屋企人果邊？等唔等如不分青紅皂白？反正無論咩事佢都唔會幫你，只會幫家人，咁既日子可以過幾耐？

我都好欣賞你既包容，但我自己覺得包容唔係咁用，唔係話將自己既幸福付託去一家只當你係外人既家庭都可以，結婚嫁人係為左比老公錫，為左愛你愛既人，唔係為左容忍

將來被孤立既畫面唔難想像，除非你可以做到完全沒有不滿，除了笑便是點頭。

私人傳訊

jacquesau

積分: 35582

13^#

發表於 07-5-16 17:08 |只看該作者

Re: 做人妻子甚艱難!!!

mrsegg 寫道:
我唔會嫁比一個唔將我放no.1既男人做老婆，你當佢第一，佢當屋企人先係第一，即係你地既婚姻唔止兩個人，嫁比佢係想佢保護自己，唔係同家人一起對付自己，本來係因為佢重視你愛你才嫁比佢，但這似乎離開了大前題，咁既婚姻有什麼意思？

乜事都企係屋企人果邊？等唔等如不分青紅皂白？反正無論咩事佢都唔會幫你，只會幫家人，咁既日子可以過幾耐？

我都好欣賞你既包容，但我自己覺得包容唔係咁用，唔係話將自己既幸福付託去一家只當你係外人既家庭都可以，結婚嫁人係為左比老公錫，為左愛你愛既人，唔係為左容忍

將來被孤立既畫面唔難想像，除非你可以做到完全沒有不滿，除了笑便是點頭。

我就試過年三十晚, 個99叫c6返屋企整神位, 個c6夠膽叫我同個女係屋企等佢返自己屋企幫呀媽整完

好好過每一天......

私人傳訊

jojoplanet

積分: 31256

14^#

發表於 07-5-16 17:37 |只看該作者

Re: 做人妻子甚艱難!!!

係呀, 我己前未結婚我老公屋企人都係超級trouble, 但係我自己同老公相處就無問題, 所以選擇一齊, 婚後閙交都係因為佢屋企, 我成日想離婚, 不過無同佢講, 因為呢個係唯一可以脫離地的方法...而家結婚9年有個小朋友, 情況好好多因為我以前好似你咁好想做得好d, 體諒佢, 忍受同尊重, 但係我發覺我得唔到佢屋企人的尊重, 所以之後我就唔理佢地點諗我, 想點就點, 唔想見佢地我就唔見. 我開心咗好多....當然要我老公肯支持先得..

RAA 寫道:
除非你好順得人, 否則入咗門後都好難做人 . 根據經驗所得, 結婚後情況會更加嚴峻 .

私人傳訊

jacob614

男爵府

積分: 7016

15^#

發表於 07-5-17 00:40 |只看該作者

Re: 做人妻子甚艱難!!!

其實樓主都好清楚自已

私人傳訊

mywong

男爵府

積分: 9963

好媽媽勳章

16^#

發表於 07-5-17 02:02 |只看該作者

Re: 做人妻子甚艱難!!!

littlesunpa:

我覺得你已經做得好好.

好體諒尊重你的未婚夫.

我老公又係很愛家人,大男人,要面子.初初識佢果陣已經知佢係咁. (但我又鍾意愛家既男人),要响佢心中霸佔重要既地位,唔知我既方法你work唔work.

初初我係
1.唔好比太多意見,要比都係正面.
2.唔好批評佢屋企人同朋友.
3.佢屋企人朋友既聚會最好全部出席.
4.要做到好似好認同佢.

你可能覺得好難挨,但過一段時間,地位提升左,到時你想點就想,佢同佢屋企人都聽晒你話

私人傳訊

bkfans

禁止訪問

積分: 67524

17^#

發表於 07-5-17 10:22 |只看該作者

Re: 做人妻子甚艱難!!!

提示: 作者被禁止或刪除內容自動屏蔽

私人傳訊

積分: 13

18^#

發表於 07-5-17 10:26 |只看該作者

Re: 做人妻子甚艱難!!!

mywong:

好多謝妳的鼓勵和身同感受，我未來老公的而且確真係一個愛家的人，而這一點也是我喜歡佢之一，妳俾個四點，我初頭就係犯過而得出既心得，現在全部做足，我好多謝妳們的寶貴意見，有佢既原家庭才有佢，同埋妳最尾個句好好，假以時日，以德服衆才算上策!!!

私人傳訊

小寶貝兒

積分: 30295

19^#

發表於 07-5-17 10:40 |只看該作者

Re: 做人妻子甚艱難!!!

mywong 寫道:
littlesunpa:

我覺得你已經做得好好. 好體諒尊重你的未婚夫.

我老公又係很愛家人,大男人,要面子.初初識佢果陣已經知佢係咁. (但我又鍾意愛家既男人),要响佢心中霸佔重要既地位,唔知我既方法你work唔work.

初初我係
1.唔好比太多意見,要比都係正面.
2.唔好批評佢屋企人同朋友.
3.佢屋企人朋友既聚會最好全部出席.
4.要做到好似好認同佢.

你可能覺得好難挨,但過一段時間,地位提升左,到時你想點就想,佢同佢屋企人都聽晒你話

呵呵~~ 呢個好中!!!
不過就要有心理預備, 至少要捱幾年囉!!

我當初識我老公果時, 佢唔算太愚孝, 皆因99太過份, 令到本來愚孝既佢變得只係孝順, 冇乜大事發生咪唔逆阿媽意囉!
後來我係老公面前對99好好, 但99仍然無理地作野鬧我, 比我聽到, 但當老公想安慰我既時候, 我反而喊住話覺得老公好慘, 由細到大都冇受過家庭溫暖! 就係呢一次, 老公話第一次覺得搵到個好女人(因為我唔會因為聽到99亂鬧而同佢發脾4), 從此更著緊我!

總之, 每當99搞屎棍既時候, 我就會好大方咁安慰返老公, 唔會講對99/男家既不滿!
男家所有屋企人有邊個需要幫忙, 我從來都冇拒絕過, 除非我能力做唔到!
對老公更加係做到佢既愛人, 朋友, 知己, 學生, 祕書, 家務助理, 等等.... 我既重要性就會日益提升!
而且我冇乜做過d野令老公煩惱, 從來只有99無事啦啦製造煩惱比個仔, 我好多時係幫佢拆解既人!

咁多咁多既行動, 令佢覺得我好重要, 令佢將我擺係第一位!

曾經結婚前99某日忽然話佢好唔like我, 叫個仔同我分手, 然後介紹某某朋友個女比個仔識!
本來我老公起初都想同意, 但唔係分手, 只係玩地下情, 佢打電話黎問我意見, 我話"只要你個心係我度, 無論地下情又好, 地上情又好, 我都冇問題!"
之後佢就同99講左一句說話, 到而家都仲記得!!
"我同xx(即係我啦)係唔會分開既!! 除左佢, 我唔會要其他人做我老婆! 如果唔能夠同佢結婚, 咁我就一世都唔娶!!"
99聽到即刻當冇事發生, 因為佢想抱孫丫麻, 尤其係我老公既仔, 佢恨左好耐!! 所以當一聽到個仔除左我邊個都唔會娶, 佢都冇晒符!!

當我聽完老公再打黎既電話, 講返多一次以上既說話, 我就覺得, 即使我唔係老公心目中既第一, 都一定同99一樣咁高咁大!!! 因為果次係老公第一次為左我而同99撐啊~~~

而家? 我就當然係第一啦~~ 至於99? 唔知去左第幾名呢?

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

jacquesau