懷孕前後 今日: 5 | 主題: 330343

積分: 329

1^#

發表於 07-5-3 18:06 |只看該作者

開刀嘅媽咪, 我好驚, 請分享經驗!!

我阿B無掉頭, 約左係廣華開刀, 仲有幾日, 我想理解一下個過程, 好似話要先吊鹽水, 仲要吊幾耐下, 痛唔痛, 打麻醉葯係條腰度又痛唔痛, 麻醉葯散左, 傷口係唔係好痛, 要幾耐, 我真係好怕痛, 係唔係未拆線唔可以沖涼呀, 幾日後至拆線?又痛唔痛?幾日後至可喂人奶?要留院幾日?我知我好煩, 請指教 :-(

私人傳訊

rabrabming

積分: 3786

2^#

發表於 07-5-3 18:40 |只看該作者

Re: 開刀嘅媽咪, 我好驚, 請分享經驗!!

Corgidog 寫道:
我阿B無掉頭, 約左係廣華開刀, 仲有幾日, 我想理解一下個過程, 好似話要先吊鹽水, 仲要吊幾耐下, 痛唔痛, 打麻醉葯係條腰度又痛唔痛, 麻醉葯散左, 傷口係唔係好痛, 要幾耐, 我真係好怕痛, 係唔係未拆線唔可以沖涼呀, 幾日後至拆線?又痛唔痛?幾日後至可喂人奶?要留院幾日?我知我好煩, 請指教 :-(

我都是一星期前在威記開刀生bb,我認為最痛係個傷口,未拆線時最痛(頭四五日),之後好d,但都隠隠作痛,我一直都係抺身,不敢沖涼,傷口不可濕水,我原作算餵人奶,但抱住bb時壓到個傷口,所以最後都無餵人奶,我留院五天,我都是用無痛分娩,打針不痛.(其實痛唔痛真係好睇個人的忍痛能力,我都面床的媽媽都是開刀生,但第二日己經落床,仲行動自如,唔講仲以為係順產,而且佢仲有咳喎!如果開刀生,加埋咳,嘩!真係痛到死架!)

私人傳訊

renren

子爵府

積分: 12024

好媽媽勳章

3^#

發表於 07-5-3 19:54 |只看該作者

Re: 開刀嘅媽咪, 我好驚, 請分享經驗!!

我05年尾係私家生,半身麻醉,我唔知政府同私家有無分別但照講講過程....
開刀前六個鐘係禁食要空肚所以醫生教我揀朝早開刀,前晚入定院瞓覺咁就唔覺肚餓...
姑娘先會插尿喉,插O既時候係有D唔舒服(因為無經驗原來可以要求打麻醉針后先插都得),推到落手術室兩隻手要攤開十字俾麻醉師銡針吊鹽水之類,跟住要我攣弓蝦米咁係背脊打麻醉葯但一D唔覺痛,隔左一陣我就聽到開始手術聲.我前面會有塊布隔住睇唔到手術過程,期間會感覺到暈暈地想嘔o既感覺,有d鼻塞,不停打喊路,醫生會不時問住我見點,我一瞇埋眼麻醉師又好緊張問我係咪有唔妥.手術時唔會聽到手術刀kinglingcountlan聲,只會聽到吸胎水機d聲,好似去水位sirsir聲.過程大約廿分鐘亞b就出世.由開刀到推番出手術室大約五十分鐘.手術后有十五分鐘觀察,姑娘話會有發冷同震係正常現象,推番到產后房,姑娘會同我加被,隔無耐我就瞓著.瞓到下晝醒,食粥水,ok的話可以食下魚,飯咁.第二朝一早嬸嬸抆走尿喉,抺身,清潔下身.然后叫我等家人到左試下落地行,因為一起身會有d暈所以要有人旁住.傷口一路都唔痛,反而係子宮收縮痛到標冷汗,又好似急屎痛到去肛門咁.麻醉葯過左就feel到傷口好似一把熱刀界左下咁痛...醫生開定口服同肛塞止痛葯,到時到候姑娘就問要唔要食或塞止痛葯.頭三日傷口會痛d,第五日番到屋企都唔痛,淨係食過一次止痛葯.落床第二日去餵bb,試食人奶,抱住b時都唔會壓住傷口,姑娘話如果壓到傷口即係姿勢唔啱,調較下就得.

春有百花秋有月夏有涼風冬有雪若無閒事掛心頭便是人間好時節

私人傳訊

l_wingwing

伯爵府

積分: 17021

醒目開學勳章畀面勳章

4^#

發表於 07-5-3 20:11 |只看該作者

Re: 開刀嘅媽咪, 我好驚, 請分享經驗!!

我係o係私家開刀的,係全麻..
我唔驚開刀,最驚痛到生唔倒...我試過自己生,最後生唔倒要開刀
之前要簽紙(因為開刀麻醉有risk),跟住放便便,剃毛毛,插尿喉(少少唔舒服)..然後就入手術室聞氣,醒番已經生左lu
我傷口唔痛咁滯, 只係少少麻痺,頭一日無得落床,要插住尿喉..但第二日已可下床餵bb...跟住keep住食消炎藥,頭幾日我無沖涼,但醫生話可以沖的,因為傷口貼住防水膠布
到第五日拆線(唔痛的)再貼番膠布,一星期後覆診可撕下,然後醫生俾藥水自己抹傷口,兩星期倒便可回復正常了..不過子宮復原得慢d

私人傳訊

sammifanlp

水晶宮

積分: 58802

5^#

發表於 07-5-3 20:35 |只看該作者

Re: 開刀嘅媽咪, 我好驚, 請分享經驗!!

我係05年05月係政府屯門e院開刀架
當時係突然決定開刀, 一入院就抽血驗, 1hr後就有report
在這1hr內, 佢插尿喉 (但居然唔痛), 跟住種豆, 麻醉c 講解半身 & 全身既分別 & 後果....
入到手術室, 好驚, 個麻醉c 就開左d 歌俾我聽, 跟住進行半身麻醉 (都ok, 唔係太痛). 到 e 生開刀>埋口都no feeling.
到開完刀, 開始不用吊salt 水, 但d 豆仔仲係隻手度, 佢又要每hour 度血壓, 果時唔知點解有d 抽痛既 feel, 但佢又話唔可以插走住
至於洗傷口同拆線, 我都係叫佢上門, 個姑娘都好好, 又慢又細心, 又睇埋亞b, 佢又問又答, 雖然比起自己去健康院係貴d, 但都係好過自己抱住亞b行來行去

私人傳訊

ivykitman

洋房

積分: 71

6^#

發表於 07-5-4 15:44 |只看該作者

Re: 開刀

Hi!
我也想問下咁全痲需唔需要掉吊鹽水架?同埋放便便係點放?
條尿喉係插係邊架?因為我好驚呀....

Thanks !

私人傳訊

hkitty09

子爵府

積分: 12312

7^#

發表於 07-5-4 18:18 |只看該作者

Re: 開刀

我剛剛開完刀, 都係全麻.. 開完刀後, 佢會同你吊鹽水, 內加止痛藥, 等你個日冇o甘痛, 醫院亦都會幫你插尿喉, 不過你唔知 ar.. 因為醫院係係你做完手術後插, 你唔知架..
至於, '攞'喉出來個時, 係少少唔舒服, 好快架...
其實,開刀痛唔痛, 好 c doctor 手勢, 我就覺得只係少少痛, 我開刀後第 1 日, 已經落床餵奶la...
但係我姑姐係"威院"開, 就痛到'死死下', 後來拆線時仲俾醫生整番"爆"個傷口, 要住多為個 week 先得...

ivykitman 寫道:
Hi!
我也想問下咁全痲需唔需要掉吊鹽水架?同埋放便便係點放?
條尿喉係插係邊架?因為我好驚呀.... Thanks !

私人傳訊

whitebunny

子爵府

積分: 11116

8^#

發表於 07-5-4 23:15 |只看該作者

Re: 開刀嘅媽咪, 我好驚, 請分享經驗!!

我06年8月半麻開刀，因為怕自己生唔到，所以揀了開刀的∼開刀之前也是怕得要 c ，特地上來bk睇下有經驗人士的分享，才沒有咁驚咋∼

我在私家開刀，不清楚跟政府的會不會有出入，但是都告知你作一個參考

開刀之前我只是禁食6小時，不用放便便，又不用之前特地吊鹽水喎．．．我都是在手術室才吊鹽水的∼
插尿喉時沒有感覺，因為是打左麻醉針才插尿喉的，我反而覺得吊鹽水支針比打在腰部的麻煩針還要痛呀

傷口痛唔痛我都覺得好睇個人的忍痛程度和醫生的手勢，麻醉藥過了之後，我的傷口不痛，反而子宮收縮痛到我 c 咁滯，不過，醫生話痛才好，這樣個肚腩會收快 d 添！
如果真的那麼怕痛，便叫醫生開定止痛藥(肛塞更有效)，因為BB都出左世，唔怕用止痛藥啦∼而且醫生知我會餵人奶，開藥都會就住呢！同埋都是頭一兩天比較痛而已∼

未拆線是唔可以沖涼住架∼要等醫生幫你拆左線，貼上防水膠布便可以沖涼了∼我是在第三天拆線的，所以只是兩天沒有沖涼．．．拆線時完全沒有感覺呢！

開完刀，第二天早上拆左尿喉，便可以嘗試落地，總之一落到地，沒有什麼不妥，自己又行到去BB房，便可以餵人奶了！不過，要有心理準備未上奶囉∼我在醫院4天3夜，到最後一夜才有少少谷奶的感覺，要到BB出左世第8天，才完全上到奶，之前都是少少人奶＋補奶粉咋∼

唔洗咁驚啦∼為左BB，都要頂硬上架∼而且這兒有好多媽咪支持你架！

私人傳訊

ivykitman

洋房

積分: 71

9^#

發表於 07-5-8 11:40 |只看該作者

Re: 開刀

好多謝大家既解答同支持呀, 我會頂硬上, 只寄望到時唔係太痛同BB健健康康, 在此祝願各媽咪及BB都身體健康!

私人傳訊

panda_ruby

積分: 3039

10^#

發表於 07-5-8 11:59 |只看該作者

Re: 開刀

Hi,

我們要互相支持ar!

你何時生ar? 我也會開刀生BB, 記得到時 share 一下 ar!

加油!!

ivykitman 寫道:
好多謝大家既解答同支持呀, 我會頂硬上, 只寄望到時唔係太痛同BB健健康康, 在此祝願各媽咪及BB都身體健康!

私人傳訊

納奧美

積分: 1167

11^#

發表於 07-5-8 13:00 |只看該作者

Re: 開刀

Corgidog:

我情況同你一樣，BB唔調頭，所以預約在38周開刀，不過我是在屯門E院，半身麻醉，經驗很不錯。首先鼓勵你，不要太驚，我之前都是希望順產的，而家BB已經出世個半月了。

我們這種情況，通常會早一曰check-in，先住產前房。產前一日，醫生姑娘會同你做各樣抽血、檢驗.....等，放心，是很他條的，因為產前房其他準媽媽通常情況會比你差(例如我的鄰床都是因各樣問題而要留院觀察的)，相比之下，你行得走得，感覺會好似入住酒店渡下假咁。如果可以，入院前買定一些報紙雜誌等，因為之前那日你會很無聊等時間過(好在當日我的鄰床們都是很nice的人，她們好好傾，又借八卦雜誌我看消磨時間，晚上我們更一棚人一同追看電視劇)。

屯門E院的做法，入產前房後會給一份很詳細的資料，讓你知道住院幾天會有甚麼事發生或可以吃甚麼不可吃甚麼，還有你身體的壮展情況等，不知廣華有沒有。當日，醫生和麻醉師會來同你傾計，解釋手術情況及麻醉方法，及請你簽紙(手術及麻醉)。

好了，到了手術前一晚十二時起，你要禁食和不可飲水。所以你最好帶定一些小食，在當晚DINNER(5時吃！！)後至十二時之間吃，否則你睡覺時就會很肚餓，如果睡不著當然就會很擔心明天的情況(我當晚睡得很冧，只是中間要起身圡一次小便)。

手術前大約一小時會叫你換上手術袍和穿上袜和帽(手術室專用)，裏面真空。差不多時間，姐姐會來叫你上輪床，推你去產房。

手術室外，會同你吊yim水，然後昨天見過的麻醉師會來同你打招呼，比一小杯野你飲，是同麻醉有關的，味道怪怪，但細細杯沒關係。之後,可能要等，因為要等你的開刀醫生來。

好啦，跟住推你入手術室，這是大家都很熟識的，因為你會見到上面那盞大圓燈。佢地會叫你側睡，蜷起身像虾米般，你就放鬆心情盡量蜷(但有些少難度，因為有個大大肚在前面)。我聽過有人話打腰骨那針很痛，但我的case是，我一面努力蜷著身，一面問姑娘："咁得唔得，夠唔夠蜷"時，聽到佢地答話："幾好喎，好另喎，蜷得好好喎"，我仲等住佢地幾時落針，但麻醉師已經話：而家瞓返平啦。我仲問：咁幾時幫我硬膜外注射？佢話：頭先咪打左囉

我真係一D感覺到無，只覺得剛才有人好像用筆在我背後劃劃下(我以為係mark位)，原來已經拮了兩支針係背後。

然後佢地會同你講呢講路分散你注意力，好快你下半身就好以無左咁。佢地會在你面前架起一塊布，讓你見不到下面，只見到天花板和站在你上半身旁的人。佢地會幫你插尿喉，但我當時都不知道，因為下半身已經無晒知覺，只覺得他們扯下扯下，一點都不痛，感覺就像件衫或條褲比人拉扯那樣：有感覺知道比人郁，但不痛不痕。

醫生佢地會好細聲做野，免得令你驚，你唔會聽到佢地做緊咩，只會聽到手術室內播著的background music (不知是真還是幻覺)，和前面的麻醉師和護士間中lau下你講野。

無幾耐，你會覺得下面比人mung來mung去(但一點也不痛，好像比人mung條褲咁)，當你正在想：佢地做乜呢時，突然就聽到：唔哇、唔哇------洪亮的BB喊聲，嘩，真係好感動，連自己D眼淚都恩唔住標出來。

好快呢，佢地就會抱個BB給你看，你一定想看看BB個樣，但佢地讓你看的是BB下面，佢地會問：係仔定女呀？記住快D回答(否則BB要係度等你)，如果BB身體有乜特點，例如屁股有胎誌，姑娘會話你知。跟住姑娘會抱BB去旁邊抹乾淨和磅重。呢個時候，你個心只會想住BB，而下面又有人細細力咁拉來拉去(係聯針)。隔一陣，姑娘就會大聲唱出：BB幾時幾分出世，幾重。(你要記實，因為住院期間時時都有中問你，以此來核對BB身份)。

好快，佢地會推返你出外面等，大約等一個小時，觀察你的情況。如穏定，一個小時後就同BB一起推返產後房。我的case是，早上八時半落產房，8:55入手術室，9:23BB出世(即聽到哇哇喊時)，9時35分出手術室，10時40分推返上產後房。

麻醉葯會慢慢散，你會覺得慢慢有返對腳。我的情況是，傷口並不十分痛。如果餵母乳，約二小時後佢會抱BB來問你餵不餵(這可能是屯E的做法，因為他們特別promote母乳)，我因為下半身仍未有知覺，個人郁唔到，所以無餵，當日傍晚時才第一次餵(但不用太担心，很多開刀媽媽她們的BB不會因此不識食母乳)。

我的傷口和背隻都好OK，手術後我幾乎沒覺得傷口痛，反而子宮收縮更痛。記住，傷口千萬不要濕水，這樣就會埋口埋得很好的。有人說花膠煲雞會幫助埋口又不會長肉芽，住院時我媽媽天天給我喝。我覺得work.

希望幫到你。祝生個可愛BB及產後早日康復！
有一點要提你：記住手術後第一次落床行一定要有家人陪，而且先在床附近行幾個小圈先，你可能會覺得下面會大量排血(因為平躺了兩天，在你一站立行走時會大量排出)，加上一兩天只吃流質，所以不少人一下床走便會暈，要小心些；不過很快就沒事了。

私人傳訊

納奧美

積分: 1167

12^#

發表於 07-5-8 13:11 |只看該作者

Re: 開刀

還有，可以用束腹帶，有助壓著及固定傷口。如果無用到，落床行及咳時記住用手捂著傷口位置托一托。

私人傳訊

積分: 329

13^#

發表於 07-5-8 13:41 |只看該作者

Re: 開刀

私人傳訊

積分: 329

14^#

發表於 07-5-8 13:57 |只看該作者

Re: 開刀

多謝你的分享, 好詳細呀, 但仲係好驚, 我知我嗰晚一定瞓唔著, 其實呢排已經瞓得好差, 因為個肚越來越大, 瞓底後條腰好唔舒服, 所以每晚瞓得幾個鍾, 仲有幾日(下個星期一)就開刀, 捱多幾晚就得啦.

仲有D野想問, 手術後當晚應該食D乜,食唔食得落呀? 第二朝幾時幫你拔尿喉同埋支豆針呀? 你住左幾多日醫院呀?

唔該晒, 祝你BB肥肥白白

私人傳訊

納奧美

積分: 1167

15^#

發表於 07-5-8 20:31 |只看該作者

Re: 開刀

唔客氣！！

手術後姑娘會叫你飲水或比包奶你飲(我唔飲奶，所以要等下一餐的粥水)，問你有沒有放屁，目的是看你腸的蠕動情況恢復未。在此提你一點，也是當日病房內的姐姐教我的，就是，躺在床上不能下床時，千萬不要怕痛動也不動一味平躺，一定要一陣轉下左側睡，一陣轉下右側睡，慢慢來，就住條尿喉和yim水針，我就是這樣做，當晚已經放了很多屁屁(往後幾餐何時可以吃甚麼會視乎你恢復腸蠕動的情況而定，所以一定不要怕痛和懶)。

我當晚半夜就可以拔尿喉。yim水針則要看各人的情況，我也是當晚半夜就拔了。之後一定要飲多些流質，希望快快自己排尿(因未能下床，可用尿dau). 記著，手術後的第一個屁屁、第一次peepee，第一次poopoo，都是重要的里程碑。半食麻醉沒有影响我的胃口，頭頭兩餐吃白粥水(醫院供應)，之後可以吃正常餐。手術當晚叫家人不用特別帶食物來，因為只能吃白粥水。如果家人想弄食物給你吃，之後你可以問清楚姑娘(因各人康復情況不同)，才打電話通知家人可吃甚麼(即流質還是固體)。

我是星期四提早check-in,星期五一早開刀，星期一出院。屯E是這樣安排，除非住院期間有發燒。

講開發燒，又提多一樣野：如果住院時谷奶，可能會引發乳腺炎而發燒(我鄰床就因此住多了幾天而且要跟BB隔離---因為初發燒時未即時知是甚麼原因，要抽血及進行各樣檢驗才知)到時如有谷奶谷到痛的情況，可請教姑娘，免得引起發燒而要多住幾天(期間要拮豆針的)。

私人傳訊

ivyko

伯爵府

積分: 19788

16^#

發表於 07-5-9 00:41 |只看該作者

Re: 開刀嘅媽咪, 我好驚, 請分享經驗!!

hi whitebunny

你個女好靚,好可愛,我都想有個咁靚的女女.

私人傳訊

phoebe37

積分: 4198

17^#

發表於 07-5-9 11:20 |只看該作者

Re: 開刀嘅媽咪, 我好驚, 請分享經驗!!

Corgidog, 你幾時開刀呀? 記得我嗎? 我又係廣華開刀, 我14號入院15號開刀呀, 如果咁岩同一日我地大家互相支持下囉, 我都係驚到c 呀, 驚到唔敢再問人開刀點架, 不過見到呢個topic又忍唔住入黎睇

重有喎, 我住唐樓, 出院果日我都唔知點行到7層樓梯番屋企, 你話C 唔C :-(

私人傳訊