論盡家傭 今日: 0 | 主題: 134090

積分: 930

1^#

發表於 07-5-23 01:11 |只看該作者

為咗工人,同亞媽攪得好唔開心.唔知點做.好想有人開解下自己!

其實我地兩公婆以前無請工人,今次係第一次.工人來左半年.
而我同老公一向對所有野要求都好高,包括家務、煮飯、照顧狗狗都係要求好高.
呢半年來個工人雖然做唔到100分,但我都俾佢80分.因為我地的100分的確係好難做得到.另外,個工人真係都幫輕我好多.所以我都諗住繼續請佢.但係我唔知點解我亞媽好喜歡講佢的是非.成日呢樣唔滿意O個樣唔滿意.

我宜家仲大咗肚,有咗成5個月,原本覺得好好彩,工人已經上晒手,可以幫到我.但係我亞媽就依然係咁,我成日諗佢點解唔可以包容個工人多D,況且佢的表現都唔係差.點解要咁挑剔.
成日想捉佢有冇偷懶.有冇打斧頭.我已經要工作養佢地,俾屋佢地住,佢地生活已經無優.宜家有個幫得手的人可以幫輕我的工作,點解佢唔係替我開心而係要令我成日唔開心.
宜家我有左BB,我真係唔想攪到自己唔開心,我其實想同亞媽講,但係我怕佢會唔開心或者會更加唔喜歡個工人.

私人傳訊

060228

男爵府

積分: 5817

2^#

發表於 07-5-23 01:19 |只看該作者

Re: 為咗工人,同亞媽攪得好唔開心.唔知點做.好想有人開解下自己!

因為有D老人家係唔識諗,搵D人針對下...........甘可以轉移目標,但如轉移左落老公到,都好煩~

有D老人家就好得閒,甘俾叫去下旅行,做下野甘~

執著帶來痛苦、學習放下煩惱

私人傳訊

積分: 930

3^#

發表於 07-5-23 01:25 |只看該作者

Re: 為咗工人,同亞媽攪得好唔開心.唔知點做.好想有人開解下自己!

我亞媽已經有養狗,有去跳舞.唔通佢真係唔夠忙.
我真係怕自己有亞媽抑鬱症.成日同佢講完電話都唔開心.

私人傳訊

FA8866

公爵府

積分: 28578

好媽媽勳章醒目開學勳章

4^#

發表於 07-5-23 01:29 |只看該作者

Re: 為咗工人,同亞媽攪得好唔開心.唔知點做.好想有人開解下自己!

好多老人家都係咁架.

佢地都會認為請左個工人黎,就要做到佢地盡.您有左bb,唔好為呢d野唔開心啦.
我99都好挑剔架,我地一齊住,好多時我都要做雙面人,見個工人好委屈,我就會同佢傾下,讚下佢.見99唔高興,又要解釋佢聽呢個工人已經好好啦..不過依家我99好左好多lu,因工人放假回國,佢真係見到原來工人平時都好多野做,您慢慢黎啦.
您有時見到個工人做得好,您就詐詐帝同您媽講,有d工人連做呢d都唔掂架,您睇我地個工人都算係咁啦,慢慢等您媽入心,就會好d架啦, :mrgreen:
努力,加油.

私人傳訊

積分: 10622

醒目開學勳章

5^#

發表於 07-5-23 01:32 |只看該作者

Re: 為咗工人,同亞媽攪得好唔開心.唔知點做.好想有人開解下自己!

呢樣我幫到你睇另一邊心態，睇下有無用

我呀媽都係呢類人，仲係會向賓姐大大聲拍檯炳果種，而個賓姐就EQ極高，好似撞聾咁

因為我老豆好滿意呢個老工人，所以就形成家嘈屋閉哪！

後來工人做完十幾年退休，呀媽無意中自爆話驚D仔女唔要佢，無能力幫仔女手，怕會無"定"企，所以日日針住個工人雞蛋挑骨頭，不過我老豆一早同工人傾過呢個問題，而老工人又體諒呀媽發哂癲都係想有家人注意同尊重佢o既地位，所以一直無嬲過我呀媽。

而家呢個工人間中都有信寄番來(55歲囉！)

你媽未必係咁諗，不過我舉多個例子你參考，不如好好同佢傾下工人問題，睇下佢所講o既問題有無根據，有時可能係你地返工睇唔到工人另一面，真係好多工人有兩個樣，唔一定係針對工人的，你可以放假同佢外出食住Tea，用輕鬆D語氣當向佢收風，等佢覺得你有覺悟工人有咩問題，聽哂佢講，之後到你將睇法講佢聽，咁樣佢亦唔覺得你係偏幫工人。

私人傳訊

060228

男爵府

積分: 5817

6^#

發表於 07-5-23 01:34 |只看該作者

Re: 為咗工人,同亞媽攪得好唔開心.唔知點做.好想有人開解下自己!

產前易有抑鬱,產後更大件事....relax relax

為自已同BB, OK!

DF 寫道:
我亞媽已經有養狗,有去跳舞.唔通佢真係唔夠忙.
我真係怕自己有亞媽抑鬱症.成日同佢講完電話都唔開心.

執著帶來痛苦、學習放下煩惱

私人傳訊

積分: 930

7^#

發表於 07-5-23 01:42 |只看該作者

Re: 為咗工人,同亞媽攪得好唔開心.唔知點做.好想有人開解下自己!

我亞媽唔係同我住,佢住係隔離個座.我雖然要工作,但係我地兩公婆係長時間係屋企.我亞媽係晚上來食飯先見到個工人.我見個工人仲多時間過我亞媽.我其實成日都同佢講.

宜家我真係唔想同我亞媽講野,因唔想攪到自己唔開心.

私人傳訊

cameo

積分: 10555

8^#

發表於 07-5-23 01:51 |只看該作者

Re: 為咗工人,同亞媽攪得好唔開心.唔知點做.好想有人開解下自己!

DF,
唔好因為咁而唔開心!
我父母自己有印用左好多年,以前我見我爸對工人態度都明顯係我爸爸唔啱,但當自己諗深d,佢地係呢個年代父母總覺得自己照顧仔女照顧頭家先係最好最細心,而家工人工勞越大,佢可能越覺得自己"無用".......越係要做d小動作俾人睇,佢做得到o既工人未必做到!!!
雖然你都就快做媽咪,但你喺你父母心目中都需要佢地照顧o既仔女~父母永遠重視自己喺仔女心目中位置,只係年紀越大時,心態行為又好似變左細路仔咁啫,,,,haha
:-P

私人傳訊

積分: 10622

醒目開學勳章

9^#

發表於 07-5-23 01:52 |只看該作者

Re: 為咗工人,同亞媽攪得好唔開心.唔知點做.好想有人開解下自己!

咁你就要放鬆自己，學識咩都睇唔到、聽唔到，養胎緊要。

私人傳訊

積分: 930

10^#

發表於 07-5-23 02:04 |只看該作者

Re: 為咗工人,同亞媽攪得好唔開心.唔知點做.好想有人開解下自己!

多謝你地.

我之前都有同老公傾過,所以我都唔想再煩佢.所以上來搵人傾下.

私人傳訊

vitasoy

積分: 930

好媽媽勳章

11^#

發表於 07-5-23 08:26 |只看該作者

Re: 為咗工人,同亞媽攪得好唔開心.唔知點做.好想有人開解下自己!

DF
好明白你的心情，因為我阿媽都係呢種人，成日響我面前講工人的不是，咁我都會自己睇下係咪真，係就提醒個工人，唔係就應句就算。老人家好多都係咁，佢覺得佢照顧到你，你請左工人，佢的地位受威脅，將來又會同佢爭湊孫，湊bb的方法人人唔同，磨擦只會更多，你可以做的就係提高eq(我知叫孕媽媽咁做真係好難)，聽左就算，我阿媽最like我講:好，我一陣返去話佢(其實轉頭我乜都唔記得)，另外你又可以tum住個工人，話明白佢的處景，不過對老人家點都要尊重之類，總之好女兩頭瞞啦!

私人傳訊

fion2504

大宅

積分: 4007

12^#

發表於 07-5-23 09:29 |只看該作者

Re: 為咗工人,同亞媽攪得好唔開心.唔知點做.好想有人開解下自己!

我有個朋友佢都係咁. 之前佢大肚無請工人就叫99搬來同佢地住湊孫女, 咁大家都無乜問題. 但幾個月前佢地請左個工人番來幫手, 佢99就日日同佢地講工人的不是.每日對眼都只係望住個工人做o野.個工人唔識廣東話,佢自己買本書學,99又話佢偷懶唔做o野. 工人怕左99,日日不停手係咁沬,又話佢做o野手腳慢,特登做俾主人睇. 仲知日日就丙佢啦. 工人俾佢丙到喊左幾次.但其實我朋友佢好滿意工人的表現,又好愛佢個女. 佢現在又係剛有第二胎,所以更加唔想轉工人. 但佢知道點解佢奶奶咁做,因為佢覺得工人就來可以取伐佢的位置,所以佢才成日都叫佢炒左佢.老人家個個都係咁, 成日已經照顧仔女的起居飲食就最重要, 都唔識享受下俾人服侍下. 所以我朋友就同佢99講清楚佢的重要性及工人的作用等........不過最後佢地就係決定唔再同99住了.

小叭係06年12月5日出世時重3.23kgs,1個月4.55kgs,2個月6.40kgs,3個月7.72kgs,4個月8.20kgs,5個月8.80kgs, 6個月10.00kgs, 7個月9.55kgs, 8個月10.00kgs, 9個月10.16kgs, 10個月10.45kgs, 11個月10.91kgs
(4個月第一次反身, 5個月坐, 8個半月爬, 9個半月出牙(上面兩只),10個月出牙(上面兩只)12個月7只牙, 11.81 kgs

細叭係09年1月26日出世, 體重6磅半.
4個半月轉身, 5個月識坐, 7個半月出第一只牙(下面)

私人傳訊

moonychan

珍珠宮

積分: 42559

叻叻勳章 wyeth冷知識勳章 2011至尊種植勳章畀面勳章環保接龍勳章大廚勳章親子達人勳章

13^#

發表於 07-5-23 09:51 |只看該作者

Re: 為咗工人,同亞媽攪得好唔開心.唔知點做.好想有人開解下自己!

樓主, 你嚇下你亞媽, 你話如果佢再咁挑剔, 工人唔做既話, 你叫佢自己一腳踢做晒所有家務兼個孫冇人湊就要比99湊, 可能佢怕你會帶走佢個孫而收下口??

私人傳訊

miutang

大宅

積分: 1964

14^#

發表於 07-5-23 10:06 |只看該作者

Re: 為咗工人,同亞媽攪得好唔開心.唔知點做.好想有人開解下自己!

女性特別易妒忌同怕無"訂"企, 而女老人家 (特別係剛退休, 仲有工作能力果隻),就更加驚仔女及孫仔唔再要自己照顧, 可能係婦女更年期的正常反應吧. 買盒 x心比佢飲下啦...

我自己老左, 我宜得日日行街, 做自己鐘意既野, 仲同你做家務, 管你工人, 你都short short 地.

總之, 你對亞媽的說話, 哦完就算, 唔使做任何動作, 除非佢既投訴係真的值得你關注.

私人傳訊

積分: 10622

醒目開學勳章

15^#

發表於 07-5-23 11:59 |只看該作者

Re: 為咗工人,同亞媽攪得好唔開心.唔知點做.好想有人開解下自己!

我老公話我老o左一定係咁o既人

其實我係果種鍾意湊細路o既人，我諗過老來湊孫都係一種人生樂趣，唔排除都會變呢類型，等我思想改做自己先！

私人傳訊

積分: 10622

醒目開學勳章

16^#

發表於 07-5-23 12:01 |只看該作者

Re: 為咗工人,同亞媽攪得好唔開心.唔知點做.好想有人開解下自己!

del

私人傳訊

lizaliu

大宅

積分: 2538

17^#

發表於 07-5-23 15:06 |只看該作者

Re: 為

DF,
老人家總是這樣，覺得比$3400

私人傳訊

awlbaby

洋房

積分: 90

18^#

發表於 07-5-23 15:50 |只看該作者

Re: 為

DF,

我99以前都似你亞媽咁，對個工人好多挑剔，雖然我同老公及 d friends 一致認為個工人做得好好，可能係佢地雞同罵講啦，我99唔多識英文，而我個賓賓又唔識聽中文。

有時99講我工人的事非時，我都有些不快，覺得佢好煩，好重階級觀念，當工人係下人，比幾千蚊就要駛到佢盡，好out

我冇計，唯有私下同個工人講定話亞麻麻好傳統同嚴格，你一定要跟足佢的要求同做野的先後次序，一定要 say yes，唔可以同佢討論，有問題就等我返來同我講。

另一方面，我同老公就成日暗中 sell 下99個工人好，我又將在 BK 睇到的衰工人個案講下比佢聽，久而久之，我99而家冇咁煩喇，對個工人包容左，仲同我地講話個工人好錫 bb。

所以你睇開 d 啦，有機會咪 sell 下佢個工人都唔錯，如果佢仲係要挑剔的就由得佢，唔駛咁上心，無謂為左個外人傷左親人的和氣。

私人傳訊