論盡家傭

收藏本版
發帖
返回列表
跳至頁

首頁
123

尾頁
   0
等待BB的小貓


大宅

積分: 1628


1#
發表於 07-5-27 17:03 |只看該作者

如有好工人, 你地會懷疑佢嗎﹖


我個工人黎左11個月, 都算ok喇, 家務cooking就麻麻, 最緊要對bb好已經夠cover佢既缺點喇.

近期我開始懷疑工人係bb粥仔加糖, 因為發覺d粥味甜得好怪, 但工人話係魚味所以甜, 但我知問佢一定唔認, 琴日老公試佢, 將糖樽隻匙反轉再加一截仔頭髮, 但佢整完bb粥仔d朱肉後個糖匙就移左位, 但好清楚佢冇整過其他餸, 但我係d朱肉度就搵唔到頭髮, 但琴日再試過d粥仔就冇左果陣甜味, 而今次係第一次煲石斑粥, 上次我試過話甜果隻係大眼雞粥, 老公同我講唔好出聲住, 等第日再食返大眼雞時再試有冇甜味, 再謀對策.

請左工人後我成日疑神疑鬼, 諗佢究竟真好定假好, 對bb究然真定扮野, 佢表面上好似好崇服我, 但有時佢漏口風就知佢口不對心, 對我始終有介締. 有時諗得多自己都覺得好辛苦, 佢家務做得唔好, 有d野佢講極都唔上心就會好嬲佢, 話佢有時就會喊, 但我都未喊佢喊, 大佬呀我唔係無喇喇鬧佢啫, 我一個禮拜都唔鬧佢一次呀, 所以我而家由得佢喊, 仲要問佢你做咩喊呀?

講開就講丫, 我個工人成日唔肯放假, 咁我怕佢悶咪個個禮拜帶埋佢食早餐囉, 近排我好慶呀, 叫早餐時又係佢話叫果d, 竟然碟牛肉面一啖面都唔食凈食晒d牛肉(我心諗好心像雷霹, 你估我大富人家呀, 做咩個個禮拜side $20比你食早餐, 我只係想佢唔好咁悶一切出去行下街食下野), 我咪即刻話佢你做咩咁side野, 你咁樣side晒我d錢, 佢之後求其食兩啖就算, 根住呢幾個禮拜佢開始小氣, 平時佢到周五,六會問我地佢洗唔洗留飯第日食, 如果唔洗留即係第日我地帶佢去街食野, 佢呢幾個禮拜問都唔問我地自己留左飯, 佢專登玩鬥氣話我好話佢, 佢唔諗我叫佢去街我完全唔洗佢湊bb架, 我點解要叫佢一齊出去咁篤眼篤鼻啫. 而家咁仲好, 可以過我地真正既family day. 佢要小氣小氣飽佢囉, 生在福中不知福.

其實, 我好想知道如果你地認為你個工人係好工人, 你地係咪真係可以好似屋企人咪對佢地架? 真係一d懷疑/不安都冇架﹖
私人傳訊

heygirl


大宅

積分: 3957


2#
發表於 07-5-27 17:27 |只看該作者

Re: 如有好工人, 你地會懷疑佢嗎﹖

等待BB的小貓 寫道:

其實, 我好想知道如果你地認為你個工人係好工人, 你地係咪真係可以好似屋企人咪對佢地架? 真係一d懷疑/不安都冇架﹖


基本上我地當佢真係一家人咁，而好好彩暫時佢冇野令到我不安.....當時我都同自己講要睇耐d先知佢係咪真係好....


私人傳訊

winnie_sh


子爵府

積分: 10622

醒目開學勳章


3#
發表於 07-5-27 17:38 |只看該作者

Re: 如有好工人, 你地會懷疑佢嗎﹖

唔...我諗我有少少分享 :mrgreen:

呢度係人都知我請到好"車車"，其實人一定有缺點，只係做僱主o既選擇性睇唔到，咁大家都會開心D，但無論佢做得幾好，只要唔合僱主要求，就可以同工人直接講出要求，例如煮"送"，初期"車車"唔係好掂，咁我就煮多次佢睇，仲掉o左屋企D糖，因為我係唔食甜的，佢學cook book整樣樣"送"都好多調味料，咁我直頭果餐唔食，直接同佢講我唔食邊D調味料的，教佢用我套方法煮，初期係要好有心機同耐性的，要改變佢整"送"習慣唔難，最難係佢覺得咩叫好食，因為佢地煮"送"係會濃味過我地，亦唔適合小朋友食，所以我係cook book打X，邊種調味唔使落，就係咁，"車車"而家煮得好淡口，但合我要求，所以我餐餐都健康。

至於食早餐，根本係你太好人，無論"車車"點好，都要佢係屋企食，咁做係唔想等工人嘆慣，而家你就係出事，工人已經覺得你樣樣計較，仲特登俾臉色你睇添！

我就習慣一家三口放假去街唔帶"車車"，因為等佢做家務同煮定晚飯，除非有節目去遠D，例如去踏單車、BBQ、長洲等就會帶埋佢，一來可以照顧呀女，二來當帶佢遊下香港，而家"車車"好知本份，知道大單o野我先會帶佢去，佢會開心D幫我手，平時佢會買定麵包做早餐(因佢會等我女11點起身先煮粉食)

相處落，我都當佢係屋企人，我C6仲未得，咁亦係好事，因為一定要有防範，總好過盲目相信工人表面功夫，放鬆D，不如你捉工人傾下計，照下佢肺，睇下會否有改善。
私人傳訊

twins214wy


男爵府

積分: 5678

好媽媽勳章 醒目開學勳章 環保接龍勳章


4#
發表於 07-5-27 17:49 |只看該作者

Re: 如有好工人, 你地會懷疑佢嗎﹖

等待BB的小貓，
我工人黎左年半，比上不足，比下有餘。我自己要求吾高，總之搞掂亞女、煮好餐飯、屋企吾太污漕，我就 ok。小問題做錯野，我會笑住話佢，認真大問題，我會好 serious 話佢。其實，我都真系當佢系屋企人噤看待，有時 d 餸略甜，我都有問佢系米落左糖，佢話無 gar，我就信佢，平時都好少話懷疑佢既。但最近佢好多野都 lai 我亞媽，我好鬼興，鬧左佢一 wok 金既，又乖晒 wor。

http://www.hkicons.com/_2128.gif
私人傳訊

hinhinmummy


侯爵府

積分: 21395


5#
發表於 07-5-27 19:53 |只看該作者

Re: 如有好工人, 你地會懷疑佢嗎﹖

做僱主既, 如果覺得自己帶工人出街食早餐/晚飯/貴價野就係對佢好好, 對佢大恩大德既話, 我就覺得個僱主太天真啦

你試下, lunch time, 你老闆請你請飯, 就算請你食好野, 但對住'老闆', 你會寧願同同事出街食車仔麵, 定係同老闆食'好野'呢...........我會選擇自己帶飯, 食飯之後去搵周公子/打下機好過..............

正如工人, 佢都想, 老細出晒街, 自己鬆一鬆..........對佢地黎講, 鬆下好過食香港人認為既好野.............佢地寧願食印尼麵好過...............
私人傳訊

fionacat


子爵府

積分: 13434


6#
發表於 07-5-27 20:59 |只看該作者

Re: 如有好工人, 你地會懷疑佢嗎﹖

等待BB的小貓,
我嘅心情同你差唔多，都係隨住請個工人愈耐，對佢嘅懷疑就愈大。
我個工人嚟咗大概8個月，家務算係好OK，煮嘢食嘛嘛，湊BB OK(實質主力湊嘅係我奶奶)，手腳乾淨，至今尚未唔見過嘢，但當然都有衰嘢，例如會掩飾錯誤，有時前言不對後語咁。我就最鬼憎人講大話，因為係第一次請工人，初初唔係好識拿捏幾時應「小抦」，幾時要「大抦」，有一次佢企圖掩飾自己嘅錯誤，話自己唔記得，我即頭同佢講：「唔好再話自己唔記得，我唔接受，唔記得就寫低佢，以後有乜錯自己同先生太太主動報告，咪等我哋自己發現，否則一律係你嘅問題。」講完之後，輕鬆好多。
我諗對住佢哋都要「一擔砂糖一擔X」。而且我發覺佢哋有乜是非、羞恥之心，好多嘢要直接講。
我暫時仲當唔到佢係屋企人(而且有冇咁嘅需要呢？)，有時同佢傾計，佢講佢屋企點點點，我都抱觀望態度。總之佢表現好就獎勵吓，表現差我都唔會忍佢，因為我哋先係僱主，佢唔係。
能唔能夠對個「夥計」係屋企人，我諗要雙向，若佢事事以自己利益為大前提，點都同「屋企人」可以互相包容、犧牲沾唔上邊。我不排除如果我搵到一個真心對我屋企好嘅，我可以當佢係嘅，不過而家嗰個就冇可能囉！而且我對D賓賓印印都冇乜信心，你估佢哋係以前的「馬姐」咩？唉！
私人傳訊

yywhk


子爵府

積分: 11364

醒目開學勳章


7#
發表於 07-5-27 21:20 |只看該作者

Re: 如有好工人, 你地會懷疑佢嗎﹖

係呀,我返工時,都最怕係business lunch,就算叫晒飽蔘翅肚,都係食不知味(唔係同.......一定要好細啖食,如果唔係最怕呢頭放入口,嗰頭人地啱啱睇唔到同你傾計......真係多數都食唔飽.......我都係鍾意匿响office食飯盒好過......:lol:


hinhinmummy 寫道:

....lunch time, 你老闆請你請飯, 就算請你食好野, 但對住'老闆', 你會寧願同同事出街食車仔麵, 定係同老闆食'好野'呢...........我會選擇自己帶飯, 食飯之後去搵周公子/打下機好過..............
[img align=left]http://www.msndoll.com/uploads/imdoll-8134.gif[/img]
私人傳訊

060228


男爵府

積分: 5817


8#
發表於 07-5-27 22:06 |只看該作者

Re: 如有好工人, 你地會懷疑佢嗎﹖

甘.......有D工人真係好古怪,有攻心計....做僱主既無防人之心,有天晴天霹靂既話,自己都會怪自己太天真。 小心點係應該既~

但樣樣都擔心,上心都負苛不來,自己要學下平衡下啦~

自己覺得(同男人一様,)佢俾唔俾到信心自己都好緊要,所以終始係主要工人既問題多D~

個個話印會落降,我都驚架,
我同工人講你甘做,亞SIR殺你呀! 佢又笑笑口甘~~
無野,訓覺~~

至於佢大聲同我女講野都冇,女既每一小動作,佢都好冧
叫佢唔好打罵細路都唔駛

...........佢俾唔俾到信心你係緊要既
執著帶來痛苦、學習放下煩惱  
私人傳訊

happyty


水晶宮

積分: 61858


9#
發表於 07-5-27 22:34 |只看該作者

Re: 如有好工人, 你地會懷疑佢嗎﹖

heygirl 寫道:
[quote]
等待BB的小貓 寫道:

其實, 我好想知道如果你地認為你個工人係好工人, 你地係咪真係可以好似屋企人咪對佢地架? 真係一d懷疑/不安都冇架﹖


基本上我地當佢真係一家人咁，而好好彩暫時佢冇野令到我不安.....當時我都同自己講要睇耐d先知佢係咪真係好....[/quote]

我好同意heygirl做法,我個賓賓表面都好到不得了,但我都會俾時間睇清楚d!
私人傳訊

060228


男爵府

積分: 5817


10#
發表於 07-5-27 22:43 |只看該作者

Re: 如有好工人, 你地會懷疑佢嗎﹖

我係好似......好僱主對好員工甘.....
適量既體諒,鼓勵,支持....有既,但佢又要付出既
但唔係好似屋企人, 屋企人?! 分身家都得就屋企人啦~

真係一d懷疑/不安都冇架﹖--> 家務,買餸,煮食,冇懷疑,冇不安

揍BB, 有不安, 但只怕有時做不來
BB細架嘛,自己揍都有不安~

等待BB的小貓 寫道:

其實, 我好想知道如果你地認為你個工人係好工人, 你地係咪真係可以好似屋企人咪對佢地架? 真係一d懷疑/不安都冇架﹖
執著帶來痛苦、學習放下煩惱  
私人傳訊

FA8866


公爵府

積分: 28578

好媽媽勳章 醒目開學勳章


11#
發表於 07-5-27 23:03 |只看該作者

Re: 如有好工人, 你地會懷疑佢嗎﹖

我當個工人係一家人架, 但...有底線既...我唔會鍾意個工人唔放假,有時佢同我講呢個月好多假,佢唔想放晒,我唔會制,除非係好耐唔耐一次[成張約先1-2次]
我亦唔like佢同其他工人,3唔識7個d傾咁多計,我會好直接同佢講,我唔like big mouth.
另如我地出街,我好少同佢一齊,除非個日真係想出去食,唔想佢煮.但我一定唔會同佢講:今日一齊出去食啦.
我只會問佢,我地今日一齊出去食,您想唔想去??定您想自己食,早d休息??
可能佢覺得有選擇,會開心d.所以就算一齊出街,佢都好開心,唔會black face囉.[不過佢有時都會選自己留係屋企架]
我對佢既態度係我會問佢,而唔會命令佢.
另家務方面,初黎時我要佢跟我要求做,但講明,如佢有意見,我歡迎佢同我講,所以佢會同我講,覺得點做會好d,我會用心聽,如佢既做法真係比我好,我會say thank you添. 但如我唔同意,我會say no,同埋話佢聽個理由.咁佢就會做得好甘心.
同佢地要打心理戰架.
私人傳訊

ellawyc


公爵府

積分: 26643

好媽媽勳章


12#
發表於 07-5-27 23:19 |只看該作者

Re: 如有好工人, 你地會懷疑佢嗎﹖

如果令我起疑的話, 一定係有d蛛絲馬跡比我搵到
我係好遲鈍嘅, 比我見得到/sense到
已經9成係事實

講到信唔信工人.....我嘅睇法係 :
請得個工人, 最初比佢起碼嘅信任
當屋企人一樣就梗係有難度啦
但吓吓當佢外人, 佢又好難"融入家中"
我會視乎工人人品囉
人品好, 好多野做出黎即使唔合我心水
都唔會係好壞嘅事
感情需要時間建立嘅
耐咗, 我一定會當佢係屋企一份子
因為係事實, 只不過中間多咗樣野叫做"僱傭關係"0者
講到尾, 佢都係打份工
佢能夠做到一個僱員嘅本份就夠啦
多咗, 係我好彩
私人傳訊

DavidMa


別墅

積分: 786


13#
發表於 07-5-27 23:27 |只看該作者

Re: 如有好工人, 你地會懷疑佢嗎﹖

I agree with FA8866 when we go out and I think the maid can come along I will ask her if she wahts to come.
On the other hand if I won't bring her along I just tell her we'll go out you stay home and cook food for youself.
Until now she's very happy to go out with us especially on festival and eat with our family , she even went ot my nephew's wedding banquet.
But sometimes she also wanted to stay home like last winter we went to the peak and asked her she said she'll rather stay home for it's so cold.
私人傳訊

060228


男爵府

積分: 5817


14#
發表於 07-5-27 23:34 |只看該作者

Re: 如有好工人, 你地會懷疑佢嗎﹖

如果好似Froggy_joe那件甘, 仲話想幫你揍2件,樣樣for your own good,我都會當佢屋企人.

但事實上大家係有利害關係,工人都係普通人,又唔係比你成熟,識諗。佢亦會為自己利益爭取。 自己OK,但一講到點揍細路, 自己亦會好尖。 既然自己既護膚品都唔可以俾佢不問自取, 如又當佢屋企人,亦會令佢無所適從, 最重要最重要係, 我覺得自己冇呢個福氣,免他日傷心流淚~~

好幾個好朋友都係我屋企人,所以當工人係屋企人係好大福氣
我好保守, 好員工啦~
執著帶來痛苦、學習放下煩惱  
私人傳訊

mymelody2003


男爵府

積分: 8641


15#
發表於 07-5-28 10:29 |只看該作者

Re: 如有好工人, 你地會懷疑佢嗎﹖

我一定唔會當工人好似屋企人, 始終佢是受薪的, 我都唔認為對佢地好, 請佢地食飯帶佢地出街會好開心, 自己可以照顧到小朋友的情況下我唔會帶工人, 我唔想在街上鬧人, 因為佢地出到街好似遊雲咁, 為免貼錢買難受, 和工人保持拒離好d.
私人傳訊

vinoo


別墅

積分: 708


16#
發表於 07-5-28 12:19 |只看該作者

Re: 如有好工人, 你地會懷疑佢嗎﹖

等待BB的小貓:
將工人當成家人是我最大的目標,如果可能的話,證明個工人一定是Very good.
我早前都有懷疑工人,做的時間長她的朋友自然多,有時她的行為難免會自己懷疑.
好多時工人和女僱主都有斗氣的場面,或者大家都係女人,有時因的小事都會計較.有或者自己對工人好,工人唔識欣賞,不領情 ........
我工人做左10個月,她算是一個好工人,湊BB的理想人選.但是有時都會有激氣事發生.本人的性格直,喜怒哀樂呈於色.
有時工人做錯或沒反應就會被激親,我不高興,她就不敢同我講話,我也不理她.(但我不會鬧她,從未試過.)
不是一味買東西借錢俾工人,她們就會當你一家人.有時溝通的語氣及回應還重要過送野俾她.自己也在學習同工人相處之道.
我好期待工人成為家人的那一天.
:wave: :pint:
私人傳訊

miutang


大宅

積分: 1964


17#
發表於 07-5-28 12:36 |只看該作者

Re: 如有好工人, 你地會懷疑佢嗎﹖

昨日我工人話亞媽死左, 要返國一星期, 我即刻對他起介心, 唔知真定假, 唉, 做外傭僱主真係有苦自己先知. :-(
私人傳訊

Froggy_joe


珍珠宮

積分: 48226


18#
發表於 07-5-28 14:34 |只看該作者

Re: 如有好工人, 你地會懷疑佢嗎﹖

好彩我工人份人比較成熟，做事好有分寸，我無乜擔心過，好似落唔落糖/salt呢個問題，我解釋完俾佢聽點解要咁做之後，佢會跟得好足，但試過魚粥之中搵到一條好幼好幼既骨……我知道好難避免，但我會即時同佢講，叫佢下次小心ｄ……因為屋企人都會唔小心，但你唔會因為呢樣野要鬧屋企人，係會提醒。

有乜唔妥，我地會即刻話工人，好似水費貴左、煤氣費貴左，我會叫我c6出馬，叫工人幫手慳d，跟手我會再同工人私下講，話阿sir好愁，因為電氣費同媒氣費貴左……因為屋企人都有責任慳，屋企水費媒氣費貴，屋企人有責任要慳。

我又會同佢計下我地買
私人傳訊

YEAH-YEAH


大宅

積分: 1774


19#
發表於 07-5-28 22:31 |只看該作者

Re: 如有好工人, 你地會懷疑佢嗎﹖

工人始終係工人，佢做好佢本份，我做好我本份。

暫時連朋友都談不上，幾時先可以做到屋企人。我唔敢奢望有唔嘅一日。
私人傳訊

等待BB的小貓


大宅

積分: 1628


20#
發表於 07-5-29 00:35 |只看該作者

Re: 如有好工人, 你地會懷疑佢嗎﹖


我開心估唔到收到你地有咁多諗法, 其實我既性格唔中意一個人係好容易睇得出, 我唔中意佢我同佢講野我唔會正視佢, 但如果做到咁我就係好難接受到有一個我唔中意既人留低我屋企, 仲要係湊我個心肝定, 所以我採取既能度我會嘗試儘量可以睇成佢為家庭一份子, 但我就唔可以當佢係一家人, 我唔會當佢係下人, 我會當佢係保母.

佢黎左之後, 情緒會因為佢而變好或變差, 家務佢做得一般ok我可以接受, 煮餸差我都可以接受, 因為我都唔識煮好難教到佢煮得好食, 其實我最care佢照顧bb既一舉一動, 以下係我觀察所後, 我真係唔知佢對bb係咪真係好, 有時諗又好似幾好, 又時又覺得唔對路, 但朋友分析話成日溜溜長好難時時刻刻都咁好耐性對bb架, 但如果當我覺得佢對bb唔好, 我個心就好唔舒服, 成日係公司見到個cam有時都好心up.

觀察所得既優點：
1. 佢有心機成日抱bb係痰罐大少二便, 有時成日條尿片都可以是乾的
2. 佢湊bb都幾有安全意識, 佢好留意bb邊度有唔妥
3. 好樂意及有定時咁幫bb一日梳三次, 有時bb瞓左覺佢都建意我要幫bb刷牙洗面先比佢瞓

觀察所得既缺點：
1. bb唔喊唔會主動同bb玩, 一係就冇野做就捉住bb等自己好似有野做緊咁, 但只係on居居抱住bb發呆, 好多時要叫佢果幾日先有改善.
2. 我睇佢既舉動唔似佢所講話當bb係佢囡咁湊, 我真係好mind佢講呢句, 我知冇可能亦都唔會信佢真係可以做到, 好似琴晚咁, 我同bb係梳化玩, 佢可以同我講早抖, 但一眼都冇望過bb就走左去瞓, 又例如我地同枱食飯, 佢只顧食飯又唔望下bb, 到我同老公同阿囡有d好笑野時佢先好似應酬咁話bb而家好得意.
3. 唔會主動諗玩意同bb玩氹bb開心, 但又成日同我地講佢好受小朋友歡迎

其實計落佢都好多優點, 但我始終都有一條剌咁, 就係成日諗佢對bb既真情假意, 或者自己係一個完美主義者, 同埋住埋一間屋我真係好唔中意有一個要猜度同防範既人出現, 所以個心想對佢係家庭一份子, 但有時發覺佢比唔到有呢個heart, 但佢就成日口口聲聲話自己好為我呢頭家, 我自己係一個好守(成)諾既人, 我好唔中意對住一個好虛偽既人, 你地或者諗我太天真, 但我覺得係屋企應該係最舒服最安心既地方, 我好唔中意返到屋企要諗佢點點點, 或者我太執著喇, 又或者我第一次請工人未慣呢d日子, 第日會化都唔定, 但始終都覺得好為難.
私人傳訊


首頁
123

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見