自由講場今日: 2442|主題: 1361211

收藏本版

發帖

返回列表

跳至頁

查看: 287 | 回覆: 1

因為殉職消防員既case,令我想起一個好朋友........ [複製鏈接]

yst424

大宅

積分: 1420

1^#

發表於 07-6-6 08:39 |只看該作者

因為殉職消防員既case,令我想起一個好朋友........

最近睇新聞,知道發生左好多意外,好似前幾個星期一場火警中,一個英勇多情既消防員殉職,令我諗起我一個已故既好朋友..........其實每當睇到呢d新聞,我都會唔開心,因為係幾年前,因為政府下令維園一條天橋改道,引致一宗交通意外發生,當日我仲記得係第一日開始改道添,因為呢宗意外,我無左一個由細玩到大既好朋友,我同佢由一年班開始一齊讀書,直至長大後,各自有家庭都好,我地都會成日約出黎見面同吹水,咁當然仲有其他同學仔啦,果次意外,佢既離去,令到我幾唔開心,猶如係失去一個親人,失去一個哥哥一樣,佢年紀唔係大我好多,前後加埋一個月都無,佢生前係一個怕怕醜醜既一個男孩,但係每逢見到我,都會同我鬧交,你一言我一語,成班人食飯飲野,係鬧交鬧到連其他朋友都要分隔開我地,話我地2個好鬼嘈,有時諗番起呢d情境,我就會覺我好開心,雖然佢離開左我地都有一段長時間,但係佢仍然係活係我心入面,因為佢係我最好既朋友,有時我去拜祭佢,都會買罐冰凍既"百威"啤酒同埋帶幾枝"純萬"比佢,一到佢面前,我就會同佢講:喂,兄弟,好鬼熱呀,快d飲啖啤酒同食番啖煙仔先啦!..........雖然我知道有好多野唔係我地可以控制得到,不過我係好希望佢係另一個世界,搵到自己既理想同生活,我仲好記得佢好想開一間賣水晶既舖頭,但係奈何當年佢要儲錢結婚,所以一直都無法實現呢個理想,同埋我知道佢為左生活好勞累,早出勁夜歸,所以我希望佢係另一個世界能夠搵番自己,做番自己,做自己一直想做既事,我永遠都會懷念佢

:-(