懷孕前後今日: 7|主題: 330608

收藏本版

發帖

返回列表

跳至頁

查看: 717 | 回覆: 3

想生BB既各位,條腰有乜新傷舊患,記得醫好左先呀!! [複製鏈接]

可兒

大宅

積分: 3009

1^#

發表於 07-6-6 04:31 |只看該作者

想生BB既各位,條腰有乜新傷舊患,記得醫好左先呀!!

想生BB既各位,條腰有乜新傷舊患既,記得醫好左先呀!因為我生完條腰,痛左成年....事源係我上年4月知道有左我個肚去到6個月左右,開始腰骨痛,有時真係痛到行步路都痛,我睇醫生醫生就話好多大肚既都會腰痛,話生左就會好,好啦,到我11月生左,生左3個月都仲係好痛,我又睇西醫,佢就話未有咁快復原,點知上2個星期我依然勁痛,仲咳,嘩~~~一咳..我條腰痛到呢~真係眼淚水都標,最後真係忍唔住去左睇中醫,個中醫一摸,就話我條腰唔係生完既痛,係舊患,佢問我有冇整親過,我返home想左成晚,先想起我成10年前整親過,不過一路都冇痛,所以唔知冇理佢,個中醫話,有時你以為冇事,其實唔係,到你一大肚,條腰受壓,就會發出黎,本來冇咁傷既,生完都一定會惡化.....所以如果想要BB前,如果條腰唔係咁得.真係記得整好佢先呀,如果唔係到你生左,條腰又痛,又要湊BB又要返工真係好慘架.....我依家去推腰骨果時,真係痛過生仔呀~~~~嗚嗚嗚 :-(

私人傳訊

可兒

大宅

積分: 3009

2^#

發表於 07-6-6 21:22 |只看該作者

Re: 想生BB既各位,條腰有乜新傷舊患,記得醫好左先呀!!

我聽日又要去整條腰喇 :-( 想起都覺得痛呀
:-( :-(

私人傳訊

JRBB

複式洋房

積分: 483

3^#

發表於 07-6-6 23:28 |只看該作者

Re: 想生BB既各位,條腰有乜新傷舊患,記得醫好左先呀!!

我都覺得條腰好重要，不過我有BB頭３個月唔係腰痛，係腰對下，近pat pat位D神經痛到行唔到，３個月以黎都要攞住拐杖行路，但係都真係好痛，醫生話可能係舊患（但係我真係未試過整親，不過可能整到自己都無為意），亦都可能個胎壓住咗D神經線，總次就好痛好痛啦！到依家６個月，間中都係痛，一痛就行唔到路，喺街行行吓都要企定定喺到，都唔知第日生完仲會唔會痛。