吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 請原諒我們說再見，因為我們的心已死... ...

論盡家傭今日: 1|主題: 134062

收藏本版

發帖

返回列表

跳至頁

查看: 6511 | 回覆: 102

請原諒我們說再見，因為我們的心已死... [複製鏈接]

12 3 4 5...6

winnie_sh

子爵府

積分: 10622

醒目開學勳章

1^#

發表於 07-6-19 01:03 |只看該作者

請原諒我們說再見，因為我們的心已死...

今日再次收到一些極不開心的消息，我們義務替僱主調解及搜集證據，面對法庭、勞工處、政府、高官、傳媒...用心去搏殺，全賴一班網友支持及信任。

但原來有些人都當我們這些義工係蠢材，自己犯法，賴三賴四之餘仲要鬧我們，其中一位義工更被人用粗口鬧，但要告訴大家的是，已經替這位犯法的粗人和解只需付一半，這個結果係我唔想見到的，因為我想法官告呢個犯法的人，等佢坐監，跟住所有僱主都會乖乖地跟正法例，等我地可以明正言順去爭取公義，讓正苦重視守法的人正被逼害。

之所以開呢個TOPIC，係想話比大家聽，我地唔再出來幫人上法庭，因為根本就無值得我地幫o既理由，正正係因果報應，犯法的唔好再諗住搵我地笨實，我地咁熟法例，亦有幾個Agent做隱形顧問，唔通咁容易搵我地笨咩？正因為過去有幾單調解都係利用我地o既善心，諗住有齊文件就唔犯法？好心唔好咁傻啦，工人醒過你多多聲，我聽到真係由心到喊出來，點解而家香港人咁自私？會利用我地o既知識同身份去KO工人？老實講，工人都係人，咁o既人工同工作量真係唔算高，我地見唔少人犯法如underpaid、扣假、做幾頭家...仲有好多大家都知，唔再講，但係我最憎o既係人講佢又做，衰o左唔肯認輸，仲要賴人，甚至鬧人，但點解要鬧我地呢班義工？我地由新界山長水遠出來，倒C咁早上庭為咩？就係為大家日後生活好過D，公平D，唔好再一面倒被外人蝦，但倒頭來原來我地被自己人蝦，甚至乎當我地係傻瓜...

所以今日我地已經達成公識，唔再出來跑法庭，因為根本就無人欣賞，只有被當係義務律師(嘩！我地要搞咁多次爭取要倒貼架！幫人又車費又食飯咁，我有錢唔代表老馮喎！)仲要被人鬧同利用，邊有咁架！

心淡、心淡！以後唔好話我地唔幫，搵我地幫之前，唔該肯定答我地有無守法先，我最唔鍾意人當我lulu，比著我被人咁鬧，我就會倒轉幫番個工人，橫掂而家犯法o既都當正自己守法，咁多我一個幫工人應該無咩所謂囉！

以上純粹我隨口發癲，請勿對號入座！

私人傳訊

開門見山

大宅

積分: 3552

2^#

發表於 07-6-19 01:15 |只看該作者

Re: 請原諒我們說再見，因為我們的心已死...

d underpaid既僱主...今日fa真係比你跣到一鑊金...

私人傳訊

FA8866

公爵府

積分: 28578

好媽媽勳章醒目開學勳章

3^#

發表於 07-6-19 01:25 |只看該作者

Re: 請原諒我們說再見，因為我們的心已死...

相信我地大家係BK玩左咁耐,都知我一直最唔幫就係un仔,我唔理人地話我串,話我唔幫人,我都唔介意,因我覺得我做野都要過得自己良心.
相信搵過我傾case既,都會記得,我第一句梗係:您唔好介意,我想問您係唔係合法??
呢句說話好無禮貌,但我一定要知,因我唔會幫本身有問題既僱主,我只會叫佢比番工人應得既佢地,呢樣好公平.
我一直都話,政府既法例有問題,我地可以去鋤政府,但現有既法例,我地一定要遵守.
但如同我拍心口佢係合法既,我一定會盡力,但唔好忘記,您呃到我無用,點都呃唔到個官.
仲有,呢樣野唔講得笑,既然您話得您係合法,我所講既程序都係依足法律黎做,所以到頭來比官發現係犯法,個僱主會輸得更難看,係咪??
我地BK有好多都係合法既,都深深明白到比犯法既僱主所害,令佢地都比外人帶有色眼鏡睇,唔合法既一群,您地有無係合法既一群個立場諗諗??

今日呢個post,我預計到有可能會引起罵戰,但我都有心理準備,因我對得住自己良心.
要我幫犯法而更不知悔改既人,我好肯定講:無可能.

p.s. 暫時我都唔會陪僱主上調解/上庭,之前答應左個d,我同您地講聲:對唔住.

一來我多野做,二來我要抽身客觀d睇睇.

私人傳訊

carollung

公爵府

積分: 25533

開心吸收勳章畀面勳章 BK Milk勳章

4^#

發表於 07-6-19 01:25 |只看該作者

Re: 請原諒我們說再見，因為我們的心已死...

香港人點解成日都要蝦番香港人呀

希望你地真係唔好意興闌珊啦,我地真係仲有好多僱主要你地幫咖.

其實講真都唔係好想你地幫,因為要你地幫,即刻自己既工人唔好,我都唔想發生呢d事

我希望有朝一日呢度大家都係讚緊自己既工人

http://www.babyhome.com.tw/happyheihei

私人傳訊

開門見山

大宅

積分: 3552

5^#

發表於 07-6-19 01:34 |只看該作者

Re: 請原諒我們說再見，因為我們的心已死...

underpaid我以前都幫過人...但佢地好明理冇呃我...全部講哂真話...亦願意付出返應付既人工比工人(只不過比小d..)...我肯幫佢地...因為佢地知錯...但今日果位仁姐呢???fa比你累到無地自容...佢冇訓過...由元朗山長水又遠出去幫你...已經三返四次問你有冇違法...你仲呃佢???(自己知自己事,下刪幾百字...)你當我地傻架咩??我地最憎人呃呢呃共架...最後你知道發生咗咩事架...你估你地咁樣揾我地幫就一亳子唔洗跌咩???我好想講...你係un人既就比返人地應該拎果份啦...比多比小都叫有個交待比人...唔通你等人告到你甩褲d官揾埋你d仔女出嚟做證你先賠咩???唉...都唔知點勸你地唔好用underpaid同un假...我地而家都分唔到邊d係un定唔un...何況d官呀???正價果d比你地累死....

PS:唔好對號入座呀...

私人傳訊

winnie_sh

子爵府

積分: 10622

醒目開學勳章

6^#

發表於 07-6-19 01:38 |只看該作者

Re: 請原諒我們說再見，因為我們的心已死...

就係因為我地已經同處長開過會，身份有些特別，人地會幫僱主多D，睇證據都認真D，下下都爆個工人果邊，但係咁樣被人利用，再當面被人地知道我地幫緊犯法o既人，兼且我地都係踼爆o左先知，可以點樣同大家爭取改變局面？連最基礎上調解都咁樣，日後如果處長問我點解要幫犯法o既人？我點答？

私人傳訊

FA8866

公爵府

積分: 28578

好媽媽勳章醒目開學勳章

7^#

發表於 07-6-19 01:40 |只看該作者

Re: 請原諒我們說再見，因為我們的心已死...

開門見山寫道:
d underpaid既僱主...今日fa真係比你跣到一鑊金...

跣就跣唔到我既,最終受損既唔會係我,但雖然我地係C9仔,但我地無論聽僱主既說話/錄音,我地都已心中有數架啦,大佬,咪真係當我地傻既先得架.

客氣d既,我會叫個僱主諗一諗,願輸幾多.當執身彩又好,咩都好.
但我曾經有一個,真係比我插到暈,cut埋佢線,因佢真係太離譜,自己錯在先,仲要屈個工人,呢種人真係...

私人傳訊

開門見山

大宅

積分: 3552

8^#

發表於 07-6-19 01:48 |只看該作者

Re: 請原諒我們說再見，因為我們的心已死...

仲有...唔該underpaid緊既僱主回頭是岸...bk呢度有史以嚟最高申索額係六萬五...呢單我冇掂...我唔想掂..因為我好忙...工人果邊就企硬架喇...大家鐘意就繼續搏落去啦...

私人傳訊

HooHoo

民房

積分: 5

9^#

發表於 07-6-19 01:52 |只看該作者

Re: 請原諒我們說再見，因為我們的心已死...

我係度算是新丁一名, 亦因為雖要請工人而流連呢度幾個月,
大部份時間都係参考居多, 其實香港幾十萬外地傭工, 一定有敗类, 同樣僱主都有好多唔底同情,
外地傭工係香港真係好幸福, 好多條例保璋, 好多佢地同類人幫佢地爭取,
反而僱主呢邊就真係缺乏好多,
就你哋呢班義俠...我相信內心曾經有一團火, 希望可以幫到真正苦主,
因而俾人利用,得出反效果,或者當大家冷靜下來....重新就事件定位, 不論將來繼續或者放棄,
我係呢處先向你們說聲[謝謝]

我只係新丁一名, 一名剛做爸爸不久的未來僱主......唉!!...有感而發!!!

私人傳訊

FA8866

公爵府

積分: 28578

好媽媽勳章醒目開學勳章

10^#

發表於 07-6-19 01:57 |只看該作者

Re: 請原諒我們說再見，因為我們的心已死...

HooHoo

上黎睇得case多,係咪愈黎愈怕請工人呢??

唔駛擔心,跟足法例,個工人想屈您,您都大大聲掟C佢.

另您放心,我地好冷靜架,亦唔會影響我地依家手頭上做緊既野,我地發呢個聲明,係希望d唔合法既僱主唔好搞我地啦.亦希望佢地自己諗清楚.

私人傳訊

winnie_sh

子爵府

積分: 10622

醒目開學勳章

11^#

發表於 07-6-19 02:06 |只看該作者

Re: 請原諒我們說再見，因為我們的心已死...

HooHoo,

多謝你諒解我地所做o既義務工作，其實開始做義工係一個緣份，由兩年前一個被工人傷害o既小朋友開始，至此我地就好似企了出來，不定期會有機會同正苦各部門交流下意見，務求有人明白法例中不公之處，亦可以對僱傭雙方多些保障。

其間有會員向我地求助，其實我地一直都暗中幫忙，犯法同守法o既都有(當然犯法o既會唔同做法啦！)只要情況許可，亦會盡量出庭義助僱主，但係近日接二連三有人混水摸魚，當我地lulu，仲係態度好過份果種，所以我地會暫停出庭，因為都有其他更重要爭取進行中，唔想再影響心情！

再次多謝你體諒，請你務必多些上來傾計，一齊分享外傭苦與樂！