吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 個女同個女同學攪成咁，點樣處理好？

少年成長今日: 0|主題: 16029

收藏本版

發帖

返回列表

跳至頁

查看: 11916 | 回覆: 40

個女同個女同學攪成咁，點樣處理好？ [複製鏈接]

12 3

心疼

洋房

積分: 73

1^#

發表於 13-12-7 14:56 |只看該作者 |倒序瀏覽 |打印

好煩，唔知點處理，我女有一很要好的女同學，由中三識到宜家中五，初初我以為呢個女仔好乖，因佢中三暑假帶我女返教會，又一齊參加d健康群體活動，呢個女仔動靜皆宜，讀書成績又好，見過佢真人，表面好乖好純有禮貌，我女同佢一齊我好放心，仲叫佢珍惜份友誼，中學同學係你一世朋友，出嚟做嘢好難識到真心朋友。
我一向間中會偷睇阿女手機，了解下佢d社交生活，知道呢個女仔都有男朋友，佢地都係傾下呢d少女心事。
問題係今個暑假出現，忽然見到阿女同呢個女仔d對話好瞹眜，似男女朋友，開頭以為佢地玩，但有次踫到佢地攬埋一齊，直覺話比我知係唔對路，即日已有提阿女行為要檢點，佢話同所有同學都係咁玩，咁我又信左佢。
直到最近一個月佢地d whatsapp 竟然有sex 嘅對話，我好驚，已即時借d意提阿女要保護自己，唔好行差踏錯，令自己將來後悔；但今朝又睇見d內容越嚟越離譜，似乎已有了性接觸，我唔知宜家應該點做？
自從上次在街撞到佢地，個女同學鬼鼠避開我的眼神，加上阿女又經常和她放學夜返，我已經向阿女明示我唔太喜歡這女仔，覺得她不是太純，叫她好好分辨下，阿女亦每次一提起便和我爭駁，變左宜家甚小會在我面前提佢，去街都話一班人去，但其實可能係單獨約會，我已經唔知佢邊句真邊句假，因佢起我地面前冇異樣，好正常，同佢講道理由以前起鋼，到宜家好似有聽（但實質係費事駁），如果唔係睇佢手機都唔知攪d咁嘅野。我真係好煩、好驚、應該點做，如揭穿佢，實知我偷睇手機，以後就更加乜都唔知？但我唔可以當冇件事。

0 0 0

私人傳訊

0030

公爵府

積分: 26410

認識瑞士牛牛第二回認識瑞士牛牛第一回

2^#

發表於 13-12-7 15:34 |只看該作者

回覆心疼的帖子

是否讀女校呀？可以約女仔的媽咪一起討論下，睇下對方媽咪是否有這方面的發現～

私人傳訊

心疼

洋房

積分: 73

3^#

發表於 13-12-7 16:44 |只看該作者

回覆：0030 的帖子

讀男女校，我都有諗過約對方媽媽，但要經學校至攞到電話，咁就攪到好大

私人傳訊

w1106hk

子爵府

積分: 10123

畀面勳章 BK猜猜猜慶中秋

4^#

發表於 13-12-7 21:15 |只看該作者

回覆：個女同個女同學攪成咁，點樣處理好？

呢個情況你一出手阻止就只會得一個後果，你自己亦預見到。你一定要冷靜，盡量唔好觸及你個女同個同學之間嘅事，呢個時期嘅女仔好多都未知自己正確取向，純粹係因為2個人孖公仔出入，又感覺對方愛錫自己而出現一d錯覺。你唯一可以做嘅就係暗地裡留意住發展，最梗要係教個女保護自己。
我個人認為搵對方家長傾未必係好事，只怕對方家長係衝動型，咁就會打草驚蛇

點評

mini1204 極同意. 發表於 13-12-10 14:35

私人傳訊

心疼

洋房

積分: 73

5^#

發表於 13-12-8 10:49 |只看該作者

回覆：w1106hk 的帖子

我都有好似你嘅諗法，佢地大家成日孖公仔，對拍拖又好奇，就發展成咁嘅關係，我已經成日提阿女要好好保護自己，唔好輕信人地，但熱戀期有幾多聽入腦

搵唔搵對方媽媽呢方面，真的很矛盾

私人傳訊

vvff82

伯爵府

積分: 16403

2018復活節勳章育兒性格勳章我的育兒心得勳章畀面勳章大廚勳章 BK Milk勳章 hashtag影視迷勳章親子王國15週年勳章

6^#

發表於 13-12-8 16:55 |只看該作者

回覆：個女同個女同學攪成咁，點樣處理好？

樓主，你知唔知個個家長都覺得係別人帶壞自己仔囡。信我，唔好揾對方家長。唔係，到時對方家長會話係你個女帶壞佢個女，因個女表面好乖好純有禮貌，成績又好…… 同埋，俾你個女知道你咁做，一定同你反面，唔讀書，唔睬你，成日同你作對…… (我諗這不是你想要的結果)

請你冷靜想下，你其實嬲乜？:
(1) 因阿女拍拖，所以成績退步？
(2)阿囡讀書時期，唔可以拍拖？
(3)阿囡拍拖可以，但唔可以係同性戀？

如果是(1)，同阿女認真傾下讀書問題，訂立目標，要佢放多D時間在温書上。

如果是(2)，就清楚問阿女係咪拍拖？有無影響學業？如果無影響，咁我都諗唔到你可以用乜藉口阻止佢拍拖？同埋，中五了，佢唔會因為你阻止，而唔拍拖的！你們母女關係只會越來越差。

如果係(3)，我想跟你分享下小女在中一問過我的一個問題: -
女:“媽，如果我係同性戀，你會點呀？“
我:“唔…… 我唔係一定要抱孫嘅！咁同性戀及異性戀的分別，只是可唔可以生BB。所以最緊要係你知自己想要乜？但我會提你，中學時期，唔好拍拖。因拍拖分心，入唔到大學便唔抵！中學後，如果你拍拖，無論係唔係同性戀都好，話我知就得！我只希望你開心，同埋我唔歧視同性戀！ “
之後阿女話佢問我，因為D同學在學校傾這個問題。

你個女已經中五，你必須跟佢保持良好關係，提佢仲有一年便DSE。佢其他的事，你便不要插手了，唔好再偷看她的手機。有時，現在D小孩，覺得講嘢有咁核突得咁核突，才叫型！威！(雖然我都唔明有幾型？！但小女話佢有D同學係咁)

這個歲數的小孩，唔鐘意你話“唔俾！唔可以！“，唔鐘意你娥，唔鐘意你問長問短，唔鐘意你唔信佢！樓主，小心處理！

我個女都係中五！而因為我以前在學校是一個積極義工，所以識很多家長，間中大家會交換心得。

點評

waihabb 唔好再偷看她的手機.

發表於 14-1-25 21:29

waihabb 唔好再偷看她的手機!! good! 發表於 14-1-25 21:28

三個白白豬

發表於 14-1-10 22:46

ryanfung 有pt! 發表於 14-1-9 15:08

carrie123 有 point

發表於 14-1-7 21:40

ysmpy

發表於 13-12-20 17:52

RSG媽媽

發表於 13-12-10 15:06

mini1204

發表於 13-12-10 14:35

cocoyang

發表於 13-12-9 10:19

jvkll 分析得好好! 發表於 13-12-8 18:17

私人傳訊

心疼

洋房

積分: 73

7^#

發表於 13-12-8 21:51 |只看該作者

引用：樓主，你知唔知個個家長都覺得係別人帶壞自

原帖由 vvff82 於 13-12-08 發表
樓主，你知唔知個個家長都覺得係別人帶壞自己仔囡。信我，唔好揾對方家長。唔係，到時對方家長會話係你個女 ...

我一向以為自己做得很好，小學時已灌輸佢中學不可以拍拖，拍拖影響學業，不可以有性行為，唔小心懷孕便前途盡毀，要拍拖點都要入左大學先；同性戀早年亦同阿女討論過，我話要是長大了，個人成熟後認清自己方向，我係冇話可說會接受的，以為自己好聰明一早同個女打晒抵。但宜家嘅問題係佢只得十六歲，心智仍未成熟便一次過做曬我定下的「不可以」，而再令我擔心的是牽涉到性接觸。

私人傳訊

vvff82

伯爵府

積分: 16403

2018復活節勳章育兒性格勳章我的育兒心得勳章畀面勳章大廚勳章 BK Milk勳章 hashtag影視迷勳章親子王國15週年勳章

8^#

發表於 13-12-8 22:48 |只看該作者

回覆：心疼的帖子

放鬆D啦！個個人唔同，每個人都是個體。唔係所有嘢是你預期的，見招拆招啦！最緊要令你個女鐘意返屋企。

感受到你很愛你個女，所以千萬要歡容對佢，唔好俾佢有藉口離遠你！

努力！

私人傳訊

vvff82

伯爵府

積分: 16403

2018復活節勳章育兒性格勳章我的育兒心得勳章畀面勳章大廚勳章 BK Milk勳章 hashtag影視迷勳章親子王國15週年勳章

9^#

發表於 13-12-8 23:00 |只看該作者

回覆：心疼的帖子

係唔係有性接觸，都係你估姐！就算係真，影響咗D乜？唔鐘意男仔？定係入唔到大學？

其實，你對佢的期望是不是佢的意願？

係咪一直你有你期望？但無理佢感受？ (佢唔答，唔等於佢無思想！只是不願與你分享！)

請三思！保持母女良好關係是最重要的！

我的忠告至此，請珍重！

點評

ysmpy

發表於 13-12-20 17:53

私人傳訊

VCMS

男爵府

積分: 5989

BK Milk勳章

10^#

發表於 13-12-9 12:16 |只看該作者

我從來都冇對阿女實施『不可以』『不能』等等教訓，我只對佢講『我的底線』，SO FAR 阿女由中一到依家中五都對我講佢『對某某女同學喜愛』，我會好坦誠咁問佢是否『那種』喜愛，又跟她說年輕人往往對『性』曾有一刻迷茫，連我自己都試過，我都只係慢慢帶佢去睇清楚自己而已，如果佢將來真係同性戀，我都沒有她辦法

但我就深信『越阻止越壓迫，反抗就越大』，我唔想同個女關係搞差....唯有以高EQ 面對及處理

樓主，建議你以放寬態度同個女傾下，現階段係唔好將大家關係搞差，如果你個女唔再同你傾計你咁仲擔心，少年人成長期會出現反判係正常，讓個女自動同你傾心事，而你是以支持者身份跟她做朋友，不是更好嗎？

私人傳訊

心疼

洋房

積分: 73

11^#

發表於 13-12-10 10:01 |只看該作者

引用：我從來都冇對阿女實施『不可以』『不能』等

原帖由 VCMS 於 13-12-09 發表
我從來都冇對阿女實施『不可以』『不能』等等教訓，我只對佢講『我的底線』，SO FAR 阿女由中一到依家中五 ...

多謝你嘅意見！會同囡囡如朋友般相處，只聽不哦！

私人傳訊

VCMS

男爵府

積分: 5989

BK Milk勳章

12^#

發表於 13-12-10 10:20 |只看該作者

回覆心疼的帖子

我依家都學識了，一句起兩句止，所以要一句講出中心及要有見地，咁阿女自然會懂得欣賞自己同排除隔膜

私人傳訊

mini1204

翡翠宮

積分: 79224

13^#

發表於 13-12-10 14:41 |只看該作者

唔好太擔心
我外生女10幾歲O個陣都試過
佢由細到大都TB, 所以我旁觀; 唔算太surprise
不過佢爸爸接受得好差
我同家姐講; 你唔好理對方係男定女先
最緊要比女女知道, 你針對既係對方係唔係好人
而唔係男定係女
唔通係男既, 就賊都OK?
你要言論立於不敗之地; 就要心正
同埋 over reaction 會將反叛既既小朋友推出去屋企
佢地硬頸起黎, 明明唔係 les 既都係要為左反你令到自己同 les一齊
btw, 姪女最終都無同個les開過花, 而家好好咁讀緊U

私人傳訊

RSG媽媽

瑪瑙宮

積分: 128853

畀面勳章環保接龍勳章大廚勳章

14^#

發表於 13-12-10 15:05 |只看該作者

心疼發表於 13-12-7 14:56
好煩，唔知點處理，我女有一很要好的女同學，由中三識到宜家中五，初初我以為呢個女仔好乖，因佢中三暑假帶 ...

接受吧你唔接受個女只會與你距離越來越遠
真心講一句請你唔好嬲起碼佢唔會大肚

私人傳訊

MonkeyGirl

大宅

積分: 3221

15^#

發表於 13-12-10 17:35 |只看該作者

真係無得迫架..我家姐試過 , 由有男朋友, 到變 les ...過程我諗係"好勝" , or 覺得個女仔好有"型"

我個時, 唔係 HKG ..so 唔知佢發生咩事 , 我 dad 都好傷心 , but 又唔會鬧佢 ..(都大個- 出黎做野個隻 ) 好彩有個由中學識既朋加友知道後, 就由佢 "俄" ...

都唔記得 les 咗幾耐, 轉過 2 個女朋友.. anyway ..我唔係嚇你, 只不過係個過程 (佢一定有 d 安全感, 同佢一齊時 ) , 你為有做 listener ....去聽 &等

我家姐而家結咗婚，　仲生咗２個可愛既小朋友