吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› 有無34-36週出世的bb?

嬰兒醫護今日: 0|主題: 79144

收藏本版

發帖

返回列表

跳至頁

查看: 3217 | 回覆: 12

有無34-36週出世的bb? [複製鏈接]

gsn320

別墅

積分: 512

1^#

發表於 07-6-29 11:53 |只看該作者

有無34-36週出世的bb?

bb34-5/7週出世, 除左體重, 身高進度理想, 身體技能發展就落後, 姑娘話加返唔足月既時間去評定係唔係遲喎…
bb足13週先識 ~ 社交微笑(腰果眼加擺動手腳)
~ 向吊飾揮牶以令發出聲響(命中40%)
現bb15週了, 抱直唔太願抬頭 , 鐘意伏係心口, 頸好似無乜力, 要"磅"住,
當然仲未識反身, 反側身都唔太曉, 申懶腰打側就有…
以經日日都同佢反身玩, 對玩具唔太有興趣…唔夠3分鐘就發皮四, 除左訓係度fing 手腳外, 要用力既野佢都唔鍾意
如果減返唔足月既時間 15-4 週, 即11週仲未曉握手玲, 未曉抬頭, 未曉笑出聲有無bb都係咁
我想睇下有無bb 都咁上下, 唔太想問姑娘住…佢地覺得我有d 緊張, 就黎要我見醫生喇
其實個個媽咪都係咁啦, 怕BB跟唔上, 係唔係唔正常, 而且佢唔足月, 係有d 緊張啦, 佢地又唔明…
上網又搵唔到類似CASE…

私人傳訊

東涌靚媽媽

男爵府

積分: 8421

2^#

發表於 07-6-29 12:59 |只看該作者

Re: 有無34-36週出世的bb?

我個BB係37週的,不過她又沒有太問題,但我發現她轉身,坐好及企,是比其他B慢少少,BB而家8個月多D,都係上星期先坐好及企,之前她的腳不懂彈吓彈吓的,所以六個月評估是,如娘要我九個月再帶BB返去檢查.所以您不用擔心,有問題可問問別人或問吓我!您個B幾大呀!

私人傳訊

gsn320

別墅

積分: 512

3^#

發表於 07-6-29 14:15 |只看該作者

Re: 有無34-36週出世的bb?

bb 15-5/7週, 如以38週足月計係12週喇, 比個玲佢, 佢都唔曉握住, 上個星期先開始睇自己隻手…又無人可以問, 問多兩句d 姑娘又會話你太緊張, 唉...
進度慢小小唔緊要, 要怕有問題既, 可以早D知, 睇下有無野可以做麻, 佢地又唔明...
其實係唔係有D 智力發展遲緩? 要唔要點樣刺激下??
但你個B 37WEEK, 都叫足月啦...

私人傳訊

skchiu

大宅

積分: 3198

4^#

發表於 07-6-29 15:05 |只看該作者

Re: 有無34-36週出世的bb?

gsn320,
我囡囡係 33週出世, 你BB都算 ok ar, 唔有太大問題呀! 你還是用bb 足月計好 d, 而且個個 bb 進展唔同, 真係唔好太緊張! 唔足月BB體能係差小小, 俾 d 耐性同愛心啦! 我囡囡都係慢咗 d, 家陣快一歲都跟得差不多! 我好明白眼前+耳聽好多同期出世BB做到的, 自己BB未做到的心急, 我都經歷過, 所以你暫當BB本來足月月齡計啦, 你 BB 34-5/7週出世好快追到的, 在智力上有可能快過其他同齡bb, 不過體能上就俾 d 耐性啦! 你同我bb都冇嘢 follow-up 已經很好, 相比其他更早產的BB, 我們已經係好好的! 努力啦!

一家四口

私人傳訊

gsn320

別墅

積分: 512

5^#

發表於 07-6-29 16:59 |只看該作者

Re: 有無34-36週出世的bb?

skchiu:

真的非常多謝你的回覆，就算我依家係公司，我一路睇都忍唔住一路流眼淚，　{我好明白眼前+耳聽好多同期出世BB做到的, 自己BB未做到的心急} 你簡直說到我心坎裡！！
身邊都有差幾週既ｂｂ，　見到你地既，　上網睇同月既，自己個ｂｂ體能四肢控制上未及預期, 真係好心急..我知唔可以同人比, 但我又唔係比咩叻, 點樣醒, 只係想比較下, 或有無相近例子, 或bb既發展最底限度要去到邊, 例如四個月前一定要識社交微笑之類...
我都覺得比其他早產兒, 我地叫幸運...well, 唔做過媽咪
真係唔會明, 我只係要bb, 遲唔緊要, 重要既係佢一定會識...
　另外想問下你, 你bb係唔係用足月計既話, 都係比較遲識肢體上控制..(可否舉例...)我唔係比較, 只想參考
非常多謝你...
　

私人傳訊

skchiu

大宅

積分: 3198

6^#

發表於 07-6-29 17:29 |只看該作者

Re: 有無34-36週出世的bb?

gsn320,
我明0架, 就算家陣亞囡追得7788, 但有時有 d 人又好開心不停咁 post 話自己 BB做到呢樣做到那樣, 我都有 d d 心急, but 我會提醒自己亞囡係早咗出世, 話就話就快一歲, 實際都係10個月多之嘛, 反而佢對比足月同齡BB, 佢係唔錯0架! 佢出世後一個月回健康院, d 人見到佢仲問我"佢初生幾多日" 幾 hurt ar, 家陣咪追哂磅! 放心啦!

老實講, 頭幾個月唔係十分記得! 我奉勸你真係當佢原來的足月計+/- 小小就 ok!

我只記得亞囡頭1-2個月對我冇咩反應, 都係只懂 "young" 手 "young" 腳, 第三個月開始先識回應我!
~出世後6個月(更正月齡4個月)食糊仔, 因為一早已經追到磅數, 健康院姑娘話可以餵, 但一定要慢慢試!
~出世後9個月(更正月齡7個月)識坐, 不過唔係自己幫自己坐
~出世後10個月(更正月齡8個月)先識反身, 不過好似唔一定要識反
~出世後10個月(更正月齡8個月)先出牙仔
~出世後11個月(更正月齡9個月)先可以扶住企
家陣佢仲未識爬, 又好似唔一定要會爬! 扶住都未識行!

你不妨 print d 黑白(初生幾個月時)/彩色(3or4個月開始看)圖案的圖片俾BB睇, 訓練佢集中力 & 刺激視覺!

你有冇學BB按摩, 好有幫助! 仲有同佢做踏單車動作, 訓練腿部肌肉好有幫助, 係早產BB topic d 媽媽教 ga!

暫且頭大半年至一年都用佢原本月齡來跟進BB的發展啦! 但又唔駛太過保護而令BB依賴! 平常心啦! 頭頭係緊張 d 0架喇, 遲 d 佢追翻時, 你就唔記得佢唔足月出世0架喇!

一家四口

私人傳訊

canies

翡翠宮

積分: 96731

7^#

發表於 07-6-29 22:11 |只看該作者

Re: 有無34-36週出世的bb?

我ＢＢ36wk多Ｄ出世,足7lb.
你講開我先覺,ＢＢ有意識笑同轉身都遲少少.
見同期Ｄ媽咪話佢地ＢＢ做乜做乜而我亞Ｂ末得,
都有少少「有無咁快呀?」既感覺

但我又從來唔覺得佢係早產..

話說因為佢重得好好,打3个月針姑娘都當佢足月咁做測驗啦-
有個測試係姑娘攞個好似海膽咁既'冷'球响佢面前吊下吊下咁左右移,睇下ＢＢ眼睛會唔會跟......咁我抱住亞Ｂ面向佢,佢話:「唔得喎...yee? 佢跟緊我個頭喎!」
可見ＢＢ其實係對個'冷'球無興趣.佢顧住望姑娘呀!

講真你係緊張左Ｄ...乜嘢打中會出声吊飾命中率40%....
你已經講左真相出嚟,佢係「無興趣」而唔係「無能力」呀!

点解我會咁肯定?其實亞Ｂ好聰明,兩個零月同佢拜拜已識得揮手....但而家嘅佢,係懶得再同我揮手,

係Ｄ少見嘅親戚同佢講佢又會喎:tongue:

佢而家5个月大都係唔攞搖玲架!

但牙仔餅奶咀佢都自已揸得好好.

唔好太擔心,每個亞Ｂ都係獨一無二,你亞Ｂ都一定有過人之處而你末發覺....唔駛同人比較...
反而頸仔呢,你可以趴低佢然后揾佢鐘意嘅嘢引佢向上望.
做得多自然有力ka la~

加油喔!

私人傳訊

若茵

禁止訪問

積分: 2070

8^#

發表於 07-6-29 23:57 |只看該作者

Re: 有無34-36週出世的bb?

提示: 作者被禁止或刪除內容自動屏蔽

私人傳訊

hirolin

男爵府

積分: 7323

9^#

發表於 07-6-30 00:59 |只看該作者

Re: 有無34-36週出世的bb?

gsn320 ,
我囡囡係34周5日出世,應該同你bb差唔多,出世時無咩特別問題,只是比正常足月bb輕了幾磅的,而家佢都18個月,但都係比較細粒,望上去似14-15個月bb,不過,唔緊要,最緊要健康.以前我係用bb減回2個月左右進度黎計,相差唔會好遠,唔駛擔心.

私人傳訊

東涌靚媽媽

男爵府

積分: 8421

10^#

發表於 07-6-30 08:55 |只看該作者

Re: 有無34-36週出世的bb?

gsn320
我bb出世只有6磅幾,但之後很快便追到了中至大碼了,現在8個多月差不多20磅了,不用太擔心,記住每個bb都是獨特的,慢慢比d時間bb,她只出世了好幾個月,很多東西要慢慢適應,不是每個bb也能跟隨一般時間去做齊所有書中所寫的行為,只要bb健健康康,快快樂樂,慢一些又何妨呢??

私人傳訊

gsn320

別墅

積分: 512

11^#

發表於 07-6-30 23:51 |只看該作者

Re: 有無34-36週出世的bb?

好多謝咁多位媽咪回應..
真係好一個"不是每個bb也能跟隨一般時間去做齊所有書中所寫的行為"
就係我有疑問去問姑娘,姑娘叫我睇佢地d bb小冊子,
睇bb 發展.., 就算加返唔足月時間, bb都未曉佢地所
講既野, 所以我擔心啦...
原來好多bb 都有類似, 有幾方面係會慢小小
我會試下同佢撫摸, print d 圖晝比佢睇..
有前車之鑑, 我可以放心好多...thank you...

提外話, bb 咩都遲過人, 係厭奶準時...唉!