Baby Kingdom - 親子王國 香港 討論區 › 首頁 › 在職全職› 全職媽媽復出

在職全職

收藏本版
發帖
返回列表
跳至頁

首頁
1

尾頁
   0
KulookFung


男爵府

積分: 8216


1#
發表於 14-2-25 23:45 |只看該作者
陪咗bb 7個月之後復出工作，依家已第三個星期。再投入群體生活，很快樂，工作上得到大大的滿足感。但日間難免非常掛念bb，一有機會就睇cam。間中見到工人做啲好冇sense嘅嘢，雖然不至於危害bb，但都會好嬲。晚上要是bb扭計唔肯自己瞓覺，會忍唔住覺得一定係工人冇跟我嘅指令，日抖抱住bb瞓… 剛剛今晚我一入門口就語氣嚴厲話工人，話我响cam見到佢點點點，叫佢唔可以咁，老公便叫我語氣唔洗咁惡，無謂影響關係。我回應老公，同佢嘅關係唔係我嘅first priority，bb嘅well being先係！開頭爭論到氣氛有啲僵，我再平心靜氣解釋我嬲因為唔係第一次講，嚴厲因為我要佢知個嚴重性，老公先慢慢軟化。

我承認我有時反應太大，但家務可以隻眼開隻眼閉，照顧bb唔得。我知自己正經歷一個過度期，依家好執著，因為唔可以再親手照顧bb，好不安；但我又真係要讓工人知道，我所有關於bb嘅要求唔係講玩嘅(佢見我好人有時會敷衍我，應咗但之後都冇跟住做…)。希望我可以揾到可令工人認真配合我嘅方法，正考慮白紙黑字列出要求(譯成印尼文)貼响當眼處，好唔好呢？
私人傳訊

milkteabb


子爵府

積分: 12787


2#
發表於 14-2-26 00:11 |只看該作者

回覆：全職媽媽復出

其實即使係自己湊個b，都未必湊得十全十美。我嫂之前同樓主你情況一樣，晚晚返黎就對住個工人話佢邊度做得唔arm，作為打工仔既你，日日比老細哦都唔好過啦。我嫂個時變得脾氣好差，對住我哥日呻夜呻嫌工人呢樣個樣，少少野就發脾氣，其實身邊既人都唔好受。我嫂既工人姐姐最後唔撈啦，無啦啦無左個姐姐仲煩，又要搵工人都唔易架。緊張自己小朋友係arm，但樓主你都放鬆d，有時工人無跟到你指示十足，只要佢既小小唔完美係對阿b無害既，就寬容少少啦。

點評

KulookFung  其實佢唔跟指令我唔嬲，只覺得麻煩，又要提佢。但今次佢坐响bb隔離煲手提電話粥，見bb嘈就俾奶咀佢，一隻手拎電話一隻手摸腳。BB拉開個奶咀，佢用摸腳隻手執返奶咀塞返落BB個口，我真係好嬲。學緊放鬆，但有啲嘢，真   發表於 14-2-27 20:03
私人傳訊

minirat


男爵府

積分: 8221


3#
發表於 14-2-26 10:49 |只看該作者
KulookFung 發表於 14-2-25 23:45
陪咗bb 7個月之後復出工作，依家已第三個星期。再投入群體生活，很快樂，工作上得到大大的滿足感。但日間難 ...
其實你老公無講錯，搞好同工人的關係不是你的priority，不過這個會直接影響到你的first priority（BB well being)。將心比心，我地返工都希望做錯咩，老闆可以好好講，邊個鍾意嚴厲的責備？

不是自己凑實在好難要求人地做到你期望的一樣，因為每個人都不一樣。同埋你做媽咪可能要點處理BB，其他人都無權講咩，不過做工人會有避忌。如果她對BB太嚴厲，驚你會責備，等，其實真的有難道。我覺得只要不是危害到BB的可以妥協。其實我好明白你的心情，因為我以前都系甘。我仔仔是奶奶凑，當時我都會好執著，有時會lau到喊，不過現在唸返，其實這些是好小事，根本不會點影響BB之後的發展。例如你提到的睡覺，其實我老爺奶奶都鍾意抱住BB訓，我都好唔鍾意，不過事實那只是一個過程，不會影響BB之後的睡眠習慣。

反而我覺得你提出要立下規矩是好的，等她有個guideline做嘢都好。

點評

KulookFung  其實我一向提佢都好聲好氣，只是今次我太嬲啫  發表於 14-2-27 20:05
私人傳訊

wcpcelia


雲母殿

積分: 1367084

虎到金來勳章 2018父親節勳章 2018母親節勳章 2018復活節勳章 開心吸收勳章 最關心BB問題熱投勳章 認識瑞士牛牛第二回 認識瑞士牛牛第一回 育兒性格勳章 我的育兒心得勳章 想生BB熱投 DHA勳章 好媽媽勳章 醒目開學勳章 畀面勳章 wyeth冷知識勳章 貢獻勳章 環保接龍勳章 親子達人勳章 hashtag影視迷勳章 15週年勳章 親子王國15週年勳章 親子王國15週年勳章


4#
發表於 14-2-26 11:15 |只看該作者
屋企要有cam...

白紙黑字列出要求(譯成印尼文)貼响當眼處<--可以咁做

私人傳訊

MINI1601


別墅

積分: 979


5#
發表於 14-2-26 16:33 |只看該作者
請工人姐姐湊 BB 就係咁架啦! 我之前都係咁, 但勞氣又點呀! 工人就最緊要係為求達到目的, 就用自己方法, 例如 : 抱 BB 瞓, 餵飯, 追住小朋友餵飯, 玩住玩具食飯, 幫佢 VV (怕佢整污濁廁所).........
私人傳訊

cindytsg


男爵府

積分: 6391

陪月勳章


6#
發表於 14-2-26 17:12 |只看該作者
我成日覺得...你請佢番來又要湊b, 又要清潔, 又要煮反, 仲要吾好抱, 佢又無空同佢玩, 個 b 又吾係佢親生 , 有些僱主又要工人早起, 陪睡, 自己都做吾到啦, 你可以話, 但係關係吾好的話, 佢比什麼比阿 b吃, 你憑 camera看到嗎 ? 就算看到, 你遠水能救近火嗎 ? 除非你自己湊, 否則吾好太苛求, 佢走了, 你有無backup 呢 ?

點評

KulookFung  有，下星期媽咪終於返香港，到時佢會日日嚟睇住bb，我個心會定好多  發表於 14-2-27 20:07
私人傳訊

QNDEC


男爵府

積分: 7607


7#
發表於 14-2-27 00:10 |只看該作者

引用：+我成日覺得...你請佢番來又要湊b,+又要清

原帖由 cindytsg 於 14-02-26 發表
我成日覺得...你請佢番來又要湊b, 又要清潔, 又要煮反, 仲要吾好抱, 佢又無空同佢玩, 個 b 又吾係佢親生 , ...
唉, 你指明同姐姐關係唔係你concern 的事情, 公平d 計, 個cam 真係睇得好清楚? 就算真係錯, 唔係嚴重, 可以耐心d 教人, 一返到屋企指住人鬧, 人地想愛你個B 都難

點評

KulookFung  我從來好聲好氣提，只是今次我太嬲。佢坐响bb隔離煲手提電話粥，見bb嘈就俾奶咀佢，一隻手拎電話一隻手摸腳。BB拉開個奶咀，佢用摸腳隻手執返奶咀塞返落BB個口… 我反而唔明點解老公咁冇所謂   發表於 14-2-27 20:08
私人傳訊

焦糖媽


侯爵府

積分: 20083

親子王國15週年勳章


8#
發表於 14-2-27 10:43 |只看該作者
其實BB比邊個揍媽媽都唔會100%放心架啦... 我返工後BB放過嬰園, 而家有我媽同姐姐揍, 我都久不久開cam睇, 老公set埋個cam定時snap shot email d 相比返佢...

我明白你想比姐姐知道佢要跟你做法, 但如果姐姐唔係搏抄, 太過份, 我覺得唔好講野講得太掘囉... 我姐姐初黎時有次比我係cam見佢開BB車無lock實就放左BB落去, 架車推出門口時輕輕反左一反...我當時真係好想打返去話佢~~~ 但諗諗下, 佢見到反反地都即刻lock返, 應該唔覺意啫, 於是我就 msg 我阿媽, 提佢BB車要chk下lock好未...

然後夜晚返到屋企臨瞓再問姐姐, 今日BB車有無chk lock 得實唔實... 咁佢都好老實話明明chk左但原來無lock實... 我就再同佢講多次無lock實有幾危險, 點解要lock實~~~最後嗰晚再特訓陪佢練習開山BB車10次

我成日同老公講, 如果姐姐本身係醒既, 就唔洗掉底老公仔女山長水遠黎打工啦... 生活習慣文化咩都唔同, 唔太過份比少少體諒啦... 規距要跟, 但你做打工仔日日見到老闆都比人省既, 你都無心機做啦

姐姐無心機做, 發下夢都可能整親你BB, 灰啲講係有人質係手, 但實在你要請姐姐, 就最好有個良好既僱傭關係, 咁大家都好

點評

KulookFung  我對佢好好，知佢離鄉別井一個人响度，視佢家庭一份子… 但有時諗，怕佢覺得我同老公好人而唔俾心機，求求其其… 好矛盾。  發表於 14-2-27 20:13
私人傳訊

KulookFung


男爵府

積分: 8216


9#
發表於 14-2-27 19:41 |只看該作者

回覆：全職媽媽復出

其實我對工人好好，由請佢開始已視佢為家庭一份子。佢都算係咁，表現得好錫同好緊張BB。但嗰日我見佢坐响bb隔離煲手提電話粥，見bb嘈就俾奶咀佢，一隻手拎電話一隻手摸腳。BB拉開個奶咀，佢用摸腳隻手執返奶咀塞返落BB個口… 呢次係第一次見到佢有啲令我咁嬲嘅舉動，我係唔識鬧人嘅人，只會皺起眉嚴厲咁同佢講。之前所有嘢佢做得唔啱，我都只係好似平時講嘢咁提返佢。所以老公先覺得我點解突然咁惡。我好無奈。
私人傳訊

焦糖媽


侯爵府

積分: 20083

親子王國15週年勳章


10#
發表於 14-2-28 09:15 |只看該作者
本帖最後由 焦糖媽 於 14-2-28 09:16 編輯
KulookFung 發表於 14-2-27 19:41
其實我對工人好好，由請佢開始已視佢為家庭一份子。佢都算係咁，表現得好錫同好緊張BB。但嗰日我見佢坐响bb ...

咁呢樣又真係抵鬧喎!!! 點解開緊工可以煲電話粥? 我姐姐日頭部電話收埋唔跟身, 佢跟我地出街都唔拎電話的!!!

我覺得有啲家規真係要訂好架喎, BB 唔係瞓緊覺 + 未做哂家務, 點解可以煲電話粥？睇下你姐姐係唔識做(壞習慣) 定無愛心啦~~~ 我明白被老公唔明白嗰種感覺, 就正如我老公成日同我呻姐姐呢樣咁咁咁, 嗰樣咁咁咁.... 其實有時放工想抖下, 你又講呢啲黎煩我... 會覺得好煩好攰架...

多左個人一齊住, 又突然做左老闆, 係要摸索吓架啦... 不過有時啲唔太緊要既野就睇化啲... 唔係攪到自己日鬧夜鬧係好煩人... 攪得唔好仲影響夫妻關係就唔抵啦

點評

KulookFung  反而你老公唔滿意工人多過你？唉，男人，我話工人(我從來冇鬧過佢)佢又話我惡，平時佢見到乜唔對路都係話俾我聽叫我同工人講  發表於 14-2-28 23:05
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy