在職全職今日: 8|主題: 48022

收藏本版

發帖

返回列表

跳至頁

查看: 2255 | 回覆: 5

[在職媽媽] 好憎上司, 好想快啲走... [複製鏈接]

Babebabeyo

大宅

積分: 2565

1^#

發表於 14-2-15 12:14 |只看該作者 |倒序瀏覽 |打印

本帖最後由 Babebabeyo 於 14-2-15 12:17 編輯

日日見住一個好唔鍾意既人, 大家都知大家唔妥大家, 但又要日日見住做野....

冰封三日, 非一日之寒。好長, 比我呻下....

1. 男人一個, 見女同事有重野搬唔幫手, 以為佢有野做先會咁, 原來玩緊FB。而佢係知道你搬緊重野。

2. 一個月前問佢拎大假, 同你講OK冇問題, 諗住比佢簽埋假紙, 佢同你講唔洗咁早簽啦。好, 放假前兩星期比你簽, 同我講, 丫我都係唔想你放。下? 因為個日可能有好多電話。下? 你應承左我搞好晒野喇喎, 我堅持要放, 佢黑晒面。同事同佢講, 其實個日唔係真係好忙姐比佢放啦, 最後用一個極唔友善既態度同我講 -- 我今次放你, 下不為例, 跟住dum返張假紙比我。

3. 身為上司, 個人EQ 勁低。一多少少野做, 成日就向到唉聲嘆氣, 其實大家都忙大家都多野做, 佢咁樣真係極度影響士氣。仲試過因為忙 / 其他同事唔順佢意而DUM野 / 鬧部printer。以上種種都令我覺得佢冇做上司應有既氣度 / 態度。

4. 工作環境關係, 佢唔係一個可以淨坐向到指揮下屬做野既上司, 意思係佢自己其實都要落手落腳做, 因為佢並唔係大老細。但佢偏偏好介意自己比人做多左, 好小家。雖然佢係上司但大家既工作量其實差不多, 但佢試過不止一次同同事講, "我好忙, 你可唔可以幫我做左呢個先?" 後來自己去左洗手間/ pantry , 原來佢口中所謂 " 好忙" 係要去toilet / hea, 而佢要人做既野根本就唔急, 佢去完個洗手間返黎做都冇問題。ok, 你係上司, 你可以吩咐你下屬做野, 但可唔可以唔好話比人聽"你好忙"但原來只係去左洗手問 / 去左hea?

5. 另外就係佢個人問題, 我真係好怕人向公眾地方剪指甲。佢竟然向公司剪指甲, 仲要係由佢啲指甲周圍彈................打乞痴唔掩口噴口水都算, 剪指甲我真係覺得好嘔心....................

6. 公司有排好忙, 我不幸病左, 但知道公司多野做都費事令同事辛苦, 頂左兩日,醫生都唔敢睇怕食左藥個人散乜都做唔到。第三日真係太辛苦, 見最忙既時間過左就諗住請日假去睇醫生休息下, 同佢講SL, 佢用一個好惡好惡既態度同我講, "病呀? 咁睇醫生囉" 佢指責我, 呢啲時刻仲請病假, 你唔appreciate 我病都返工唔緊要, 仲要唔信我病, 覺得我詐病! 間接加重佢workload.....呢件事之後真係好心淡....

7. 又係正值公司好忙, 個個同事踢晒腳, 原本大家teamwork 快手快腳做冇問題, 但佢竟然向呢啲時候走左去! 你有急事請假冇問題, 但原來佢話佢好攰, 佢要去dum骨。第二日仲不停同人講, 我好攰呀好攰呀。

8. 呢個人極度雙重標準。同事生日想請假好正常, 假期係人地, 人地想點放絕對冇問題。每逄問佢批假, 佢一定問人, 放假做咩? 好啦, 同事同佢講, 生日呀想放一日假。佢竟然話, 都唔明你地點解咁鍾意生日放假。人地鍾意放假做咩其實真係唔關佢事丫. 你唔批就比個理由黎。但原來佢自己生日都請假啦.....

我今年一定會走, 但要過多排先........要忍呀忍. 百忍成金丫嘛~ 時間快啲過!!!