夫婦情感 今日: 3 | 主題: 42701

積分: 2141

1^#

發表於 07-7-19 02:35 |只看該作者 |倒序瀏覽 |打印

半年前有個女仔(都結佐婚)同我老公玩得好埋
我都同c6講要避忌下, c6一味話人地男仔頭, 唔會
好啦, 最後個女子終於都話中招, 咁點丫
我喊到死下死下, c6都一路話佢無野, 會同個女仔講清楚

因為c6同個女仔既哥哥係好朋友, 基本上個個星期都一定會見
個女仔都一定出黎, 我唔高興, 講過, 之但係無法子, c6無乜朋友, 我其實都唔想佢無佐d好朋友

其實....我心知我依家真係無晒安全感, 佢一唔係我身邊, 我就會亂諗野, 講白d, 我唔信佢

今晚佢生日, 食完飯見佢都累, 就返屋企. 夜d個女仔個呀哥打黎, 叫佢出去飲野, 佢問我比唔比, 唉....我點唔比丫, 我唔想佢比人笑. 同埋我無諗過個女仔都係度(乜唔使陪自己老公架咩!!)返到黎, 囉住份禮物, 話個女仔, 佢呀哥&另一個男仔送既. 我知個隻錶佢想買, 本來都要買比佢, 之但係老公好堅持我送比佢隻舊錶仲好ok, 唔要我送. (其實我見bb就出世, d$$都幾緊張, 我都忍住唔買比佢)

或者佢無呃我, 不過我唔明做咩佢鍾意個隻錶, 人地又知? 男人老狗真係會送二千幾蚊既錶比朋友架咩?!不過我諗我唔鍾意個女人有份囉. 我唔喜歡佢同個女人有任可關係, 我唔鍾意唔鍾意唔鍾意~

我本來都無諗住出聲, 只係想早d瞓, 快d忘記呢件事. 點知個c6見我唔等佢瞓, 係咁迫我講做咩唔開心.我一早同佢講佐, 唔想講, 因為講佐都無用, 佢死都要迫我講.
好啦~我講啦~我話唔鍾意你同個女仔玩咁埋
佢咪又係答我...咁我出去都係坐佐一陣0者...下刪數十字
我同佢講, "咁講佐, 咪即係又係咁囉"
佢居然就pang一聲瞓覺
依家慘啦, 到我瞓唔著......

迫我講做咩呢~!!!!!

0 0 0

私人傳訊

grand2005

積分: 7529

2^#

發表於 07-7-19 02:53 |只看該作者

既然佢地無野，只係個女仔多心既話，叫佢帶埋你出席啦！俾小小壓力你老公，提下佢咪玩火，唔該避忌下

私人傳訊

積分: 2141

3^#

發表於 07-7-19 03:01 |只看該作者

我根本唔知自己可以點
我今晚其實自己都唔舒服, 我大肚lum dum, 同佢講過無咩事唔好留我自己係屋企, 因為醫生話bb隨時出世
我地咁多年都好少唔開心, 好少嘈交, 為佐呢個女人, 我喊佐都無數次
我真係怕有一日我會走去sing佢兩巴

同佢講完, 其實佢都係咁, 無解決辨法, 因為佢要當人係朋友
我其實開始嬲, 為咩事要為個無謂女人唔理我感受0者~!!!!

私人傳訊

grand2005

積分: 7529

4^#

發表於 07-7-19 03:14 |只看該作者

原文章由 clippy 於 07-7-19 03:01 發表
我根本唔知自己可以點
我今晚其實自己都唔舒服, 我大肚lum dum, 同佢講過無咩事唔好留我自己係屋企, 因為醫生話bb隨時出世
我地咁多年都好少唔開心, 好少嘈交, 為佐呢個女人, 我喊佐都無數次
我真係怕有一日 ...

咁你有無將以上既說話向你老公認真表達過？

私人傳訊

Japenese

積分: 6946

5^#

發表於 07-7-19 09:28 |只看該作者

樓主，小心呀，做戲又好，現實又好，呢個時候你都收一收火，一來對bb好，二來通常男人呢個時候就最「軟弱」，老婆煩，佢就出去ga la，咁就多機會見人地多過見你，加上你好快生，生後又少d時間理個c6，到時佢就更易向外發展...

所以都係溫柔d，少找佢麻煩，男人最怕你屈，佢覺得自己冇做過，佢就理直氣壯，不會知女人的「醋」從何來，如果你的脾氣繼續，人地又識用軟功，你就蝕底，個男人可能心諗反正老婆都當我地有野，就索性...

要小心！

私人傳訊

yin2002

伯爵府

積分: 15440

好媽媽勳章

6^#

發表於 07-7-19 09:40 |只看該作者

唔....完全同意, 我以前個男友又係差唔多case, 有個女仔成日搵佢, 佢又係話冇野, 好咯, 終於有次個女仔留言問我ex有冇掛住佢喎(但佢又有男朋友既)?? 你話咁都冇野, 我真係唔信, 但我ex仲唔同佢避忌o下, 卒之, 我地咪散左咯, 到依家好多年後見番, 佢話我o個時唔信佢.... 而我話, 唔係唔信你, 但係我都會唔開心, 如果當時你可以體諒多o的我的感受既話, 就唔會分手, 所以, 不坊同老公講下你既感受(係心平氣和講), 或者佢會受落o的. 祝好運.

原文章由 Japenese 於 07-7-19 09:28 發表
樓主，小心呀，做戲又好，現實又好，呢個時候你都收一收火，一來對bb好，二來通常男人呢個時候就最「軟弱」，老婆煩，佢就出去ga la，咁就多機會見人地多過見你，加上你好快生，生後又少d時間理個c6，到時佢就更 ...

私人傳訊

Japenese

積分: 6946

7^#

發表於 07-7-19 09:47 |只看該作者

係呀，好好地同佢食餐飯，搵機會傾偈，當係討論人地咁去分析件事，男人可能會受落，睇得出佢都仲care你的感受，或者同c6一齊分析一下點解個女人有老公都仲會中招，佢地係同事，你c6可能會講到好多對呢個女人的睇法ga。

客觀+冷靜對你地ge關係會有多d好處。

私人傳訊

ringoivy

翡翠宮

積分: 76971

8^#

發表於 07-7-19 09:53 |只看該作者

我個人認為有左家室就真係自自然然會同朋友少左聯絡呢個係鐵一般既事實, 故勿論男女都係一樣, 只不過女人可以煲電話粥黎keep in touch, 而男人就唔會, 但我覺得大家係有心就朋友既唔一定要個個星期出黎聚先叫係朋友, 唔出既就等同於無朋友做囉

所以你都唔可以因為佢少朋友為由而放縱佢一call即到既習慣

你要知道你自己臨盆在即, 就算生完後都好須要另一伴陪伴/分擔, 到時先黎嘈交就無為啦, 因為新生命係帶比一個家庭歡愉的並非爭嗌/傷感:cry: 所以你大可同佢約法三章每個月只可去一次/兩次, 咁都並非過態

反正佢朋友唔多來來去去都係個班一兩次維繫感情咩都夠皮啦:-| 你話次次出去都唔同人既, 好多應酬就話一星期一次啫, 否則比個guideline佢好, 等佢唔好咁放肆

唔好再為d無為人影響到自己同bb既心情啦:cry: 最重要係你老公咩都肯同你坦白呢樣就足以証明佢對個女人真係無野囉:lol: d男人係咁衰架啦, 硬係要撞板佢地先會死心, 當初你苦口婆心講埋都唔會入耳架

成日以為自己無野就等同於人地無野?-( 都唔知佢地真係無知定係想玩火呀呀

私人傳訊

mymelody2003

積分: 8641

9^#

發表於 07-7-19 10:53 |只看該作者

你就快生, 唔好迫佢住, 用軟功留佢在身邊; 一個bb的出世, 爭執會相對比現在多, 你迫走佢真係好難返轉頭架; 唔好喊咁多, 情緒不穩好易影響到bb的

私人傳訊

Tatalo

複式洋房

積分: 172

10^#

發表於 07-7-19 10:58 |只看該作者

我有個 friend 同你個 case 差唔多, 佢老公同一個女子好 close, 但你個女子係我個 friend 既同事, 又係佢地個女既契媽, 唯一唔同就係呢個女子係單身. 佢地又係個個星期見面, 聽我個 friend 講, 我就覺得個女子鍾意佢老公, 我個 friend 同佢老公講過好多次, 有時會好啲. 過左幾年佢老公最後慢慢同呢個女子疏遠. 依家冇事啦. 所以你一定要同你老公反映你既唔開心, 但唔係同你老公嘈, 好好地同佢傾, 我相信佢會明白既.:lol:

私人傳訊

mimitam88

民房

積分: 98

11^#

發表於 07-7-19 13:20 |只看該作者

同意Japenese既意見,一定要同你老公心平氣和傾,千其唔好嘈!
男人最憎女人嘈嘈閉
況且妳老公覺得自己只不過當個女的係朋友,佢覺得自己光明正大,
咁既情況之下嘈佢,佢會更加反感
我完全明白妳既感受,希望妳唔好唔開心啦
祝妳生個肥肥白白既BB,同埋果個女人快d遠離妳地

原文章由 Japenese 於 07-7-19 09:28 發表
樓主，小心呀，做戲又好，現實又好，呢個時候你都收一收火，一來對bb好，二來通常男人呢個時候就最「軟弱」，老婆煩，佢就出去ga la，咁就多機會見人地多過見你，加上你好快生，生後又少d時間理個c6，到時佢就更 ...

私人傳訊

mo777777

別墅

積分: 704

12^#

發表於 07-7-19 14:46 |只看該作者

保持冷靜, 好好同老公講清楚你既唔開心.

私人傳訊

莎莎莉莉

伯爵府

積分: 17389

好媽媽勳章

13^#

發表於 07-7-19 15:39 |只看該作者

所以, 小器就話, 女人有時管住老公, 係應該的
好多男人都係咁, 開頭成日都話無野無野, 但係, 當有事情發生, 佢就只會識話, 佢都唔想, 佢都唔知點...

我不滿會講出來, 試過俾男友話我有無搞錯, 佢點會鍾意果個女仔云云, 又話佢唔靚, 自己點會咁無眼光

但係, 女人的直覺就係直覺., 有啲野, 小心駛得萬年船, 除非你唔在乎呢個男人.

你老公呢庭, 都係典型男人優柔寡斷的了. 同佢講, 當係俾左通諜佢啦

私人傳訊

petchara

民房

積分: 2

14^#

發表於 07-7-19 16:23 |只看該作者

如果講唔出口, 寫低你既顧慮與心思讓佢明白, 話俾佢聽你同BB依家都好需要佢留係身邊, 而最重要係好好準備BB既來臨, 唔好攪到自己唔開心, 用柔情來提醒佢你先係佢背後既女人, 共同渡過下半生的人。趁未出事好好溝通! 你既情緒會影響BB架, 開心d啦!

私人傳訊

manman2001

洋房

積分: 89

15^#

發表於 07-7-19 17:31 |只看該作者

我是男人也覺得結婚後應較少和異性聯絡，男人也很怕女人問長問短，如果可以大家再說清楚，你又可以說大肚也應花多些時間陪你，免日後坐月時他更多時間。

私人傳訊

積分: 2141

16^#

發表於 07-7-19 19:24 |只看該作者

我都好認真咁同佢講過...話我就生啦, 你唔好留低我一個, 多d陪下我. 其實同佢講呢樣野, 係因為佢呢輪成日為佐d無聊理由遲返, 或者食完飯就趕住出去, 話買野, 睇玩具咁, 佢又渣電單車, 我係唔會跟住去, 我擔心都din, 成日自己亂諗野, 所以同佢講,講佐真係好d

不過尋晚佢生日, 我估唔到佢都要出街之嘛

唔知點解...講佐點解唔開心之後, 餘下既只有anger
好嬲, 好忟憎, 尋晚成晚d眼淚無停過, 眼好痛好痛咁去瞓
今日返工con都戴唔到

今日放工, c6黎接我放工, 我真係0即都笑唔出
有一句無一句咁答下佢, 我不嬲都係開心唔開心都係面上既人黎
實在笑唔出, 佢問我仲係咪嬲, 我都唔知答佢咩好

睇晒你地d回應, 食飯時d火都走咁d
都有對答下
呢件事我諗又係不了了之, 因為佢永遠唔會提出解決辨法
又係等下次再發生同樣既事(因為同樣既事之前都發生過一次, 一樣..不了了之, 我自己迫自己忘記佢)
咩事次次都要我諗點解決0者, 自己諗下好唔好?!

要客觀,冷靜+柔情...好難, 我盡量
我知, 如果迫到佢走去個女人度係on居, 之但係我真係唔知點
我朋友話佢出去都要死跟, 一個要死跟既男人....唉....我覺得自己好折墮, 跟又點, 一個男人要走, 跟唔到既
其實我都好傻咁試過跟一排, 之但係我一黎個肚越黎越大, 二黎老公直頭同我講d朋友笑佢老婆跟住, 咁我唯有識趣d, 閃人

我知, 我知成日喊會影響bb, 好記得半年前我喊到精神崩潰咁滯, 只有諗住bb我先可以起返身. 我都希望喊少d, 想盡快忘記呢件事.

好憎個女人, 想殺死佢

[ 本文章最後由 clippy 於 07-7-19 20:29 編輯 ]

私人傳訊

Bching

複式洋房

積分: 139

17^#

發表於 07-7-19 20:23 |只看該作者

佢會唔會有產前抑鬱症呀！男人都可以有嘅噃！

始終多咗個bb，責任大咗好多，仲有樣樣都係$$$$，第時仲要幫手湊仔，冇得成日出街玩.....所以e家好想出佢搵多dfd開心吓,不過咁q個女仔係佢個fd個妹好容易撞到..，佢可能真係當埋個女仔係妹啫噃，況且老實講佢唔可以管住人哋個妹架.....

再且可能佢根本未有心理準備...接受唔到做人爸爸...抑鬱咗tim，繼而心情煩燥....而你又時時對佢疑神疑鬼....成日唔開心...咁佢煩上加煩，更加怕咗係屋企對住你la！...避得就避吓先...煩事兩個對住面黑黑

避吓避吓！本應佢對個女仔到冇乜feel，你提得多咗，攪到佢又留意得多咗，點知個女嘅真係冧你老公。咁！幣la！你未俾晒機會同籍口佢哋囉！分分鐘鐘無無情情雙手送咗個老公俾人。

唔好再專登係佢面前提個女la，挑起佢留意個女條根就大o落。
本應佢都唔留意佢，俾你講到佢唔講唔覺，講多幾講佢又有dfeel到個女冧佢，個女真係送上門有時好難拒絕的，尤其是為咗表現自己仲有女b冧，幾威呀！

開心d無好黑口黑面

，氹吓佢留底陪你，同佢講bb同你都好需要佢係身邊支持，千祈唔好用命令或威迫嘅語氣留住佢。男人受軟唔受硬的。

原文章由 clippy 於 07-7-19 19:24 發表
我都好認真咁同佢講過...話我就生啦, 你唔好留低我一個, 多d陪下我. 其實同佢講呢樣野, 係因為佢呢輪成日為佐d無聊理由遲返, 或者食完飯就趕住出去, 話買野, 睇玩具咁, 佢又渣電單車, 我係唔會跟住去, 我擔心都 ...

私人傳訊

積分: 2141

18^#

發表於 07-7-19 20:41 |只看該作者

我就唔知佢係咪產前抑鬱, 我就黎比佢搞到係

佢同個女仔既野, 自己囉黎, 一dddd都唔關我事
係佢自己同人0岩傾, 一個月send百幾個sms, 講無聊野, 我同佢講, 講笑咁講又講過, 認真講又講過, 要避忌, 會出事, 無人聽我講

, 直到人地真係同佢講中招啦, haha~佢就先話噢no, 乜咁架. 之但係無人理過我點諗囉, 個女仔仲可以send個sms黎say sorry, 話講下笑, 無心搞我屋企, 好笑咩???我一丁點兒都唔覺. 如果你依家比我去打巴佢, 又唔會比人拉, 我打佐好耐

我跟本就唔想提起個女子, 係個女子自己死入黎我既生活, 無啦啦叫我老公旅行幫佢買野, 我老公生日, 關你咩事0者~ leave us alone pls.

近排佢出去, 我係自己亂諗, 不過無同佢講過, 只係講話我就生, 不如去出少d街咁, 都無比黑面佢睇, 呢大半年黎, 我黑面, 喊, 基本上只有一個原因, 就係個死8婆

氹吓佢...我真係要比時間自己先可以
我除佐迫自己忘記, 我諗唔到更好既方法
本來我呢幾個月過得好好, 差唔多可以忘記, 做咩事我老公生日又搞事0者, 咁多人死唔見你死~!
其實女人都係受軟唔受硬的, 可惜, 無人理我

[ 本文章最後由 clippy 於 07-7-19 20:44 編輯 ]

私人傳訊

canies

翡翠宮

積分: 96537

19^#

發表於 07-7-19 20:46 |只看該作者

咁我都相信你老公係「清白」嘅!
覺得佢係諗住ＢＢ出世後冇得玩先咁鐘意去街.
版主,呢個時候点都係軟功ka la.
得閒捉佢手摩下你個肚,等佢feel下ＢＢ,
扮ＢＢ send sms 俾佢,
提醒佢就嚟做人爸爸.

私人傳訊