冇記性,成日做錯野,唔明又答ok, 又唔問, 事後相隔好耐先問 (例如我有時叫佢煮餸落米酒, 佢煮左半年之後先問邊支係米酒, 原來佢一直用左支醋, 但因為落得少, 我得一次覺得酸酸地, 以為食物變壞左, 而佢又瞓左, 所以我冇問佢), 有時我即刻問番佢我講乜, 佢先話唔知某個字點解… 呢d基本野每日發生無數次, 但如果態度好, 肯認錯, 肯改, 我係可以忍的. 但佢唔係囉, 成日博咀,黑面,次次做錯野都話係我講錯,好在我大部份都係寫低叫佢點做點做, 唔係當面同佢講的, 俾番佢睇證據, 佢仲惡過我, 仲發脾氣沖出門口,做左半個月已經發生第一次, 當時我同佢關係冇問題的. 當晚佢同我道歉, 我就諗住俾一次機會佢, 點知原來呢d人, 一次機會都唔應該俾.
佢話我曾經講, 如果佢煮飯, 我就加佢人工, 但我冇講過, 我話煮飯係人工包埋架, 佢話來之前唔知要煮飯, 以為淨係睇住bb, 話agent冇同佢講，咁唔係我的問題吖, 你來做helper 就係要做家務同照顧bb, 只要係合理的就要做.佢知我要返工, 得佢同bb 在家, 如果佢唔知要煮飯,真係唔知佢諗住邉個會煮俾佢食.
之後愈來愈衰, 做錯或唔記得都唔俾人地教多一次, 覺得人地侮辱佢智慧, 我叫佢做多一次, 佢就好大力咁搶我手上的野示範, 一面做一面好惡咁望住我一路話好簡單啫. 有時同佢講完d野, 想confirm 一下佢, 問多佢一次, 或我用唔同的句子演繹多一次, 佢就黑面唔耐煩, 好惡咁答我, 又叫我唔好再repeat, 話我已經講過, 仲話you are very noisy, 搞到佢頭痛添. 有一次佢直情唔肯行來做多一次, 坐梳化度同我講 I don’t like, 我要警告佢如果我叫你做,你唔做, 我可以即炒你唔洗賠, 佢先死死地氣行過來做.佢唔只一次從我手上搶走d野, 我話佢整到我好痛, 佢仲要問我”are you sure”咁, 冇諗過道歉, 跟住我好嬲咁行出去想關埋門, 佢竟然用腳頂住唔俾我關, 於是我好大聲叫佢關門, 佢唔關, 仲好寸咁望住我講菲律賓話, 佢應該鬧緊我, 我冇理佢, 再叫佢關門佢都唔聽, 我老公行埋來問咩事佢先即刻關.
每日都做緊的野都可以日日都錯, 今日做完, 第二日又問, 一係唔問就一定做錯.我已經俾左schedule 同reminder叫佢跟住做, 但佢唔拿出來睇, 到佢做錯做漏我問佢schedule或 reimnder點寫, 佢先拿出來睇先知自己錯, 即係佢唔係唔明我張schedule啦, 於是我叫佢一個星期拿出來睇一兩次, 佢都係唔睇, 仍然繼續錯, 咁我叫佢每日下午睇囉, 因為下午bb瞓覺時佢已經冇野做, 坐o係度休息. 但佢仍然唔理我. 只會坐o係度休息.
有次我問佢點解某一樣野唔留番bb下午瞓覺時做, 我話你都好多時可以坐低休息啦, 佢話唔係,話我屋企好多野做. 然後第二日我放假, bb瞓覺時佢問我佢可唔可以喱埋o係房, 我串佢’你唔係話好多野做咩’, 佢話佢做完晒, 跟住我就叫佢清潔每個星期清潔一次的地方, 佢話佢第二日會做, 我叫佢唔好等第二日, 佢仲要問我點解, 今日同聽日有咩分別,我話因為我在家可幫手照顧bb, 其實真係唔想睬佢, 叫你而家做咪做囉, 仲要解釋你聽, 你先係老細呀.
佢仲偷偷地叫我媽買野食同M巾俾佢, 話放假唔記得買, 我媽唔話我知,又唔敢收番佢錢, 佢又將呢d野食收在佢衣櫃內.
叫佢屋企d野差唔多用晒前幾日要通知我, 佢淨係識叫我買佢d咖啡, 其他乜都係用到最後一日先叫我買, 唔常用的冇留意係正常, 但常用的都係咁.
經常月尾二十幾號就叫我出糧, 話屋企等錢用, 如我唔提早出, 佢就日日問,一日問幾次,煩住我.叫佢做野, 佢會問左我今日出唔出到糧先.
自問我屋企冇咩野做, 食飯佢食先, 我食佢口水尾, 夜晚都係我睇個仔, 佢休息, 從來冇試過半夜起身幫手, 就算聽到我仔喊都冇見過佢有起過身.朝早我媽又來幫手睇住個仔, 所以清潔煮飯上午已做好晒,佢淨係午飯後直到我放工返到屋企先要單獨睇住我個仔, 呢段時間除左換片餵飯餵奶沖涼就冇乜其他野做.
我知佢正在找下一位受害者, 我已fax 到入境處要求blacklist, 但各位都要留意唔好請佢.
發表於 
返回列表
