Baby Kingdom - 親子王國 香港 討論區 › 首頁 › 自由講場› 請不要再回應

自由講場

收藏本版
發帖
返回列表
跳至頁
請不要再回應 [複製鏈接]

首頁
12345...13

尾頁
   0
tazjenny


大宅

積分: 1976

畀面勳章


1#
發表於 07-7-11 15:14 |只看該作者
睇完7月9日的鏗鏘集, 非常憤怒......亦有感而發!
(首先聲明我絕唔係歧視餵人奶, 我十分認同亦覺得餵人奶的媽媽係最偉大的)

我的bb一月出世, 我非常主張餵人奶, 亦餵左大約個半月
不過我因為bb出世時留院個幾星期, 佢已經唔懂得埋身食,
所以我以泵出黎餵的方式堅持左大約個半月!

後期越黎越少奶, 最後就放棄餵人奶, 不過我無覺得係錯,
因為媽媽並唔係提供奶比bb咁簡單, 一個健康既身體,
一副健康既精神都一樣咁重要!

但係睇完7月9日的呢一集 鏗鏘集: 最好的配方
我真係好嬲, 覺得自己餵奶粉就好似被歧視一樣!
睇完亦多左好多無形的壓力, 我問自己 : 我餵奶粉真係錯?
放棄餵人奶真係錯? 我係咪對唔住bb? 日後bb多病痛就係我既責任?

今朝仲send左一封廣管局, 內容如下 :



本人是一個半歲嬰兒的媽媽, 嬰兒現在是食奶粉的 (頭個半月食人奶), 09/07/07看過鏗昌集後極度反感! 認為該集節目誤導觀眾!

該集原意是好的, 因為人奶確實有豐富營養供給嬰兒, 本人亦非常讚成餵人奶, 但餵人奶確實要很多因素配合, 而餵人奶的媽媽確實亦有一定壓力, 該集節目將人奶與奶粉作比較, 得出結論將奶粉說到一文不值一樣! 如果一個正值準備餵人奶的媽媽看到, 確實對該媽媽加上一定的壓力!

節目內容提及菲律賓的媽媽因為水質問題, 餵人奶確實會比奶粉好, 但係香港沒有此情況, 水質絕不影響奶粉的質素, 將兩者作出比較確實不公平! 確實取用的比較例子絕對錯誤, 將兩個水平不一的國家作比較, 事實就會不一樣!

奶粉既配方跟母乳已經很相近, 相信對身體絕對沒有影響, 如果奶粉對嬰兒真的沒有好處, 為何香港仍可進口奶粉? 內容提及奶粉營養過多, 會導致小童有肥胖症, 但不代表食奶粉就一定會有該症, 因同時亦要視乎嬰兒的體質而定?

餵哺母乳亦很視乎媽媽的體質及心情, 如果一個正在餵母乳的媽媽看到會有壓力, 而一個因某些因素不能餵母乳的媽媽看到, 就會形成罪疚感! 至少我便是其中的一個! 如果媽媽真的未能供人奶給嬰兒, 是否嬰兒就不用吃奶?

希望該節目的負責人出來對我們一班餵奶粉的媽媽還一個公道? 因我們餵奶粉不是罪不是錯!

[ 本文章最後由 tazjenny 於 07-7-13 15:43 編輯 ]
私人傳訊

RonicaKwok


侯爵府

積分: 20366


2#
發表於 07-7-11 15:29 |只看該作者
你封信寫得好好!!

唔好為左提倡餵母乳就死谷爛谷 D 所謂 "資訊節目"!! 4月既鏗鏘集講牛奶壞處已經嚇親我地 D 奶粉媽媽, 7月又鏗鏘集又黎一次!

佢地係唔係想嚇到我地唔餵人奶唔得呢?!

如果係要提倡餵母乳, 今日報紙又做咩要講 DHA 同 ARA 既奶粉對 BB 健康有幫助?!

原文章由 tazjenny 於 07-7-11 15:14 發表
睇完7月9日的鏗鏘集, 非常憤怒......亦有感而發!
(首先聲明我絕唔係歧視餵人奶, 我十分認同亦覺得餵人奶的媽媽係最偉大的)

我的bb一月出世, 我非常主張餵人奶, 亦餵左大約個半月
不過我因為bb出世時留院個 ...
私人傳訊

smaller


別墅

積分: 695


3#
發表於 07-7-11 15:34 |只看該作者
agree too , 因我兩個小朋友都係食奶粉大, 身體健康:lol
私人傳訊

foreverbb


大宅

積分: 1485

好媽媽勳章


4#
發表於 07-7-11 15:40 |只看該作者
我都同意餵人奶好,但係香港地,有幾多媽咪係唔洗做,日日係屋企餵人奶?有D國家可以放成年產假,我地有冇?就算pump奶都唔係容易,返返下工又要掛住d奶,做媽咪真係好大壓力!我地咪又係食奶粉大,唔通依家去怪阿媽點解以前唔俾人奶我地食咩?D人講就容易,一D都唔體諒下餵唔到人奶既媽咪,我都曾經試過因為餵唔到人奶而自責,仲不斷喊,但係依家見BB聰明伶俐,覺得自己好傻.我唔餵人奶唔代表我唔愛佢啫!唔通冇餵人奶就唔係偉大既媽咪咩?!我覺得似係我地俾人歧視多D囉!!

私人傳訊

alleeckw


伯爵府

積分: 15661


5#
發表於 07-7-11 15:43 |只看該作者
講得好....餵奶粉唔係一定唔好的
私人傳訊

BoscoChow


大宅

積分: 2081


6#
發表於 07-7-11 15:51 |只看該作者
原文章由 tazjenny 於 07-7-11 15:14 發表
睇完7月9日的鏗鏘集, 非常憤怒......亦有感而發!
(首先聲明我絕唔係歧視餵人奶, 我十分認同亦覺得餵人奶的媽媽係最偉大的)

我的bb一月出世, 我非常主張餵人奶, 亦餵左大約個半月
不過我因為bb出世時留院個 ...


平常心啦, 佢哋唔知好多媽咪係無奶架,
我就係其中一個, 由始至終都無谷過,
都餵唔到半個月, 我覺得係e院個陣d對待仲hurt啦

不過bb健康活潑我都無理佢囉, 仲之而家有朋友去
政府生仔, 我都叫佢哋話餵奶粉, 以防萬一呀嘛:loveliness:
費事攪到亞b無得吃就慘啦
私人傳訊

ansonbbma


翡翠宮

積分: 77172

好媽媽勳章 醒目開學勳章 畀面勳章 環保接龍勳章


7#
發表於 07-7-11 15:53 |只看該作者
原文章由 alleeckw 於 07-7-11 15:43 發表
講得好....餵奶粉唔係一定唔好的


我仔仔都係餵奶粉,身體都好健康
私人傳訊

RonicaKwok


侯爵府

積分: 20366


8#
發表於 07-7-11 15:57 |只看該作者
係, 就算D媽媽返工都堅持響公司 pump 奶又點?! 香港有幾多公司可以提供到一間房比媽媽 pump 奶?! 個個媽媽都要 "呢" 埋響臭氣沖天既 toilet 入面 pump!!! 一下唔小心帶埋 D 大腸幹菌返屋企, 到時仲自責呀!!

我地產假只得 10個星期, 大陸都有半年啦! 仲可以響 lunch time 以外 additional 享有一個鐘頭既時間比你返屋企餵人奶呀!!

我地香港國際大都會, 有咩配合我地呢 D 在職媽媽呀!

政府唔好得個講字啦~ 講下就可以餵人奶咩, 講下就可以生3個咩!
我地要支援呀!

原文章由 foreverbb 於 07-7-11 15:40 發表
我都同意餵人奶好,但係香港地,有幾多媽咪係唔洗做,日日係屋企餵人奶?有D國家可以放成年產假,我地有冇?就算pump奶都唔係容易,返返下工又要掛住d奶,做媽咪真係好大壓力!我地咪又係食奶粉大,唔通依家去怪阿媽點解以 ...

[ 本文章最後由 RonicaKwok 於 07-7-11 15:58 編輯 ]
私人傳訊

fannyman07


大宅

積分: 3233


9#
發表於 07-7-11 15:57 |只看該作者
我同意食人奶可能對bb好但未必個個食人奶bb都好有抵抗力小d病痛,,我三個小朋友都係食奶粉,出世到3歲期間都無病無痛,我阿嫂同我舅母餵全人奶,兩個都唔煙唔酒唔夜訓三餐定時果類人,但佢地兩個細路在1歲前都試過病,所以我唔認同餵人奶一定抵抗力好過餵奶粉,果日我睇tv都覺得tvb好似講到餵奶粉一文不值甘,講真如果餵奶粉係唔好就唔應該入口奶粉,立例一定要餵人奶啦,仲有如果真係餵人奶都要有地方餵先得架,育嬰室有邊到有真係可以數得出,再加上口臭d講萬一媽咪生bb時死左,甘個bb又唔可以食奶粉,唔通食屎呀?同埋媽咪體質既因素未必人人都可以餵到,食奶粉就一定肥架咩??都要視乎bb本人吸唔吸收到先得架,我都見過有d食人奶肥過食奶粉既bb啦向健康院,又咪係大有人在...
私人傳訊

若離


民房

積分: 20


10#
發表於 07-7-11 16:01 |只看該作者
原文章由 tazjenny 於 07-7-11 15:14 發表
睇完7月9日的鏗鏘集, 非常憤怒......亦有感而發!
(首先聲明我絕唔係歧視餵人奶, 我十分認同亦覺得餵人奶的媽媽係最偉大的)

我的bb一月出世, 我非常主張餵人奶, 亦餵左大約個半月
不過我因為bb出世時留院個 ...


妳講得好岩,好支持妳!!!!
餵人奶係好,餵奶粉都唔係錯!

我好憎d人"人奶主義"至上,搵奶粉媽咪黎踩, 餵奶粉無罪!

[ 本文章最後由 若離 於 07-7-11 16:03 編輯 ]
小辣椒
私人傳訊

靚叉燒


男爵府

積分: 5039

畀面勳章


11#
發表於 07-7-11 16:02 |只看該作者
其實個節目只係想 D廣告商過份姐(我覺得...)不過d內容有小小偏激左咁lo......(我路過架咋...唔0岩聽唔好我...當睇我唔到...... )
私人傳訊

tazjenny


大宅

積分: 1976

畀面勳章


12#
發表於 07-7-11 16:02 |只看該作者
其實我並唔係怪任何一方面, 只係唔想呢個節目誤導人,
餵人奶既睇到真係會有壓力, 我地餵奶粉睇到既又會內疚唔開心

你要開個節目宣揚餵人奶好, 但係唔需要踩低奶粉......

你用呢個手法去介紹, 只會令我地呢班奶粉媽媽反感!
私人傳訊

若離


民房

積分: 20


13#
發表於 07-7-11 16:06 |只看該作者
原文章由 tazjenny 於 07-7-11 16:02 發表
其實我並唔係怪任何一方面, 只係唔想呢個節目誤導人,
餵人奶既睇到真係會有壓力, 我地餵奶粉睇到既又會內疚唔開心

你要開個節目宣揚餵人奶好, 但係唔需要踩低奶粉......

你用呢個手法去介紹, 只會令我地 ...


冇錯,奶粉媽咪都要voice out!
小辣椒
私人傳訊

++E


別墅

積分: 691


14#
發表於 07-7-11 16:07 |只看該作者

餵奶粉有錯嗎

我想問呢個世界上係咪會有人鐘意同錢 "作對" 既呢 ?
我都知餵人奶好, 但有無人諗過好多因素會另媽咪餵唔到人奶 !!!
節目中有個媽咪話如果 BB 食人奶病痛都小 D , 媽咪就唔洗成日請假對社會係一件好事.... 我想問有邊個爸爸媽媽想自己既小
朋友有病...
就算餵人奶係咪代表百份百對 BB 有益?? 就較早前我係 B K 度睇過有個 POST, 內容係講餵人奶既故事, 大家一齊分享下


http://discuz.baby-kingdom.com/viewthread.php?tid=1020789&extra=page%3D1&page=1
私人傳訊

alleeckw


伯爵府

積分: 15661


15#
發表於 07-7-11 16:08 |只看該作者
原文章由 fannyman07 於 07-7-11 15:57 發表
我同意食人奶可能對bb好但未必個個食人奶bb都好有抵抗力小d病痛,,我三個小朋友都係食奶粉,出世到3歲期間都無病無痛,我阿嫂同我舅母餵全人奶,兩個都唔煙唔酒唔夜訓三餐定時果類人,但佢地兩個細路在1歲前都試過病 ...



FANNY姐..講得好~~~~~~~~~~:mrgreen: :mrgreen:
私人傳訊

waiwing


大宅

積分: 3363


16#
發表於 07-7-11 16:08 |只看該作者
我個仔一滴人奶都無飲過，原因係我生完佢個陣仲吊緊鹽水，隔左２日見佢飲開奶粉就由得佢飲奶粉，好彩佢出世到而家都唔係話太多病痛，其實而家既奶粉配方已經係好接近好接近人奶架啦，係d人而家成日鼓吹食人奶姐，我阿媽話我地３姐弟一滴人奶都無飲過咪又係咁∼∼
唔該唔好歧視我地無餵人奶既媽媽呀！！！
私人傳訊

ha8mo


禁止訪問

積分: 25495


17#
發表於 07-7-11 16:12 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

金豬媽媽


別墅

積分: 849


18#
發表於 07-7-11 16:13 |只看該作者
"餵哺母乳亦很視乎媽媽的體質及心情, 如果一個正在餵母乳的媽媽看到會有壓力, 而一個因某些因素不能餵母乳的媽媽看到, 就會形成罪疚感! 至少我便是其中的一個! 如果媽媽真的未能供人奶給嬰兒, 是否嬰兒就不用吃奶?"


tazjenny,
你講得好啱, 我也是其中一個. 這輯鏗鏘集令我地餵奶粉的一群媽媽覺得好似是錯的, 形成罪疚感咁, 一路睇我兩個囡囡一路問我佢地有無飲媽咪d人奶, 我就好正面咁答佢媽咪曾經努力嘗試餵人奶, 但因種種因素未能成功, 所以最後選擇奶粉比我2個寶貝, 2個依家都好健康好可愛.
私人傳訊

eeb


水晶宮

積分: 51073

至尊種植勳章 醒目開學勳章 畀面勳章 環保接龍勳章


19#
發表於 07-7-11 16:13 |只看該作者
份報紙話"對於未能餵哺母乳的母親，他建議父母應考慮奶粉中DHA和ARA的成份"


jenny,
我明白妳既憤怒，但作為人奶媽媽，我都唔知講乜嘢好，因為香港社會普遍係對人奶媽媽唔公平，好多人唔學似妳咁明白人奶既好處，甚至以為人奶唔及奶粉好，令好多人奶媽媽聽盡好多說話，政府/社會對餵哺母乳既配套亦少之又少，相反奶粉廣告就多得很。

我仲記得當初一齊o係醫院jit奶既日子，妳希望餵人奶俾bb既心情同努力，我可以做証，餵過，之後種種原因唔能夠繼續餵而改餵奶粉，一d都唔係錯，何況妳咁錫仔仔，又勞心勞力去照顧，無繼續餵人奶並唔代表妳唔係偉大既媽媽。

至於bb日後多病痛... ... 我自己既例子，係我一滴人奶都無嚐過，而我媽咪當時相當餵好既奶粉，大個d飲玻璃樽鮮奶，就係最有營養、最好，結果我因為對牛奶敏感，由5歲起飽受哮喘煎熬，當時無人知道"牛奶敏感"，及至最近我媽媽仍為此內疚﹗﹗

雖然好多小朋友飲奶粉都健健康康，但讓媽媽/準媽媽，及奶奶們認識母乳既好處都好重要，而且那一集鏗鏘集係針對不摘手段、利字當頭既奶粉商，唔係餵奶粉既媽媽。

再者，我都餵咗差唔多半年人奶，身邊真係好多人叫我轉餵奶粉，因為佢地以為餵人奶餵到bb半歲就乜嘢營養都無 但事實係人奶餵到兩歲或以上都好有營養，不過半歲起要開始加固體食物，我解釋十萬次之後d人都係選擇唔信，但電視講一句，d人又開始信，妳話點樣去平衡呢。




-.-.-.-.-.-.-.-.-.-.-.-.-.-.-.-.-
母乳含DHA及ARA 嬰兒毋須食特別奶粉 (頭條日報)

2007年7月11日

　　 　初生嬰兒體抗力較弱，身處空氣污染問題嚴重的香港，感染呼吸道疾病的風險大大提高；首項醫學研究顯示，DHA（二十二碳六烯酸）和ARA（花生四烯酸）有助提升兒童呼吸道健康，有兒科醫生表示，母乳已為嬰兒提供最足夠的營養。


　　兒科專科醫生譚一翔表示，本港兒童感染呼吸道疾病相當常見，根據威爾斯醫院於八四年至二千年的兒童入院人次中，三成八兒童因呼吸道疾病而入院，但首項醫學研究顯示，嬰兒飲用每一百卡路里含十七毫升DHA和三十四毫升ARA的奶粉，有助減低支氣管炎和小支氣管炎。

　　DHA和ARA不能由人體製造，但可從一般動物和植物脂肪獲得。市面不少奶粉標明含有豐富DHA和ARA，兒科專科醫生譚一翔指出，對於未能餵哺母乳的母親，他建議父母應考慮奶粉中DHA和ARA的成份，但他強調，其實母乳已能給予嬰兒最好的營養和免疫能力，按嬰兒本身需要，自動調節DHA和ARA的份量，母親只要飲食均衡，餵哺的人奶便具足夠營養，毋須刻意進食某些食物。對於本身患有呼吸道疾病的嬰兒，譚相信DHA和ARA具其作用，但始終不是藥物，故成效未必顯著。


　　聯合國糧農組織和世界




原文章由 RonicaKwok 於 07-7-11 15:29 發表
你封信寫得好好!!

唔好為左提倡餵母乳就死谷爛谷 D 所謂 "資訊節目"!! 4月既鏗鏘集講牛奶壞處已經嚇親我地 D 奶粉媽媽, 7月又鏗鏘集又黎一次!

佢地係唔係想嚇到我地唔餵人奶唔得呢?!

如果係要提倡餵母 ...
私人傳訊

Teresa


珍珠宮

積分: 35965

畀面勳章


20#
發表於 07-7-11 16:15 |只看該作者
我對個節目冇乜comment, 我都知人奶係好. 不過, 唔係想餵就餵到.

我個仔出生時係緊急開刀, 我仲發燒. 生完之後日幾至上番病房. 當時我根本冇能力餵人奶 (雖然我一心想餵). 姑娘梗係比左奶粉bb食先啦.

因為我仔之後又入左2日icu, 而我又落唔到床, 我只係o係出院前一日至餵到少少人奶. 姑娘已經好helpful幫我. 不過因為個仔用左幾日奶樽, 到埋身餵已經唔掂.

返到屋企, 我都有堅持架. 不過個仔啜到我流哂血, 我要忍痛, 佢又飲血, 健康阮姑娘叫我唔好夾硬黎, 最後都只係用pump, pump到冇為止.

我覺得, 好似我個case咁, 唔通要餓個bb咩? 我辛苦, 情緒唔好, 對bb, 對家人, 對自己都係一種壓力. 而餵左奶粉之後, 屋企人幫到我餵, 自己有得休息, 未嘗唔係一個好既choice.

我都希望, 人地唔好戴有色眼鏡去blame我唔餵人奶!
私人傳訊


首頁
12345...13

尾頁

跳至頁
返回列表
回覆
發帖

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見