自由講場今日: 2321|主題: 1355422

收藏本版

發帖

返回列表

跳至頁

查看: 400 | 回覆: 6

童年回憶 [複製鏈接]

JennyKwok

大宅

積分: 2735

1^#

發表於 07-7-27 17:33 |只看該作者 |倒序瀏覽 |打印

小時候的回憶令我難忘, 在屋邨長大的我, 夏季時候, 差不多家家戶戶都會開鐵閘坐在門外訥涼, 我最鍾意到泳儀家玩, 她有4姊弟, 泳儀係大家姐, 對下有潔儀, 文泰, 敏儀, 她母親及爸爸開設眼鏡廠, 早出晚歸, 照顧他們的是嫲嫲,. 她嫲嫲好仁慈, 笑容時常掛在咀邊, 我地每次都彈吓彈吓就彈到佢屋企玩, 有時佢家裡無人時我會與另一班朋友翠蓮玩, 翠蓮大我一歲, 她媽媽生了
<半打>
兒女, 大哥阿榮, 翠蓮, 鳯蓮, 華記, 綺蓮, 佩蓮!! 她們非常搗蛋, 時常生事, 每次聽到他們兄妹慘叫及啼哭時, 都會話
<梗係又頑皮, 又比張師奶教訓>, 果時她媽咪好鍾意用沙滕來打他們, 見到佢地每人隻手及腳都印有一圈一圈的滕條印, 都有點心寒! 我會慶幸我父母未曾這樣打過我們, 最多都係買一至二條滕條用來
<靠嚇>!! 媽咪最多都係
<就手>
用手打我地pat pat便算了!!

小時候, 每日下午都會接兩個細佬放學, 有時早到我同亞妹會到附近遊樂場玩或到28座食魚肉魚翅 <兩渠>. D魚肉肉質彈牙, 到宜家我仲好回味!!

吃, 渴:
記得小時, 沒有現在這麼多零食, 屋邨時常有一些港式小食上樓賣, 有失明的叔叔背著個鐵箱叫賣: 魚皮花生南乳肉, 菠蘿乾, 紫薑, 檸檬乾, 五毫子一包; 有個亞嬸唔知係咪讀個心理學 (因為學生放學), 專係選擇係6點鐘就背著2邊蒸爐櫃, 有燒賣, 牛肉, 蒸粉粿; 細時我好鍾意在街頭食潮州夾餅, 格仔餅, 麥芽糖夾芝麻餅乾, 光頭伯伯拿著個鐵箱的叮叮糖; 在樓下松記士多買的可樂味孖條, 最喜歡同亞妹一人一邊; 30座<光頭佬> 的6毫子一包的雞蛋糖; 早上時常光顧的豬皮, 魚蛋, 特製豉油汁的糯米飯, 粉仔及豉油王炒麵; 食完可到對面飲杯豆漿或吃碗豆腐花; 但下雨就除外, 或可到粥舖吃碗生滾牛肉粥, 炸兩, 味道令我回味!! 下午有時老豆會叫我地拿著個 <pound> 去28座買牛腩麵, 我最鍾意佢d牛腩味濃, 肉質鮮嫩, 牛腩汁香濃, 我地有時食魚蛋麵都會叫加腩汁; 每日下午3點幾, 新樂園啲麵包就出爐了, 尤其是椰撻
, 撻底脆脆地好好食, 到宜家我都未找到一間麵包舖的椰撻有它咁好味!! 放學時我地好鍾意係學校側個間士多買野食, 個時3毫任選2粒糖;

玩, 樂:
小時沒有遊戲機打, 沒有電腦的時候, 我總會到對面小童群益會的圖書館看看書, 這裡有不同種類的圖書, 可以消磨大半天時間, 考試時期我亦喜歡到該處的自修室溫書, 腦袋會比較集中啲.

周六下午, 媽咪, 老豆會帶著我和妹妹, 兩個細佬到赤柱婆婆屋企玩, 過一晚夜後, 星期日晚才回家! 我地個時好鐘意同表哥, 表姐去捉蟬,及去河邊捉蝌蚪;

細時沒有現在這麼多玩意, 我地好鐘意玩射波子, 跳飛機, 耍盲雞,

中四那年, 海洋公園的水上樂園開幕, 我地每年都會有幾次一家人與細個姨一家人去玩, 一玩就大半天, 每次玩一個玩戲都要花1小時時間來排隊!!

0 0 0

私人傳訊

webjen

珍珠宮

積分: 45958

2^#

發表於 07-7-27 17:37 |只看該作者

邊條村?? :mrgreen:

我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!

私人傳訊

JennyKwok